Library / Tipiṭaka / తిపిటక • Tipiṭaka / అఙ్గుత్తరనికాయ • Aṅguttaranikāya

    ౭. వపకాససుత్తం

    7. Vapakāsasuttaṃ

    ౧౨౭. ‘‘పఞ్చహి, భిక్ఖవే, ధమ్మేహి సమన్నాగతో భిక్ఖు నాలం సఙ్ఘమ్హా వపకాసితుం 1. కతమేహి పఞ్చహి? ఇధ, భిక్ఖవే, భిక్ఖు అసన్తుట్ఠో హోతి ఇతరీతరేన చీవరేన, అసన్తుట్ఠో హోతి ఇతరీతరేన పిణ్డపాతేన, అసన్తుట్ఠో హోతి ఇతరీతరేన సేనాసనేన, అసన్తుట్ఠో హోతి ఇతరీతరేన గిలానప్పచ్చయభేసజ్జపరిక్ఖారేన, కామసఙ్కప్పబహులో చ విహరతి. ఇమేహి ఖో, భిక్ఖవే, పఞ్చహి ధమ్మేహి సమన్నాగతో భిక్ఖు నాలం సఙ్ఘమ్హా వపకాసితుం.

    127. ‘‘Pañcahi, bhikkhave, dhammehi samannāgato bhikkhu nālaṃ saṅghamhā vapakāsituṃ 2. Katamehi pañcahi? Idha, bhikkhave, bhikkhu asantuṭṭho hoti itarītarena cīvarena, asantuṭṭho hoti itarītarena piṇḍapātena, asantuṭṭho hoti itarītarena senāsanena, asantuṭṭho hoti itarītarena gilānappaccayabhesajjaparikkhārena, kāmasaṅkappabahulo ca viharati. Imehi kho, bhikkhave, pañcahi dhammehi samannāgato bhikkhu nālaṃ saṅghamhā vapakāsituṃ.

    ‘‘పఞ్చహి, భిక్ఖవే, ధమ్మేహి సమన్నాగతో భిక్ఖు అలం సఙ్ఘమ్హా వపకాసితుం. కతమేహి పఞ్చహి? ఇధ , భిక్ఖవే, భిక్ఖు సన్తుట్ఠో హోతి ఇతరీతరేన చీవరేన, సన్తుట్ఠో హోతి ఇతరీతరేన పిణ్డపాతేన, సన్తుట్ఠో హోతి ఇతరీతరేన సేనాసనేన, సన్తుట్ఠో హోతి ఇతరీతరేన గిలానప్పచ్చయభేసజ్జపరిక్ఖారేన , నేక్ఖమ్మసఙ్కప్పబహులో 3 చ విహరతి. ఇమేహి ఖో, భిక్ఖవే, పఞ్చహి ధమ్మేహి సమన్నాగతో భిక్ఖు అలం సఙ్ఘమ్హా వపకాసితు’’న్తి. సత్తమం.

    ‘‘Pañcahi, bhikkhave, dhammehi samannāgato bhikkhu alaṃ saṅghamhā vapakāsituṃ. Katamehi pañcahi? Idha , bhikkhave, bhikkhu santuṭṭho hoti itarītarena cīvarena, santuṭṭho hoti itarītarena piṇḍapātena, santuṭṭho hoti itarītarena senāsanena, santuṭṭho hoti itarītarena gilānappaccayabhesajjaparikkhārena , nekkhammasaṅkappabahulo 4 ca viharati. Imehi kho, bhikkhave, pañcahi dhammehi samannāgato bhikkhu alaṃ saṅghamhā vapakāsitu’’nti. Sattamaṃ.




    Next: ౮. సమణసుఖసుత్తం • 8. Samaṇasukhasuttaṃ




    Footnotes:
    1. వి + అప + కాసితుం = వపకాసితుం
    2. vi + apa + kāsituṃ = vapakāsituṃ
    3. న కామసఙ్కప్పబహులో (క॰)
    4. na kāmasaṅkappabahulo (ka.)



    Related texts:



    అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) / ౭. వపకాససుత్తవణ్ణనా • 7. Vapakāsasuttavaṇṇanā

    టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / (౧౩) ౩. గిలానవగ్గో • (13) 3. Gilānavaggo


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact