| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
9. ванаважчад̇т̇зраабад̣̇аанаван̣н̣анаа
9. Vanavacchattheraapadānavaṇṇanā
навамаабад̣̇аанз имамхи бхад̣̇д̣̇агз габбзд̇иаад̣̇игам̣ ааяасмад̇о ванаважчад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о гассабасса бхаг̇авад̇о гаалз гулаг̇зхз ниб̣б̣ад̇д̇о вин̃н̃уд̇ам̣ бад̇ваа сад̇т̇у д̇хаммад̣̇зсанам̣ суд̇ваа сад̣̇д̇хааж̇аад̇о баб̣б̣аж̇ид̇ваа барисуд̣̇д̇хам̣ б̣рахмажарияам̣ жарид̇ваа д̇ад̇о жуд̇о д̣̇звалогз ниб̣б̣ад̇д̇о, д̇ад̇о жуд̇о аран̃н̃ааяад̇анз бхигкуунам̣ самийбз габод̇аяонияам̣ ниб̣б̣ад̇д̇о. д̇зсу мзд̇д̇ажид̇д̇о д̇хаммам̣ суд̇ваа д̇ад̇о жуд̇о д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з габилавад̇т̇усмим̣ б̣раахман̣агулз ниб̣б̣ад̇д̇и. д̇асса маад̇угужчиг̇ад̇агаалзязва маад̇у д̣̇охал̣о уд̣̇абаад̣̇и ванз васид̇ум̣ ванз виж̇ааяид̇ум̣ . д̇ад̇о ижчаануруубавасзна ванз васанд̇ияаа г̇аб̣бхавудтаанам̣ ахоси. г̇аб̣бхад̇о нигканд̇ан̃жа нам̣ гаасаавакан̣д̣зна бадиг̇г̇ахзсум̣. д̇ад̣̇аа б̣од̇хисад̇д̇асса уббаннагаало, рааж̇аа д̇ам̣ гумаарам̣ аахараабзд̇ваа сахзва босзси. ат̇а б̣од̇хисад̇д̇о махаабхинигкаманам̣ нигкамид̇ваа баб̣б̣аж̇ид̇ваа чаб̣б̣асаани д̣̇уггарагааригам̣ гад̇ваа б̣уд̣̇д̇хз ж̇аад̇з со махаагассабасса санд̇игам̣ г̇анд̇ваа д̇ассоваад̣̇з басанно д̇асса санд̇игаа б̣уд̣̇д̇хуббаад̣̇абхаавам̣ суд̇ваа сад̇т̇у санд̇игам̣ г̇анд̇ваа д̇хаммам̣ суд̇ваа баб̣б̣аж̇ид̇ваа нажирассзва чал̣абхин̃н̃о арахаа ахоси.
Navamāpadāne imamhi bhaddake kappetiādikaṃ āyasmato vanavacchattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto kassapassa bhagavato kāle kulagehe nibbatto viññutaṃ patvā satthu dhammadesanaṃ sutvā saddhājāto pabbajitvā parisuddhaṃ brahmacariyaṃ caritvā tato cuto devaloke nibbatto, tato cuto araññāyatane bhikkhūnaṃ samīpe kapotayoniyaṃ nibbatto. Tesu mettacitto dhammaṃ sutvā tato cuto devamanussesu saṃsaranto imasmiṃ buddhuppāde kapilavatthusmiṃ brāhmaṇakule nibbatti. Tassa mātukucchigatakāleyeva mātu dohaḷo udapādi vane vasituṃ vane vijāyituṃ . Tato icchānurūpavasena vane vasantiyā gabbhavuṭṭhānaṃ ahosi. Gabbhato nikkhantañca naṃ kāsāvakhaṇḍena paṭiggahesuṃ. Tadā bodhisattassa uppannakālo, rājā taṃ kumāraṃ āharāpetvā saheva posesi. Atha bodhisatto mahābhinikkhamanaṃ nikkhamitvā pabbajitvā chabbasāni dukkarakārikaṃ katvā buddhe jāte so mahākassapassa santikaṃ gantvā tassovāde pasanno tassa santikā buddhuppādabhāvaṃ sutvā satthu santikaṃ gantvā dhammaṃ sutvā pabbajitvā nacirasseva chaḷabhiñño arahā ahosi.
251. со арахад̇д̇ам̣ бад̇ваа ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о имамхи бхад̣̇д̣̇агз габбзд̇иаад̣̇имааха. д̇ад̇т̇а б̣рахмаб̣анд̇ху махааяасод̇и зд̇т̇а б̣раахман̣аанам̣ б̣анд̇ху н̃аад̇агод̇и б̣раахман̣аб̣анд̇хууд̇и вад̇д̇аб̣б̣з г̇аат̇ааб̣анд̇хасукад̇т̇ам̣ ‘‘б̣рахмаб̣анд̇хуу’’д̇и вуд̇д̇анд̇и взд̣̇ид̇аб̣б̣ам̣. логад̇д̇аяаб̣яаабагаяасад̇д̇аа махааяасо. сзсам̣ саб̣б̣ам̣ сувин̃н̃зяяамзваад̇и.
251. So arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento imamhi bhaddake kappetiādimāha. Tattha brahmabandhu mahāyasoti ettha brāhmaṇānaṃ bandhu ñātakoti brāhmaṇabandhūti vattabbe gāthābandhasukhatthaṃ ‘‘brahmabandhū’’ti vuttanti veditabbaṃ. Lokattayabyāpakayasattā mahāyaso. Sesaṃ sabbaṃ suviññeyyamevāti.
ванаважчад̇т̇зраабад̣̇аанаван̣н̣анаа самад̇д̇аа.
Vanavacchattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 9. ванаважчад̇т̇зраабад̣̇аанам̣ • 9. Vanavacchattheraapadānaṃ
