| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. ваббасуд̇д̇ам̣
5. Vappasuttaṃ
195. згам̣ самаяам̣ бхаг̇аваа саггзсу вихарад̇и габилавад̇т̇усмим̣ ниг̇род̇хаараамз. ат̇а ко ваббо сагго ниг̇ан̣тасааваго язнааяасмаа махаамог̇г̇аллаано д̇знубасан̇гами; убасан̇гамид̇ваа ааяасманд̇ам̣ махаамог̇г̇аллаанам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ваббам̣ саггам̣ ниг̇ан̣тасаавагам̣ ааяасмаа махаамог̇г̇аллаано зд̇ад̣̇авожа –
195. Ekaṃ samayaṃ bhagavā sakkesu viharati kapilavatthusmiṃ nigrodhārāme. Atha kho vappo sakko nigaṇṭhasāvako yenāyasmā mahāmoggallāno tenupasaṅkami; upasaṅkamitvā āyasmantaṃ mahāmoggallānaṃ abhivādetvā ekamantaṃ nisīdi. Ekamantaṃ nisinnaṃ kho vappaṃ sakkaṃ nigaṇṭhasāvakaṃ āyasmā mahāmoggallāno etadavoca –
‘‘ид̇хасса , вабба, гааязна сам̣вуд̇о ваажааяа сам̣вуд̇о манасаа сам̣вуд̇о авиж̇ж̇аавирааг̇аа виж̇ж̇уббаад̣̇аа. бассаси но д̇вам̣, вабба, д̇ам̣ таанам̣ яад̇онид̣̇аанам̣ бурисам̣ д̣̇угкавзд̣̇анияаа аасаваа ассавзяяум̣ 1 абхисамбарааяа’’нд̇и? ‘‘бассаамахам̣, бханд̇з, д̇ам̣ таанам̣. ид̇хасса, бханд̇з, буб̣б̣з баабагаммам̣ гад̇ам̣ авибаггавибаагам̣. д̇ад̇онид̣̇аанам̣ бурисам̣ д̣̇угкавзд̣̇анияаа аасаваа ассавзяяум̣ абхисамбарааяа’’нд̇и. аяан̃жзва ко бана ааяасмад̇о махаамог̇г̇аллаанасса ваббзна саггзна ниг̇ан̣тасаавагзна сад̣̇д̇хим̣ анд̇араагат̇аа виббагад̇аа ход̇и.
‘‘Idhassa , vappa, kāyena saṃvuto vācāya saṃvuto manasā saṃvuto avijjāvirāgā vijjuppādā. Passasi no tvaṃ, vappa, taṃ ṭhānaṃ yatonidānaṃ purisaṃ dukkhavedaniyā āsavā assaveyyuṃ 2 abhisamparāya’’nti? ‘‘Passāmahaṃ, bhante, taṃ ṭhānaṃ. Idhassa, bhante, pubbe pāpakammaṃ kataṃ avipakkavipākaṃ. Tatonidānaṃ purisaṃ dukkhavedaniyā āsavā assaveyyuṃ abhisamparāya’’nti. Ayañceva kho pana āyasmato mahāmoggallānassa vappena sakkena nigaṇṭhasāvakena saddhiṃ antarākathā vippakatā hoti.
ат̇а ко бхаг̇аваа сааяанхасамаяам̣ бадисаллаанаа вудтид̇о язна убадтаанасаалаа д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. нисаж̇ж̇а ко бхаг̇аваа ааяасманд̇ам̣ махаамог̇г̇аллаанам̣ зд̇ад̣̇авожа –
Atha kho bhagavā sāyanhasamayaṃ paṭisallānā vuṭṭhito yena upaṭṭhānasālā tenupasaṅkami; upasaṅkamitvā paññatte āsane nisīdi. Nisajja kho bhagavā āyasmantaṃ mahāmoggallānaṃ etadavoca –
‘‘гааяа нуд̇т̇а, мог̇г̇аллаана, зд̇арахи гат̇ааяа саннисиннаа; гаа жа бана во анд̇араагат̇аа виббагад̇аа’’д̇и? ‘‘ид̇хаахам̣, бханд̇з, ваббам̣ саггам̣ ниг̇ан̣тасаавагам̣ зд̇ад̣̇авожам̣ – ‘ид̇хасса, вабба, гааязна сам̣вуд̇о ваажааяа сам̣вуд̇о манасаа сам̣вуд̇о авиж̇ж̇аавирааг̇аа виж̇ж̇уббаад̣̇аа. бассаси но д̇вам̣, вабба, д̇ам̣ таанам̣ яад̇онид̣̇аанам̣ бурисам̣ д̣̇угкавзд̣̇анияаа аасаваа ассавзяяум̣ абхисамбарааяа’нд̇и? звам̣ вуд̇д̇з, бханд̇з, ваббо сагго ниг̇ан̣тасааваго мам̣ зд̇ад̣̇авожа – ‘бассаамахам̣, бханд̇з, д̇ам̣ таанам̣. ид̇хасса, бханд̇з, буб̣б̣з баабагаммам̣ гад̇ам̣ авибаггавибаагам̣. д̇ад̇онид̣̇аанам̣ бурисам̣ д̣̇угкавзд̣̇анияаа аасаваа ассавзяяум̣ абхисамбарааяа’нд̇и . аяам̣ ко но, бханд̇з , ваббзна саггзна ниг̇ан̣тасаавагзна сад̣̇д̇хим̣ анд̇араагат̇аа виббагад̇аа; ат̇а бхаг̇аваа ануббад̇д̇о’’д̇и.
‘‘Kāya nuttha, moggallāna, etarahi kathāya sannisinnā; kā ca pana vo antarākathā vippakatā’’ti? ‘‘Idhāhaṃ, bhante, vappaṃ sakkaṃ nigaṇṭhasāvakaṃ etadavocaṃ – ‘idhassa, vappa, kāyena saṃvuto vācāya saṃvuto manasā saṃvuto avijjāvirāgā vijjuppādā. Passasi no tvaṃ, vappa, taṃ ṭhānaṃ yatonidānaṃ purisaṃ dukkhavedaniyā āsavā assaveyyuṃ abhisamparāya’nti? Evaṃ vutte, bhante, vappo sakko nigaṇṭhasāvako maṃ etadavoca – ‘passāmahaṃ, bhante, taṃ ṭhānaṃ. Idhassa, bhante, pubbe pāpakammaṃ kataṃ avipakkavipākaṃ. Tatonidānaṃ purisaṃ dukkhavedaniyā āsavā assaveyyuṃ abhisamparāya’nti . Ayaṃ kho no, bhante , vappena sakkena nigaṇṭhasāvakena saddhiṃ antarākathā vippakatā; atha bhagavā anuppatto’’ti.
ат̇а ко бхаг̇аваа ваббам̣ саггам̣ ниг̇ан̣тасаавагам̣ зд̇ад̣̇авожа – ‘‘сажз мз д̇вам̣, вабба, анун̃н̃зяяан̃жзва ануж̇аанзяяааси, бадиггосид̇аб̣б̣ан̃жа бадиггосзяяааси, яасса жа мз бхаасид̇асса ад̇т̇ам̣ на ж̇аанзяяааси мамзвзд̇т̇а уд̇д̇ари бадибужчзяяааси – ‘ид̣̇ам̣, бханд̇з, гат̇ам̣, имасса го ад̇т̇о’д̇и, сияаа но зд̇т̇а гат̇аасаллаабо’’д̇и. ‘‘анун̃н̃зяяан̃жзваахам̣, бханд̇з, бхаг̇авад̇о ануж̇ааниссаами, бадиггосид̇аб̣б̣ан̃жа бадиггосиссаами, яасса жаахам̣ бхаг̇авад̇о бхаасид̇асса ад̇т̇ам̣ на ж̇ааниссаами бхаг̇аванд̇ам̣язвзд̇т̇а уд̇д̇ари бадибужчиссаами – ‘ид̣̇ам̣ бханд̇з, гат̇ам̣, имасса го ад̇т̇о’д̇и? ход̇у но зд̇т̇а гат̇аасаллаабо’’д̇и.
Atha kho bhagavā vappaṃ sakkaṃ nigaṇṭhasāvakaṃ etadavoca – ‘‘sace me tvaṃ, vappa, anuññeyyañceva anujāneyyāsi, paṭikkositabbañca paṭikkoseyyāsi, yassa ca me bhāsitassa atthaṃ na jāneyyāsi mamevettha uttari paṭipuccheyyāsi – ‘idaṃ, bhante, kathaṃ, imassa ko attho’ti, siyā no ettha kathāsallāpo’’ti. ‘‘Anuññeyyañcevāhaṃ, bhante, bhagavato anujānissāmi, paṭikkositabbañca paṭikkosissāmi, yassa cāhaṃ bhagavato bhāsitassa atthaṃ na jānissāmi bhagavantaṃyevettha uttari paṭipucchissāmi – ‘idaṃ bhante, kathaṃ, imassa ko attho’ti? Hotu no ettha kathāsallāpo’’ti.
‘‘д̇ам̣ гим̣ ман̃н̃аси, вабба, яз гааяасамаарамбхабажжаяаа уббаж̇ж̇анд̇и аасаваа вигхаад̇абарил̣аахаа, гааяасамаарамбхаа бадивирад̇асса звам̣са д̇з аасаваа вигхаад̇абарил̣аахаа на хонд̇и. со наван̃жа гаммам̣ на гарод̇и, бураан̣ан̃жа гаммам̣ пусса пусса б̣яанд̇ийгарод̇и, санд̣̇идтигаа ниж̇ж̇араа агаалигаа зхибассигаа обанзяяигаа бажжад̇д̇ам̣ взд̣̇ид̇аб̣б̣аа вин̃н̃уухи 3. бассаси но д̇вам̣, вабба, д̇ам̣ таанам̣ яад̇онид̣̇аанам̣ бурисам̣ д̣̇угкавзд̣̇анияаа аасаваа ассавзяяум̣ абхисамбарааяа’’нд̇и? ‘‘но хзд̇ам̣, бханд̇з’’.
‘‘Taṃ kiṃ maññasi, vappa, ye kāyasamārambhapaccayā uppajjanti āsavā vighātapariḷāhā, kāyasamārambhā paṭiviratassa evaṃsa te āsavā vighātapariḷāhā na honti. So navañca kammaṃ na karoti, purāṇañca kammaṃ phussa phussa byantīkaroti, sandiṭṭhikā nijjarā akālikā ehipassikā opaneyyikā paccattaṃ veditabbā viññūhi 4. Passasi no tvaṃ, vappa, taṃ ṭhānaṃ yatonidānaṃ purisaṃ dukkhavedaniyā āsavā assaveyyuṃ abhisamparāya’’nti? ‘‘No hetaṃ, bhante’’.
‘‘д̇ам̣ гим̣ ман̃н̃аси, вабба, яз важийсамаарамбхабажжаяаа уббаж̇ж̇анд̇и аасаваа вигхаад̇абарил̣аахаа, важийсамаарамбхаа бадивирад̇асса звам̣са д̇з аасаваа вигхаад̇абарил̣аахаа на хонд̇и. со наван̃жа гаммам̣ на гарод̇и, бураан̣ан̃жа гаммам̣ пусса пусса б̣яанд̇ийгарод̇и. санд̣̇идтигаа ниж̇ж̇араа агаалигаа зхибассигаа обанзяяигаа бажжад̇д̇ам̣ взд̣̇ид̇аб̣б̣аа вин̃н̃уухи. бассаси но д̇вам̣, вабба, д̇ам̣ таанам̣ яад̇онид̣̇аанам̣ бурисам̣ д̣̇угкавзд̣̇анияаа аасаваа ассавзяяум̣ абхисамбарааяа’’нд̇и? ‘‘но хзд̇ам̣, бханд̇з’’.
‘‘Taṃ kiṃ maññasi, vappa, ye vacīsamārambhapaccayā uppajjanti āsavā vighātapariḷāhā, vacīsamārambhā paṭiviratassa evaṃsa te āsavā vighātapariḷāhā na honti. So navañca kammaṃ na karoti, purāṇañca kammaṃ phussa phussa byantīkaroti. Sandiṭṭhikā nijjarā akālikā ehipassikā opaneyyikā paccattaṃ veditabbā viññūhi. Passasi no tvaṃ, vappa, taṃ ṭhānaṃ yatonidānaṃ purisaṃ dukkhavedaniyā āsavā assaveyyuṃ abhisamparāya’’nti? ‘‘No hetaṃ, bhante’’.
‘‘д̇ам̣ гим̣ ман̃н̃аси, вабба, яз маносамаарамбхабажжаяаа уббаж̇ж̇анд̇и аасаваа вигхаад̇абарил̣аахаа, маносамаарамбхаа бадивирад̇асса звам̣са д̇з аасаваа вигхаад̇абарил̣аахаа на хонд̇и. со наван̃жа гаммам̣ на гарод̇и, бураан̣ан̃жа гаммам̣ пусса пусса б̣яанд̇ийгарод̇и. санд̣̇идтигаа ниж̇ж̇араа агаалигаа зхибассигаа обанзяяигаа бажжад̇д̇ам̣ взд̣̇ид̇аб̣б̣аа вин̃н̃уухи. бассаси но д̇вам̣, вабба, д̇ам̣ таанам̣ яад̇онид̣̇аанам̣ бурисам̣ д̣̇угкавзд̣̇анияаа аасаваа ассавзяяум̣ абхисамбарааяа’’нд̇и? ‘‘но хзд̇ам̣, бханд̇з’’.
‘‘Taṃ kiṃ maññasi, vappa, ye manosamārambhapaccayā uppajjanti āsavā vighātapariḷāhā, manosamārambhā paṭiviratassa evaṃsa te āsavā vighātapariḷāhā na honti. So navañca kammaṃ na karoti, purāṇañca kammaṃ phussa phussa byantīkaroti. Sandiṭṭhikā nijjarā akālikā ehipassikā opaneyyikā paccattaṃ veditabbā viññūhi. Passasi no tvaṃ, vappa, taṃ ṭhānaṃ yatonidānaṃ purisaṃ dukkhavedaniyā āsavā assaveyyuṃ abhisamparāya’’nti? ‘‘No hetaṃ, bhante’’.
‘‘д̇ам̣ гим̣ ман̃н̃аси, вабба, яз авиж̇ж̇аабажжаяаа уббаж̇ж̇анд̇и аасаваа вигхаад̇абарил̣аахаа, авиж̇ж̇аавирааг̇аа виж̇ж̇уббаад̣̇аа звам̣са д̇з аасаваа вигхаад̇абарил̣аахаа на хонд̇и. со наван̃жа гаммам̣ на гарод̇и, бураан̣ан̃жа гаммам̣ пусса пусса б̣яанд̇ийгарод̇и. санд̣̇идтигаа ниж̇ж̇араа агаалигаа зхибассигаа обанзяяигаа бажжад̇д̇ам̣ взд̣̇ид̇аб̣б̣аа вин̃н̃уухи. бассаси но д̇вам̣, вабба, д̇ам̣ таанам̣ яад̇онид̣̇аанам̣ бурисам̣ д̣̇угкавзд̣̇анияаа аасаваа ассавзяяум̣ абхисамбарааяа’’нд̇и? ‘‘но хзд̇ам̣, бханд̇з’’.
‘‘Taṃ kiṃ maññasi, vappa, ye avijjāpaccayā uppajjanti āsavā vighātapariḷāhā, avijjāvirāgā vijjuppādā evaṃsa te āsavā vighātapariḷāhā na honti. So navañca kammaṃ na karoti, purāṇañca kammaṃ phussa phussa byantīkaroti. Sandiṭṭhikā nijjarā akālikā ehipassikā opaneyyikā paccattaṃ veditabbā viññūhi. Passasi no tvaṃ, vappa, taṃ ṭhānaṃ yatonidānaṃ purisaṃ dukkhavedaniyā āsavā assaveyyuṃ abhisamparāya’’nti? ‘‘No hetaṃ, bhante’’.
‘‘звам̣ саммаа вимуд̇д̇ажид̇д̇асса ко, вабба, бхигкуно ча сад̇ад̇авихаараа ад̇хиг̇ад̇аа хонд̇и. со жагкунаа руубам̣ д̣̇исваа нзва сумано ход̇и на д̣̇уммано; убзгкаго вихарад̇и сад̇о самбаж̇аано. сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа…бз... ж̇ивхааяа расам̣ сааяид̇ваа…бз… гааязна подтаб̣б̣ам̣ пусид̇ваа…бз… манасаа д̇хаммам̣ вин̃н̃аа нзва сумано ход̇и на д̣̇уммано; убзгкаго вихарад̇и сад̇о самбаж̇аано. со гааяабарияанд̇игам̣ взд̣̇анам̣ взд̣̇ияамаано ‘гааяабарияанд̇игам̣ взд̣̇анам̣ взд̣̇ияаамий’д̇и баж̇аанаад̇и; ж̇ийвид̇абарияанд̇игам̣ взд̣̇анам̣ взд̣̇ияамаано ‘ж̇ийвид̇абарияанд̇игам̣ взд̣̇анам̣ взд̣̇ияаамий’д̇и баж̇аанаад̇и; ‘гааяасса бхзд̣̇аа уд̣̇д̇хам̣ ж̇ийвид̇абарияаад̣̇аанаа ид̇хзва саб̣б̣авзд̣̇аяид̇аани анабхинанд̣̇ид̇аани сийд̇ий бхависсанд̇ий’д̇и баж̇аанаад̇и’’.
‘‘Evaṃ sammā vimuttacittassa kho, vappa, bhikkhuno cha satatavihārā adhigatā honti. So cakkhunā rūpaṃ disvā neva sumano hoti na dummano; upekkhako viharati sato sampajāno. Sotena saddaṃ sutvā…pe… ghānena gandhaṃ ghāyitvā…pe... jivhāya rasaṃ sāyitvā…pe… kāyena phoṭṭhabbaṃ phusitvā…pe… manasā dhammaṃ viññā neva sumano hoti na dummano; upekkhako viharati sato sampajāno. So kāyapariyantikaṃ vedanaṃ vediyamāno ‘kāyapariyantikaṃ vedanaṃ vediyāmī’ti pajānāti; jīvitapariyantikaṃ vedanaṃ vediyamāno ‘jīvitapariyantikaṃ vedanaṃ vediyāmī’ti pajānāti; ‘kāyassa bhedā uddhaṃ jīvitapariyādānā idheva sabbavedayitāni anabhinanditāni sītī bhavissantī’ti pajānāti’’.
‘‘сзяяат̇ааби, вабба, т̇уун̣ам̣ бадижжа чааяаа бан̃н̃ааяад̇и. ат̇а бурисо ааг̇ажчзяяа гуд̣̇д̣̇аалабидагам̣ аад̣̇ааяа. со д̇ам̣ т̇уун̣ам̣ муулз чинд̣̇зяяа; муулз чинд̣̇ид̇ваа баликан̣зяяа; баликан̣ид̇ваа муулаани уд̣̇д̇харзяяа, анд̇амасо усийранаал̣имад̇д̇ааниби 5. со д̇ам̣ т̇уун̣ам̣ кан̣д̣аакан̣д̣игам̣ чинд̣̇зяяа. кан̣д̣аакан̣д̣игам̣ чзд̇ваа паалзяяа. паалзд̇ваа сагалигам̣ сагалигам̣ гарзяяа. сагалигам̣ сагалигам̣ гад̇ваа ваад̇аад̇абз висосзяяа. ваад̇аад̇абз висосзд̇ваа аг̇г̇инаа д̣ахзяяа. аг̇г̇инаа д̣ахзд̇ваа масим̣ гарзяяа . масим̣ гарид̇ваа махааваад̇з ваа опун̣зяяа над̣̇ияаа ваа сийгхасод̇ааяа баваахзяяа. звам̣ хисса, вабба, яаа т̇уун̣ам̣ бадижжа чааяаа саа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа.
‘‘Seyyathāpi, vappa, thūṇaṃ paṭicca chāyā paññāyati. Atha puriso āgaccheyya kuddālapiṭakaṃ ādāya. So taṃ thūṇaṃ mūle chindeyya; mūle chinditvā palikhaṇeyya; palikhaṇitvā mūlāni uddhareyya, antamaso usīranāḷimattānipi 6. So taṃ thūṇaṃ khaṇḍākhaṇḍikaṃ chindeyya. Khaṇḍākhaṇḍikaṃ chetvā phāleyya. Phāletvā sakalikaṃ sakalikaṃ kareyya. Sakalikaṃ sakalikaṃ katvā vātātape visoseyya. Vātātape visosetvā agginā ḍaheyya. Agginā ḍahetvā masiṃ kareyya . Masiṃ karitvā mahāvāte vā ophuṇeyya nadiyā vā sīghasotāya pavāheyya. Evaṃ hissa, vappa, yā thūṇaṃ paṭicca chāyā sā ucchinnamūlā tālāvatthukatā anabhāvaṃkatā āyatiṃ anuppādadhammā.
‘‘звамзвам̣ ко, вабба, звам̣ саммаа вимуд̇д̇ажид̇д̇асса бхигкуно ча сад̇ад̇авихаараа ад̇хиг̇ад̇аа хонд̇и. со жагкунаа руубам̣ д̣̇исваа нзва сумано ход̇и на д̣̇уммано; убзгкаго вихарад̇и сад̇о самбаж̇аано. сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа…бз… ж̇ивхааяа расам̣ сааяид̇ваа…бз… гааязна подтаб̣б̣ам̣ пусид̇ваа…бз… манасаа д̇хаммам̣ вин̃н̃ааяа нзва сумано ход̇и на д̣̇уммано; убзгкаго вихарад̇и сад̇о самбаж̇аано. со гааяабарияанд̇игам̣ взд̣̇анам̣ взд̣̇ияамаано ‘гааяабарияанд̇игам̣ взд̣̇анам̣ взд̣̇ияаамий’д̇и баж̇аанаад̇и; ж̇ийвид̇абарияанд̇игам̣ взд̣̇анам̣ взд̣̇ияамаано ‘ж̇ийвид̇абарияанд̇игам̣ взд̣̇анам̣ взд̣̇ияаамий’д̇и баж̇аанаад̇и; ‘гааяасса бхзд̣̇аа уд̣̇д̇хам̣ ж̇ийвид̇абарияаад̣̇аанаа ид̇хзва саб̣б̣авзд̣̇аяид̇аани анабхинанд̣̇ид̇аани сийд̇ий бхависсанд̇ий’д̇и баж̇аанаад̇и’’.
‘‘Evamevaṃ kho, vappa, evaṃ sammā vimuttacittassa bhikkhuno cha satatavihārā adhigatā honti. So cakkhunā rūpaṃ disvā neva sumano hoti na dummano; upekkhako viharati sato sampajāno. Sotena saddaṃ sutvā…pe… ghānena gandhaṃ ghāyitvā…pe… jivhāya rasaṃ sāyitvā…pe… kāyena phoṭṭhabbaṃ phusitvā…pe… manasā dhammaṃ viññāya neva sumano hoti na dummano; upekkhako viharati sato sampajāno. So kāyapariyantikaṃ vedanaṃ vediyamāno ‘kāyapariyantikaṃ vedanaṃ vediyāmī’ti pajānāti; jīvitapariyantikaṃ vedanaṃ vediyamāno ‘jīvitapariyantikaṃ vedanaṃ vediyāmī’ti pajānāti; ‘kāyassa bhedā uddhaṃ jīvitapariyādānā idheva sabbavedayitāni anabhinanditāni sītī bhavissantī’ti pajānāti’’.
звам̣ вуд̇д̇з ваббо сагго ниг̇ан̣тасааваго бхаг̇аванд̇ам̣ зд̇ад̣̇авожа – ‘‘сзяяат̇ааби, бханд̇з, бурисо уд̣̇аяад̇т̇иго ассабан̣ияам̣ босзяяа. со уд̣̇аяан̃жзва наад̇хиг̇ажчзяяа, уд̇д̇арин̃жа гиламат̇асса вигхаад̇асса бхааг̇ий асса. звамзвам̣ ко ахам̣, бханд̇з, уд̣̇аяад̇т̇иго б̣аалз ниг̇ан̣тз баяирубаасим̣. сваахам̣ уд̣̇аяан̃жзва наад̇хиг̇ажчим̣, уд̇д̇арин̃жа гиламат̇асса вигхаад̇асса бхааг̇ий ахосим̣. зсаахам̣, бханд̇з, аж̇ж̇ад̇аг̇г̇з яо мз б̣аалзсу ниг̇ан̣тзсу басаад̣̇о д̇ам̣ махааваад̇з ваа опун̣аами над̣̇ияаа ваа сийгхасод̇ааяа баваахзми. абхигганд̇ам̣, бханд̇з…бз… убаасагам̣ мам̣, бханд̇з , бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. бан̃жамам̣.
Evaṃ vutte vappo sakko nigaṇṭhasāvako bhagavantaṃ etadavoca – ‘‘seyyathāpi, bhante, puriso udayatthiko assapaṇiyaṃ poseyya. So udayañceva nādhigaccheyya, uttariñca kilamathassa vighātassa bhāgī assa. Evamevaṃ kho ahaṃ, bhante, udayatthiko bāle nigaṇṭhe payirupāsiṃ. Svāhaṃ udayañceva nādhigacchiṃ, uttariñca kilamathassa vighātassa bhāgī ahosiṃ. Esāhaṃ, bhante, ajjatagge yo me bālesu nigaṇṭhesu pasādo taṃ mahāvāte vā ophuṇāmi nadiyā vā sīghasotāya pavāhemi. Abhikkantaṃ, bhante…pe… upāsakaṃ maṃ, bhante , bhagavā dhāretu ajjatagge pāṇupetaṃ saraṇaṃ gata’’nti. Pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. ваббасуд̇д̇аван̣н̣анаа • 5. Vappasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. ваббасуд̇д̇аван̣н̣анаа • 5. Vappasuttavaṇṇanā
