| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
11. ванд̣̇анавимаанаван̣н̣анаа
11. Vandanavimānavaṇṇanā
абхигганд̇зна ван̣н̣знаад̇и ванд̣̇анавимаанам̣. д̇асса гаа уббад̇д̇и? бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна самаязна самб̣ахулаа бхигкуу ан̃н̃ад̇арасмим̣ г̇аамагааваасз вассам̣ васид̇ваа вуд̇т̇авассаа баваарзд̇ваа сзнаасанам̣ бадисаамзд̇ваа бад̇д̇ажийварамаад̣̇ааяа саавад̇т̇им̣ уд̣̇д̣̇исса бхаг̇аванд̇ам̣ д̣̇ассанад̇т̇ааяа г̇ажчанд̇аа ан̃н̃ад̇арасса г̇аамасса маж̇жхзна ад̇иггаманд̇и. д̇ад̇т̇а ан̃н̃ад̇араа ид̇т̇ий д̇з бхигкуу д̣̇исваа басаннажид̇д̇аа сан̃ж̇аад̇аг̇аараваб̣ахумаанаа бан̃жабад̇идтид̇зна ванд̣̇ид̇ваа сирасмим̣ ан̃ж̇алим̣ баг̇г̇аяха яаава д̣̇ассануубажаараа басаад̣̇асоммаани агкийни уммийлзд̇ваа ологзнд̇ий адтааси . саа абарзна самаязна гаалам̣ гад̇ваа д̇аавад̇им̣сзсу ниб̣б̣ад̇д̇и. ат̇а нам̣ д̇ад̇т̇а д̣̇иб̣б̣асамбад̇д̇им̣ анубхаванд̇им̣ ааяасмаа махаамог̇г̇аллаано имаахи г̇аат̇аахи бадибужчи –
Abhikkantenavaṇṇenāti vandanavimānaṃ. Tassa kā uppatti? Bhagavā sāvatthiyaṃ viharati jetavane anāthapiṇḍikassa ārāme. Tena samayena sambahulā bhikkhū aññatarasmiṃ gāmakāvāse vassaṃ vasitvā vutthavassā pavāretvā senāsanaṃ paṭisāmetvā pattacīvaramādāya sāvatthiṃ uddissa bhagavantaṃ dassanatthāya gacchantā aññatarassa gāmassa majjhena atikkamanti. Tattha aññatarā itthī te bhikkhū disvā pasannacittā sañjātagāravabahumānā pañcapatiṭṭhitena vanditvā sirasmiṃ añjaliṃ paggayha yāva dassanūpacārā pasādasommāni akkhīni ummīletvā olokentī aṭṭhāsi . Sā aparena samayena kālaṃ katvā tāvatiṃsesu nibbatti. Atha naṃ tattha dibbasampattiṃ anubhavantiṃ āyasmā mahāmoggallāno imāhi gāthāhi paṭipucchi –
819. ‘‘абхигганд̇зна ван̣н̣зна…бз…ван̣н̣о жа д̇з саб̣б̣ад̣̇исаа бабхаасад̇ий’’д̇и.
819. ‘‘Abhikkantena vaṇṇena…pe…vaṇṇo ca te sabbadisā pabhāsatī’’ti.
822. ‘‘саа д̣̇звад̇аа ад̇д̇аманаа…бз… яасса гаммассид̣̇ам̣ палам̣’’.
822. ‘‘Sā devatā attamanā…pe… yassa kammassidaṃ phalaṃ’’.
823.
823.
‘‘ахам̣ мануссзсу мануссабхууд̇аа, д̣̇исваана саман̣з сийлаванд̇з;
‘‘Ahaṃ manussesu manussabhūtā, disvāna samaṇe sīlavante;
баад̣̇аани ванд̣̇ид̇ваа манам̣ басаад̣̇аяим̣, вид̇д̇аа жахам̣ ан̃ж̇алигам̣ агаасим̣.
Pādāni vanditvā manaṃ pasādayiṃ, vittā cahaṃ añjalikaṃ akāsiṃ.
824.
824.
‘‘д̇зна мзд̇аад̣̇исо ван̣н̣о…бз…ван̣н̣о жа мз саб̣б̣ад̣̇исаа бабхаасад̇ий’’д̇и. –
‘‘Tena metādiso vaṇṇo…pe…vaṇṇo ca me sabbadisā pabhāsatī’’ti. –
имаахи г̇аат̇аахи б̣яаагааси.
Imāhi gāthāhi byākāsi.
823. д̇ад̇т̇а саман̣зд̇и самид̇абаабз. сийлаванд̇зд̇и сийлаг̇ун̣аяуд̇д̇з. манам̣ басаад̣̇аяинд̇и ‘‘саад̇хуруубаа вад̇имз аяяаа д̇хаммажаарино самажаарино б̣рахмажаарино’’д̇и д̇зсам̣ г̇ун̣з аараб̣бха жид̇д̇ам̣ басаад̣̇зсим̣. вид̇д̇аа жахам̣ ан̃ж̇алигам̣ агаасинд̇и д̇удтаа соманассаж̇аад̇аа ахам̣ ванд̣̇им̣. бзсалаанам̣ бхигкуунам̣ басаад̣̇авигасид̇аани агкийни уммийлзд̇ваа д̣̇ассанамад̇д̇амби имзсам̣ сад̇д̇аанам̣ б̣ахуубагаарам̣, баг̇зва ванд̣̇анаад̇и. д̇знааха ‘‘д̇зна мзд̇аад̣̇исо ван̣н̣о’’д̇иаад̣̇и. сзсам̣ вуд̇д̇анаяамзва.
823. Tattha samaṇeti samitapāpe. Sīlavanteti sīlaguṇayutte. Manaṃ pasādayinti ‘‘sādhurūpā vatime ayyā dhammacārino samacārino brahmacārino’’ti tesaṃ guṇe ārabbha cittaṃ pasādesiṃ. Vittā cahaṃ añjalikaṃ akāsinti tuṭṭhā somanassajātā ahaṃ vandiṃ. Pesalānaṃ bhikkhūnaṃ pasādavikasitāni akkhīni ummīletvā dassanamattampi imesaṃ sattānaṃ bahūpakāraṃ, pageva vandanāti. Tenāha ‘‘tena metādiso vaṇṇo’’tiādi. Sesaṃ vuttanayameva.
ванд̣̇анавимаанаван̣н̣анаа нидтид̇аа.
Vandanavimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 11. ванд̣̇анавимаанавад̇т̇у • 11. Vandanavimānavatthu
