| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
12. ван̇г̇ийсасуд̇д̇аван̣н̣анаа
12. Vaṅgīsasuttavaṇṇanā
220. со гира вижарад̇ийд̇и самб̣анд̇хо. ‘‘яат̇ааяам̣ д̣̇ийбо ж̇амб̣уд̣̇ийбод̇и ж̇амб̣унаа бан̃н̃аад̇о, зваахамби д̇зна ж̇амб̣унаа бан̃н̃ааяисса’’нд̇и ж̇амб̣усаакам̣ барихарид̇ваа. ваад̣̇ам̣ гад̇ваад̇и ‘‘имасмим̣ ваад̣̇з сажз д̇з барааж̇аяо ход̇и, д̇вам̣ мз д̣̇аасо хохи. сажз мз барааж̇аяо, ахам̣ д̇з бхарияаа’’д̇и звам̣ гад̇игам̣ гад̇ваа. ваад̣̇з ж̇аяабарааж̇аяаанубхаавзнаад̇и д̇ат̇аабавад̇д̇ид̇з ваад̣̇з бариб̣б̣ааж̇агасса ж̇аяаанубхаавзна жзва ад̇д̇ано барааж̇аязна жа. ваяам̣ ааг̇аммаад̇и сиббуг̇г̇ахан̣аваяам̣ ааг̇амма. виж̇ж̇анд̇и манд̇ам̣.
220. So kira vicaratīti sambandho. ‘‘Yathāyaṃ dīpo jambudīpoti jambunā paññāto, evāhampi tena jambunā paññāyissa’’nti jambusākhaṃ pariharitvā. Vādaṃ katvāti ‘‘imasmiṃ vāde sace te parājayo hoti, tvaṃ me dāso hohi. Sace me parājayo, ahaṃ te bhariyā’’ti evaṃ katikaṃ katvā. Vāde jayaparājayānubhāvenāti tathāpavattite vāde paribbājakassa jayānubhāvena ceva attano parājayena ca. Vayaṃ āgammāti sippuggahaṇavayaṃ āgamma. Vijjanti mantaṃ.
ниб̣б̣ад̇д̇аг̇ад̇ивибхааванавасзна чавасийсабхаавам̣ д̣̇уусзд̇и винаасзд̇ийд̇и чавад̣̇уусагам̣ сиббам̣, д̇ат̇аабавад̇д̇ам̣ манд̇абад̣̇ам̣. ад̇д̇ано аанубхаавзнаад̇и нираяз ниб̣б̣ад̇д̇асад̇д̇асса сийсам̣ яад̇т̇а гад̇т̇ажи тид̇ам̣ б̣уд̣̇д̇хаанубхаавзна аанзд̇ваа д̣̇ассзд̇ваа. кийн̣аасавасса сийсанд̇и барамаббижчад̇ааяа ган̃жиби аж̇аанаабзд̇ваа аран̃н̃ам̣ бависид̇ваа бариниб̣б̣уд̇асса кийн̣аасавасса чад̣д̣ид̇ам̣ сийсагадаахам̣. д̣̇ассзсийд̇и ад̇д̇ано аанубхаавзна аанзд̇ваа д̣̇ассзси.
Nibbattagativibhāvanavasena chavasīsabhāvaṃ dūseti vināsetīti chavadūsakaṃ sippaṃ, tathāpavattaṃ mantapadaṃ. Attano ānubhāvenāti niraye nibbattasattassa sīsaṃ yattha katthaci ṭhitaṃ buddhānubhāvena ānetvā dassetvā. Khīṇāsavassa sīsanti paramappicchatāya kañcipi ajānāpetvā araññaṃ pavisitvā parinibbutassa khīṇāsavassa chaḍḍitaṃ sīsakaṭāhaṃ. Dassesīti attano ānubhāvena ānetvā dassesi.
‘‘д̇умхз, бхо г̇од̇ама, ж̇аанаат̇аа’’д̇и гаамам̣ ван̇г̇ийсо ниб̣б̣ад̇д̇адтаанам̣ санд̇хааяа бужчад̇и, бхаг̇аваа бана анубаад̣̇исзсаниб̣б̣аанам̣ санд̇хааяа ‘‘аама, ван̇г̇ийса…бз… г̇ад̇им̣ ж̇аанаамий’’д̇и ааха. вуд̇д̇ан̃хзд̇ам̣ ‘‘ниб̣б̣аанам̣ арахад̇о г̇ад̇ий’’д̇и. ван̇г̇ийсо саяам̣ манд̇аб̣алзна г̇ад̇ибарияаабаннасса г̇ад̇им̣ ж̇аананд̇о бхаг̇аванд̇амби ‘‘аяамби д̇ат̇аа’’д̇и ман̃н̃амаано ‘‘манд̇зна ж̇аанааси, бхо г̇од̇амаа’’д̇и ааха. бхаг̇аваа ад̇д̇ано б̣уд̣̇д̇хан̃аан̣амзва манд̇ам̣ гад̇ваа д̣̇ийбзнд̇о ‘‘аама, ван̇г̇ийса, згзна манд̇знзва ж̇аанаамий’’д̇и ааха. муд̇хаа зва д̣̇аад̇аб̣б̣анд̇и амуулиго. ананд̇арахид̇ааяа бхуумияаа саяанам̣ т̇ан̣д̣иласзяяаа. аад̣̇и-сад̣̇д̣̇зна сааяад̇ад̇ияам̣ уд̣̇агорохан̣абхуумихаран̣аад̣̇им̣ сан̇г̇ан̣хаад̇и. со д̇ам̣…бз… арахад̇д̇ам̣ баабун̣ийд̇и иминаа ван̇г̇ийсад̇т̇зро баб̣б̣аж̇ид̇ваа на жирассзва сукааяа бадибад̣̇ааяа арахад̇д̇ам̣ бад̇д̇о вияа д̣̇иссад̇и, на ко банзд̇ам̣ звам̣ д̣̇адтаб̣б̣ам̣, ааяад̇им̣ т̇зро баб̣б̣аж̇ид̇ваа самат̇авибассанаасу гаммам̣ аарабхид̇вааби д̣̇угкааяа бадибад̣̇ааяа д̇аад̣̇исам̣ гаалам̣ вийд̇инаамзд̇ваа арахад̇д̇ам̣ баабун̣и. д̇знааха –
‘‘Tumhe, bho gotama, jānāthā’’ti kāmaṃ vaṅgīso nibbattaṭṭhānaṃ sandhāya pucchati, bhagavā pana anupādisesanibbānaṃ sandhāya ‘‘āma, vaṅgīsa…pe… gatiṃ jānāmī’’ti āha. Vuttañhetaṃ ‘‘nibbānaṃ arahato gatī’’ti. Vaṅgīso sayaṃ mantabalena gatipariyāpannassa gatiṃ jānanto bhagavantampi ‘‘ayampi tathā’’ti maññamāno ‘‘mantena jānāsi, bho gotamā’’ti āha. Bhagavā attano buddhañāṇameva mantaṃ katvā dīpento ‘‘āma, vaṅgīsa, ekena manteneva jānāmī’’ti āha. Mudhā eva dātabbanti amūliko. Anantarahitāya bhūmiyā sayanaṃ thaṇḍilaseyyā. Ādi-saddena sāyatatiyaṃ udakorohaṇabhūmiharaṇādiṃ saṅgaṇhāti. So taṃ…pe… arahattaṃ pāpuṇīti iminā vaṅgīsatthero pabbajitvā na cirasseva sukhāya paṭipadāya arahattaṃ patto viya dissati, na kho panetaṃ evaṃ daṭṭhabbaṃ, āyatiṃ thero pabbajitvā samathavipassanāsu kammaṃ ārabhitvāpi dukkhāya paṭipadāya tādisaṃ kālaṃ vītināmetvā arahattaṃ pāpuṇi. Tenāha –
‘‘нигканд̇ам̣ вад̇а мам̣ санд̇ам̣, аг̇аарасмаанаг̇аарияам̣;
‘‘Nikkhantaṃ vata maṃ santaṃ, agārasmānagāriyaṃ;
вид̇аггаа убад̇хааванд̇и, баг̇аб̣бхаа ган̣хад̇о имз’’. (сам̣. ни. 1.209; т̇зраг̇аа. 1218);
Vitakkā upadhāvanti, pagabbhā kaṇhato ime’’. (saṃ. ni. 1.209; theragā. 1218);
ааяасмад̇о ван̇г̇ийсасса анабхирад̇и уббаннаа ход̇и, рааг̇о жид̇д̇ам̣ ануд̣̇д̇хам̣сзд̇и, ‘‘гаамарааг̇зна д̣аяхаами, жид̇д̇ам̣ мз барид̣аяхад̇ий’’д̇иаад̣̇и (т̇зраг̇аа. 1232).
Āyasmato vaṅgīsassa anabhirati uppannā hoti, rāgo cittaṃ anuddhaṃseti, ‘‘kāmarāgena ḍayhāmi, cittaṃ me pariḍayhatī’’tiādi (theragā. 1232).
вимуд̇д̇исуканд̇и саб̣б̣асо гилзсавимуд̇д̇ияам̣ ниб̣б̣аанз жа уббаннам̣ самбад̇иарахад̇д̇апаласукам̣ бадисам̣взд̣̇знд̇од̇и яат̇аабарижчиннам̣ гаалам̣ бад̇и саммад̣̇зва взд̣̇знд̇о анубхаванд̇о. гавинаа гад̇ам̣, д̇ад̇о ваа ааг̇ад̇ам̣, д̇асса ваа ид̣̇анд̇и гаавзяам̣, д̇ад̣̇звзд̇т̇а ‘‘гаавзяяа’’нд̇и вуд̇д̇ам̣. яз нияаамаг̇ад̇ад̣̇д̣̇асаад̇и яз бхигкуу арияаа б̣уд̣̇д̇хаанам̣ саавагаа паладтабхаавзна нияаамаг̇ад̇аа жзва маг̇г̇адтабхаавзна нияаамад̣̇асаа жа. нияаамод̇и хи саммад̇д̇анияаамо ад̇хиббзд̇о. суааг̇амананд̇и мама имасса сад̇т̇уно санд̇игз ааг̇аманам̣ убаг̇аманам̣, имасмин̃жа д̇хаммавинаяз ааг̇аманам̣ баб̣б̣аж̇анам̣ убасамбад̣̇аа сунд̣̇арам̣ ааг̇аманам̣. д̇ад̇т̇а гааран̣амааха ‘‘д̇иссо виж̇ж̇аа’’д̇иаад̣̇и. авуд̇д̇амби г̇аат̇ааяа ад̇т̇ад̇о г̇ахид̇амзва т̇зрасса чал̣абхин̃н̃абхаавад̇о.
Vimuttisukhanti sabbaso kilesavimuttiyaṃ nibbāne ca uppannaṃ sampatiarahattaphalasukhaṃ paṭisaṃvedentoti yathāparicchinnaṃ kālaṃ pati sammadeva vedento anubhavanto. Kavinā kataṃ, tato vā āgataṃ, tassa vā idanti kāveyaṃ, tadevettha ‘‘kāveyya’’nti vuttaṃ. Ye niyāmagataddasāti ye bhikkhū ariyā buddhānaṃ sāvakā phalaṭṭhabhāvena niyāmagatā ceva maggaṭṭhabhāvena niyāmadasā ca. Niyāmoti hi sammattaniyāmo adhippeto. Suāgamananti mama imassa satthuno santike āgamanaṃ upagamanaṃ, imasmiñca dhammavinaye āgamanaṃ pabbajanaṃ upasampadā sundaraṃ āgamanaṃ. Tattha kāraṇamāha ‘‘tisso vijjā’’tiādi. Avuttampi gāthāya atthato gahitameva therassa chaḷabhiññabhāvato.
ван̇г̇ийсасуд̇д̇аван̣н̣анаа нидтид̇аа.
Vaṅgīsasuttavaṇṇanā niṭṭhitā.
саарад̇т̇аббагаасинияаа сам̣яуд̇д̇анигааяа-адтагат̇ааяа
Sāratthappakāsiniyā saṃyuttanikāya-aṭṭhakathāya
ван̇г̇ийсасам̣яуд̇д̇аван̣н̣анааяа лийнад̇т̇аббагаасанаа самад̇д̇аа.
Vaṅgīsasaṃyuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 12. ван̇г̇ийсасуд̇д̇ам̣ • 12. Vaṅgīsasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 12. ван̇г̇ийсасуд̇д̇аван̣н̣анаа • 12. Vaṅgīsasuttavaṇṇanā
