| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৭. ৰনরোপসুত্তৰণ্ণনা
7. Vanaropasuttavaṇṇanā
৪৭. সত্তমে ধম্মট্ঠা সীলসম্পন্নাতি কে ধম্মট্ঠা, কে সীলসম্পন্নাতি পুচ্ছতি। ভগৰা ইমং পঞ্হং থাৰরৰত্থুনা দীপেন্তো আরামরোপাতিআদিমাহ। তত্থ আরামরোপাতি পুপ্ফারামফলারামরোপকা। ৰনরোপাতি সযংজাতে অরোপিমৰনে সীমং পরিক্খিপিত্ৰা চেতিযবোধিচঙ্কমনমণ্ডপকুটিলেণরত্তিট্ঠানদিৰাট্ঠানানং কারকা ছাযূপগে রুক্খে রোপেত্ৰা দদমানাপি ৰনরোপাযেৰ নাম। সেতুকারকাতি ৰিসমে সেতুং করোন্তি, উদকে নাৰং পটিযাদেন্তি । পপন্তি পানীযদানসালং। উদপানন্তি যংকিঞ্চি পোক্খরণীতল়াকাদিং। উপস্সযন্তি ৰাসাগারং। ‘‘উপাসয’’ন্তিপি পাঠো।
47. Sattame dhammaṭṭhā sīlasampannāti ke dhammaṭṭhā, ke sīlasampannāti pucchati. Bhagavā imaṃ pañhaṃ thāvaravatthunā dīpento ārāmaropātiādimāha. Tattha ārāmaropāti pupphārāmaphalārāmaropakā. Vanaropāti sayaṃjāte aropimavane sīmaṃ parikkhipitvā cetiyabodhicaṅkamanamaṇḍapakuṭileṇarattiṭṭhānadivāṭṭhānānaṃ kārakā chāyūpage rukkhe ropetvā dadamānāpi vanaropāyeva nāma. Setukārakāti visame setuṃ karonti, udake nāvaṃ paṭiyādenti . Papanti pānīyadānasālaṃ. Udapānanti yaṃkiñci pokkharaṇītaḷākādiṃ. Upassayanti vāsāgāraṃ. ‘‘Upāsaya’’ntipi pāṭho.
সদা পুঞ্ঞং পৰড্ঢতীতি ন অকুসলৰিতক্কং ৰা ৰিতক্কেন্তস্স নিদ্দাযন্তস্স ৰা পৰড্ঢতি। যদা যদা পন অনুস্সরতি, তদা তদা তস্স ৰড্ঢতি। ইমমত্থং সন্ধায ‘‘সদা পুঞ্ঞং পৰড্ঢতী’’তি ৰুত্তং। ধম্মট্ঠা সীলসম্পন্নাতি তস্মিং ধম্মে ঠিতত্তা তেনপি সীলেন সম্পন্নত্তা ধম্মট্ঠা সীলসম্পন্না। অথ ৰা এৰরূপানি পুঞ্ঞানি করোন্তানং দস কুসলা ধম্মা পূরেন্তি, তেসু ঠিতত্তা ধম্মট্ঠা। তেনেৰ চ সীলেন সম্পন্নত্তা সীলসম্পন্নাতি। সত্তমং।
Sadā puññaṃ pavaḍḍhatīti na akusalavitakkaṃ vā vitakkentassa niddāyantassa vā pavaḍḍhati. Yadā yadā pana anussarati, tadā tadā tassa vaḍḍhati. Imamatthaṃ sandhāya ‘‘sadā puññaṃ pavaḍḍhatī’’ti vuttaṃ. Dhammaṭṭhā sīlasampannāti tasmiṃ dhamme ṭhitattā tenapi sīlena sampannattā dhammaṭṭhā sīlasampannā. Atha vā evarūpāni puññāni karontānaṃ dasa kusalā dhammā pūrenti, tesu ṭhitattā dhammaṭṭhā. Teneva ca sīlena sampannattā sīlasampannāti. Sattamaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৭. ৰনরোপসুত্তং • 7. Vanaropasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৭. ৰনরোপসুত্তৰণ্ণনা • 7. Vanaropasuttavaṇṇanā
