| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༩. ཝཎིཛྫསུཏྟཝཎྞནཱ
9. Vaṇijjasuttavaṇṇanā
༧༩. ནཝམེ ཏཱདིསཱ ཝཱཏི ཏཾསདིསཱཝ ཏཾསརིཀྑཀཱཝ། ཚེདགཱམིནཱི ཧོཏཱིཏི ཚེདཾ གཙྪཏི། ཡཾ པཏྠིཏཾ, ཏཾ སབྦཾ ནསྶཏཱིཏི ཨཏྠོ། ན ཡཐཱདྷིཔྤཱཡཱ ཧོཏཱིཏི ཡཐཱཛ྄ཛྷཱསཡཱ ན ཧོཏི། པརཱདྷིཔྤཱཡཱ ཧོཏཱིཏི པརཛ྄ཛྷཱསཡཱ ཨཛ྄ཛྷཱསཡཏོ ཨདྷིཀཏརཕལཱ ཧོཏི། སམཎཾ ཝཱ བྲཱཧྨཎཾ ཝཱཏི ཨེཏྠ སམིཏཔཱཔབཱཧིཏཔཱཔཏཱཧི སམཎབྲཱཧྨཎཏཱ ཝེདིཏབྦཱ། ཝདཏུ, བྷནྟེ, པཙྩཡེནཱཏི, བྷནྟེ, ཙཏུབྦིདྷེན ཙཱིཝརཱདིནཱ པཙྩཡེན ཝདེཡྻཱསཱིཏི ཨེཝཾ པཝཱརེཏི ནིམནྟེཏི། ཡེན པཝཱརེཏཱིཏི པརིཙྪིནྡིཏྭཱ ཡཏྟཀེན པཝཱརེཏི། ཏཾ ན དེཏཱིཏི ཏཾ སབྦསོཝ ན དེཏི། ན ཡཐཱདྷིཔྤཱཡཾ དེཏཱིཏི ཡཐཱ ཏསྶ ཨཛ྄ཛྷཱསཡོ, ཨེཝཾ དཱཏུཾ ན སཀྐོཏི, ཧཱཔེཏྭཱ ཨཔྤཀཾ དེཏི། ཡཐཱདྷིཔྤཱཡཾ དེཏཱིཏི ཡཏྟཀཾ སོ ཨིཙྪཏི, ཏཏྟཀམེཝ དེཏི། པརཱདྷིཔྤཱཡཾ དེཏཱིཏི ཨཔྤཀཾ པཝཱརེཏྭཱ ཨཝཏྠརིཏྭཱ བཧུཾ དེཏི།
79. Navame tādisā vāti taṃsadisāva taṃsarikkhakāva. Chedagāminī hotīti chedaṃ gacchati. Yaṃ patthitaṃ, taṃ sabbaṃ nassatīti attho. Na yathādhippāyā hotīti yathājjhāsayā na hoti. Parādhippāyā hotīti parajjhāsayā ajjhāsayato adhikataraphalā hoti. Samaṇaṃ vā brāhmaṇaṃ vāti ettha samitapāpabāhitapāpatāhi samaṇabrāhmaṇatā veditabbā. Vadatu, bhante, paccayenāti, bhante, catubbidhena cīvarādinā paccayena vadeyyāsīti evaṃ pavāreti nimanteti. Yena pavāretīti paricchinditvā yattakena pavāreti. Taṃ na detīti taṃ sabbasova na deti. Na yathādhippāyaṃ detīti yathā tassa ajjhāsayo, evaṃ dātuṃ na sakkoti, hāpetvā appakaṃ deti. Yathādhippāyaṃ detīti yattakaṃ so icchati, tattakameva deti. Parādhippāyaṃ detīti appakaṃ pavāretvā avattharitvā bahuṃ deti.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༩. ཝཎིཛྫསུཏྟཾ • 9. Vaṇijjasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༩-༡༠. ཝཎིཛྫསུཏྟཱདིཝཎྞནཱ • 9-10. Vaṇijjasuttādivaṇṇanā
