| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੯. વਨવਚ੍ਛਤ੍ਥੇਰਅਪਦਾਨવਣ੍ਣਨਾ
9. Vanavacchattheraapadānavaṇṇanā
ਨવਮਾਪਦਾਨੇ ਇਮਮ੍ਹਿ ਭਦ੍ਦਕੇ ਕਪ੍ਪੇਤਿਆਦਿਕਂ ਆਯਸ੍ਮਤੋ વਨવਚ੍ਛਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਕਸ੍ਸਪਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍વਾ ਸਤ੍ਥੁ ਧਮ੍ਮਦੇਸਨਂ ਸੁਤ੍વਾ ਸਦ੍ਧਾਜਾਤੋ ਪਬ੍ਬਜਿਤ੍વਾ ਪਰਿਸੁਦ੍ਧਂ ਬ੍ਰਹ੍ਮਚਰਿਯਂ ਚਰਿਤ੍વਾ ਤਤੋ ਚੁਤੋ ਦੇવਲੋਕੇ ਨਿਬ੍ਬਤ੍ਤੋ, ਤਤੋ ਚੁਤੋ ਅਰਞ੍ਞਾਯਤਨੇ ਭਿਕ੍ਖੂਨਂ ਸਮੀਪੇ ਕਪੋਤਯੋਨਿਯਂ ਨਿਬ੍ਬਤ੍ਤੋ। ਤੇਸੁ ਮੇਤ੍ਤਚਿਤ੍ਤੋ ਧਮ੍ਮਂ ਸੁਤ੍વਾ ਤਤੋ ਚੁਤੋ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕਪਿਲવਤ੍ਥੁਸ੍ਮਿਂ ਬ੍ਰਾਹ੍ਮਣਕੁਲੇ ਨਿਬ੍ਬਤ੍ਤਿ। ਤਸ੍ਸ ਮਾਤੁਕੁਚ੍ਛਿਗਤਕਾਲੇਯੇવ ਮਾਤੁ ਦੋਹਲ਼ੋ ਉਦਪਾਦਿ વਨੇ વਸਿਤੁਂ વਨੇ વਿਜਾਯਿਤੁਂ । ਤਤੋ ਇਚ੍ਛਾਨੁਰੂਪવਸੇਨ વਨੇ વਸਨ੍ਤਿਯਾ ਗਬ੍ਭવੁਟ੍ਠਾਨਂ ਅਹੋਸਿ। ਗਬ੍ਭਤੋ ਨਿਕ੍ਖਨ੍ਤਞ੍ਚ ਨਂ ਕਾਸਾવਖਣ੍ਡੇਨ ਪਟਿਗ੍ਗਹੇਸੁਂ। ਤਦਾ ਬੋਧਿਸਤ੍ਤਸ੍ਸ ਉਪ੍ਪਨ੍ਨਕਾਲੋ, ਰਾਜਾ ਤਂ ਕੁਮਾਰਂ ਆਹਰਾਪੇਤ੍વਾ ਸਹੇવ ਪੋਸੇਸਿ। ਅਥ ਬੋਧਿਸਤ੍ਤੋ ਮਹਾਭਿਨਿਕ੍ਖਮਨਂ ਨਿਕ੍ਖਮਿਤ੍વਾ ਪਬ੍ਬਜਿਤ੍વਾ ਛਬ੍ਬਸਾਨਿ ਦੁਕ੍ਕਰਕਾਰਿਕਂ ਕਤ੍વਾ ਬੁਦ੍ਧੇ ਜਾਤੇ ਸੋ ਮਹਾਕਸ੍ਸਪਸ੍ਸ ਸਨ੍ਤਿਕਂ ਗਨ੍ਤ੍વਾ ਤਸ੍ਸੋવਾਦੇ ਪਸਨ੍ਨੋ ਤਸ੍ਸ ਸਨ੍ਤਿਕਾ ਬੁਦ੍ਧੁਪ੍ਪਾਦਭਾવਂ ਸੁਤ੍વਾ ਸਤ੍ਥੁ ਸਨ੍ਤਿਕਂ ਗਨ੍ਤ੍વਾ ਧਮ੍ਮਂ ਸੁਤ੍વਾ ਪਬ੍ਬਜਿਤ੍વਾ ਨਚਿਰਸ੍ਸੇવ ਛਲ਼ਭਿਞ੍ਞੋ ਅਰਹਾ ਅਹੋਸਿ।
Navamāpadāne imamhi bhaddake kappetiādikaṃ āyasmato vanavacchattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto kassapassa bhagavato kāle kulagehe nibbatto viññutaṃ patvā satthu dhammadesanaṃ sutvā saddhājāto pabbajitvā parisuddhaṃ brahmacariyaṃ caritvā tato cuto devaloke nibbatto, tato cuto araññāyatane bhikkhūnaṃ samīpe kapotayoniyaṃ nibbatto. Tesu mettacitto dhammaṃ sutvā tato cuto devamanussesu saṃsaranto imasmiṃ buddhuppāde kapilavatthusmiṃ brāhmaṇakule nibbatti. Tassa mātukucchigatakāleyeva mātu dohaḷo udapādi vane vasituṃ vane vijāyituṃ . Tato icchānurūpavasena vane vasantiyā gabbhavuṭṭhānaṃ ahosi. Gabbhato nikkhantañca naṃ kāsāvakhaṇḍena paṭiggahesuṃ. Tadā bodhisattassa uppannakālo, rājā taṃ kumāraṃ āharāpetvā saheva posesi. Atha bodhisatto mahābhinikkhamanaṃ nikkhamitvā pabbajitvā chabbasāni dukkarakārikaṃ katvā buddhe jāte so mahākassapassa santikaṃ gantvā tassovāde pasanno tassa santikā buddhuppādabhāvaṃ sutvā satthu santikaṃ gantvā dhammaṃ sutvā pabbajitvā nacirasseva chaḷabhiñño arahā ahosi.
੨੫੧. ਸੋ ਅਰਹਤ੍ਤਂ ਪਤ੍વਾ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਇਮਮ੍ਹਿ ਭਦ੍ਦਕੇ ਕਪ੍ਪੇਤਿਆਦਿਮਾਹ। ਤਤ੍ਥ ਬ੍ਰਹ੍ਮਬਨ੍ਧੁ ਮਹਾਯਸੋਤਿ ਏਤ੍ਥ ਬ੍ਰਾਹ੍ਮਣਾਨਂ ਬਨ੍ਧੁ ਞਾਤਕੋਤਿ ਬ੍ਰਾਹ੍ਮਣਬਨ੍ਧੂਤਿ વਤ੍ਤਬ੍ਬੇ ਗਾਥਾਬਨ੍ਧਸੁਖਤ੍ਥਂ ‘‘ਬ੍ਰਹ੍ਮਬਨ੍ਧੂ’’ਤਿ વੁਤ੍ਤਨ੍ਤਿ વੇਦਿਤਬ੍ਬਂ। ਲੋਕਤ੍ਤਯਬ੍ਯਾਪਕਯਸਤ੍ਤਾ ਮਹਾਯਸੋ। ਸੇਸਂ ਸਬ੍ਬਂ ਸੁવਿਞ੍ਞੇਯ੍ਯਮੇવਾਤਿ।
251. So arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento imamhi bhaddake kappetiādimāha. Tattha brahmabandhu mahāyasoti ettha brāhmaṇānaṃ bandhu ñātakoti brāhmaṇabandhūti vattabbe gāthābandhasukhatthaṃ ‘‘brahmabandhū’’ti vuttanti veditabbaṃ. Lokattayabyāpakayasattā mahāyaso. Sesaṃ sabbaṃ suviññeyyamevāti.
વਨવਚ੍ਛਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Vanavacchattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੯. વਨવਚ੍ਛਤ੍ਥੇਰਅਪਦਾਨਂ • 9. Vanavacchattheraapadānaṃ
