| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
9. ван̣иж̇ж̇асуд̇д̇аван̣н̣анаа
9. Vaṇijjasuttavaṇṇanā
79. навамз д̇аад̣̇исаа ваад̇и д̇ам̣сад̣̇исаава д̇ам̣саригкагаава. чзд̣̇аг̇ааминий ход̇ийд̇и чзд̣̇ам̣ г̇ажчад̇и. яам̣ бад̇т̇ид̇ам̣, д̇ам̣ саб̣б̣ам̣ нассад̇ийд̇и ад̇т̇о. на яат̇аад̇хиббааяаа ход̇ийд̇и яат̇ааж̇жхаасаяаа на ход̇и. бараад̇хиббааяаа ход̇ийд̇и бараж̇жхаасаяаа аж̇жхаасаяад̇о ад̇хигад̇арапалаа ход̇и. саман̣ам̣ ваа б̣раахман̣ам̣ ваад̇и зд̇т̇а самид̇абаабаб̣аахид̇абаабад̇аахи саман̣аб̣раахман̣ад̇аа взд̣̇ид̇аб̣б̣аа. вад̣̇ад̇у, бханд̇з, бажжаязнаад̇и, бханд̇з, жад̇уб̣б̣ид̇хзна жийвараад̣̇инаа бажжаязна вад̣̇зяяаасийд̇и звам̣ баваарзд̇и ниманд̇зд̇и. язна баваарзд̇ийд̇и барижчинд̣̇ид̇ваа яад̇д̇агзна баваарзд̇и. д̇ам̣ на д̣̇зд̇ийд̇и д̇ам̣ саб̣б̣асова на д̣̇зд̇и. на яат̇аад̇хиббааяам̣ д̣̇зд̇ийд̇и яат̇аа д̇асса аж̇жхаасаяо, звам̣ д̣̇аад̇ум̣ на саггод̇и, хаабзд̇ваа аббагам̣ д̣̇зд̇и. яат̇аад̇хиббааяам̣ д̣̇зд̇ийд̇и яад̇д̇агам̣ со ижчад̇и, д̇ад̇д̇агамзва д̣̇зд̇и. бараад̇хиббааяам̣ д̣̇зд̇ийд̇и аббагам̣ баваарзд̇ваа авад̇т̇арид̇ваа б̣ахум̣ д̣̇зд̇и.
79. Navame tādisā vāti taṃsadisāva taṃsarikkhakāva. Chedagāminī hotīti chedaṃ gacchati. Yaṃ patthitaṃ, taṃ sabbaṃ nassatīti attho. Na yathādhippāyā hotīti yathājjhāsayā na hoti. Parādhippāyā hotīti parajjhāsayā ajjhāsayato adhikataraphalā hoti. Samaṇaṃ vā brāhmaṇaṃ vāti ettha samitapāpabāhitapāpatāhi samaṇabrāhmaṇatā veditabbā. Vadatu, bhante, paccayenāti, bhante, catubbidhena cīvarādinā paccayena vadeyyāsīti evaṃ pavāreti nimanteti. Yena pavāretīti paricchinditvā yattakena pavāreti. Taṃ na detīti taṃ sabbasova na deti. Na yathādhippāyaṃ detīti yathā tassa ajjhāsayo, evaṃ dātuṃ na sakkoti, hāpetvā appakaṃ deti. Yathādhippāyaṃ detīti yattakaṃ so icchati, tattakameva deti. Parādhippāyaṃ detīti appakaṃ pavāretvā avattharitvā bahuṃ deti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. ван̣иж̇ж̇асуд̇д̇ам̣ • 9. Vaṇijjasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9-10. ван̣иж̇ж̇асуд̇д̇аад̣̇иван̣н̣анаа • 9-10. Vaṇijjasuttādivaṇṇanā
