| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
9. வணிஜ்ஜஸுத்தவண்ணனா
9. Vaṇijjasuttavaṇṇanā
79. நவமே தாதி³ஸா வாதி தங்ஸதி³ஸாவ தங்ஸரிக்க²காவ. சே²த³கா³மினீ ஹோதீதி சே²த³ங் க³ச்ச²தி. யங் பத்தி²தங், தங் ஸப்³ப³ங் நஸ்ஸதீதி அத்தோ². ந யதா²தி⁴ப்பாயா ஹோதீதி யதா²ஜ்ஜா²ஸயா ந ஹோதி. பராதி⁴ப்பாயா ஹோதீதி பரஜ்ஜா²ஸயா அஜ்ஜா²ஸயதோ அதி⁴கதரப²லா ஹோதி. ஸமணங் வா ப்³ராஹ்மணங் வாதி எத்த² ஸமிதபாபபா³ஹிதபாபதாஹி ஸமணப்³ராஹ்மணதா வேதி³தப்³பா³. வத³து, ப⁴ந்தே, பச்சயேனாதி, ப⁴ந்தே, சதுப்³பி³தே⁴ன சீவராதி³னா பச்சயேன வதெ³ய்யாஸீதி ஏவங் பவாரேதி நிமந்தேதி. யேன பவாரேதீதி பரிச்சி²ந்தி³த்வா யத்தகேன பவாரேதி. தங் ந தே³தீதி தங் ஸப்³ப³ஸோவ ந தே³தி. ந யதா²தி⁴ப்பாயங் தே³தீதி யதா² தஸ்ஸ அஜ்ஜா²ஸயோ, ஏவங் தா³துங் ந ஸக்கோதி, ஹாபெத்வா அப்பகங் தே³தி. யதா²தி⁴ப்பாயங் தே³தீதி யத்தகங் ஸோ இச்ச²தி, தத்தகமேவ தே³தி. பராதி⁴ப்பாயங் தே³தீதி அப்பகங் பவாரெத்வா அவத்த²ரித்வா ப³ஹுங் தே³தி.
79. Navame tādisā vāti taṃsadisāva taṃsarikkhakāva. Chedagāminī hotīti chedaṃ gacchati. Yaṃ patthitaṃ, taṃ sabbaṃ nassatīti attho. Na yathādhippāyā hotīti yathājjhāsayā na hoti. Parādhippāyā hotīti parajjhāsayā ajjhāsayato adhikataraphalā hoti. Samaṇaṃ vā brāhmaṇaṃ vāti ettha samitapāpabāhitapāpatāhi samaṇabrāhmaṇatā veditabbā. Vadatu, bhante, paccayenāti, bhante, catubbidhena cīvarādinā paccayena vadeyyāsīti evaṃ pavāreti nimanteti. Yena pavāretīti paricchinditvā yattakena pavāreti. Taṃ na detīti taṃ sabbasova na deti. Na yathādhippāyaṃ detīti yathā tassa ajjhāsayo, evaṃ dātuṃ na sakkoti, hāpetvā appakaṃ deti. Yathādhippāyaṃ detīti yattakaṃ so icchati, tattakameva deti. Parādhippāyaṃ detīti appakaṃ pavāretvā avattharitvā bahuṃ deti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 9. வணிஜ்ஜஸுத்தங் • 9. Vaṇijjasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 9-10. வணிஜ்ஜஸுத்தாதி³வண்ணனா • 9-10. Vaṇijjasuttādivaṇṇanā
