| Library / Tipiṭaka / திபிடக • Tipiṭaka / மிலிந்த³பஞ்ஹபாளி • Milindapañhapāḷi |
10. வண்ணப⁴ணனபஞ்ஹோ
10. Vaṇṇabhaṇanapañho
10. ‘‘ப⁴ந்தே நாக³ஸேன, பா⁴ஸிதம்பேதங் ப⁴க³வதா ‘மமங் வா, பி⁴க்க²வே, பரே வண்ணங் பா⁴ஸெய்யுங், த⁴ம்மஸ்ஸ வா, ஸங்க⁴ஸ்ஸ வா வண்ணங் பா⁴ஸெய்யுங், தத்ர தும்ஹேஹி ந ஆனந்தோ³, ந ஸோமனஸ்ஸங், ந சேதஸோ உப்பிலாவிதத்தங் கரணீய’ந்தி புன ச ததா²க³தோ ஸேலஸ்ஸ ப்³ராஹ்மணஸ்ஸ யதா²பு⁴ச்சே வண்ணே ப⁴ஞ்ஞமானே ஆனந்தி³தோ ஸுமனோ உப்பிலாவிதோ பி⁴ய்யோ உத்தரிங் ஸககு³ணங் பகித்தேஸி –
10. ‘‘Bhante nāgasena, bhāsitampetaṃ bhagavatā ‘mamaṃ vā, bhikkhave, pare vaṇṇaṃ bhāseyyuṃ, dhammassa vā, saṅghassa vā vaṇṇaṃ bhāseyyuṃ, tatra tumhehi na ānando, na somanassaṃ, na cetaso uppilāvitattaṃ karaṇīya’nti puna ca tathāgato selassa brāhmaṇassa yathābhucce vaṇṇe bhaññamāne ānandito sumano uppilāvito bhiyyo uttariṃ sakaguṇaṃ pakittesi –
‘‘‘ராஜாஹமஸ்மி ஸேலாதி, த⁴ம்மராஜா அனுத்தரோ;
‘‘‘Rājāhamasmi selāti, dhammarājā anuttaro;
த⁴ம்மேன சக்கங் வத்தேமி, சக்கங் அப்படிவத்திய’ந்தி 1.
Dhammena cakkaṃ vattemi, cakkaṃ appaṭivattiya’nti 2.
‘‘யதி³, ப⁴ந்தே நாக³ஸேன, ப⁴க³வதா ப⁴ணிதங் ‘மமங் வா, பி⁴க்க²வே, பரே வண்ணங் பா⁴ஸெய்யுங், த⁴ம்மஸ்ஸ வா ஸங்க⁴ஸ்ஸ வா வண்ணங் பா⁴ஸெய்யுங், தத்ர தும்ஹேஹி ந ஆனந்தோ³, ந ஸோமனஸ்ஸங், ந சேதஸோ உப்பிலாவிதத்தங் கரணீய’ந்தி, தேன ஹி ஸேலஸ்ஸ ப்³ராஹ்மணஸ்ஸ யதா²பு⁴ச்சே வண்ணே ப⁴ஞ்ஞமானே ஆனந்தி³தோ ஸுமனோ உப்பிலாவிதோ பி⁴ய்யோ உத்தரிங் ஸககு³ணங் பகித்தேஸீதி யங் வசனங், தங் மிச்சா². யதி³ ஸேலஸ்ஸ ப்³ராஹ்மணஸ்ஸ யதா²பு⁴ச்சே வண்ணே ப⁴ஞ்ஞமானே ஆனந்தி³தோ ஸுமனோ உப்பிலாவிதோ பி⁴ய்யோ உத்தரிங் ஸககு³ணங் பகித்தேஸி, தேன ஹி ‘மமங் வா, பி⁴க்க²வே, பரே வண்ணங் பா⁴ஸெய்யுங், த⁴ம்மஸ்ஸ வா ஸங்க⁴ஸ்ஸ வா வண்ணங் பா⁴ஸெய்யுங், தத்ர தும்ஹேஹி ந ஆனந்தோ³, ந ஸோமனஸ்ஸங், ந சேதஸோ உப்பிலாவிதத்தங் கரணீய’ந்தி தம்பி வசனங் மிச்சா². அயம்பி உப⁴தோ கோடிகோ பஞ்ஹோ தவானுப்பத்தோ, ஸோ தயா நிப்³பா³ஹிதப்³போ³’’தி.
‘‘Yadi, bhante nāgasena, bhagavatā bhaṇitaṃ ‘mamaṃ vā, bhikkhave, pare vaṇṇaṃ bhāseyyuṃ, dhammassa vā saṅghassa vā vaṇṇaṃ bhāseyyuṃ, tatra tumhehi na ānando, na somanassaṃ, na cetaso uppilāvitattaṃ karaṇīya’nti, tena hi selassa brāhmaṇassa yathābhucce vaṇṇe bhaññamāne ānandito sumano uppilāvito bhiyyo uttariṃ sakaguṇaṃ pakittesīti yaṃ vacanaṃ, taṃ micchā. Yadi selassa brāhmaṇassa yathābhucce vaṇṇe bhaññamāne ānandito sumano uppilāvito bhiyyo uttariṃ sakaguṇaṃ pakittesi, tena hi ‘mamaṃ vā, bhikkhave, pare vaṇṇaṃ bhāseyyuṃ, dhammassa vā saṅghassa vā vaṇṇaṃ bhāseyyuṃ, tatra tumhehi na ānando, na somanassaṃ, na cetaso uppilāvitattaṃ karaṇīya’nti tampi vacanaṃ micchā. Ayampi ubhato koṭiko pañho tavānuppatto, so tayā nibbāhitabbo’’ti.
‘‘பா⁴ஸிதம்பேதங் , மஹாராஜ, ப⁴க³வதா ‘மமங் வா, பி⁴க்க²வே, பரே வண்ணங் பா⁴ஸெய்யுங், த⁴ம்மஸ்ஸ வா ஸங்க⁴ஸ்ஸ வா வண்ணங் பா⁴ஸெய்யுங், தத்ர தும்ஹேஹி ந ஆனந்தோ³, ந ஸோமனஸ்ஸங், ந சேதஸோ உப்பிலாவிதத்தங் கரணீய’ந்தி. ஸேலஸ்ஸ ச ப்³ராஹ்மணஸ்ஸ யதா²பு⁴ச்சே வண்ணே ப⁴ஞ்ஞமானே பி⁴ய்யோ உத்தரிங் ஸககு³ணங் பகித்திதங் –
‘‘Bhāsitampetaṃ , mahārāja, bhagavatā ‘mamaṃ vā, bhikkhave, pare vaṇṇaṃ bhāseyyuṃ, dhammassa vā saṅghassa vā vaṇṇaṃ bhāseyyuṃ, tatra tumhehi na ānando, na somanassaṃ, na cetaso uppilāvitattaṃ karaṇīya’nti. Selassa ca brāhmaṇassa yathābhucce vaṇṇe bhaññamāne bhiyyo uttariṃ sakaguṇaṃ pakittitaṃ –
‘‘‘ராஜாஹமஸ்மி ஸேலாதி, த⁴ம்மராஜா அனுத்தரோ;
‘‘‘Rājāhamasmi selāti, dhammarājā anuttaro;
த⁴ம்மேன சக்கங் வத்தேமி, சக்கங் அப்படிவத்திய’ந்தி.
Dhammena cakkaṃ vattemi, cakkaṃ appaṭivattiya’nti.
‘‘பட²மங், மஹாராஜ, ப⁴க³வதா த⁴ம்மஸ்ஸ ஸபா⁴வஸரஸலக்க²ணங் ஸபா⁴வங் அவிதத²ங் பூ⁴தங் தச்ச²ங் தத²த்த²ங் பரிதீ³பயமானேன ப⁴ணிதங் ‘மமங் வா பி⁴க்க²வே, பரே வண்ணங் பா⁴ஸெய்யுங், த⁴ம்மஸ்ஸ வா ஸங்க⁴ஸ்ஸ வா வண்ணங் பா⁴ஸெய்யுங், தத்ர தும்ஹேஹி ந ஆனந்தோ³, ந ஸோமனஸ்ஸங், ந சேதஸோ உப்பிலாவிதத்தங் கரணீய’ந்தி. யங் பன ப⁴க³வதா ஸேலஸ்ஸ ப்³ராஹ்மணஸ்ஸ யதா²பு⁴ச்சே வண்ணே ப⁴ஞ்ஞமானே பி⁴ய்யோ உத்தரிங் ஸககு³ணங் பகித்திதங் ‘ராஜாஹமஸ்மி ஸேலாதி, த⁴ம்மராஜா அனுத்தரோ’தி தங் ந லாப⁴ஹேது, ந யஸஹேது, ந அத்தஹேது, ந பக்க²ஹேது, ந அந்தேவாஸிகம்யதாய, அத² கோ² அனுகம்பாய காருஞ்ஞேன ஹிதவஸேன ஏவங் இமஸ்ஸ த⁴ம்மாபி⁴ஸமயோ ப⁴விஸ்ஸதி திண்ணஞ்ச மாணவகஸதானந்தி, ஏவங் பி⁴ய்யோ உத்தரிங் ஸககு³ணங் ப⁴ணிதங் ‘ராஜாஹமஸ்மி ஸேலாதி, த⁴ம்மராஜா அனுத்தரோ’தி. ‘‘ஸாது⁴, ப⁴ந்தே நாக³ஸேன, ஏவமேதங் ததா² ஸம்படிச்சா²மீ’’தி.
‘‘Paṭhamaṃ, mahārāja, bhagavatā dhammassa sabhāvasarasalakkhaṇaṃ sabhāvaṃ avitathaṃ bhūtaṃ tacchaṃ tathatthaṃ paridīpayamānena bhaṇitaṃ ‘mamaṃ vā bhikkhave, pare vaṇṇaṃ bhāseyyuṃ, dhammassa vā saṅghassa vā vaṇṇaṃ bhāseyyuṃ, tatra tumhehi na ānando, na somanassaṃ, na cetaso uppilāvitattaṃ karaṇīya’nti. Yaṃ pana bhagavatā selassa brāhmaṇassa yathābhucce vaṇṇe bhaññamāne bhiyyo uttariṃ sakaguṇaṃ pakittitaṃ ‘rājāhamasmi selāti, dhammarājā anuttaro’ti taṃ na lābhahetu, na yasahetu, na attahetu, na pakkhahetu, na antevāsikamyatāya, atha kho anukampāya kāruññena hitavasena evaṃ imassa dhammābhisamayo bhavissati tiṇṇañca māṇavakasatānanti, evaṃ bhiyyo uttariṃ sakaguṇaṃ bhaṇitaṃ ‘rājāhamasmi selāti, dhammarājā anuttaro’ti. ‘‘Sādhu, bhante nāgasena, evametaṃ tathā sampaṭicchāmī’’ti.
வண்ணப⁴ணனபஞ்ஹோ த³ஸமோ.
Vaṇṇabhaṇanapañho dasamo.
Footnotes:
