Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya

    ༧. ཝཔཀཱསསུཏྟཾ

    7. Vapakāsasuttaṃ

    ༡༢༧. ‘‘པཉྩཧི, བྷིཀྑཝེ, དྷམྨེཧི སམནྣཱགཏོ བྷིཀྑུ ནཱལཾ སངྒྷམྷཱ ཝཔཀཱསིཏུཾ 1། ཀཏམེཧི པཉྩཧི? ཨིདྷ, བྷིཀྑཝེ, བྷིཀྑུ ཨསནྟུཊྛོ ཧོཏི ཨིཏརཱིཏརེན ཙཱིཝརེན, ཨསནྟུཊྛོ ཧོཏི ཨིཏརཱིཏརེན པིཎྜཔཱཏེན, ཨསནྟུཊྛོ ཧོཏི ཨིཏརཱིཏརེན སེནཱསནེན, ཨསནྟུཊྛོ ཧོཏི ཨིཏརཱིཏརེན གིལཱནཔྤཙྩཡབྷེསཛྫཔརིཀྑཱརེན, ཀཱམསངྐཔྤབཧུལོ ཙ ཝིཧརཏི། ཨིམེཧི ཁོ, བྷིཀྑཝེ, པཉྩཧི དྷམྨེཧི སམནྣཱགཏོ བྷིཀྑུ ནཱལཾ སངྒྷམྷཱ ཝཔཀཱསིཏུཾ།

    127. ‘‘Pañcahi, bhikkhave, dhammehi samannāgato bhikkhu nālaṃ saṅghamhā vapakāsituṃ 2. Katamehi pañcahi? Idha, bhikkhave, bhikkhu asantuṭṭho hoti itarītarena cīvarena, asantuṭṭho hoti itarītarena piṇḍapātena, asantuṭṭho hoti itarītarena senāsanena, asantuṭṭho hoti itarītarena gilānappaccayabhesajjaparikkhārena, kāmasaṅkappabahulo ca viharati. Imehi kho, bhikkhave, pañcahi dhammehi samannāgato bhikkhu nālaṃ saṅghamhā vapakāsituṃ.

    ‘‘པཉྩཧི, བྷིཀྑཝེ, དྷམྨེཧི སམནྣཱགཏོ བྷིཀྑུ ཨལཾ སངྒྷམྷཱ ཝཔཀཱསིཏུཾ། ཀཏམེཧི པཉྩཧི? ཨིདྷ , བྷིཀྑཝེ, བྷིཀྑུ སནྟུཊྛོ ཧོཏི ཨིཏརཱིཏརེན ཙཱིཝརེན, སནྟུཊྛོ ཧོཏི ཨིཏརཱིཏརེན པིཎྜཔཱཏེན, སནྟུཊྛོ ཧོཏི ཨིཏརཱིཏརེན སེནཱསནེན, སནྟུཊྛོ ཧོཏི ཨིཏརཱིཏརེན གིལཱནཔྤཙྩཡབྷེསཛྫཔརིཀྑཱརེན , ནེཀྑམྨསངྐཔྤབཧུལོ 3 ཙ ཝིཧརཏི། ཨིམེཧི ཁོ, བྷིཀྑཝེ, པཉྩཧི དྷམྨེཧི སམནྣཱགཏོ བྷིཀྑུ ཨལཾ སངྒྷམྷཱ ཝཔཀཱསིཏུ’’ནྟི། སཏྟམཾ།

    ‘‘Pañcahi, bhikkhave, dhammehi samannāgato bhikkhu alaṃ saṅghamhā vapakāsituṃ. Katamehi pañcahi? Idha , bhikkhave, bhikkhu santuṭṭho hoti itarītarena cīvarena, santuṭṭho hoti itarītarena piṇḍapātena, santuṭṭho hoti itarītarena senāsanena, santuṭṭho hoti itarītarena gilānappaccayabhesajjaparikkhārena , nekkhammasaṅkappabahulo 4 ca viharati. Imehi kho, bhikkhave, pañcahi dhammehi samannāgato bhikkhu alaṃ saṅghamhā vapakāsitu’’nti. Sattamaṃ.




    Next: ༨. སམཎསུཁསུཏྟཾ • 8. Samaṇasukhasuttaṃ




    Footnotes:
    1. ཝི + ཨཔ + ཀཱསིཏུཾ = ཝཔཀཱསིཏུཾ
    2. vi + apa + kāsituṃ = vapakāsituṃ
    3. ན ཀཱམསངྐཔྤབཧུལོ (ཀ॰)
    4. na kāmasaṅkappabahulo (ka.)



    Related texts:



    ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༧. ཝཔཀཱསསུཏྟཝཎྞནཱ • 7. Vapakāsasuttavaṇṇanā

    ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / (༡༣) ༣. གིལཱནཝགྒོ • (13) 3. Gilānavaggo


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact