| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5. ваббасуд̇д̇аван̣н̣анаа
5. Vappasuttavaṇṇanā
195. бан̃жамз бихид̇ад̇д̇аад̇и агусаласса бавзсанад̣̇ваарам̣ бид̣̇ахид̇ваа тид̇ад̇д̇аа. гааязна сам̣варид̇аб̣б̣ан̃хи абихид̇зна д̣̇ваарзна бавад̇д̇анагам̣ баабад̇хаммам̣ сам̣варид̇ваа тид̇о гааязна сам̣вуд̇о наама. каяавирааг̇знаад̇и ажжанд̇акаяасан̇каад̇зна вираж̇ж̇анзна, ануббаад̣̇анирод̇хзнаад̇и ад̇т̇о. гим̣ виж̇ж̇аа буб̣б̣з уббаннаад̇и? убхаяамзд̇ам̣ на вад̇д̇аб̣б̣ам̣. бахаанаабхисамаяабхааванаабхисамаяаанам̣ абхиннагаалад̇д̇аа бад̣̇ийбуж̇ж̇аланзна анд̇хагаарам̣ вияа виж̇ж̇уббаад̣̇зна авиж̇ж̇аа нируд̣̇д̇хаава ход̇и, вад̇д̇аб̣б̣ам̣ ваа хзд̇упалад̇д̇амубажааравасзна. яат̇аа хи бад̣̇ийбуж̇ж̇аланахзд̇уго анд̇хагааравиг̇амо, звам̣ виж̇ж̇уббаад̣̇ахзд̇уго авиж̇ж̇аанирод̇хо. хзд̇упалад̇хаммаа жа самаанагаалааби буб̣б̣аабарагаалаа вияа вохарийяанд̇и яат̇аа ‘‘жагкун̃жа бадижжа руубз жа уббаж̇ж̇ад̇и жагкувин̃н̃аан̣а’’нд̇и (ма. ни. 1.400; 3.421, 425, 426; сам̣. ни. 2.43-44; 2.4.60; гат̇аа. 465, 467) бажжаяаад̣̇аануббаж̇ж̇анагирияаа. жид̇д̇асса гааяасса жа вихананад̇о вигхаад̇о, д̣̇угкам̣. барид̣̇аханад̇о барил̣аахо.
195. Pañcame pihitattāti akusalassa pavesanadvāraṃ pidahitvā ṭhitattā. Kāyena saṃvaritabbañhi apihitena dvārena pavattanakaṃ pāpadhammaṃ saṃvaritvā ṭhito kāyena saṃvuto nāma. Khayavirāgenāti accantakhayasaṅkhātena virajjanena, anuppādanirodhenāti attho. Kiṃ vijjā pubbe uppannāti? Ubhayametaṃ na vattabbaṃ. Pahānābhisamayabhāvanābhisamayānaṃ abhinnakālattā padīpujjalanena andhakāraṃ viya vijjuppādena avijjā niruddhāva hoti, vattabbaṃ vā hetuphalattamupacāravasena. Yathā hi padīpujjalanahetuko andhakāravigamo, evaṃ vijjuppādahetuko avijjānirodho. Hetuphaladhammā ca samānakālāpi pubbāparakālā viya voharīyanti yathā ‘‘cakkhuñca paṭicca rūpe ca uppajjati cakkhuviññāṇa’’nti (ma. ni. 1.400; 3.421, 425, 426; saṃ. ni. 2.43-44; 2.4.60; kathā. 465, 467) paccayādānuppajjanakiriyā. Cittassa kāyassa ca vihananato vighāto, dukkhaṃ. Paridahanato pariḷāho.
нижжавихаараад̇и саб̣б̣ад̣̇аа бавад̇д̇анагавихаараа. табзд̇ваа хи самаабад̇д̇ивзлам̣ бхаван̇г̇авзлан̃жа кийн̣аасаваа иминаа чал̣ан̇г̇убзгкаавихаарзна саб̣б̣агаалам̣ вихаранд̇и. жагкунаа руубам̣ д̣̇исваад̇и жагкувин̃н̃аан̣зна руубам̣ д̣̇исваа. жагкунаа руубам̣ д̣̇исваад̇и хи ниссаяавохаарзна вуд̇д̇ам̣. сасамбхаарагат̇аа хзсаа яат̇аа ‘‘д̇ханунаа виж̇жхад̇ий’’д̇и, д̇асмаа ниссаяасийсзна ниссид̇асса г̇ахан̣ам̣ д̣̇адтаб̣б̣ам̣. рааг̇авасзна на соманассаж̇аад̇о ход̇ийд̇и г̇зхасид̇абзмавасзнаби ж̇аванагкан̣з соманассаж̇аад̇о на ход̇и маг̇г̇зна самужчиннад̇д̇аа, на д̣̇оманассаж̇аад̇о басаад̣̇ан̃н̃ат̇ад̇д̇авасзнаби. убзгкаго маж̇жхад̇д̇о худ̇ваа вихарад̇ийд̇и асамабзгканзна мохам̣ ануббаад̣̇знд̇о н̃аан̣убзгкаавасзнзва убзгкаго вихарад̇и маж̇жхад̇д̇о. кийн̣аасаво хи идтзби анидтзби маж̇жхад̇д̇зби аарамман̣з яо асамабзгканзна самасамаа аяонисог̇ахан̣з акийн̣аасаваанам̣ мохо уббаж̇ж̇ад̇и, д̇ам̣ ануббаад̣̇знд̇о маг̇г̇знзва д̇асса самуг̇гхаад̇ид̇ад̇д̇аа н̃аан̣убзгкаавасзнзва убзгкаго вихарад̇и, аяан̃жасса бадибад̇д̇и сад̇ивзбуллабад̇д̇ияаа бан̃н̃аавзбуллабад̇д̇ияаа жаад̇и вуд̇д̇ам̣ ‘‘сад̇исамбаж̇ан̃н̃абариг̇г̇ахид̇ааяаа’’д̇и.
Niccavihārāti sabbadā pavattanakavihārā. Ṭhapetvā hi samāpattivelaṃ bhavaṅgavelañca khīṇāsavā iminā chaḷaṅgupekkhāvihārena sabbakālaṃ viharanti. Cakkhunā rūpaṃ disvāti cakkhuviññāṇena rūpaṃ disvā. Cakkhunā rūpaṃ disvāti hi nissayavohārena vuttaṃ. Sasambhārakathā hesā yathā ‘‘dhanunā vijjhatī’’ti, tasmā nissayasīsena nissitassa gahaṇaṃ daṭṭhabbaṃ. Rāgavasena na somanassajāto hotīti gehasitapemavasenapi javanakkhaṇe somanassajāto na hoti maggena samucchinnattā, na domanassajāto pasādaññathattavasenapi. Upekkhako majjhatto hutvā viharatīti asamapekkhanena mohaṃ anuppādento ñāṇupekkhāvaseneva upekkhako viharati majjhatto. Khīṇāsavo hi iṭṭhepi aniṭṭhepi majjhattepi ārammaṇe yo asamapekkhanena samasamā ayonisogahaṇe akhīṇāsavānaṃ moho uppajjati, taṃ anuppādento maggeneva tassa samugghātitattā ñāṇupekkhāvaseneva upekkhako viharati, ayañcassa paṭipatti sativepullapattiyā paññāvepullapattiyā cāti vuttaṃ ‘‘satisampajaññapariggahitāyā’’ti.
зд̇т̇а жа ‘‘часу д̣̇ваарзсу убзгкаго вихарад̇ий’’д̇и иминаа чал̣ан̇г̇убзгкаа гат̇ид̇аа. ‘‘самбаж̇аано’’д̇и важанад̇о бана жад̇д̇аари н̃аан̣асамбаяуд̇д̇ажид̇д̇аани лаб̣бханд̇и д̇зхи винаа самбаж̇аанад̇ааяа асамбхавад̇о. ‘‘сад̇ад̇авихаараа’’д̇и важанад̇о адтаби махаагирияажид̇д̇аани лаб̣бханд̇и н̃аан̣уббад̇д̇ибажжаяарахид̇агаалзби бавад̇д̇иж̇од̇анад̇о. ‘‘араж̇ж̇анд̇о ад̣̇уссанд̇о’’д̇и важанад̇о хасид̇уббаад̣̇аводтаб̣б̣анзхи сад̣̇д̇хим̣ д̣̇аса жид̇д̇аани лаб̣бханд̇и. араж̇ж̇анаад̣̇уссанавасзна бавад̇д̇и хи д̇зсамби саад̇хааран̣аад̇и. нану жзд̇т̇а ‘‘убзгкаго вихарад̇ий’’д̇и чал̣ан̇г̇убзгкаавасзна имзсам̣ сад̇ад̇авихаараанам̣ ааг̇ад̇ад̇д̇аа соманассам̣ гат̇ам̣ лаб̣бхад̇ийд̇и? аасзванад̇од̇и. гин̃жааби хи кийн̣аасаво идтаанидтзби аарамман̣з маж̇жхад̇д̇з вияа б̣ахулам̣ убзгкаго вихарад̇и ад̇д̇ано барисуд̣̇д̇хаббагад̇ибхааваавиж̇аханад̇о, гад̣̇аажи бана д̇ат̇аа жзд̇обхисан̇каарабхаавз яам̣ д̇ам̣ сабхаавад̇о идтам̣ аарамман̣ам̣ , д̇асса яаат̇аавад̇о сабхааваг̇г̇ахан̣авасзнаби арахад̇о жид̇д̇ам̣ соманассасахаг̇ад̇ам̣ худ̇ваа бавад̇д̇ад̇зва, д̇ан̃жа ко буб̣б̣аасзванавасзна.
Ettha ca ‘‘chasu dvāresu upekkhako viharatī’’ti iminā chaḷaṅgupekkhā kathitā. ‘‘Sampajāno’’ti vacanato pana cattāri ñāṇasampayuttacittāni labbhanti tehi vinā sampajānatāya asambhavato. ‘‘Satatavihārā’’ti vacanato aṭṭhapi mahākiriyacittāni labbhanti ñāṇuppattipaccayarahitakālepi pavattijotanato. ‘‘Arajjanto adussanto’’ti vacanato hasituppādavoṭṭhabbanehi saddhiṃ dasa cittāni labbhanti. Arajjanādussanavasena pavatti hi tesampi sādhāraṇāti. Nanu cettha ‘‘upekkhako viharatī’’ti chaḷaṅgupekkhāvasena imesaṃ satatavihārānaṃ āgatattā somanassaṃ kathaṃ labbhatīti? Āsevanatoti. Kiñcāpi hi khīṇāsavo iṭṭhāniṭṭhepi ārammaṇe majjhatte viya bahulaṃ upekkhako viharati attano parisuddhappakatibhāvāvijahanato, kadāci pana tathā cetobhisaṅkhārabhāve yaṃ taṃ sabhāvato iṭṭhaṃ ārammaṇaṃ , tassa yāthāvato sabhāvaggahaṇavasenapi arahato cittaṃ somanassasahagataṃ hutvā pavattateva, tañca kho pubbāsevanavasena.
гааяод̇и (сам̣. ни. дий. 2.2.51) бан̃жад̣̇ваарагааяо, со анд̇о авасаанам̣ зд̇иссаад̇и гааяанд̇игаа, д̇ам̣ гааяанд̇игам̣. д̇знааха – ‘‘яаава бан̃жад̣̇ваарагааяо бавад̇д̇ад̇и, д̇аава бавад̇д̇а’’нд̇и. ж̇ийвид̇анд̇иганд̇и зд̇т̇ааби зсзва наяо. бажчаа уббаж̇ж̇ид̇ваад̇и зд̇асмим̣ ад̇д̇абхаавз манод̣̇вааригавзд̣̇анаад̇о бажчаа уббаж̇ж̇ид̇ваа д̇ад̇о батамам̣ нируж̇жхад̇и, д̇ад̇о зва ад̇т̇асид̣̇д̇хамад̇т̇ам̣ саруубзнзва д̣̇ассзд̇ум̣ ‘‘манод̣̇вааригавзд̣̇анаа батамам̣ уббаж̇ж̇ид̇ваа бажчаа нируж̇жхад̇ий’’д̇и вуд̇д̇ам̣. ид̣̇аани д̇амзва сан̇кзбзна вуд̇д̇ам̣ виварид̇ум̣ ‘‘саа хий’’д̇иаад̣̇имааха. яаава д̇зд̇д̇им̣савассаани батамаваяо. бан̃н̃аасавассагаалзд̇и батамаваяад̇о яаава бан̃н̃аасавассагаалаа, д̇аава. тид̇аа ход̇ийд̇и вад̣дхихаанияо анубаг̇анд̇ваа самаруубзнзва тид̇аа ход̇и. манд̣̇аад̇и муд̣̇угаа ад̇икин̣аа. д̇ад̣̇аад̇и асийд̇инавуд̇ивассагаалз вад̣̇анд̇зби д̇ат̇аажирабарижид̇збийд̇и ад̇хиббааяо. бхаг̇г̇аад̇и д̇зж̇обхаг̇г̇зна бхаг̇г̇аа д̣̇уб̣б̣ан̣н̣аа. хад̣̇аяагодим̣язваад̇и жагкаад̣̇ивад̇т̇уусу аббавад̇д̇ид̇ваа д̇зсам̣ аад̣̇ианд̇агодибхууд̇ам̣ хад̣̇аяавад̇т̇ум̣язва. д̇ааваад̇и яаава взд̣̇анаа вад̇д̇ад̇и, д̇аава.
Kāyoti (saṃ. ni. ṭī. 2.2.51) pañcadvārakāyo, so anto avasānaṃ etissāti kāyantikā, taṃ kāyantikaṃ. Tenāha – ‘‘yāva pañcadvārakāyo pavattati, tāva pavatta’’nti. Jīvitantikanti etthāpi eseva nayo. Pacchā uppajjitvāti etasmiṃ attabhāve manodvārikavedanāto pacchā uppajjitvā tato paṭhamaṃ nirujjhati, tato eva atthasiddhamatthaṃ sarūpeneva dassetuṃ ‘‘manodvārikavedanā paṭhamaṃ uppajjitvā pacchā nirujjhatī’’ti vuttaṃ. Idāni tameva saṅkhepena vuttaṃ vivarituṃ ‘‘sā hī’’tiādimāha. Yāva tettiṃsavassāni paṭhamavayo. Paññāsavassakāleti paṭhamavayato yāva paññāsavassakālā, tāva. Ṭhitā hotīti vaḍḍhihāniyo anupagantvā samarūpeneva ṭhitā hoti. Mandāti mudukā atikhiṇā. Tadāti asītinavutivassakāle vadantepi tathāciraparicitepīti adhippāyo. Bhaggāti tejobhaggena bhaggā dubbaṇṇā. Hadayakoṭiṃyevāti cakkhādivatthūsu appavattitvā tesaṃ ādiantakoṭibhūtaṃ hadayavatthuṃyeva. Tāvāti yāva vedanā vattati, tāva.
ваабияаад̇и махаад̇ал̣аагзна. бан̃жауд̣̇агамаг̇г̇асамбаннанд̇и бан̃жахи уд̣̇агасса бависананигкаманамаг̇г̇зхи яуд̇д̇ам̣. д̇ад̇о д̇ад̇о виссанд̣̇амаанам̣ саб̣б̣асо бун̣н̣ад̇д̇аа. батамам̣ д̣̇звз вассанд̇зд̇иаад̣̇и убамаасам̣санд̣̇анам̣. имам̣ взд̣̇анам̣ санд̇хааяаад̇и имам̣ яат̇аавуд̇д̇ам̣ барияосаанаббад̇д̇ам̣ манод̣̇вааригавзд̣̇анам̣ санд̇хааяа.
Vāpiyāti mahātaḷākena. Pañcaudakamaggasampannanti pañcahi udakassa pavisananikkhamanamaggehi yuttaṃ. Tato tato vissandamānaṃ sabbaso puṇṇattā. Paṭhamaṃ deve vassantetiādi upamāsaṃsandanaṃ. Imaṃ vedanaṃ sandhāyāti imaṃ yathāvuttaṃ pariyosānappattaṃ manodvārikavedanaṃ sandhāya.
гааяасса бхзд̣̇аад̇и ад̇д̇абхаавасса винаасанад̇о. барад̇о аг̇анд̇ваад̇и баралогавасзна аг̇анд̇ваа. взд̣̇анаанам̣ сийд̇ибхааво наама сан̇каарад̣̇арат̇абарил̣аахаабхааво. со банааяам̣ саб̣б̣асо аббавад̇д̇ивасзнзваад̇и ааха ‘‘аббавад̇д̇анад̇хаммаани бхависсанд̇ий’’д̇и.
Kāyassa bhedāti attabhāvassa vināsanato. Parato agantvāti paralokavasena agantvā. Vedanānaṃ sītibhāvo nāma saṅkhāradarathapariḷāhābhāvo. So panāyaṃ sabbaso appavattivasenevāti āha ‘‘appavattanadhammāni bhavissantī’’ti.
ад̇д̇абхаавам̣ наасзд̇угаамасса д̣̇ал̣хам̣ уббаннам̣ сам̣взг̇ан̃аан̣ам̣ санд̇хааяааха ‘‘гуд̣̇аало вияа бан̃н̃аа’’д̇и. д̇ад̇о ниб̣б̣ад̇д̇ид̇аж̇жхаанасамаад̇хим̣ санд̇хааяа ‘‘бидагам̣ вияа самаад̇хий’’д̇и. д̇анниссааяа бавад̇д̇зд̇аб̣б̣авибассанаарамбхан̃аан̣ам̣ санд̇хааяа ‘‘канид̇д̇и вияа вибассанаа’’д̇и жа вуд̇д̇ам̣. сзсамзд̇т̇а уд̇д̇аанамзва.
Attabhāvaṃ nāsetukāmassa daḷhaṃ uppannaṃ saṃvegañāṇaṃ sandhāyāha ‘‘kudālo viya paññā’’ti. Tato nibbattitajjhānasamādhiṃ sandhāya ‘‘piṭakaṃ viya samādhī’’ti. Tannissāya pavattetabbavipassanārambhañāṇaṃ sandhāya ‘‘khanitti viya vipassanā’’ti ca vuttaṃ. Sesamettha uttānameva.
ваббасуд̇д̇аван̣н̣анаа нидтид̇аа.
Vappasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. ваббасуд̇д̇ам̣ • 5. Vappasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. ваббасуд̇д̇аван̣н̣анаа • 5. Vappasuttavaṇṇanā
