| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৭. ৰপকাসসুত্তং
7. Vapakāsasuttaṃ
১২৭. ‘‘পঞ্চহি, ভিক্খৰে, ধম্মেহি সমন্নাগতো ভিক্খু নালং সঙ্ঘম্হা ৰপকাসিতুং 1। কতমেহি পঞ্চহি? ইধ, ভিক্খৰে, ভিক্খু অসন্তুট্ঠো হোতি ইতরীতরেন চীৰরেন, অসন্তুট্ঠো হোতি ইতরীতরেন পিণ্ডপাতেন, অসন্তুট্ঠো হোতি ইতরীতরেন সেনাসনেন, অসন্তুট্ঠো হোতি ইতরীতরেন গিলানপ্পচ্চযভেসজ্জপরিক্খারেন, কামসঙ্কপ্পবহুলো চ ৰিহরতি। ইমেহি খো, ভিক্খৰে, পঞ্চহি ধম্মেহি সমন্নাগতো ভিক্খু নালং সঙ্ঘম্হা ৰপকাসিতুং।
127. ‘‘Pañcahi, bhikkhave, dhammehi samannāgato bhikkhu nālaṃ saṅghamhā vapakāsituṃ 2. Katamehi pañcahi? Idha, bhikkhave, bhikkhu asantuṭṭho hoti itarītarena cīvarena, asantuṭṭho hoti itarītarena piṇḍapātena, asantuṭṭho hoti itarītarena senāsanena, asantuṭṭho hoti itarītarena gilānappaccayabhesajjaparikkhārena, kāmasaṅkappabahulo ca viharati. Imehi kho, bhikkhave, pañcahi dhammehi samannāgato bhikkhu nālaṃ saṅghamhā vapakāsituṃ.
‘‘পঞ্চহি, ভিক্খৰে, ধম্মেহি সমন্নাগতো ভিক্খু অলং সঙ্ঘম্হা ৰপকাসিতুং। কতমেহি পঞ্চহি? ইধ , ভিক্খৰে, ভিক্খু সন্তুট্ঠো হোতি ইতরীতরেন চীৰরেন, সন্তুট্ঠো হোতি ইতরীতরেন পিণ্ডপাতেন, সন্তুট্ঠো হোতি ইতরীতরেন সেনাসনেন, সন্তুট্ঠো হোতি ইতরীতরেন গিলানপ্পচ্চযভেসজ্জপরিক্খারেন , নেক্খম্মসঙ্কপ্পবহুলো 3 চ ৰিহরতি। ইমেহি খো, ভিক্খৰে, পঞ্চহি ধম্মেহি সমন্নাগতো ভিক্খু অলং সঙ্ঘম্হা ৰপকাসিতু’’ন্তি। সত্তমং।
‘‘Pañcahi, bhikkhave, dhammehi samannāgato bhikkhu alaṃ saṅghamhā vapakāsituṃ. Katamehi pañcahi? Idha , bhikkhave, bhikkhu santuṭṭho hoti itarītarena cīvarena, santuṭṭho hoti itarītarena piṇḍapātena, santuṭṭho hoti itarītarena senāsanena, santuṭṭho hoti itarītarena gilānappaccayabhesajjaparikkhārena , nekkhammasaṅkappabahulo 4 ca viharati. Imehi kho, bhikkhave, pañcahi dhammehi samannāgato bhikkhu alaṃ saṅghamhā vapakāsitu’’nti. Sattamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৭. ৰপকাসসুত্তৰণ্ণনা • 7. Vapakāsasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / (১৩) ৩. গিলানৰগ্গো • (13) 3. Gilānavaggo
