| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
6. ван̇г̇анд̇абуд̇д̇аубасзнад̇т̇зраг̇аат̇ааван̣н̣анаа
6. Vaṅgantaputtaupasenattheragāthāvaṇṇanā
вивид̇д̇ам̣ аббаниг̇гхосанд̇иаад̣̇игаа ааяасмад̇о убасзнад̇т̇зрасса г̇аат̇аа. гаа уббад̇д̇и? аяам̣ гира бад̣̇умуд̇д̇арасса бхаг̇авад̇о гаалз хам̣савад̇ийнаг̇арз гулаг̇зхз ниб̣б̣ад̇д̇ид̇ваа ваяаббад̇д̇о сад̇т̇у санд̇игам̣ г̇анд̇ваа д̇хаммам̣ сун̣амаано сад̇т̇аарам̣ згам̣ бхигкум̣ саманд̇абаасаад̣̇игаанам̣ аг̇г̇адтаанз табзнд̇ам̣ д̣̇исваа сад̇т̇у ад̇хигаарагаммам̣ гад̇ваа д̇ам̣ таананд̇арам̣ бад̇т̇зд̇ваа яааваж̇ийвам̣ гусалам̣ гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з наалагаг̇аамз руубасаарийб̣раахман̣ияаа гужчимхи ниб̣б̣ад̇д̇и, убасзнод̇исса наамам̣ ахоси. со ваяаббад̇д̇о д̇аяо взд̣̇з уг̇г̇ахзд̇ваа сад̇т̇у санд̇игз д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа убасамбад̣̇ааяа згавассиго ‘‘арияаг̇аб̣бхам̣ вад̣дхзмий’’д̇и згам̣ гулабуд̇д̇ам̣ ад̇д̇ано санд̇игз убасамбаад̣̇зд̇ваа д̇зна сад̣̇д̇хим̣ сад̇т̇у санд̇игам̣ г̇ад̇о. сад̇т̇аараа жасса д̇асса авассигасса бхигкуно сад̣̇д̇хивихааригабхаавам̣ суд̇ваа, ‘‘ад̇илахум̣ ко д̇вам̣, могхабуриса, б̣аахуллааяа аавад̇д̇о’’д̇и (махаава. 75) г̇арахид̇о. ‘‘ид̣̇аанаахам̣ яад̣̇иби барисам̣ ниссааяа сад̇т̇аараа г̇арахид̇о, барисам̣язва бана ниссааяа сад̇т̇у баасам̣соби бхависсаамий’’д̇и вибассанааяа гаммам̣ гаронд̇о нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.2.86-96) –
Vivittaṃappanigghosantiādikā āyasmato upasenattherassa gāthā. Kā uppatti? Ayaṃ kira padumuttarassa bhagavato kāle haṃsavatīnagare kulagehe nibbattitvā vayappatto satthu santikaṃ gantvā dhammaṃ suṇamāno satthāraṃ ekaṃ bhikkhuṃ samantapāsādikānaṃ aggaṭṭhāne ṭhapentaṃ disvā satthu adhikārakammaṃ katvā taṃ ṭhānantaraṃ patthetvā yāvajīvaṃ kusalaṃ katvā devamanussesu saṃsaranto imasmiṃ buddhuppāde nālakagāme rūpasārībrāhmaṇiyā kucchimhi nibbatti, upasenotissa nāmaṃ ahosi. So vayappatto tayo vede uggahetvā satthu santike dhammaṃ sutvā paṭiladdhasaddho pabbajitvā upasampadāya ekavassiko ‘‘ariyagabbhaṃ vaḍḍhemī’’ti ekaṃ kulaputtaṃ attano santike upasampādetvā tena saddhiṃ satthu santikaṃ gato. Satthārā cassa tassa avassikassa bhikkhuno saddhivihārikabhāvaṃ sutvā, ‘‘atilahuṃ kho tvaṃ, moghapurisa, bāhullāya āvatto’’ti (mahāva. 75) garahito. ‘‘Idānāhaṃ yadipi parisaṃ nissāya satthārā garahito, parisaṃyeva pana nissāya satthu pāsaṃsopi bhavissāmī’’ti vipassanāya kammaṃ karonto nacirasseva arahattaṃ pāpuṇi. Tena vuttaṃ apadāne (apa. thera 1.2.86-96) –
‘‘бад̣̇умуд̇д̇арам̣ бхаг̇аванд̇ам̣, логаж̇здтам̣ нараасабхам̣;
‘‘Padumuttaraṃ bhagavantaṃ, lokajeṭṭhaṃ narāsabhaṃ;
баб̣бхаарамхи нисийд̣̇анд̇ам̣, убаг̇ажчим̣ наруд̇д̇амам̣.
Pabbhāramhi nisīdantaṃ, upagacchiṃ naruttamaṃ.
‘‘ган̣игаарабубпам̣ д̣̇исваа, ван̣дз чзд̇ваанахам̣ д̇ад̣̇аа;
‘‘Kaṇikārapupphaṃ disvā, vaṇṭe chetvānahaṃ tadā;
алан̇гарид̇ваа чад̇д̇амхи, б̣уд̣̇д̇хасса абхиробаяим̣.
Alaṅkaritvā chattamhi, buddhassa abhiropayiṃ.
‘‘бин̣д̣абаад̇ан̃жа баад̣̇аасим̣, бараманнам̣ субхож̇анам̣;
‘‘Piṇḍapātañca pādāsiṃ, paramannaṃ subhojanaṃ;
б̣уд̣̇д̇хзна навамз д̇ад̇т̇а, саман̣з адта бхож̇аяим̣.
Buddhena navame tattha, samaṇe aṭṭha bhojayiṃ.
‘‘анумод̣̇и махаавийро, саяамбхуу аг̇г̇абуг̇г̇ало;
‘‘Anumodi mahāvīro, sayambhū aggapuggalo;
иминаа чад̇д̇ад̣̇аанзна, бараманнабавзжчанаа.
Iminā chattadānena, paramannapavecchanā.
‘‘д̇зна жид̇д̇аббасаад̣̇зна, самбад̇д̇иманубхоссаси;
‘‘Tena cittappasādena, sampattimanubhossasi;
чад̇д̇им̣сагкад̇д̇ум̣ д̣̇звинд̣̇о, д̣̇звараж̇ж̇ам̣ гариссад̇и.
Chattiṃsakkhattuṃ devindo, devarajjaṃ karissati.
‘‘згавийсад̇игкад̇д̇ун̃жа, жаггавад̇д̇ий бхависсад̇и;
‘‘Ekavīsatikkhattuñca, cakkavattī bhavissati;
бад̣̇зсараж̇ж̇ам̣ вибулам̣, г̇ан̣анаад̇о асан̇кияам̣.
Padesarajjaṃ vipulaṃ, gaṇanāto asaṅkhiyaṃ.
‘‘сад̇асахассид̇о габбз, оггаагагуласамбхаво;
‘‘Satasahassito kappe, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘саасанз д̣̇иб̣б̣амаанамхи, мануссад̇д̇ам̣ г̇амиссад̇и;
‘‘Sāsane dibbamānamhi, manussattaṃ gamissati;
д̇асса д̇хаммзсу д̣̇ааяаад̣̇о, орасо д̇хамманиммид̇о.
Tassa dhammesu dāyādo, oraso dhammanimmito.
‘‘убасзнод̇и наамзна, хзссад̇и сад̇т̇у сааваго;
‘‘Upasenoti nāmena, hessati satthu sāvako;
саманд̇абаасаад̣̇игад̇д̇аа, аг̇г̇адтаанз табзссад̇и.
Samantapāsādikattā, aggaṭṭhāne ṭhapessati.
‘‘жаримам̣ вад̇д̇ад̇з маяхам̣, бхаваа саб̣б̣з самуухад̇аа;
‘‘Carimaṃ vattate mayhaṃ, bhavā sabbe samūhatā;
д̇хаарзми анд̇имам̣ д̣̇зхам̣, ж̇зд̇ваа маарам̣ савааханам̣.
Dhāremi antimaṃ dehaṃ, jetvā māraṃ savāhanaṃ.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасана’’нд̇и.
‘‘Paṭisambhidā catasso…pe… kataṃ buddhassa sāsana’’nti.
арахад̇д̇ам̣ бана бад̇ваа саяамби саб̣б̣з д̇худ̇ан̇г̇ад̇хаммз самаад̣̇ааяа вад̇д̇ад̇и, ан̃н̃зби д̇ад̣̇ад̇т̇ааяа самаад̣̇абзд̇и , д̇зна нам̣ бхаг̇аваа саманд̇абаасаад̣̇игаанам̣ аг̇г̇адтаанз табзси. со абарзна самаязна госамб̣ияам̣ галахз уббаннз бхигкусан̇гхз жа д̣̇вид̇хаабхууд̇з згзна бхигкунаа д̇ам̣ галахам̣ бариваж̇ж̇ид̇угаамзна ‘‘зд̇арахи ко галахо уббанно, сан̇гхо д̣̇вид̇хаабхууд̇о, гат̇ам̣ ну ко маяаа бадибаж̇ж̇ид̇аб̣б̣а’’нд̇и будто вивзгаваасад̇о бадтааяа д̇асса бадибад̇д̇им̣ гат̇знд̇о –
Arahattaṃ pana patvā sayampi sabbe dhutaṅgadhamme samādāya vattati, aññepi tadatthāya samādapeti , tena naṃ bhagavā samantapāsādikānaṃ aggaṭṭhāne ṭhapesi. So aparena samayena kosambiyaṃ kalahe uppanne bhikkhusaṅghe ca dvidhābhūte ekena bhikkhunā taṃ kalahaṃ parivajjitukāmena ‘‘etarahi kho kalaho uppanno, saṅgho dvidhābhūto, kathaṃ nu kho mayā paṭipajjitabba’’nti puṭṭho vivekavāsato paṭṭhāya tassa paṭipattiṃ kathento –
577.
577.
‘‘вивид̇д̇ам̣ аббаниг̇гхосам̣, ваал̣амиг̇анисзвид̇ам̣;
‘‘Vivittaṃ appanigghosaṃ, vāḷamiganisevitaṃ;
сзвз сзнаасанам̣ бхигку, бадисаллаанагааран̣аа.
Seve senāsanaṃ bhikkhu, paṭisallānakāraṇā.
578.
578.
‘‘сан̇гаарабун̃ж̇аа аахад̇ваа, сусаанаа рат̇ияаахи жа;
‘‘Saṅkārapuñjā āhatvā, susānā rathiyāhi ca;
д̇ад̇о сан̇гхаадигам̣ гад̇ваа, луукам̣ д̇хаарзяяа жийварам̣.
Tato saṅghāṭikaṃ katvā, lūkhaṃ dhāreyya cīvaraṃ.
579.
579.
‘‘нийжам̣ манам̣ гарид̇ваана, сабад̣̇аанам̣ гулаа гулам̣;
‘‘Nīcaṃ manaṃ karitvāna, sapadānaṃ kulā kulaṃ;
бин̣д̣игааяа жарз бхигку, г̇уд̇д̇ад̣̇вааро сусам̣вуд̇о.
Piṇḍikāya care bhikkhu, guttadvāro susaṃvuto.
580.
580.
‘‘луукзнаби ваа санд̇уссз, наан̃н̃ам̣ бад̇т̇з расам̣ б̣ахум̣;
‘‘Lūkhenapi vā santusse, nāññaṃ patthe rasaṃ bahuṃ;
расзсу ануг̇ид̣̇д̇хасса, жхаанз на рамад̇ий мано.
Rasesu anugiddhassa, jhāne na ramatī mano.
581.
581.
‘‘аббижчо жзва санд̇удто, бавивид̇д̇о васз муни;
‘‘Appiccho ceva santuṭṭho, pavivitto vase muni;
асам̣садто г̇ахадтзхи, анааг̇аарзхи жуубхаяам̣.
Asaṃsaṭṭho gahaṭṭhehi, anāgārehi cūbhayaṃ.
582.
582.
‘‘яат̇аа ж̇ал̣о ва мууг̇о ва, ад̇д̇аанам̣ д̣̇ассаяз д̇ат̇аа;
‘‘Yathā jaḷo va mūgo va, attānaṃ dassaye tathā;
наад̇ивзлам̣ самбхаасзяяа, сан̇гхамаж̇жхамхи бан̣д̣ид̇о.
Nātivelaṃ sambhāseyya, saṅghamajjhamhi paṇḍito.
583.
583.
‘‘на со убавад̣̇з ган̃жи, убагхаад̇ам̣ виваж̇ж̇аяз;
‘‘Na so upavade kañci, upaghātaṃ vivajjaye;
сам̣вуд̇о баад̇имогкасмим̣, мад̇д̇ан̃н̃уу жасса бхож̇анз.
Saṃvuto pātimokkhasmiṃ, mattaññū cassa bhojane.
584. ‘‘суг̇г̇ахийд̇анимид̇д̇асса, жид̇д̇ассуббаад̣̇аговид̣̇о.
584. ‘‘Suggahītanimittassa, cittassuppādakovido.
самат̇ам̣ ануяун̃ж̇зяяа, гаалзна жа вибассанам̣.
Samathaṃ anuyuñjeyya, kālena ca vipassanaṃ.
585.
585.
‘‘вийрияасаад̇ажжасамбанно, яуд̇д̇аяог̇о сад̣̇аа сияаа;
‘‘Vīriyasātaccasampanno, yuttayogo sadā siyā;
на жа аббад̇ваа д̣̇угканд̇ам̣, виссаасам̣ зяяа бан̣д̣ид̇о.
Na ca appatvā dukkhantaṃ, vissāsaṃ eyya paṇḍito.
586.
586.
‘‘звам̣ вихарамаанасса, суд̣̇д̇хигаамасса бхигкуно;
‘‘Evaṃ viharamānassa, suddhikāmassa bhikkhuno;
кийяанд̇и аасаваа саб̣б̣з, ниб̣б̣уд̇ин̃жаад̇хиг̇ажчад̇ий’’д̇и. –
Khīyanti āsavā sabbe, nibbutiñcādhigacchatī’’ti. –
имаа г̇аат̇аа абхааси.
Imā gāthā abhāsi.
д̇ад̇т̇а вивид̇д̇анд̇и, ж̇анавивид̇д̇ам̣ сун̃н̃ам̣ аран̃н̃аад̣̇им̣. аббаниг̇гхосанд̇и, ниссад̣̇д̣̇ам̣ сад̣̇д̣̇асан̇гхадданарахид̇ам̣. ваал̣амиг̇анисзвид̇анд̇и, сийхаб̣яаг̇гхад̣̇ийбиваал̣амиг̇зхи жарид̇ам̣. иминааби ж̇анавивзгам̣язва д̣̇ассзд̇и банд̇асзнаасанабхаавад̣̇ийбанад̇о. сзнаасананд̇и, саяид̇ум̣ аасаяид̇ун̃жа яуд̇д̇абхаавзна васанадтаанам̣ ид̇ха сзнаасананд̇и ад̇хиббзд̇ам̣. бадисаллаанагааран̣аад̇и, бадисаллаананимид̇д̇ам̣, наанаарамман̣ад̇о нивад̇д̇зд̇ваа гаммадтаанзязва жид̇д̇асса бади бади саммад̣̇зва аллийяанад̇т̇ам̣.
Tattha vivittanti, janavivittaṃ suññaṃ araññādiṃ. Appanigghosanti, nissaddaṃ saddasaṅghaṭṭanarahitaṃ. Vāḷamiganisevitanti, sīhabyagghadīpivāḷamigehi caritaṃ. Imināpi janavivekaṃyeva dasseti pantasenāsanabhāvadīpanato. Senāsananti, sayituṃ āsayituñca yuttabhāvena vasanaṭṭhānaṃ idha senāsananti adhippetaṃ. Paṭisallānakāraṇāti, paṭisallānanimittaṃ, nānārammaṇato nivattetvā kammaṭṭhāneyeva cittassa paṭi paṭi sammadeva allīyanatthaṃ.
звам̣ бхааванаануруубам̣ сзнаасанам̣ нид̣̇д̣̇исанд̇о сзнаасанз санд̇осам̣ д̣̇ассзд̇ваа ид̣̇аани жийвараад̣̇ийсуби д̇ам̣ д̣̇ассзд̇ум̣ ‘‘сам̣гаарабун̃ж̇аа’’д̇иаад̣̇и вуд̇д̇ам̣. д̇ад̇т̇а сам̣гаарабун̃ж̇аад̇и сам̣гаараанам̣ бун̃ж̇ам̣ сам̣гаарабун̃ж̇ам̣, д̇ад̇о гажаварадтаанаа. аахад̇ваад̇и аахарид̇ваа. д̇ад̇од̇и д̇ат̇аа аахадажол̣агкан̣д̣зхи. гаран̣з хи ид̣̇ам̣ ниссаггаважанам̣ лууканд̇и сад̇т̇алуукараж̇аналуукаад̣̇инаа луукам̣ аван̣н̣аамадтам̣. д̇хаарзяяаад̇и ниваасанаад̣̇ивасзна барихарзяяа, зд̇зна жийварасанд̇осам̣ вад̣̇ад̇и.
Evaṃ bhāvanānurūpaṃ senāsanaṃ niddisanto senāsane santosaṃ dassetvā idāni cīvarādīsupi taṃ dassetuṃ ‘‘saṃkārapuñjā’’tiādi vuttaṃ. Tattha saṃkārapuñjāti saṃkārānaṃ puñjaṃ saṃkārapuñjaṃ, tato kacavaraṭṭhānā. Āhatvāti āharitvā. Tatoti tathā āhaṭacoḷakkhaṇḍehi. Karaṇe hi idaṃ nissakkavacanaṃ lūkhanti satthalūkharajanalūkhādinā lūkhaṃ avaṇṇāmaṭṭhaṃ. Dhāreyyāti nivāsanādivasena parihareyya, etena cīvarasantosaṃ vadati.
нийжа манам̣ гарид̇ваанаад̇и ‘‘анд̇амид̣̇ам̣, бхигкавз, ж̇ийвигаана’’нд̇иаад̣̇игам̣ (ид̇иву. 91; сам̣. ни. 3.80) суг̇ад̇оваад̣̇ам̣ ануссарид̇ваа нихад̇амаанад̣̇аббам̣ жид̇д̇ам̣ гад̇ваа. сабад̣̇аананд̇и гхарзсу авакан̣д̣арахид̇ам̣; анугхаранд̇и ад̇т̇о. д̇знааха ‘‘гулаа гула’’нд̇и. гулаа гуланд̇и гулад̇о гулам̣, гулаанубуб̣б̣ияаа гхарабадибаадияаад̇и ад̇т̇о. бин̣д̣игааяаад̇и миссагабхигкааяа, иминаа бин̣д̣абаад̇асанд̇осам̣ вад̣̇ад̇и. г̇уд̇д̇ад̣̇ваарод̇и субихид̇ажагкаад̣̇ид̣̇вааро. сусам̣вуд̇од̇и хад̇т̇агуггужжаад̣̇ийнам̣ абхаавзна судту сам̣вуд̇о.
Nīca manaṃ karitvānāti ‘‘antamidaṃ, bhikkhave, jīvikāna’’ntiādikaṃ (itivu. 91; saṃ. ni. 3.80) sugatovādaṃ anussaritvā nihatamānadappaṃ cittaṃ katvā. Sapadānanti gharesu avakhaṇḍarahitaṃ; anugharanti attho. Tenāha ‘‘kulā kula’’nti. Kulā kulanti kulato kulaṃ, kulānupubbiyā gharapaṭipāṭiyāti attho. Piṇḍikāyāti missakabhikkhāya, iminā piṇḍapātasantosaṃ vadati. Guttadvāroti supihitacakkhādidvāro. Susaṃvutoti hatthakukkuccādīnaṃ abhāvena suṭṭhu saṃvuto.
луукзнаби ваад̇и абисад̣̇д̣̇о самужжаяз, ваа-сад̣̇д̣̇о вигаббз. убхаязнаби луукзнаби аббзнаби язна гзнажи сулабхзна ид̇арийд̇арзна санд̇уссз самам̣ саммаа д̇уссзяяа. д̇знааха ‘‘наан̃н̃ам̣ бад̇т̇з расам̣ б̣аху’’нд̇и. наан̃н̃ам̣ бад̇т̇з расам̣ б̣ахунд̇и ад̇д̇анаа яат̇аалад̣̇д̇хад̇о ан̃н̃ам̣ мад̇хураад̣̇ирасам̣ б̣ахум̣ бан̣ийд̇ан̃жа на бад̇т̇зяяа на бихзяяа, иминаа г̇илаанабажжаязби санд̇осо д̣̇ассид̇о ход̇и. расзсу г̇зд̇хавааран̣ад̇т̇ам̣ бана гааран̣ам̣ вад̣̇анд̇о расзсу ануг̇ид̣̇д̇хасса, жхаанз на рамад̇ий мано’’д̇и ааха. инд̣̇рияасам̣варамби абарибуурзнд̇асса гуд̇о вигкид̇д̇ажид̇д̇асамаад̇хаананд̇и ад̇хиббааяо.
Lūkhenapi vāti apisaddo samuccaye, vā-saddo vikappe. Ubhayenapi lūkhenapi appenapi yena kenaci sulabhena itarītarena santusse samaṃ sammā tusseyya. Tenāha ‘‘nāññaṃ patthe rasaṃ bahu’’nti. Nāññaṃ patthe rasaṃ bahunti attanā yathāladdhato aññaṃ madhurādirasaṃ bahuṃ paṇītañca na pattheyya na piheyya, iminā gilānapaccayepi santoso dassito hoti. Rasesu gedhavāraṇatthaṃ pana kāraṇaṃ vadanto rasesu anugiddhassa, jhāne na ramatī mano’’ti āha. Indriyasaṃvarampi aparipūrentassa kuto vikkhittacittasamādhānanti adhippāyo.
звам̣ жад̇уусу бажжаязсу саллзкабадибад̇д̇им̣ д̣̇ассзд̇ваа ид̣̇аани авасидтагат̇аавад̇т̇ууни д̣̇ассзд̇ум̣ ‘‘аббижчо жзваа’’д̇иаад̣̇и вуд̇д̇ам̣. д̇ад̇т̇а аббижчод̇и, анижчо жад̇уусу бажжаязсу ижчаарахид̇о, д̇зна жад̇уб̣б̣ид̇хабажжаязсу д̇ан̣хуббаад̣̇авигкамбханамааха. санд̇удтод̇и, жад̇уусу бажжаязсу яат̇аалаабхасанд̇осаад̣̇инаа санд̇удто. яо хи –
Evaṃ catūsu paccayesu sallekhapaṭipattiṃ dassetvā idāni avasiṭṭhakathāvatthūni dassetuṃ ‘‘appiccho cevā’’tiādi vuttaṃ. Tattha appicchoti, aniccho catūsu paccayesu icchārahito, tena catubbidhapaccayesu taṇhuppādavikkhambhanamāha. Santuṭṭhoti, catūsu paccayesu yathālābhasantosādinā santuṭṭho. Yo hi –
‘‘ад̇ийд̇ам̣ наанусожзяяа, наббаж̇аббзяяанааг̇ад̇ам̣;
‘‘Atītaṃ nānusoceyya, nappajappeyyanāgataṃ;
бажжуббаннзна яаабзяяа, со ‘санд̇удто’д̇и бавужжад̇ий’’д̇и.
Paccuppannena yāpeyya, so ‘santuṭṭho’ti pavuccatī’’ti.
бавивид̇д̇од̇и г̇ан̣асан̇г̇ан̣игам̣ бахааяа гааязна бавивид̇д̇о вуубагадто. жид̇д̇авивзгаад̣̇игз хи барад̇о вагкад̇и. васзд̇и саб̣б̣ад̇т̇а яож̇зд̇аб̣б̣ам̣. монзяяад̇хаммасаманнааг̇амзна муни. асам̣садтод̇и д̣̇ассанасаванасамуллабанасамбхог̇агааяасам̣саг̇г̇аанам̣ абхаавзна асам̣садто яат̇аавуд̇д̇асам̣саг̇г̇арахид̇о. убхаяанд̇и, г̇ахадтзхи анааг̇аарзхи жаад̇и убхаязхиби асам̣садто. гаран̣з хи ид̣̇ам̣ бажжад̇д̇аважанам̣.
Pavivittoti gaṇasaṅgaṇikaṃ pahāya kāyena pavivitto vūpakaṭṭho. Cittavivekādike hi parato vakkhati. Vaseti sabbattha yojetabbaṃ. Moneyyadhammasamannāgamena muni. Asaṃsaṭṭhoti dassanasavanasamullapanasambhogakāyasaṃsaggānaṃ abhāvena asaṃsaṭṭho yathāvuttasaṃsaggarahito. Ubhayanti, gahaṭṭhehi anāgārehi cāti ubhayehipi asaṃsaṭṭho. Karaṇe hi idaṃ paccattavacanaṃ.
ад̇д̇аанам̣ д̣̇ассаяз д̇ат̇аад̇и аж̇ал̣о амууг̇оби самаано яат̇аа ж̇ал̣о ваа мууг̇о ваа, д̇ат̇аа ад̇д̇аанам̣ д̣̇ассзяяа, зд̇зна бааг̇аб̣б̣ияаббахаанамааха. ж̇ал̣о ва мууг̇о ваад̇и жа г̇аат̇аасукад̇т̇ам̣ рассад̇д̇ам̣ гад̇ам̣, самужжаяад̇т̇о жа ваасад̣̇д̣̇о. наад̇ивзлам̣ самбхаасзяяаад̇и ад̇ивзлам̣ ад̇игганд̇абамаан̣ам̣ на бхаасзяяа, мад̇д̇абхаан̣ий ассаад̇и ад̇т̇о. сан̇гхамаж̇жхамхийд̇и бхигкусан̇гхз, ж̇анасамуухз ваа.
Attānaṃ dassaye tathāti ajaḷo amūgopi samāno yathā jaḷo vā mūgo vā, tathā attānaṃ dasseyya, etena pāgabbiyappahānamāha. Jaḷo va mūgo vāti ca gāthāsukhatthaṃ rassattaṃ kataṃ, samuccayattho ca vāsaddo. Nātivelaṃ sambhāseyyāti ativelaṃ atikkantapamāṇaṃ na bhāseyya, mattabhāṇī assāti attho. Saṅghamajjhamhīti bhikkhusaṅghe, janasamūhe vā.
на со убавад̣̇з ган̃жийд̇и со яат̇аавуд̇д̇абадибад̇д̇иго бхигку хийнам̣ ваа маж̇жхимам̣ ваа уггадтам̣ ваа яам̣гин̃жи на ваажааяа убавад̣̇зяяа. убагхаад̇ам̣ виваж̇ж̇аязд̇и гааязна убагхаад̇ам̣ баривихзтанам̣ важ̇ж̇зяяа. сам̣вуд̇о баад̇имогкасминд̇и баад̇имогкамхи баад̇имогкасам̣варасийлз сам̣вуд̇о асса, баад̇имогкасам̣варзна бихид̇агааяаваажо сияаад̇и ад̇т̇о. мад̇д̇ан̃н̃уу жасса бхож̇анзд̇и бариязсанабадиг̇г̇ахан̣абарибхог̇ависсаж̇ж̇анзсу бхож̇анз бамаан̣ан̃н̃уу сияаа.
Na so upavade kañcīti so yathāvuttapaṭipattiko bhikkhu hīnaṃ vā majjhimaṃ vā ukkaṭṭhaṃ vā yaṃkiñci na vācāya upavadeyya. Upaghātaṃ vivajjayeti kāyena upaghātaṃ pariviheṭhanaṃ vajjeyya. Saṃvuto pātimokkhasminti pātimokkhamhi pātimokkhasaṃvarasīle saṃvuto assa, pātimokkhasaṃvarena pihitakāyavāco siyāti attho. Mattaññū cassa bhojaneti pariyesanapaṭiggahaṇaparibhogavissajjanesu bhojane pamāṇaññū siyā.
суг̇г̇ахийд̇анимид̇д̇ассаад̇и ‘‘звам̣ мз манаси гарод̇о жид̇д̇ам̣ самаахид̇ам̣ ахосий’’д̇и д̇ад̣̇аагаарам̣ саллагкзнд̇о судту г̇ахид̇асамаад̇хинимид̇д̇о асса. ‘‘суг̇г̇ахийд̇анимид̇д̇о со’’д̇иби баато, со яог̇ийд̇и ад̇т̇о. жид̇д̇ассуббаад̣̇аговид̣̇од̇и звам̣ бхааваяад̇о жид̇д̇ам̣ лийнам̣ ход̇и, ‘‘звам̣ уд̣̇д̇хад̇а’’нд̇и лийнасса уд̣̇д̇хад̇асса жа жид̇д̇асса уббад̇д̇игааран̣з гусало асса. лийнз хи жид̇д̇з д̇хаммавижаяавийрияабийд̇исамб̣ож̇жхан̇г̇аа бхаавзд̇аб̣б̣аа, уд̣̇д̇хад̇з бассад̣̇д̇хисамаад̇хиубзгкаасамб̣ож̇жхан̇г̇аа. сад̇исамб̣ож̇жхан̇г̇о бана саб̣б̣ад̇т̇а ижчид̇аб̣б̣о. д̇знааха бхаг̇аваа – ‘‘яасмин̃жа ко, бхигкавз, самаяз лийнам̣ жид̇д̇ам̣ ход̇и, гаало д̇асмим̣ самаяз д̇хаммавижаяасамб̣ож̇жхан̇г̇асса бхааванааяаа’’д̇иаад̣̇и (сам̣. ни. 5.234). самат̇ам̣ ануяун̃ж̇зяяаад̇и самат̇абхааванам̣ бхаавзяяа, ануббаннам̣ самаад̇хим̣ уббаад̣̇зяяа, уббаннан̃жа яаава васийбхааваббад̇д̇и, д̇аава вад̣дхзяяа б̣яуухзяяаад̇и ад̇т̇о. гаалзна жа вибассананд̇и яат̇аалад̣̇д̇хам̣ самаад̇хим̣ ниганд̇ияаа абарияаад̣̇аанзна хаанабхааг̇ияам̣ тид̇ибхааг̇ияам̣ ваа агад̇ваа ниб̣б̣зд̇хабхааг̇ияам̣ва гад̇ваа гаалзна вибассанан̃жа ануяун̃ж̇зяяа. ат̇а ваа гаалзна жа вибассананд̇и самат̇ам̣ ануяун̃ж̇анд̇о д̇асса т̇ирийбхууд̇агаалз сан̇гожам̣ анаабаж̇ж̇ид̇ваа арияамаг̇г̇аад̇хиг̇амааяа вибассанам̣ ануяун̃ж̇зяяа. яат̇ааха –
Suggahītanimittassāti ‘‘evaṃ me manasi karoto cittaṃ samāhitaṃ ahosī’’ti tadākāraṃ sallakkhento suṭṭhu gahitasamādhinimitto assa. ‘‘Suggahītanimitto so’’tipi pāṭho, so yogīti attho. Cittassuppādakovidoti evaṃ bhāvayato cittaṃ līnaṃ hoti, ‘‘evaṃ uddhata’’nti līnassa uddhatassa ca cittassa uppattikāraṇe kusalo assa. Līne hi citte dhammavicayavīriyapītisambojjhaṅgā bhāvetabbā, uddhate passaddhisamādhiupekkhāsambojjhaṅgā. Satisambojjhaṅgo pana sabbattha icchitabbo. Tenāha bhagavā – ‘‘yasmiñca kho, bhikkhave, samaye līnaṃ cittaṃ hoti, kālo tasmiṃ samaye dhammavicayasambojjhaṅgassa bhāvanāyā’’tiādi (saṃ. ni. 5.234). Samathaṃ anuyuñjeyyāti samathabhāvanaṃ bhāveyya, anuppannaṃ samādhiṃ uppādeyya, uppannañca yāva vasībhāvappatti, tāva vaḍḍheyya byūheyyāti attho. Kālena ca vipassananti yathāladdhaṃ samādhiṃ nikantiyā apariyādānena hānabhāgiyaṃ ṭhitibhāgiyaṃ vā akatvā nibbedhabhāgiyaṃva katvā kālena vipassanañca anuyuñjeyya. Atha vā kālena ca vipassananti samathaṃ anuyuñjanto tassa thirībhūtakāle saṅkocaṃ anāpajjitvā ariyamaggādhigamāya vipassanaṃ anuyuñjeyya. Yathāha –
‘‘ат̇а ваа самаад̇хилаабхзна, вивид̇д̇асаяанзна ваа;
‘‘Atha vā samādhilābhena, vivittasayanena vā;
бхигку виссаасамаабаад̣̇и, аббад̇д̇о аасавагкаяа’’нд̇и. (д̇ха. ба. 271-272);
Bhikkhu vissāsamāpādi, appatto āsavakkhaya’’nti. (dha. pa. 271-272);
д̇зна вуд̇д̇ам̣ – ‘‘вийрияасаад̇ажжасамбанно’’д̇иаад̣̇и. сад̇ад̇абхааво саад̇ажжам̣, вийрияасса саад̇ажжам̣, д̇зна самбанно саманнааг̇ад̇о, сад̇ад̇абавад̇д̇авийрияо, нижжабаг̇г̇ахид̇авийрияод̇и ад̇т̇о. яуд̇д̇аяог̇о сад̣̇аа сияаад̇и саб̣б̣агаалам̣ бхааванаануяуд̇д̇о сияаа. д̣̇угканд̇анд̇и ваддад̣̇угкасса анд̇ам̣ барияосаанам̣ нирод̇хам̣ ниб̣б̣аанам̣ аббад̇ваа виссаасам̣ на зяяа на г̇ажчзяяа. ‘‘ахам̣ барисуд̣̇д̇хасийло жхааналаабхий абхин̃н̃аалаабхий вибассанам̣ мад̇т̇агам̣ баабзд̇ваа тид̇о’’д̇и ваа виссадто на бхавзяяаад̇и ад̇т̇о.
Tena vuttaṃ – ‘‘vīriyasātaccasampanno’’tiādi. Satatabhāvo sātaccaṃ, vīriyassa sātaccaṃ, tena sampanno samannāgato, satatapavattavīriyo, niccapaggahitavīriyoti attho. Yuttayogo sadā siyāti sabbakālaṃ bhāvanānuyutto siyā. Dukkhantanti vaṭṭadukkhassa antaṃ pariyosānaṃ nirodhaṃ nibbānaṃ appatvā vissāsaṃ na eyya na gaccheyya. ‘‘Ahaṃ parisuddhasīlo jhānalābhī abhiññālābhī vipassanaṃ matthakaṃ pāpetvā ṭhito’’ti vā vissaṭṭho na bhaveyyāti attho.
звам̣ вихарамаанассаад̇и, звам̣ вивид̇д̇асзнаасанасзванаад̣̇инаа вибассанаавасзна яуд̇д̇аяог̇ад̇аабарияосаанзна вид̇хинаа вихаранд̇асса. суд̣̇д̇хигаамассаад̇и, н̃аан̣ад̣̇ассанависуд̣̇д̇хим̣ ажжанд̇ависуд̣̇д̇хим̣ ниб̣б̣аанам̣ арахад̇д̇ан̃жа ижчанд̇асса. сам̣саарз бхаяасса игкад̇о бхигкуно, гаамаасаваад̣̇аяо саб̣б̣з аасаваа кийяанд̇и каяам̣ аб̣бхад̇т̇ам̣ г̇ажчанд̇и, д̇зсам̣ каяаг̇аманзнзва саубаад̣̇исзсаанубаад̣̇исзсабабхзд̣̇ам̣ д̣̇увид̇хамби ниб̣б̣аанам̣ ад̇хиг̇ажчад̇и баабун̣аад̇и.
Evaṃ viharamānassāti, evaṃ vivittasenāsanasevanādinā vipassanāvasena yuttayogatāpariyosānena vidhinā viharantassa. Suddhikāmassāti, ñāṇadassanavisuddhiṃ accantavisuddhiṃ nibbānaṃ arahattañca icchantassa. Saṃsāre bhayassa ikkhato bhikkhuno, kāmāsavādayo sabbe āsavā khīyanti khayaṃ abbhatthaṃ gacchanti, tesaṃ khayagamaneneva saupādisesaanupādisesapabhedaṃ duvidhampi nibbānaṃ adhigacchati pāpuṇāti.
звам̣ т̇зро д̇асса бхигкуно оваад̣̇ад̣̇аанаабад̣̇зсзна ад̇д̇анаа д̇ат̇аабадибаннабхаавам̣ д̣̇ийбзнд̇о ан̃н̃ам̣ б̣яаагааси.
Evaṃ thero tassa bhikkhuno ovādadānāpadesena attanā tathāpaṭipannabhāvaṃ dīpento aññaṃ byākāsi.
ван̇г̇анд̇абуд̇д̇аубасзнад̇т̇зраг̇аат̇ааван̣н̣анаа нидтид̇аа.
Vaṅgantaputtaupasenattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 6. ван̇г̇анд̇абуд̇д̇аубасзнад̇т̇зраг̇аат̇аа • 6. Vaṅgantaputtaupasenattheragāthā
