| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੭. વਨਰੋਪਸੁਤ੍ਤવਣ੍ਣਨਾ
7. Vanaropasuttavaṇṇanā
੪੭. ਸਤ੍ਤਮੇ ਧਮ੍ਮਟ੍ਠਾ ਸੀਲਸਮ੍ਪਨ੍ਨਾਤਿ ਕੇ ਧਮ੍ਮਟ੍ਠਾ, ਕੇ ਸੀਲਸਮ੍ਪਨ੍ਨਾਤਿ ਪੁਚ੍ਛਤਿ। ਭਗવਾ ਇਮਂ ਪਞ੍ਹਂ ਥਾવਰવਤ੍ਥੁਨਾ ਦੀਪੇਨ੍ਤੋ ਆਰਾਮਰੋਪਾਤਿਆਦਿਮਾਹ। ਤਤ੍ਥ ਆਰਾਮਰੋਪਾਤਿ ਪੁਪ੍ਫਾਰਾਮਫਲਾਰਾਮਰੋਪਕਾ। વਨਰੋਪਾਤਿ ਸਯਂਜਾਤੇ ਅਰੋਪਿਮવਨੇ ਸੀਮਂ ਪਰਿਕ੍ਖਿਪਿਤ੍વਾ ਚੇਤਿਯਬੋਧਿਚਙ੍ਕਮਨਮਣ੍ਡਪਕੁਟਿਲੇਣਰਤ੍ਤਿਟ੍ਠਾਨਦਿવਾਟ੍ਠਾਨਾਨਂ ਕਾਰਕਾ ਛਾਯੂਪਗੇ ਰੁਕ੍ਖੇ ਰੋਪੇਤ੍વਾ ਦਦਮਾਨਾਪਿ વਨਰੋਪਾਯੇવ ਨਾਮ। ਸੇਤੁਕਾਰਕਾਤਿ વਿਸਮੇ ਸੇਤੁਂ ਕਰੋਨ੍ਤਿ, ਉਦਕੇ ਨਾવਂ ਪਟਿਯਾਦੇਨ੍ਤਿ । ਪਪਨ੍ਤਿ ਪਾਨੀਯਦਾਨਸਾਲਂ। ਉਦਪਾਨਨ੍ਤਿ ਯਂਕਿਞ੍ਚਿ ਪੋਕ੍ਖਰਣੀਤਲ਼ਾਕਾਦਿਂ। ਉਪਸ੍ਸਯਨ੍ਤਿ વਾਸਾਗਾਰਂ। ‘‘ਉਪਾਸਯ’’ਨ੍ਤਿਪਿ ਪਾਠੋ।
47. Sattame dhammaṭṭhā sīlasampannāti ke dhammaṭṭhā, ke sīlasampannāti pucchati. Bhagavā imaṃ pañhaṃ thāvaravatthunā dīpento ārāmaropātiādimāha. Tattha ārāmaropāti pupphārāmaphalārāmaropakā. Vanaropāti sayaṃjāte aropimavane sīmaṃ parikkhipitvā cetiyabodhicaṅkamanamaṇḍapakuṭileṇarattiṭṭhānadivāṭṭhānānaṃ kārakā chāyūpage rukkhe ropetvā dadamānāpi vanaropāyeva nāma. Setukārakāti visame setuṃ karonti, udake nāvaṃ paṭiyādenti . Papanti pānīyadānasālaṃ. Udapānanti yaṃkiñci pokkharaṇītaḷākādiṃ. Upassayanti vāsāgāraṃ. ‘‘Upāsaya’’ntipi pāṭho.
ਸਦਾ ਪੁਞ੍ਞਂ ਪવਡ੍ਢਤੀਤਿ ਨ ਅਕੁਸਲવਿਤਕ੍ਕਂ વਾ વਿਤਕ੍ਕੇਨ੍ਤਸ੍ਸ ਨਿਦ੍ਦਾਯਨ੍ਤਸ੍ਸ વਾ ਪવਡ੍ਢਤਿ। ਯਦਾ ਯਦਾ ਪਨ ਅਨੁਸ੍ਸਰਤਿ, ਤਦਾ ਤਦਾ ਤਸ੍ਸ વਡ੍ਢਤਿ। ਇਮਮਤ੍ਥਂ ਸਨ੍ਧਾਯ ‘‘ਸਦਾ ਪੁਞ੍ਞਂ ਪવਡ੍ਢਤੀ’’ਤਿ વੁਤ੍ਤਂ। ਧਮ੍ਮਟ੍ਠਾ ਸੀਲਸਮ੍ਪਨ੍ਨਾਤਿ ਤਸ੍ਮਿਂ ਧਮ੍ਮੇ ਠਿਤਤ੍ਤਾ ਤੇਨਪਿ ਸੀਲੇਨ ਸਮ੍ਪਨ੍ਨਤ੍ਤਾ ਧਮ੍ਮਟ੍ਠਾ ਸੀਲਸਮ੍ਪਨ੍ਨਾ। ਅਥ વਾ ਏવਰੂਪਾਨਿ ਪੁਞ੍ਞਾਨਿ ਕਰੋਨ੍ਤਾਨਂ ਦਸ ਕੁਸਲਾ ਧਮ੍ਮਾ ਪੂਰੇਨ੍ਤਿ, ਤੇਸੁ ਠਿਤਤ੍ਤਾ ਧਮ੍ਮਟ੍ਠਾ। ਤੇਨੇવ ਚ ਸੀਲੇਨ ਸਮ੍ਪਨ੍ਨਤ੍ਤਾ ਸੀਲਸਮ੍ਪਨ੍ਨਾਤਿ। ਸਤ੍ਤਮਂ।
Sadā puññaṃ pavaḍḍhatīti na akusalavitakkaṃ vā vitakkentassa niddāyantassa vā pavaḍḍhati. Yadā yadā pana anussarati, tadā tadā tassa vaḍḍhati. Imamatthaṃ sandhāya ‘‘sadā puññaṃ pavaḍḍhatī’’ti vuttaṃ. Dhammaṭṭhā sīlasampannāti tasmiṃ dhamme ṭhitattā tenapi sīlena sampannattā dhammaṭṭhā sīlasampannā. Atha vā evarūpāni puññāni karontānaṃ dasa kusalā dhammā pūrenti, tesu ṭhitattā dhammaṭṭhā. Teneva ca sīlena sampannattā sīlasampannāti. Sattamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. વਨਰੋਪਸੁਤ੍ਤਂ • 7. Vanaropasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੭. વਨਰੋਪਸੁਤ੍ਤવਣ੍ਣਨਾ • 7. Vanaropasuttavaṇṇanā
