| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
3. ванаважчад̇т̇зраг̇аат̇ааван̣н̣анаа
3. Vanavacchattheragāthāvaṇṇanā
нийлаб̣бхаван̣н̣аад̇и ааяасмад̇о ванаважчад̇т̇зрасса г̇аат̇аа. гаа уббад̇д̇и? со гира ад̇т̇ад̣̇ассино бхаг̇авад̇о гаалз гажчабаяонияам̣ ниб̣б̣ад̇д̇о винад̇ааяа наама над̣̇ияаа васад̇и. д̇асса куд̣̇д̣̇аганааваббамаан̣о ад̇д̇абхааво ахоси. со гира згад̣̇ивасам̣ бхаг̇аванд̇ам̣ над̣̇ияаа д̇ийрз тид̇ам̣ д̣̇исваа, ‘‘баарам̣ г̇анд̇угаамо ман̃н̃з бхаг̇аваа’’д̇и ад̇д̇ано бидтияам̣ ааробзд̇ваа нзд̇угаамо баад̣̇амуулз нибаж̇ж̇и. бхаг̇аваа д̇асса аж̇жхаасаяам̣ н̃ад̇ваа д̇ам̣ анугамбанд̇о аарухи. со бийд̇исоманассаж̇аад̇о сод̇ам̣ чинд̣̇анд̇о ж̇ияааяа взг̇зна кид̇д̇асаро вияа д̇аавад̣̇зва барад̇ийрам̣ баабзси. бхаг̇аваа д̇асса бун̃н̃асса палам̣ зд̇арахи ниб̣б̣ад̇д̇анагасамбад̇д̇ин̃жа б̣яаагарид̇ваа баггаами. со д̇зна бун̃н̃агаммзна д̣̇звамануссзсу сам̣саранд̇о анзгасад̇агкад̇д̇ум̣ д̇аабасабаб̣б̣аж̇ж̇ам̣ баб̣б̣аж̇ид̇ваа аран̃н̃аваасийязва ахоси. буна гассабаб̣уд̣̇д̇хагаалз габод̇аяонияам̣ ниб̣б̣ад̇д̇ид̇ваа аран̃н̃з вихаранд̇ам̣ мзд̇д̇аавихаарим̣ згам̣ бхигкум̣ д̣̇исваа жид̇д̇ам̣ басаад̣̇зси.
Nīlabbhavaṇṇāti āyasmato vanavacchattherassa gāthā. Kā uppatti? So kira atthadassino bhagavato kāle kacchapayoniyaṃ nibbatto vinatāya nāma nadiyā vasati. Tassa khuddakanāvappamāṇo attabhāvo ahosi. So kira ekadivasaṃ bhagavantaṃ nadiyā tīre ṭhitaṃ disvā, ‘‘pāraṃ gantukāmo maññe bhagavā’’ti attano piṭṭhiyaṃ āropetvā netukāmo pādamūle nipajji. Bhagavā tassa ajjhāsayaṃ ñatvā taṃ anukampanto āruhi. So pītisomanassajāto sotaṃ chindanto jiyāya vegena khittasaro viya tāvadeva paratīraṃ pāpesi. Bhagavā tassa puññassa phalaṃ etarahi nibbattanakasampattiñca byākaritvā pakkāmi. So tena puññakammena devamanussesu saṃsaranto anekasatakkhattuṃ tāpasapabbajjaṃ pabbajitvā araññavāsīyeva ahosi. Puna kassapabuddhakāle kapotayoniyaṃ nibbattitvā araññe viharantaṃ mettāvihāriṃ ekaṃ bhikkhuṃ disvā cittaṃ pasādesi.
д̇ад̇о бана жуд̇о б̣аараан̣асияам̣ гулаг̇зхз ниб̣б̣ад̇д̇ид̇ваа ваяаббад̇д̇о сам̣взг̇аж̇аад̇о баб̣б̣аж̇ид̇ваа виваддуубаниссаяам̣ б̣ахум̣ бун̃н̃агаммам̣ убажини. звам̣ д̇ад̇т̇а д̇ад̇т̇а д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з габилавад̇т̇унаг̇арз важчаг̇од̇д̇асса наама б̣раахман̣асса г̇зхз бадисанд̇хим̣ г̇ан̣хи. д̇асса маад̇аа барибаггаг̇аб̣бхаа аран̃н̃ам̣ д̣̇ассанад̇т̇ааяа сан̃ж̇аад̇ад̣̇охал̣аа аран̃н̃ам̣ бависид̇ваа вижарад̇и, д̇аавад̣̇звассаа гаммаж̇аваад̇аа жалим̣су, д̇ирогаран̣им̣ баригкибид̇ваа ад̣̇ам̣су. саа д̇хан̃н̃абун̃н̃алагкан̣ам̣ буд̇д̇ам̣ виж̇ааяи. со б̣од̇хисад̇д̇зна саха бам̣сугийл̣игасахааяо ахоси. ‘‘важчо’’д̇исса нааман̃жа ахоси. ванаабхирад̇ияаа васзна ванаважчод̇и бан̃н̃ааяид̇т̇а. абарабхааг̇з махаасад̇д̇з махаабхинигкаманам̣ нигкамид̇ваа махаабад̇хаанам̣ бад̣̇аханд̇з, ‘‘ахамби сид̣̇д̇хад̇т̇агумаарзна саха аран̃н̃з вихариссаамий’’д̇и нигкамид̇ваа д̇аабасабаб̣б̣аж̇ж̇ам̣ баб̣б̣аж̇ид̇ваа химаванд̇з васанд̇о абхисамб̣уд̣̇д̇хабхаавам̣ суд̇ваа бхаг̇авад̇о санд̇игам̣ убаг̇анд̇ваа баб̣б̣аж̇ид̇ваа гаммадтаанам̣ г̇ахзд̇ваа аран̃н̃з васамаано нажирассзва вибассанам̣ уссуггаабзд̇ваа арахад̇д̇ам̣ сажчаагааси. д̇зна вуд̇д̇ам̣ абад̣̇аанз (аба. т̇зра 2.49-148-163) –
Tato pana cuto bārāṇasiyaṃ kulagehe nibbattitvā vayappatto saṃvegajāto pabbajitvā vivaṭṭūpanissayaṃ bahuṃ puññakammaṃ upacini. Evaṃ tattha tattha devamanussesu saṃsaritvā imasmiṃ buddhuppāde kapilavatthunagare vacchagottassa nāma brāhmaṇassa gehe paṭisandhiṃ gaṇhi. Tassa mātā paripakkagabbhā araññaṃ dassanatthāya sañjātadohaḷā araññaṃ pavisitvā vicarati, tāvadevassā kammajavātā caliṃsu, tirokaraṇiṃ parikkhipitvā adaṃsu. Sā dhaññapuññalakkhaṇaṃ puttaṃ vijāyi. So bodhisattena saha paṃsukīḷikasahāyo ahosi. ‘‘Vaccho’’tissa nāmañca ahosi. Vanābhiratiyā vasena vanavacchoti paññāyittha. Aparabhāge mahāsatte mahābhinikkhamanaṃ nikkhamitvā mahāpadhānaṃ padahante, ‘‘ahampi siddhatthakumārena saha araññe viharissāmī’’ti nikkhamitvā tāpasapabbajjaṃ pabbajitvā himavante vasanto abhisambuddhabhāvaṃ sutvā bhagavato santikaṃ upagantvā pabbajitvā kammaṭṭhānaṃ gahetvā araññe vasamāno nacirasseva vipassanaṃ ussukkāpetvā arahattaṃ sacchākāsi. Tena vuttaṃ apadāne (apa. thera 2.49-148-163) –
‘‘ад̇т̇ад̣̇ассий д̇у бхаг̇аваа, саяамбхуу логанааяаго;
‘‘Atthadassī tu bhagavā, sayambhū lokanāyako;
винад̇аанад̣̇ияаа д̇ийрам̣, убаг̇ажчи д̇ат̇ааг̇ад̇о.
Vinatānadiyā tīraṃ, upagacchi tathāgato.
‘‘уд̣̇агаа абхинигкамма, гажчабо ваариг̇ожаро;
‘‘Udakā abhinikkhamma, kacchapo vārigocaro;
б̣уд̣̇д̇хам̣ д̇аарзд̇угаамохам̣, убзсим̣ логанааяагам̣.
Buddhaṃ tāretukāmohaṃ, upesiṃ lokanāyakaṃ.
‘‘абхируухад̇у мам̣ б̣уд̣̇д̇хо, ад̇т̇ад̣̇ассий махаамуни;
‘‘Abhirūhatu maṃ buddho, atthadassī mahāmuni;
ахам̣ д̇ам̣ д̇аараяиссаами, д̣̇угкассанд̇агаро д̇увам̣.
Ahaṃ taṃ tārayissāmi, dukkhassantakaro tuvaṃ.
‘‘мама сан̇габбаман̃н̃ааяа, ад̇т̇ад̣̇ассий махааяасо;
‘‘Mama saṅkappamaññāya, atthadassī mahāyaso;
абхируухид̇ваа мз бидтим̣, адтааси логанааяаго.
Abhirūhitvā me piṭṭhiṃ, aṭṭhāsi lokanāyako.
‘‘яад̇о сараами ад̇д̇аанам̣, яад̇о бад̇д̇осми вин̃н̃уд̇ам̣;
‘‘Yato sarāmi attānaṃ, yato pattosmi viññutaṃ;
сукам̣ мз д̇аад̣̇исам̣ над̇т̇и, пудтз баад̣̇ад̇алз яат̇аа.
Sukhaṃ me tādisaṃ natthi, phuṭṭhe pādatale yathā.
‘‘уд̇д̇арид̇ваана самб̣уд̣̇д̇хо, ад̇т̇ад̣̇ассий махааяасо;
‘‘Uttaritvāna sambuddho, atthadassī mahāyaso;
над̣̇ид̇ийрамхи тад̇ваана, имаа г̇аат̇аа абхаасат̇а.
Naditīramhi ṭhatvāna, imā gāthā abhāsatha.
‘‘яаавад̇аа вад̇д̇ад̇з жид̇д̇ам̣, г̇ан̇г̇аасод̇ам̣ д̇араамахам̣;
‘‘Yāvatā vattate cittaṃ, gaṅgāsotaṃ tarāmahaṃ;
аяан̃жа гажчабо рааж̇аа, д̇аарзси мама бан̃н̃аваа.
Ayañca kacchapo rājā, tāresi mama paññavā.
‘‘иминаа б̣уд̣̇д̇хад̇аран̣зна, мзд̇д̇ажид̇д̇авад̇ааяа жа;
‘‘Iminā buddhataraṇena, mettacittavatāya ca;
адтаарасз габбасад̇з, д̣̇звалогз рамиссад̇и.
Aṭṭhārase kappasate, devaloke ramissati.
‘‘д̣̇звалогаа ид̇хааг̇анд̇ваа, суггамуулзна жод̣̇ид̇о;
‘‘Devalokā idhāgantvā, sukkamūlena codito;
згаасанз нисийд̣̇ид̇ваа, ган̇каасод̇ам̣ д̇ариссад̇и.
Ekāsane nisīditvā, kaṅkhāsotaṃ tarissati.
‘‘яат̇ааби бхад̣̇д̣̇агз кзд̇д̇з, б̣ийж̇ам̣ аббамби робид̇ам̣;
‘‘Yathāpi bhaddake khette, bījaṃ appampi ropitaṃ;
саммаад̇хаарз бавзжчанд̇з, палам̣ д̇осзд̇и гассагам̣.
Sammādhāre pavecchante, phalaṃ toseti kassakaṃ.
‘‘д̇ат̇звид̣̇ам̣ б̣уд̣̇д̇хакзд̇д̇ам̣, саммаасамб̣уд̣̇д̇хад̣̇зсид̇ам̣;
‘‘Tathevidaṃ buddhakhettaṃ, sammāsambuddhadesitaṃ;
саммаад̇хаарз бавзжчанд̇з, палам̣ мам̣ д̇осаяиссад̇и.
Sammādhāre pavecchante, phalaṃ maṃ tosayissati.
‘‘бад̇хаанабахид̇ад̇д̇омхи, убасанд̇о нируубад̇хи;
‘‘Padhānapahitattomhi, upasanto nirūpadhi;
саб̣б̣аасавз барин̃н̃ааяа, вихараами анаасаво.
Sabbāsave pariññāya, viharāmi anāsavo.
‘‘адтаарасз габбасад̇з, яам̣ гаммамагарим̣ д̇ад̣̇аа;
‘‘Aṭṭhārase kappasate, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, д̇аран̣ааяа ид̣̇ам̣ палам̣.
Duggatiṃ nābhijānāmi, taraṇāya idaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
звам̣ бана арахад̇д̇ам̣ бад̇ваа бхаг̇авад̇и габилавад̇т̇усмим̣ вихаранд̇з д̇ад̇т̇а г̇анд̇ваа сад̇т̇аарам̣ ванд̣̇ид̇ваа бхигкуухи самааг̇ад̇о бадисант̇ааравасзна ‘‘гим̣, аавусо, аран̃н̃з паасувихааро лад̣̇д̇хо’’д̇и будто ‘‘раман̣ийяаа, аавусо, аран̃н̃з баб̣б̣ад̇аа’’д̇и ад̇д̇анаа вудтабаб̣б̣ад̇з ван̣н̣знд̇о ‘‘нийлаб̣бхаван̣н̣аа’’д̇и г̇аат̇ам̣ абхааси.
Evaṃ pana arahattaṃ patvā bhagavati kapilavatthusmiṃ viharante tattha gantvā satthāraṃ vanditvā bhikkhūhi samāgato paṭisanthāravasena ‘‘kiṃ, āvuso, araññe phāsuvihāro laddho’’ti puṭṭho ‘‘ramaṇīyā, āvuso, araññe pabbatā’’ti attanā vuṭṭhapabbate vaṇṇento ‘‘nīlabbhavaṇṇā’’ti gāthaṃ abhāsi.
13. д̇ад̇т̇а нийлаб̣бхаван̣н̣аад̇и нийлавалаахаганибхаа нийлавалаахагасан̣таанаа жа. ружираад̇и ружияаа сагиран̣аа бабхассараа жа. сийд̇аваарийд̇и сийд̇аласалилаа. сужинд̇хараад̇и сужисуд̣̇д̇хабхуумибхааг̇ад̇ааяа суд̣̇д̇хажид̇д̇аанам̣ ваа арияаанам̣ ниваасанадтаанад̇ааяа сужинд̇хараа. г̇аат̇аасукад̇т̇ан̃хи саанунаасигам̣ гад̇ваа нид̣̇д̣̇зсо. ‘‘сийд̇аваарисужинд̇хараа’’д̇иби баато, сийд̇асуживаарид̇хараа сийд̇алавималасалилаасаяаванд̇од̇и ад̇т̇о. инд̣̇аг̇обагасан̃чаннаад̇и инд̣̇аг̇обаганаамагзхи баваал̣аван̣н̣зхи рад̇д̇агимийхи сан̃чаад̣̇ид̇аа баавуссагаалавасзна звамааха. гзжи бана ‘‘инд̣̇аг̇обаганаамаани рад̇д̇ад̇ин̣ааний’’д̇и вад̣̇анд̇и. абарз ‘‘ган̣игаараругкаа’’д̇и. сзлаад̇и силаамаяаа баб̣б̣ад̇аа, на бам̣субаб̣б̣ад̇аад̇и ад̇т̇о. д̇знааха – ‘‘яат̇ааби баб̣б̣ад̇о сзло’’д̇и (уд̣̇аа. 24). рамаяанд̇и манд̇и мам̣ рамаабзнд̇и, маяхам̣ вивзгаабхирад̇д̇им̣ бариб̣руухзнд̇и. звам̣ т̇зро ад̇д̇ано жирагаалабарибхаавид̇ам̣ аран̃н̃аабхирад̇им̣ бавзд̣̇знд̇о д̇ивид̇хам̣ вивзгаабхирад̇имзва д̣̇ийбзд̇и. д̇ад̇т̇а убад̇хививзгзна ан̃н̃ааб̣яаагаран̣ам̣ д̣̇ийбид̇амзва ход̇ийд̇и.
13. Tattha nīlabbhavaṇṇāti nīlavalāhakanibhā nīlavalāhakasaṇṭhānā ca. Rucirāti ruciyā sakiraṇā pabhassarā ca. Sītavārīti sītalasalilā. Sucindharāti sucisuddhabhūmibhāgatāya suddhacittānaṃ vā ariyānaṃ nivāsanaṭṭhānatāya sucindharā. Gāthāsukhatthañhi sānunāsikaṃ katvā niddeso. ‘‘Sītavārisucindharā’’tipi pāṭho, sītasucivāridharā sītalavimalasalilāsayavantoti attho. Indagopakasañchannāti indagopakanāmakehi pavāḷavaṇṇehi rattakimīhi sañchāditā pāvussakālavasena evamāha. Keci pana ‘‘indagopakanāmāni rattatiṇānī’’ti vadanti. Apare ‘‘kaṇikārarukkhā’’ti. Selāti silāmayā pabbatā, na paṃsupabbatāti attho. Tenāha – ‘‘yathāpi pabbato selo’’ti (udā. 24). Ramayanti manti maṃ ramāpenti, mayhaṃ vivekābhirattiṃ paribrūhenti. Evaṃ thero attano cirakālaparibhāvitaṃ araññābhiratiṃ pavedento tividhaṃ vivekābhiratimeva dīpeti. Tattha upadhivivekena aññābyākaraṇaṃ dīpitameva hotīti.
ванаважчад̇т̇зраг̇аат̇ааван̣н̣анаа нидтид̇аа.
Vanavacchattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 3. ванаважчад̇т̇зраг̇аат̇аа • 3. Vanavacchattheragāthā
