| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
7. ванаробасуд̇д̇аван̣н̣анаа
7. Vanaropasuttavaṇṇanā
47. гзсанд̇и саамивасзна вуд̇д̇агасад̣̇д̣̇о ‘‘д̇хаммадтаа сийласамбаннаа’’д̇и зд̇т̇а бажжад̇д̇аб̣ахуважанавасзна барин̣аамзд̇аб̣б̣о. ад̇т̇авасзна хи вибхад̇д̇ивибарин̣аамо. гз ж̇анаад̇и зд̇т̇а ваа вуд̇д̇агзсад̣̇д̣̇о сийхавилогананаязна аанзд̇ваа яож̇зд̇аб̣б̣од̇и ааха ‘‘гз д̇хаммадтаа, гз сийласамбаннаа’’д̇и? бужчад̇ийд̇и иминаа д̇ад̇т̇а гааран̣амааха. палаад̣̇исамбад̇д̇ияаа аараманд̇и зд̇т̇а сад̇д̇аад̇и аараамо. аараамз робзнд̇и нибпаад̣̇знд̇ийд̇и аараамаробаа. ванийяад̇и чааяаасамбад̇д̇ияаа бхаж̇ийяад̇ийд̇и ванам̣. д̇ад̇т̇а яам̣ убаваналагкан̣ам̣ ванам̣, д̇ам̣ аараамаг̇г̇ахан̣знзва г̇ахид̇анд̇и д̇абованалагкан̣ам̣, д̇ам̣ д̣̇ассзнд̇о ‘‘сиймам̣ баригкибид̇ваа’’д̇иаад̣̇имааха. висамзд̇и уд̣̇агажигкаллзна висамз бад̣̇зсз. баанийяам̣ биванд̇и зд̇т̇аад̇и бабаа, д̇ам̣ бабам̣. уд̣̇агам̣ бийяад̇и зд̇т̇аад̇и ваа бабаа. д̇ал̣аагаад̣̇ийд̇и аад̣̇и-сад̣̇д̣̇зна маад̇игам̣ сан̇г̇ан̣хаад̇и.
47.Kesanti sāmivasena vuttakasaddo ‘‘dhammaṭṭhā sīlasampannā’’ti ettha paccattabahuvacanavasena pariṇāmetabbo. Atthavasena hi vibhattivipariṇāmo. Ke janāti ettha vā vuttakesaddo sīhavilokananayena ānetvā yojetabboti āha ‘‘ke dhammaṭṭhā, ke sīlasampannā’’ti? Pucchatīti iminā tattha kāraṇamāha. Phalādisampattiyā āramanti ettha sattāti ārāmo. Ārāme ropenti nipphādentīti ārāmaropā. Vanīyati chāyāsampattiyā bhajīyatīti vanaṃ. Tattha yaṃ upavanalakkhaṇaṃ vanaṃ, taṃ ārāmaggahaṇeneva gahitanti tapovanalakkhaṇaṃ, taṃ dassento ‘‘sīmaṃ parikkhipitvā’’tiādimāha. Visameti udakacikkhallena visame padese. Pānīyaṃ pivanti etthāti papā, taṃ papaṃ. Udakaṃ pīyati etthāti vā papā. Taḷākādīti ādi-saddena mātikaṃ saṅgaṇhāti.
имамад̇т̇ам̣ санд̇хааяаад̇и иминаа гаммаббат̇аббад̇д̇ам̣ бадигкибад̇и. ад̇д̇анаа гад̇ан̃хи бун̃н̃ам̣ ануссарад̇о д̇ам̣ аараб̣бха б̣ахум̣ бун̃н̃ам̣ басавад̇и, на бана яат̇аа гад̇ам̣ бун̃н̃ам̣ саяамзва бавад̣дхад̇и. д̇асмим̣ д̇хаммз тид̇ад̇д̇аад̇и д̇асмим̣ аараамаробанаад̣̇ид̇хаммз бад̇идтид̇ад̇д̇аа. д̇знаби сийлзна самбаннад̇д̇аад̇и д̇зна яат̇аавуд̇д̇ад̇хаммз гад̇асийлз тад̇ваа жин̣н̣зна д̇ад̣̇ан̃н̃знаби гааяаваажасигасам̣варалагкан̣зна сийлзна саманнааг̇ад̇ад̇д̇аа. д̣̇аса гусалаа д̇хаммаа буурзнд̇и д̣̇ужжарид̇абариваж̇ж̇анад̇о. сзсам̣ вуд̇д̇анаяамзва.
Imamatthaṃsandhāyāti iminā kammappathappattaṃ paṭikkhipati. Attanā katañhi puññaṃ anussarato taṃ ārabbha bahuṃ puññaṃ pasavati, na pana yathā kataṃ puññaṃ sayameva pavaḍḍhati. Tasmiṃ dhamme ṭhitattāti tasmiṃ ārāmaropanādidhamme patiṭṭhitattā. Tenapi sīlena sampannattāti tena yathāvuttadhamme katasīle ṭhatvā ciṇṇena tadaññenapi kāyavācasikasaṃvaralakkhaṇena sīlena samannāgatattā. Dasa kusalā dhammā pūrenti duccaritaparivajjanato. Sesaṃ vuttanayameva.
ванаробасуд̇д̇аван̣н̣анаа нидтид̇аа.
Vanaropasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. ванаробасуд̇д̇ам̣ • 7. Vanaropasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. ванаробасуд̇д̇аван̣н̣анаа • 7. Vanaropasuttavaṇṇanā
