| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੭. વਨਰੋਪਸੁਤ੍ਤવਣ੍ਣਨਾ
7. Vanaropasuttavaṇṇanā
੪੭. ਕੇਸਨ੍ਤਿ ਸਾਮਿવਸੇਨ વੁਤ੍ਤਕਸਦ੍ਦੋ ‘‘ਧਮ੍ਮਟ੍ਠਾ ਸੀਲਸਮ੍ਪਨ੍ਨਾ’’ਤਿ ਏਤ੍ਥ ਪਚ੍ਚਤ੍ਤਬਹੁવਚਨવਸੇਨ ਪਰਿਣਾਮੇਤਬ੍ਬੋ। ਅਤ੍ਥવਸੇਨ ਹਿ વਿਭਤ੍ਤਿવਿਪਰਿਣਾਮੋ। ਕੇ ਜਨਾਤਿ ਏਤ੍ਥ વਾ વੁਤ੍ਤਕੇਸਦ੍ਦੋ ਸੀਹવਿਲੋਕਨਨਯੇਨ ਆਨੇਤ੍વਾ ਯੋਜੇਤਬ੍ਬੋਤਿ ਆਹ ‘‘ਕੇ ਧਮ੍ਮਟ੍ਠਾ, ਕੇ ਸੀਲਸਮ੍ਪਨ੍ਨਾ’’ਤਿ? ਪੁਚ੍ਛਤੀਤਿ ਇਮਿਨਾ ਤਤ੍ਥ ਕਾਰਣਮਾਹ। ਫਲਾਦਿਸਮ੍ਪਤ੍ਤਿਯਾ ਆਰਮਨ੍ਤਿ ਏਤ੍ਥ ਸਤ੍ਤਾਤਿ ਆਰਾਮੋ। ਆਰਾਮੇ ਰੋਪੇਨ੍ਤਿ ਨਿਪ੍ਫਾਦੇਨ੍ਤੀਤਿ ਆਰਾਮਰੋਪਾ। વਨੀਯਤਿ ਛਾਯਾਸਮ੍ਪਤ੍ਤਿਯਾ ਭਜੀਯਤੀਤਿ વਨਂ। ਤਤ੍ਥ ਯਂ ਉਪવਨਲਕ੍ਖਣਂ વਨਂ, ਤਂ ਆਰਾਮਗ੍ਗਹਣੇਨੇવ ਗਹਿਤਨ੍ਤਿ ਤਪੋવਨਲਕ੍ਖਣਂ, ਤਂ ਦਸ੍ਸੇਨ੍ਤੋ ‘‘ਸੀਮਂ ਪਰਿਕ੍ਖਿਪਿਤ੍વਾ’’ਤਿਆਦਿਮਾਹ। વਿਸਮੇਤਿ ਉਦਕਚਿਕ੍ਖਲ੍ਲੇਨ વਿਸਮੇ ਪਦੇਸੇ। ਪਾਨੀਯਂ ਪਿવਨ੍ਤਿ ਏਤ੍ਥਾਤਿ ਪਪਾ, ਤਂ ਪਪਂ। ਉਦਕਂ ਪੀਯਤਿ ਏਤ੍ਥਾਤਿ વਾ ਪਪਾ। ਤਲ਼ਾਕਾਦੀਤਿ ਆਦਿ-ਸਦ੍ਦੇਨ ਮਾਤਿਕਂ ਸਙ੍ਗਣ੍ਹਾਤਿ।
47.Kesanti sāmivasena vuttakasaddo ‘‘dhammaṭṭhā sīlasampannā’’ti ettha paccattabahuvacanavasena pariṇāmetabbo. Atthavasena hi vibhattivipariṇāmo. Ke janāti ettha vā vuttakesaddo sīhavilokananayena ānetvā yojetabboti āha ‘‘ke dhammaṭṭhā, ke sīlasampannā’’ti? Pucchatīti iminā tattha kāraṇamāha. Phalādisampattiyā āramanti ettha sattāti ārāmo. Ārāme ropenti nipphādentīti ārāmaropā. Vanīyati chāyāsampattiyā bhajīyatīti vanaṃ. Tattha yaṃ upavanalakkhaṇaṃ vanaṃ, taṃ ārāmaggahaṇeneva gahitanti tapovanalakkhaṇaṃ, taṃ dassento ‘‘sīmaṃ parikkhipitvā’’tiādimāha. Visameti udakacikkhallena visame padese. Pānīyaṃ pivanti etthāti papā, taṃ papaṃ. Udakaṃ pīyati etthāti vā papā. Taḷākādīti ādi-saddena mātikaṃ saṅgaṇhāti.
ਇਮਮਤ੍ਥਂ ਸਨ੍ਧਾਯਾਤਿ ਇਮਿਨਾ ਕਮ੍ਮਪ੍ਪਥਪ੍ਪਤ੍ਤਂ ਪਟਿਕ੍ਖਿਪਤਿ। ਅਤ੍ਤਨਾ ਕਤਞ੍ਹਿ ਪੁਞ੍ਞਂ ਅਨੁਸ੍ਸਰਤੋ ਤਂ ਆਰਬ੍ਭ ਬਹੁਂ ਪੁਞ੍ਞਂ ਪਸવਤਿ, ਨ ਪਨ ਯਥਾ ਕਤਂ ਪੁਞ੍ਞਂ ਸਯਮੇવ ਪવਡ੍ਢਤਿ। ਤਸ੍ਮਿਂ ਧਮ੍ਮੇ ਠਿਤਤ੍ਤਾਤਿ ਤਸ੍ਮਿਂ ਆਰਾਮਰੋਪਨਾਦਿਧਮ੍ਮੇ ਪਤਿਟ੍ਠਿਤਤ੍ਤਾ। ਤੇਨਪਿ ਸੀਲੇਨ ਸਮ੍ਪਨ੍ਨਤ੍ਤਾਤਿ ਤੇਨ ਯਥਾવੁਤ੍ਤਧਮ੍ਮੇ ਕਤਸੀਲੇ ਠਤ੍વਾ ਚਿਣ੍ਣੇਨ ਤਦਞ੍ਞੇਨਪਿ ਕਾਯવਾਚਸਿਕਸਂવਰਲਕ੍ਖਣੇਨ ਸੀਲੇਨ ਸਮਨ੍ਨਾਗਤਤ੍ਤਾ। ਦਸ ਕੁਸਲਾ ਧਮ੍ਮਾ ਪੂਰੇਨ੍ਤਿ ਦੁਚ੍ਚਰਿਤਪਰਿવਜ੍ਜਨਤੋ। ਸੇਸਂ વੁਤ੍ਤਨਯਮੇવ।
Imamatthaṃsandhāyāti iminā kammappathappattaṃ paṭikkhipati. Attanā katañhi puññaṃ anussarato taṃ ārabbha bahuṃ puññaṃ pasavati, na pana yathā kataṃ puññaṃ sayameva pavaḍḍhati. Tasmiṃ dhamme ṭhitattāti tasmiṃ ārāmaropanādidhamme patiṭṭhitattā. Tenapi sīlena sampannattāti tena yathāvuttadhamme katasīle ṭhatvā ciṇṇena tadaññenapi kāyavācasikasaṃvaralakkhaṇena sīlena samannāgatattā. Dasa kusalā dhammā pūrenti duccaritaparivajjanato. Sesaṃ vuttanayameva.
વਨਰੋਪਸੁਤ੍ਤવਣ੍ਣਨਾ ਨਿਟ੍ਠਿਤਾ।
Vanaropasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. વਨਰੋਪਸੁਤ੍ਤਂ • 7. Vanaropasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੭. વਨਰੋਪਸੁਤ੍ਤવਣ੍ਣਨਾ • 7. Vanaropasuttavaṇṇanā
