| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
3. ванаважчад̇т̇зраг̇аат̇ааван̣н̣анаа
3. Vanavacchattheragāthāvaṇṇanā
ажчод̣̇игаа бут̇усилаад̇и ааяасмад̇о ванаважчад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ гусалаб̣ийж̇ам̣ робзнд̇о вибассисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о барасса гаммам̣ гад̇ваа ж̇ийванд̇о гассажи абараад̇хам̣ гад̇ваа маран̣абхаязна д̇аж̇ж̇ид̇о балааяанд̇о анд̇араамаг̇г̇з б̣од̇хиругкам̣ д̣̇исваа басаннамаанасо д̇асса муулам̣ саммаж̇ж̇ид̇ваа бин̣д̣иб̣анд̇хзхи асогабубпзхи бууж̇ам̣ гад̇ваа ванд̣̇ид̇ваа б̣од̇хим̣ абхимуко намассамаано баллан̇гзна нисинно маарзд̇ум̣ ааг̇ад̇з бажжад̇т̇игз д̣̇исваа д̇зсу жид̇д̇ам̣ агобзд̇ваа б̣од̇хим̣ зва ааваж̇ж̇знд̇о сад̇аборисз бабаад̇з бабад̇и. со д̇зна бун̃н̃агаммзна д̣̇звалогз ниб̣б̣ад̇д̇ид̇ваа абараабарам̣ бун̃н̃аани гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з рааж̇аг̇ахз вибхавасамбаннасса б̣раахман̣асса буд̇д̇о худ̇ваа ниб̣б̣ад̇д̇и, ‘‘важчо’’д̇исса наамам̣ ахоси. со ваяаббад̇д̇о б̣имб̣исаарасамааг̇амз бадилад̣̇д̇хасад̣̇д̇хо баб̣б̣аж̇ид̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.16.7-14) –
Acchodikā puthusilāti āyasmato vanavacchattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ kusalabījaṃ ropento vipassissa bhagavato kāle kulagehe nibbattitvā viññutaṃ patto parassa kammaṃ katvā jīvanto kassaci aparādhaṃ katvā maraṇabhayena tajjito palāyanto antarāmagge bodhirukkhaṃ disvā pasannamānaso tassa mūlaṃ sammajjitvā piṇḍibandhehi asokapupphehi pūjaṃ katvā vanditvā bodhiṃ abhimukho namassamāno pallaṅkena nisinno māretuṃ āgate paccatthike disvā tesu cittaṃ akopetvā bodhiṃ eva āvajjento sataporise papāte papati. So tena puññakammena devaloke nibbattitvā aparāparaṃ puññāni katvā devamanussesu saṃsaranto imasmiṃ buddhuppāde rājagahe vibhavasampannassa brāhmaṇassa putto hutvā nibbatti, ‘‘vaccho’’tissa nāmaṃ ahosi. So vayappatto bimbisārasamāgame paṭiladdhasaddho pabbajitvā arahattaṃ pāpuṇi. Tena vuttaṃ apadāne (apa. thera 1.16.7-14) –
‘‘барагаммааяанз яуд̇д̇о, абараад̇хам̣ агаасахам̣;
‘‘Parakammāyane yutto, aparādhaṃ akāsahaṃ;
вананд̇ам̣ абхид̇хаависсам̣, бхаяавзрасамаббид̇о.
Vanantaṃ abhidhāvissaṃ, bhayaverasamappito.
‘‘бубпид̇ам̣ баад̣̇абам̣ д̣̇исваа, бин̣д̣иб̣анд̇хам̣ суниммид̇ам̣;
‘‘Pupphitaṃ pādapaṃ disvā, piṇḍibandhaṃ sunimmitaṃ;
д̇амб̣абубпам̣ г̇ахзд̇ваана, б̣од̇хияам̣ огирим̣ ахам̣.
Tambapupphaṃ gahetvāna, bodhiyaṃ okiriṃ ahaṃ.
‘‘саммаж̇ж̇ид̇ваана д̇ам̣ б̣од̇хим̣, баадалим̣ баад̣̇абуд̇д̇амам̣;
‘‘Sammajjitvāna taṃ bodhiṃ, pāṭaliṃ pādaputtamaṃ;
баллан̇гам̣ аабхуж̇ид̇ваана, б̣од̇химуулз убаависим̣.
Pallaṅkaṃ ābhujitvāna, bodhimūle upāvisiṃ.
‘‘г̇ад̇амаг̇г̇ам̣ г̇авзсанд̇аа, ааг̇ажчум̣ мама санд̇игам̣;
‘‘Gatamaggaṃ gavesantā, āgacchuṃ mama santikaṃ;
д̇з жа д̣̇исваанахам̣ д̇ад̇т̇а, ааваж̇ж̇им̣ б̣од̇химуд̇д̇амам̣.
Te ca disvānahaṃ tattha, āvajjiṃ bodhimuttamaṃ.
‘‘ванд̣̇ид̇ваана ахам̣ б̣од̇хим̣, виббасаннзна жзд̇асаа;
‘‘Vanditvāna ahaṃ bodhiṃ, vippasannena cetasā;
анзгад̇аалз бабад̇им̣, г̇ирид̣̇уг̇г̇з бхаяаанагз.
Anekatāle papatiṃ, giridugge bhayānake.
‘‘зганавуд̇ид̇о габбз, яам̣ бубпамабхиробаяим̣;
‘‘Ekanavutito kappe, yaṃ pupphamabhiropayiṃ;
д̣̇уг̇г̇ад̇им̣ наабхиж̇аанаами, б̣од̇хибууж̇ааяид̣̇ам̣ палам̣.
Duggatiṃ nābhijānāmi, bodhipūjāyidaṃ phalaṃ.
‘‘ид̇о жа д̇ад̇ияз габбз, рааж̇аа сусан̃н̃ад̇о ахам̣;
‘‘Ito ca tatiye kappe, rājā susaññato ahaṃ;
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа вивзгаабхирад̇ияаа ванзязва васи, д̇зна ванаважчод̇и саман̃н̃аа уд̣̇абаад̣̇и. ат̇а гад̣̇аажи т̇зро н̃аад̇иж̇анаануг̇г̇ахад̇т̇ам̣ рааж̇аг̇ахам̣ г̇ад̇о д̇ад̇т̇а н̃аад̇агзхи убадтияамаано гад̇ибаахам̣ васид̇ваа г̇аманаагаарам̣ санд̣̇ассзд̇и. д̇ам̣ н̃аад̇агаа, ‘‘бханд̇з, амхаагам̣ ануг̇г̇ахад̇т̇ам̣ д̇хуравихаарз васат̇а, маяам̣ убадтахиссаамаа’’д̇и яаажим̣су. т̇зро д̇зсам̣ баб̣б̣ад̇арааман̣зяяагид̇д̇анаабад̣̇зсзна вивзгаабхирад̇им̣ нивзд̣̇знд̇о –
Arahattaṃ pana patvā vivekābhiratiyā vaneyeva vasi, tena vanavacchoti samaññā udapādi. Atha kadāci thero ñātijanānuggahatthaṃ rājagahaṃ gato tattha ñātakehi upaṭṭhiyamāno katipāhaṃ vasitvā gamanākāraṃ sandasseti. Taṃ ñātakā, ‘‘bhante, amhākaṃ anuggahatthaṃ dhuravihāre vasatha, mayaṃ upaṭṭhahissāmā’’ti yāciṃsu. Thero tesaṃ pabbatarāmaṇeyyakittanāpadesena vivekābhiratiṃ nivedento –
113.
113.
‘‘ажчод̣̇игаа бут̇усилаа, г̇онан̇г̇уламиг̇ааяуд̇аа;
‘‘Acchodikā puthusilā, gonaṅgulamigāyutā;
амб̣усзвааласан̃чаннаа, д̇з сзлаа рамаяанд̇и ма’’нд̇и. – г̇аат̇ам̣ абхааси;
Ambusevālasañchannā, te selā ramayanti ma’’nti. – gāthaṃ abhāsi;
д̇ад̇т̇а ажчод̣̇игаад̇и ажчам̣ аб̣ахалам̣ сукумам̣ уд̣̇агам̣ зд̇зсууд̇и ‘‘ажчод̣̇агаа’’д̇и вад̇д̇аб̣б̣з лин̇г̇авибаллаасзна ажчод̣̇игаа’’д̇и вуд̇д̇ам̣. зд̇зна д̇зсам̣ уд̣̇агасамбад̇д̇им̣ д̣̇ассзд̇и. бут̇усилаад̇и бут̇улаа вид̇т̇ад̇аа муд̣̇усукасампассаа силаа зд̇зсууд̇и бут̇усилаа. зд̇зна нисаж̇ж̇анадтаанасамбад̇д̇им̣ д̣̇ассзд̇и. г̇уннам̣ вияа нан̇г̇улам̣ нан̇г̇удтам̣ зд̇зсанд̇и г̇онан̇г̇улаа, гаал̣амаггадаа, ‘‘багад̇имаггадаа’’д̇иби вад̣̇анд̇иязва . г̇онан̇г̇улзхи жа басад̣̇аад̣̇игзхи миг̇зхи жа д̇ахам̣ д̇ахам̣ вижаранд̇зхи ааяуд̇аа миссид̇аад̇и г̇онан̇г̇уламиг̇ааяуд̇аа . зд̇зна д̇зсам̣ амануссуубажаарид̇ааяа аран̃н̃алагкан̣уубзд̇ад̇ам̣ д̣̇ассзд̇и. амб̣усзвааласан̃чаннаад̇и басаванад̇о сад̇ад̇ам̣ баг̇гхарамаанасалилад̇ааяа д̇ахам̣ д̇ахам̣ уд̣̇агасзвааласан̃чаад̣̇ид̇аа. д̇з сзлаа рамаяанд̇и манд̇и яад̇т̇аахам̣ васаами; д̇з зд̣̇исаа сзлаа баб̣б̣ад̇аа вивзгаабхирад̇ияаа мам̣ рамаяанд̇и, д̇асмаа д̇ад̇т̇зваахам̣ г̇ажчаамийд̇и ад̇хиббааяо. ид̣̇амзва жа т̇зрасса ан̃н̃ааб̣яаагаран̣ам̣ ахоси.
Tattha acchodikāti acchaṃ abahalaṃ sukhumaṃ udakaṃ etesūti ‘‘acchodakā’’ti vattabbe liṅgavipallāsena acchodikā’’ti vuttaṃ. Etena tesaṃ udakasampattiṃ dasseti. Puthusilāti puthulā vitthatā mudusukhasamphassā silā etesūti puthusilā. Etena nisajjanaṭṭhānasampattiṃ dasseti. Gunnaṃ viya naṅgulaṃ naṅguṭṭhaṃ etesanti gonaṅgulā, kāḷamakkaṭā, ‘‘pakatimakkaṭā’’tipi vadantiyeva . Gonaṅgulehi ca pasadādikehi migehi ca tahaṃ tahaṃ vicarantehi āyutā missitāti gonaṅgulamigāyutā. Etena tesaṃ amanussūpacāritāya araññalakkhaṇūpetataṃ dasseti. Ambusevālasañchannāti pasavanato satataṃ paggharamānasalilatāya tahaṃ tahaṃ udakasevālasañchāditā. Te selā ramayanti manti yatthāhaṃ vasāmi; te edisā selā pabbatā vivekābhiratiyā maṃ ramayanti, tasmā tatthevāhaṃ gacchāmīti adhippāyo. Idameva ca therassa aññābyākaraṇaṃ ahosi.
ванаважчад̇т̇зраг̇аат̇ааван̣н̣анаа нидтид̇аа.
Vanavacchattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 3. ванаважчад̇т̇зраг̇аат̇аа • 3. Vanavacchattheragāthā
