| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
10. ван̣н̣абхан̣анабан̃хо
10. Vaṇṇabhaṇanapañho
10. ‘‘бханд̇з нааг̇асзна, бхаасид̇амбзд̇ам̣ бхаг̇авад̇аа ‘мамам̣ ваа, бхигкавз, барз ван̣н̣ам̣ бхаасзяяум̣, д̇хаммасса ваа, сан̇гхасса ваа ван̣н̣ам̣ бхаасзяяум̣, д̇ад̇ра д̇умхзхи на аананд̣̇о, на соманассам̣, на жзд̇асо уббилаавид̇ад̇д̇ам̣ гаран̣ийяа’нд̇и буна жа д̇ат̇ааг̇ад̇о сзласса б̣раахман̣асса яат̇аабхужжз ван̣н̣з бхан̃н̃амаанз аананд̣̇ид̇о сумано уббилаавид̇о бхияяо уд̇д̇арим̣ сагаг̇ун̣ам̣ багид̇д̇зси –
10. ‘‘Bhante nāgasena, bhāsitampetaṃ bhagavatā ‘mamaṃ vā, bhikkhave, pare vaṇṇaṃ bhāseyyuṃ, dhammassa vā, saṅghassa vā vaṇṇaṃ bhāseyyuṃ, tatra tumhehi na ānando, na somanassaṃ, na cetaso uppilāvitattaṃ karaṇīya’nti puna ca tathāgato selassa brāhmaṇassa yathābhucce vaṇṇe bhaññamāne ānandito sumano uppilāvito bhiyyo uttariṃ sakaguṇaṃ pakittesi –
‘‘‘рааж̇аахамасми сзлаад̇и, д̇хаммарааж̇аа ануд̇д̇аро;
‘‘‘Rājāhamasmi selāti, dhammarājā anuttaro;
д̇хаммзна жаггам̣ вад̇д̇зми, жаггам̣ аббадивад̇д̇ияа’нд̇и 1.
Dhammena cakkaṃ vattemi, cakkaṃ appaṭivattiya’nti 2.
‘‘яад̣̇и, бханд̇з нааг̇асзна, бхаг̇авад̇аа бхан̣ид̇ам̣ ‘мамам̣ ваа, бхигкавз, барз ван̣н̣ам̣ бхаасзяяум̣, д̇хаммасса ваа сан̇гхасса ваа ван̣н̣ам̣ бхаасзяяум̣, д̇ад̇ра д̇умхзхи на аананд̣̇о, на соманассам̣, на жзд̇асо уббилаавид̇ад̇д̇ам̣ гаран̣ийяа’нд̇и, д̇зна хи сзласса б̣раахман̣асса яат̇аабхужжз ван̣н̣з бхан̃н̃амаанз аананд̣̇ид̇о сумано уббилаавид̇о бхияяо уд̇д̇арим̣ сагаг̇ун̣ам̣ багид̇д̇зсийд̇и яам̣ важанам̣, д̇ам̣ мижчаа. яад̣̇и сзласса б̣раахман̣асса яат̇аабхужжз ван̣н̣з бхан̃н̃амаанз аананд̣̇ид̇о сумано уббилаавид̇о бхияяо уд̇д̇арим̣ сагаг̇ун̣ам̣ багид̇д̇зси, д̇зна хи ‘мамам̣ ваа, бхигкавз, барз ван̣н̣ам̣ бхаасзяяум̣, д̇хаммасса ваа сан̇гхасса ваа ван̣н̣ам̣ бхаасзяяум̣, д̇ад̇ра д̇умхзхи на аананд̣̇о, на соманассам̣, на жзд̇асо уббилаавид̇ад̇д̇ам̣ гаран̣ийяа’нд̇и д̇амби важанам̣ мижчаа. аяамби убхад̇о годиго бан̃хо д̇аваануббад̇д̇о, со д̇аяаа ниб̣б̣аахид̇аб̣б̣о’’д̇и.
‘‘Yadi, bhante nāgasena, bhagavatā bhaṇitaṃ ‘mamaṃ vā, bhikkhave, pare vaṇṇaṃ bhāseyyuṃ, dhammassa vā saṅghassa vā vaṇṇaṃ bhāseyyuṃ, tatra tumhehi na ānando, na somanassaṃ, na cetaso uppilāvitattaṃ karaṇīya’nti, tena hi selassa brāhmaṇassa yathābhucce vaṇṇe bhaññamāne ānandito sumano uppilāvito bhiyyo uttariṃ sakaguṇaṃ pakittesīti yaṃ vacanaṃ, taṃ micchā. Yadi selassa brāhmaṇassa yathābhucce vaṇṇe bhaññamāne ānandito sumano uppilāvito bhiyyo uttariṃ sakaguṇaṃ pakittesi, tena hi ‘mamaṃ vā, bhikkhave, pare vaṇṇaṃ bhāseyyuṃ, dhammassa vā saṅghassa vā vaṇṇaṃ bhāseyyuṃ, tatra tumhehi na ānando, na somanassaṃ, na cetaso uppilāvitattaṃ karaṇīya’nti tampi vacanaṃ micchā. Ayampi ubhato koṭiko pañho tavānuppatto, so tayā nibbāhitabbo’’ti.
‘‘бхаасид̇амбзд̇ам̣ , махаарааж̇а, бхаг̇авад̇аа ‘мамам̣ ваа, бхигкавз, барз ван̣н̣ам̣ бхаасзяяум̣, д̇хаммасса ваа сан̇гхасса ваа ван̣н̣ам̣ бхаасзяяум̣, д̇ад̇ра д̇умхзхи на аананд̣̇о, на соманассам̣, на жзд̇асо уббилаавид̇ад̇д̇ам̣ гаран̣ийяа’нд̇и. сзласса жа б̣раахман̣асса яат̇аабхужжз ван̣н̣з бхан̃н̃амаанз бхияяо уд̇д̇арим̣ сагаг̇ун̣ам̣ багид̇д̇ид̇ам̣ –
‘‘Bhāsitampetaṃ , mahārāja, bhagavatā ‘mamaṃ vā, bhikkhave, pare vaṇṇaṃ bhāseyyuṃ, dhammassa vā saṅghassa vā vaṇṇaṃ bhāseyyuṃ, tatra tumhehi na ānando, na somanassaṃ, na cetaso uppilāvitattaṃ karaṇīya’nti. Selassa ca brāhmaṇassa yathābhucce vaṇṇe bhaññamāne bhiyyo uttariṃ sakaguṇaṃ pakittitaṃ –
‘‘‘рааж̇аахамасми сзлаад̇и, д̇хаммарааж̇аа ануд̇д̇аро;
‘‘‘Rājāhamasmi selāti, dhammarājā anuttaro;
д̇хаммзна жаггам̣ вад̇д̇зми, жаггам̣ аббадивад̇д̇ияа’нд̇и.
Dhammena cakkaṃ vattemi, cakkaṃ appaṭivattiya’nti.
‘‘батамам̣, махаарааж̇а, бхаг̇авад̇аа д̇хаммасса сабхаавасарасалагкан̣ам̣ сабхаавам̣ авид̇ат̇ам̣ бхууд̇ам̣ д̇ажчам̣ д̇ат̇ад̇т̇ам̣ барид̣̇ийбаяамаанзна бхан̣ид̇ам̣ ‘мамам̣ ваа бхигкавз, барз ван̣н̣ам̣ бхаасзяяум̣, д̇хаммасса ваа сан̇гхасса ваа ван̣н̣ам̣ бхаасзяяум̣, д̇ад̇ра д̇умхзхи на аананд̣̇о, на соманассам̣, на жзд̇асо уббилаавид̇ад̇д̇ам̣ гаран̣ийяа’нд̇и. яам̣ бана бхаг̇авад̇аа сзласса б̣раахман̣асса яат̇аабхужжз ван̣н̣з бхан̃н̃амаанз бхияяо уд̇д̇арим̣ сагаг̇ун̣ам̣ багид̇д̇ид̇ам̣ ‘рааж̇аахамасми сзлаад̇и, д̇хаммарааж̇аа ануд̇д̇аро’д̇и д̇ам̣ на лаабхахзд̇у, на яасахзд̇у, на ад̇д̇ахзд̇у, на багкахзд̇у, на анд̇зваасигамяад̇ааяа, ат̇а ко анугамбааяа гаарун̃н̃зна хид̇авасзна звам̣ имасса д̇хаммаабхисамаяо бхависсад̇и д̇ин̣н̣ан̃жа маан̣авагасад̇аананд̇и, звам̣ бхияяо уд̇д̇арим̣ сагаг̇ун̣ам̣ бхан̣ид̇ам̣ ‘рааж̇аахамасми сзлаад̇и, д̇хаммарааж̇аа ануд̇д̇аро’д̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Paṭhamaṃ, mahārāja, bhagavatā dhammassa sabhāvasarasalakkhaṇaṃ sabhāvaṃ avitathaṃ bhūtaṃ tacchaṃ tathatthaṃ paridīpayamānena bhaṇitaṃ ‘mamaṃ vā bhikkhave, pare vaṇṇaṃ bhāseyyuṃ, dhammassa vā saṅghassa vā vaṇṇaṃ bhāseyyuṃ, tatra tumhehi na ānando, na somanassaṃ, na cetaso uppilāvitattaṃ karaṇīya’nti. Yaṃ pana bhagavatā selassa brāhmaṇassa yathābhucce vaṇṇe bhaññamāne bhiyyo uttariṃ sakaguṇaṃ pakittitaṃ ‘rājāhamasmi selāti, dhammarājā anuttaro’ti taṃ na lābhahetu, na yasahetu, na attahetu, na pakkhahetu, na antevāsikamyatāya, atha kho anukampāya kāruññena hitavasena evaṃ imassa dhammābhisamayo bhavissati tiṇṇañca māṇavakasatānanti, evaṃ bhiyyo uttariṃ sakaguṇaṃ bhaṇitaṃ ‘rājāhamasmi selāti, dhammarājā anuttaro’ti. ‘‘Sādhu, bhante nāgasena, evametaṃ tathā sampaṭicchāmī’’ti.
ван̣н̣абхан̣анабан̃хо д̣̇асамо.
Vaṇṇabhaṇanapañho dasamo.
Footnotes:
