| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
2. ван̣н̣аарохаваг̇г̇о
2. Vaṇṇārohavaggo
[361] 1. ван̣н̣аарохаж̇аад̇агаван̣н̣анаа
[361] 1. Vaṇṇārohajātakavaṇṇanā
ван̣н̣аарохзнаад̇и ид̣̇ам̣ сад̇т̇аа ж̇зд̇аванз вихаранд̇о д̣̇вз аг̇г̇асаавагз аараб̣бха гат̇зси. згасмин̃хи самаяз убхоби махаат̇зраа ‘‘имам̣ анд̇овассам̣ сун̃н̃ааг̇аарам̣ ануб̣руухзссаамаа’’д̇и сад̇т̇аарам̣ аабужчид̇ваа г̇ан̣ам̣ бахааяа саяамзва бад̇д̇ажийварам̣ аад̣̇ааяа ж̇зд̇аванаа нигкамид̇ваа згам̣ бажжанд̇аг̇аамам̣ ниссааяа аран̃н̃з вихарим̣су. ан̃н̃ад̇ароби вигхаасаад̣̇абурисо т̇зраанам̣ убадтаанам̣ гаронд̇о д̇ад̇т̇зва згаманд̇з васи. со т̇зраанам̣ самаг̇г̇аваасам̣ д̣̇исваа ‘‘имз ад̇ивияа самаг̇г̇аа васанд̇и, саггаа ну ко зд̇з ан̃н̃аман̃н̃ам̣ бхинд̣̇ид̇у’’нд̇и жинд̇зд̇ваа саарибуд̇д̇ад̇т̇зрам̣ убасан̇гамид̇ваа ‘‘гим̣ ну ко, бханд̇з, аяязна махаамог̇г̇аллаанад̇т̇зрзна сад̣̇д̇хим̣ д̇умхаагам̣ гин̃жи взрам̣ ад̇т̇ий’’д̇и бужчи. ‘‘гим̣ банаавусо’’д̇и. зса, бханд̇з, мама ааг̇ад̇агаалз ‘‘саарибуд̇д̇о наама ж̇аад̇иг̇од̇д̇агулабад̣̇зсзхи ваа суд̇аг̇ант̇абадивзд̇хаид̣̇д̇хийхи ваа маяаа сад̣̇д̇хим̣ гим̣ баход̇ий’’д̇и д̇умхаагам̣ аг̇ун̣амзва гат̇зсийд̇и. т̇зро сид̇ам̣ гад̇ваа ‘‘г̇ажча д̇вам̣ аавусо’’д̇и ааха.
Vaṇṇārohenāti idaṃ satthā jetavane viharanto dve aggasāvake ārabbha kathesi. Ekasmiñhi samaye ubhopi mahātherā ‘‘imaṃ antovassaṃ suññāgāraṃ anubrūhessāmā’’ti satthāraṃ āpucchitvā gaṇaṃ pahāya sayameva pattacīvaraṃ ādāya jetavanā nikkhamitvā ekaṃ paccantagāmaṃ nissāya araññe vihariṃsu. Aññataropi vighāsādapuriso therānaṃ upaṭṭhānaṃ karonto tattheva ekamante vasi. So therānaṃ samaggavāsaṃ disvā ‘‘ime ativiya samaggā vasanti, sakkā nu kho ete aññamaññaṃ bhinditu’’nti cintetvā sāriputtattheraṃ upasaṅkamitvā ‘‘kiṃ nu kho, bhante, ayyena mahāmoggallānattherena saddhiṃ tumhākaṃ kiñci veraṃ atthī’’ti pucchi. ‘‘Kiṃ panāvuso’’ti. Esa, bhante, mama āgatakāle ‘‘sāriputto nāma jātigottakulapadesehi vā sutaganthapaṭivedhaiddhīhi vā mayā saddhiṃ kiṃ pahotī’’ti tumhākaṃ aguṇameva kathesīti. Thero sitaṃ katvā ‘‘gaccha tvaṃ āvuso’’ti āha.
со абарасмимби д̣̇ивасз махаамог̇г̇аллаанад̇т̇зрамби убасан̇гамид̇ваа д̇ат̇зва гат̇зси. соби нам̣ сид̇ам̣ гад̇ваа ‘‘г̇ажча, д̇вам̣, аавусо’’д̇и вад̇ваа саарибуд̇д̇ад̇т̇зрам̣ убасан̇гамид̇ваа ‘‘аавусо, зсо вигхаасаад̣̇о д̇умхаагам̣ санд̇игз гин̃жи гат̇зсий’’д̇и бужчи. ‘‘аамаавусо, маяхамби санд̇игз гат̇зси, имам̣ нийхарид̇ум̣ ваддад̇ий’’д̇и. ‘‘саад̇ху, аавусо, нийхараа’’д̇и вуд̇д̇з т̇зро ‘‘маа ид̇ха васий’’д̇и ажчарам̣ бахарид̇ваа д̇ам̣ нийхари. д̇з убхоби самаг̇г̇аваасам̣ васид̇ваа сад̇т̇у санд̇игам̣ г̇анд̇ваа ванд̣̇ид̇ваа нисийд̣̇им̣су. сад̇т̇аа бадисант̇аарам̣ гад̇ваа ‘‘сукзна вассам̣ васид̇т̇аа’’д̇и бужчид̇ваа ‘‘бханд̇з, зго вигхаасаад̣̇о амхз бхинд̣̇ид̇угаамо худ̇ваа бхинд̣̇ид̇ум̣ асаггонд̇о балааяий’’д̇и вуд̇д̇з ‘‘на ко со, саарибуд̇д̇а, ид̣̇аанзва, буб̣б̣збзса д̇умхз ‘бхинд̣̇иссаамий’д̇и бхинд̣̇ид̇ум̣ асаггонд̇о балааяий’’д̇и вад̇ваа д̇зхи яаажид̇о ад̇ийд̇ам̣ аахари.
So aparasmimpi divase mahāmoggallānattherampi upasaṅkamitvā tatheva kathesi. Sopi naṃ sitaṃ katvā ‘‘gaccha, tvaṃ, āvuso’’ti vatvā sāriputtattheraṃ upasaṅkamitvā ‘‘āvuso, eso vighāsādo tumhākaṃ santike kiñci kathesī’’ti pucchi. ‘‘Āmāvuso, mayhampi santike kathesi, imaṃ nīharituṃ vaṭṭatī’’ti. ‘‘Sādhu, āvuso, nīharā’’ti vutte thero ‘‘mā idha vasī’’ti accharaṃ paharitvā taṃ nīhari. Te ubhopi samaggavāsaṃ vasitvā satthu santikaṃ gantvā vanditvā nisīdiṃsu. Satthā paṭisanthāraṃ katvā ‘‘sukhena vassaṃ vasitthā’’ti pucchitvā ‘‘bhante, eko vighāsādo amhe bhinditukāmo hutvā bhindituṃ asakkonto palāyī’’ti vutte ‘‘na kho so, sāriputta, idāneva, pubbepesa tumhe ‘bhindissāmī’ti bhindituṃ asakkonto palāyī’’ti vatvā tehi yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о аран̃н̃з ругкад̣̇звад̇аа ахоси. д̇ад̣̇аа сийхо жа б̣яаг̇гхо жа аран̃н̃з баб̣б̣ад̇аг̇ухааяам̣ васанд̇и. зго син̇г̇аало д̇з убадтаханд̇о д̇зсам̣ вигхаасам̣ каад̣̇ид̇ваа махаагааяо худ̇ваа згад̣̇ивасам̣ жинд̇зси ‘‘маяаа сийхаб̣яаг̇гхаанам̣ мам̣сам̣ на каад̣̇ид̇абуб̣б̣ам̣, маяаа имз д̣̇вз ж̇анз бхинд̣̇ид̇ум̣ ваддад̇и, д̇ад̇о нзсам̣ галахам̣ гад̇ваа мад̇аанам̣ мам̣сам̣ каад̣̇иссаамий’’д̇и. со сийхам̣ убасан̇гамид̇ваа ‘‘гим̣, саами, д̇умхаагам̣ б̣яаг̇гхзна сад̣̇д̇хим̣ гин̃жи взрам̣ ад̇т̇ий’’д̇и бужчи. ‘‘гим̣ бана, саммаа’’д̇и? зса, бханд̇з, мамааг̇ад̇агаалз ‘‘сийхо наама сарийраван̣н̣зна ваа аарохабарин̣аахзна ваа ж̇аад̇иб̣алавийриязхи ваа мама галабхааг̇амби на баабун̣аад̇ий’’д̇и д̇умхаагам̣ аг̇ун̣амзва гат̇зсийд̇и. ат̇а нам̣ сийхо ‘‘г̇ажча д̇вам̣, на со звам̣ гат̇зссад̇ий’’д̇и ааха. б̣яаг̇гхамби убасан̇гамид̇ваа зд̇знзва убааязна гат̇зси. д̇ам̣ суд̇ваа б̣яаг̇гхоби сийхам̣ убасан̇гамид̇ваа ‘‘самма, д̇вам̣ гира ид̣̇ан̃жид̣̇ан̃жа вад̣̇зсий’’д̇и бужчанд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto araññe rukkhadevatā ahosi. Tadā sīho ca byaggho ca araññe pabbataguhāyaṃ vasanti. Eko siṅgālo te upaṭṭhahanto tesaṃ vighāsaṃ khāditvā mahākāyo hutvā ekadivasaṃ cintesi ‘‘mayā sīhabyagghānaṃ maṃsaṃ na khāditapubbaṃ, mayā ime dve jane bhindituṃ vaṭṭati, tato nesaṃ kalahaṃ katvā matānaṃ maṃsaṃ khādissāmī’’ti. So sīhaṃ upasaṅkamitvā ‘‘kiṃ, sāmi, tumhākaṃ byagghena saddhiṃ kiñci veraṃ atthī’’ti pucchi. ‘‘Kiṃ pana, sammā’’ti? Esa, bhante, mamāgatakāle ‘‘sīho nāma sarīravaṇṇena vā ārohapariṇāhena vā jātibalavīriyehi vā mama kalabhāgampi na pāpuṇātī’’ti tumhākaṃ aguṇameva kathesīti. Atha naṃ sīho ‘‘gaccha tvaṃ, na so evaṃ kathessatī’’ti āha. Byagghampi upasaṅkamitvā eteneva upāyena kathesi. Taṃ sutvā byagghopi sīhaṃ upasaṅkamitvā ‘‘samma, tvaṃ kira idañcidañca vadesī’’ti pucchanto paṭhamaṃ gāthamāha –
60.
60.
‘‘ван̣н̣аарохзна ж̇аад̇ияаа, б̣аланиггаманзна жа;
‘‘Vaṇṇārohena jātiyā, balanikkamanena ca;
суб̣ааху на маяаа сзяяо, суд̣̇аата ид̇и бхаасасий’’д̇и.
Subāhu na mayā seyyo, sudāṭha iti bhāsasī’’ti.
д̇ад̇т̇а б̣аланиггаманзна жаад̇и гааяаб̣алзна жзва вийрияаб̣алзна жа. суб̣ааху на маяаа сзяяод̇и аяам̣ суб̣ааху наама б̣яаг̇гхо зд̇зхи гааран̣зхи маяаа нзва сад̣̇исо на уд̇д̇арид̇арод̇и сажжам̣ гира д̇вам̣ собханаахи д̣̇аатаахи саманнааг̇ад̇а суд̣̇аата миг̇арааж̇а, звам̣ вад̣̇зсийд̇и.
Tattha balanikkamanena cāti kāyabalena ceva vīriyabalena ca. Subāhu na mayā seyyoti ayaṃ subāhu nāma byaggho etehi kāraṇehi mayā neva sadiso na uttaritaroti saccaṃ kira tvaṃ sobhanāhi dāṭhāhi samannāgata sudāṭha migarāja, evaṃ vadesīti.
д̇ам̣ суд̇ваа суд̣̇аато сзсаа жад̇ассо г̇аат̇аа абхааси –
Taṃ sutvā sudāṭho sesā catasso gāthā abhāsi –
61.
61.
‘‘ван̣н̣аарохзна ж̇аад̇ияаа, б̣аланиггаманзна жа;
‘‘Vaṇṇārohena jātiyā, balanikkamanena ca;
суд̣̇аато на маяаа сзяяо, суб̣ааху ид̇и бхаасаси.
Sudāṭho na mayā seyyo, subāhu iti bhāsasi.
62.
62.
‘‘звам̣ жз мам̣ вихаранд̇ам̣, суб̣ааху самма д̣̇уб̣бхаси;
‘‘Evaṃ ce maṃ viharantaṃ, subāhu samma dubbhasi;
на д̣̇аанаахам̣ д̇аяаа сад̣̇д̇хим̣, сам̣ваасамабхирожаяз.
Na dānāhaṃ tayā saddhiṃ, saṃvāsamabhirocaye.
63.
63.
‘‘яо барзсам̣ важанаани, сад̣̇д̣̇ахзяяа яат̇аад̇ат̇ам̣;
‘‘Yo paresaṃ vacanāni, saddaheyya yathātathaṃ;
киббам̣ бхиж̇ж̇зт̇а мид̇д̇асмим̣, взран̃жа басавз б̣ахум̣.
Khippaṃ bhijjetha mittasmiṃ, verañca pasave bahuṃ.
64.
64.
‘‘на со мид̇д̇о яо сад̣̇аа аббамад̇д̇о, бхзд̣̇аасан̇гий ранд̇хамзваанубассий;
‘‘Na so mitto yo sadā appamatto, bhedāsaṅkī randhamevānupassī;
яасмин̃жа сзд̇ий урасийва буд̇д̇о, са вз мид̇д̇о яо абхзж̇ж̇о барзхий’’д̇и.
Yasmiñca setī urasīva putto, sa ve mitto yo abhejjo parehī’’ti.
д̇ад̇т̇а саммаад̇и ваяасса. д̣̇уб̣бхасийд̇и яад̣̇и звам̣ д̇аяаа сад̣̇д̇хим̣ самаг̇г̇аваасам̣ васанд̇ам̣ мам̣ син̇г̇ааласса гат̇ам̣ г̇ахзд̇ваа д̇вам̣ д̣̇уб̣бхаси ханид̇ум̣ ижчаси, ид̇о д̣̇аани бадтааяа ахам̣ д̇аяаа сад̣̇д̇хим̣ сам̣ваасам̣ на абхирожаяз. яат̇аад̇ат̇анд̇и д̇ат̇ад̇о яат̇аад̇ат̇ам̣ яат̇аад̇ажчам̣ ависам̣ваад̣̇агзна ариязна вуд̇д̇аважанам̣ сад̣̇д̇хаад̇аб̣б̣ам̣. звам̣ яо язсам̣ гзсан̃жи барзсам̣ важанаани сад̣̇д̣̇ахзт̇аад̇и ад̇т̇о. яо сад̣̇аа аббамад̇д̇од̇и яо нижжам̣ аббамад̇д̇о худ̇ваа мид̇д̇асса виссаасам̣ на д̣̇зд̇и, со мид̇д̇о наама на ход̇ийд̇и ад̇т̇о. бхзд̣̇аасан̇гийд̇и ‘‘аж̇ж̇а бхиж̇ж̇иссад̇и, свз бхиж̇ж̇иссад̇ий’’д̇и звам̣ мид̇д̇асса бхзд̣̇амзва аасан̇гад̇и. ранд̇хамзваанубассийд̇и чид̣̇д̣̇ам̣ виварамзва бассанд̇о. урасийва буд̇д̇од̇и яасмим̣ мид̇д̇з маад̇у хад̣̇аяз буд̇д̇о вияа нираасан̇го ниб̣бхаяо сзд̇и.
Tattha sammāti vayassa. Dubbhasīti yadi evaṃ tayā saddhiṃ samaggavāsaṃ vasantaṃ maṃ siṅgālassa kathaṃ gahetvā tvaṃ dubbhasi hanituṃ icchasi, ito dāni paṭṭhāya ahaṃ tayā saddhiṃ saṃvāsaṃ na abhirocaye. Yathātathanti tathato yathātathaṃ yathātacchaṃ avisaṃvādakena ariyena vuttavacanaṃ saddhātabbaṃ. Evaṃ yo yesaṃ kesañci paresaṃ vacanāni saddahethāti attho. Yo sadā appamattoti yo niccaṃ appamatto hutvā mittassa vissāsaṃ na deti, so mitto nāma na hotīti attho. Bhedāsaṅkīti ‘‘ajja bhijjissati, sve bhijjissatī’’ti evaṃ mittassa bhedameva āsaṅkati. Randhamevānupassīti chiddaṃ vivarameva passanto. Urasīva puttoti yasmiṃ mitte mātu hadaye putto viya nirāsaṅko nibbhayo seti.
ид̇и имаахи жад̇уухи г̇аат̇аахи сийхзна мид̇д̇аг̇ун̣з гат̇ид̇з б̣яаг̇гхо ‘‘маяхам̣ д̣̇осо’’д̇и сийхам̣ камаабзси. д̇з д̇ад̇т̇зва самаг̇г̇аваасам̣ васим̣су. син̇г̇аало бана балааяид̇ваа ан̃н̃ад̇т̇а г̇ад̇о.
Iti imāhi catūhi gāthāhi sīhena mittaguṇe kathite byaggho ‘‘mayhaṃ doso’’ti sīhaṃ khamāpesi. Te tattheva samaggavāsaṃ vasiṃsu. Siṅgālo pana palāyitvā aññattha gato.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа син̇г̇аало вигхаасаад̣̇о ахоси, сийхо саарибуд̇д̇о, б̣яаг̇гхо мог̇г̇аллаано, д̇ам̣ гааран̣ам̣ бажжагкад̇о д̣̇идтаа д̇асмим̣ ванз нивуд̇т̇аругкад̣̇звад̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā siṅgālo vighāsādo ahosi, sīho sāriputto, byaggho moggallāno, taṃ kāraṇaṃ paccakkhato diṭṭhā tasmiṃ vane nivuttharukkhadevatā pana ahameva ahosi’’nti.
ван̣н̣аарохаж̇аад̇агаван̣н̣анаа батамаа.
Vaṇṇārohajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 361. ван̣н̣аарохаж̇аад̇агам̣ • 361. Vaṇṇārohajātakaṃ
