1. ваббад̇т̇зраг̇аат̇ааван̣н̣анаа

1. Vappattheragāthāvaṇṇanā

бассад̇и бассод̇и ааяасмад̇о ваббад̇т̇зрасса г̇аат̇аа. гаа уббад̇д̇и? со гира бад̣̇умуд̇д̇арасса бхаг̇авад̇о гаалз хам̣савад̇ийнаг̇арз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о ‘‘асуго жа асуго жа т̇зро сад̇т̇у батамам̣ д̇хаммабадиг̇г̇аахагаа ахзсу’’нд̇и т̇оманам̣ суд̇ваа бхаг̇аванд̇ам̣ убасан̇гамид̇ваа бад̇т̇анам̣ бадтабзси – ‘‘ахамби бхаг̇аваа анааг̇ад̇з д̇аад̣̇исасса саммаасамб̣уд̣̇д̇хасса батамам̣ д̇хаммабадиг̇г̇аахагаанам̣ ан̃н̃ад̇аро бхавзяяа’’нд̇и, сад̇т̇у санд̇игз саран̣аг̇аманан̃жа бавзд̣̇зси. со яааваж̇ийвам̣ бун̃н̃аани гад̇ваа д̇ад̇о жуд̇о д̣̇звамануссзсуязва сам̣саранд̇о имасмим̣ б̣уд̣̇д̇хуббаад̣̇з габилавад̇т̇усмим̣ ваасздтасса наама б̣раахман̣асса буд̇д̇о худ̇ваа ниб̣б̣ад̇д̇и, ваббод̇исса наамам̣ ахоси. со асид̇зна исинаа ‘‘сид̣̇д̇хад̇т̇агумааро саб̣б̣ан̃н̃уу бхависсад̇ий’’д̇и б̣яаагад̇о гон̣д̣ан̃н̃аббамукзхи б̣раахман̣абуд̇д̇зхи сад̣̇д̇хим̣ гхарааваасам̣ бахааяа д̇аабасабаб̣б̣аж̇ж̇ам̣ баб̣б̣аж̇ид̇ваа ‘‘д̇асмим̣ саб̣б̣ан̃н̃уд̇ам̣ бад̇д̇з д̇асса санд̇игз д̇хаммам̣ суд̇ваа амад̇ам̣ баабун̣иссаамий’’д̇и урувзлааяам̣ вихаранд̇ам̣ махаасад̇д̇ам̣ чаб̣б̣ассаани бад̇хаанам̣ бад̣̇аханд̇ам̣ убадтахид̇ваа ол̣ааригаахаарабарибхог̇зна ниб̣б̣иж̇ж̇ид̇ваа исибад̇анам̣ г̇ад̇о. абхисамб̣уж̇жхид̇ваа сад̇т̇аараа сад̇д̇асад̇д̇аахаани вийд̇инаамзд̇ваа исибад̇анам̣ г̇анд̇ваа д̇хаммажаггз бавад̇д̇ид̇з баадибад̣̇ад̣̇ивасз сод̇аабад̇д̇ипалз бад̇идтид̇о бан̃жамияам̣ багкасса ан̃н̃аасигон̣д̣ан̃н̃аад̣̇ийхи сад̣̇д̇хим̣ арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.12.20-30) –

Passatipassoti āyasmato vappattherassa gāthā. Kā uppatti? So kira padumuttarassa bhagavato kāle haṃsavatīnagare kulagehe nibbattitvā viññutaṃ patto ‘‘asuko ca asuko ca thero satthu paṭhamaṃ dhammapaṭiggāhakā ahesu’’nti thomanaṃ sutvā bhagavantaṃ upasaṅkamitvā patthanaṃ paṭṭhapesi – ‘‘ahampi bhagavā anāgate tādisassa sammāsambuddhassa paṭhamaṃ dhammapaṭiggāhakānaṃ aññataro bhaveyya’’nti, satthu santike saraṇagamanañca pavedesi. So yāvajīvaṃ puññāni katvā tato cuto devamanussesuyeva saṃsaranto imasmiṃ buddhuppāde kapilavatthusmiṃ vāseṭṭhassa nāma brāhmaṇassa putto hutvā nibbatti, vappotissa nāmaṃ ahosi. So asitena isinā ‘‘siddhatthakumāro sabbaññū bhavissatī’’ti byākato koṇḍaññappamukhehi brāhmaṇaputtehi saddhiṃ gharāvāsaṃ pahāya tāpasapabbajjaṃ pabbajitvā ‘‘tasmiṃ sabbaññutaṃ patte tassa santike dhammaṃ sutvā amataṃ pāpuṇissāmī’’ti uruvelāyaṃ viharantaṃ mahāsattaṃ chabbassāni padhānaṃ padahantaṃ upaṭṭhahitvā oḷārikāhāraparibhogena nibbijjitvā isipatanaṃ gato. Abhisambujjhitvā satthārā sattasattāhāni vītināmetvā isipatanaṃ gantvā dhammacakke pavattite pāṭipadadivase sotāpattiphale patiṭṭhito pañcamiyaṃ pakkhassa aññāsikoṇḍaññādīhi saddhiṃ arahattaṃ pāpuṇi. Tena vuttaṃ apadāne (apa. thera 1.12.20-30) –

‘‘убхиннам̣ д̣̇зварааж̇уунам̣, сан̇г̇аамо самубадтид̇о;

‘‘Ubhinnaṃ devarājūnaṃ, saṅgāmo samupaṭṭhito;

ахоси самубаб̣яуул̣хо, махаагхосо авад̇д̇ат̇а.

Ahosi samupabyūḷho, mahāghoso avattatha.

‘‘бад̣̇умуд̇д̇аро логавид̣̇уу, аахуд̇ийнам̣ бадиг̇г̇ахо;

‘‘Padumuttaro lokavidū, āhutīnaṃ paṭiggaho;

анд̇алигкз тид̇о сад̇т̇аа, сам̣взж̇зси махааж̇анам̣.

Antalikkhe ṭhito satthā, saṃvejesi mahājanaṃ.

‘‘саб̣б̣з д̣̇зваа ад̇д̇аманаа, нигкид̇д̇агаважаавуд̇хаа;

‘‘Sabbe devā attamanā, nikkhittakavacāvudhā;

самб̣уд̣̇д̇хам̣ абхиваад̣̇зд̇ваа, згаг̇г̇аасим̣су д̇аавад̣̇з.

Sambuddhaṃ abhivādetvā, ekaggāsiṃsu tāvade.

‘‘маяхам̣ сан̇габбаман̃н̃ааяа, ваажаасабхимуд̣̇ийраяи;

‘‘Mayhaṃ saṅkappamaññāya, vācāsabhimudīrayi;

анугамбаго логавид̣̇уу, ниб̣б̣аабзси махааж̇анам̣.

Anukampako lokavidū, nibbāpesi mahājanaṃ.

‘‘бад̣̇удтажид̇д̇о мануж̇о, згабаан̣ам̣ вихзтаяам̣;

‘‘Paduṭṭhacitto manujo, ekapāṇaṃ viheṭhayaṃ;

д̇зна жид̇д̇аббад̣̇осзна, абааяам̣ убабаж̇ж̇ад̇и.

Tena cittappadosena, apāyaṃ upapajjati.

‘‘сан̇г̇аамасийсз нааг̇ова, б̣ахуу баан̣з вихзтаяам̣;

‘‘Saṅgāmasīse nāgova, bahū pāṇe viheṭhayaṃ;

ниб̣б̣аабзт̇а сагам̣ жид̇д̇ам̣, маа хан̃н̃ид̇т̇о бунаббунам̣.

Nibbāpetha sakaṃ cittaṃ, mā haññittho punappunaṃ.

‘‘д̣̇виннамби яагкарааж̇уунам̣, сзнаа саа вимхид̇аа аху;

‘‘Dvinnampi yakkharājūnaṃ, senā sā vimhitā ahu;

саран̣ан̃жа убааг̇ажчум̣, логаж̇здтам̣ суд̇аад̣̇инам̣.

Saraṇañca upāgacchuṃ, lokajeṭṭhaṃ sutādinaṃ.

‘‘сан̃н̃аабзд̇ваана ж̇анад̇ам̣, бад̣̇амуд̣̇д̇хари жагкумаа;

‘‘Saññāpetvāna janataṃ, padamuddhari cakkhumā;

бзгкамаанова д̣̇звзхи, баггаами уд̇д̇араамуко.

Pekkhamānova devehi, pakkāmi uttarāmukho.

‘‘батамам̣ саран̣ам̣ г̇ажчим̣, д̣̇вибад̣̇инд̣̇асса д̇аад̣̇ино;

‘‘Paṭhamaṃ saraṇaṃ gacchiṃ, dvipadindassa tādino;

габбаанам̣ сад̇асахассам̣, д̣̇уг̇г̇ад̇им̣ нубабаж̇ж̇ахам̣.

Kappānaṃ satasahassaṃ, duggatiṃ nupapajjahaṃ.

‘‘махаад̣̇унд̣̇убхинаамаа жа, сол̣асаасум̣ рат̇зсабхаа;

‘‘Mahādundubhināmā ca, soḷasāsuṃ rathesabhā;

д̇им̣сагаббасахассамхи, рааж̇аано жаггавад̇д̇ино.

Tiṃsakappasahassamhi, rājāno cakkavattino.

‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.

‘‘Kilesā jhāpitā mayhaṃ…pe… kataṃ buddhassa sāsana’’nti.

арахад̇д̇ам̣ бана бад̇ваа ад̇д̇анаа бадилад̣̇д̇хасамбад̇д̇им̣ бажжавзгкан̣амукзна сад̇т̇у г̇ун̣амаханд̇ад̇ам̣ бажжавзгкид̇ваа ‘‘ийд̣̇исам̣ наама сад̇т̇аарам̣ б̣аахулигаад̣̇иваад̣̇зна самуд̣̇аажаримха. ахо бут̇уж̇ж̇анабхааво наама анд̇хагаран̣о ажагкугаран̣о арияабхаавоязва жагкугаран̣о’’д̇и д̣̇ассзнд̇о ‘‘бассад̇и бассо’’д̇и г̇аат̇ам̣ абхааси.

Arahattaṃ pana patvā attanā paṭiladdhasampattiṃ paccavekkhaṇamukhena satthu guṇamahantataṃ paccavekkhitvā ‘‘īdisaṃ nāma satthāraṃ bāhulikādivādena samudācarimha. Aho puthujjanabhāvo nāma andhakaraṇo acakkhukaraṇo ariyabhāvoyeva cakkhukaraṇo’’ti dassento ‘‘passati passo’’ti gāthaṃ abhāsi.

61. д̇ад̇т̇а бассад̇и бассод̇и бассад̇и саммаад̣̇идтияаа д̇хаммз авибарийд̇ам̣ ж̇аанаад̇и б̣уж̇жхад̇ийд̇и бассо, д̣̇ассанасамбанно арияо, со бассанд̇ам̣ авибарийд̇ад̣̇ассаавим̣ ‘‘аяам̣ авибарийд̇ад̣̇ассаавий’’д̇и бассад̇и бан̃н̃аажагкунаа д̇хаммаад̇хаммам̣ яат̇аасабхаавад̇о ж̇аанаад̇и. на гзвалам̣ бассанд̇амзва, ат̇а ко абассанд̇ан̃жа бассад̇и, яо бан̃н̃аажагкувирахид̇о д̇хаммз яат̇аасабхаавад̇о на бассад̇и, д̇амби абассанд̇ам̣ бут̇уж̇ж̇анам̣ ‘‘анд̇хо вад̇ааяам̣ бхавам̣ ажагкуго’’д̇и ад̇д̇ано бан̃н̃аажагкунаа бассад̇и. абассанд̇о абассанд̇ам̣, бассанд̇ан̃жа на бассад̇ийд̇и абассанд̇о бан̃н̃аажагкурахид̇о анд̇хаб̣аало д̇аад̣̇исам̣ анд̇хаб̣аалам̣ аяам̣ д̇хаммаад̇хаммам̣ яат̇аасабхаавад̇о на бассад̇ийд̇и яат̇аа абассанд̇ам̣ на бассад̇и на ж̇аанаад̇и, звам̣ ад̇д̇ано бан̃н̃аажагкунаа д̇хаммаад̇хаммам̣ яат̇аасабхаавад̇о бассанд̇ан̃жа бан̣д̣ид̇ам̣ ‘‘аяам̣ звам̣вид̇хо’’д̇и на бассад̇и на ж̇аанаад̇и, д̇асмаа ахамби буб̣б̣з д̣̇ассанарахид̇о сагалам̣ н̃зяяам̣ хад̇т̇аамалагам̣ вияа бассанд̇ам̣ бхаг̇аванд̇ам̣ абассанд̇амби бууран̣аад̣̇им̣ яат̇аасабхаавад̇о на бассим̣, ид̣̇аани бана б̣уд̣̇д̇хаанубхаавзна самбанно убхаязби яат̇аасабхаавад̇о бассаамийд̇и сзвид̇аб̣б̣аасзвид̇аб̣б̣зсу ад̇д̇ано авибарийд̇абадибад̇д̇им̣ д̣̇ассзд̇и.

61. Tattha passati passoti passati sammādiṭṭhiyā dhamme aviparītaṃ jānāti bujjhatīti passo, dassanasampanno ariyo, so passantaṃ aviparītadassāviṃ ‘‘ayaṃ aviparītadassāvī’’ti passati paññācakkhunā dhammādhammaṃ yathāsabhāvato jānāti. Na kevalaṃ passantameva, atha kho apassantañca passati, yo paññācakkhuvirahito dhamme yathāsabhāvato na passati, tampi apassantaṃ puthujjanaṃ ‘‘andho vatāyaṃ bhavaṃ acakkhuko’’ti attano paññācakkhunā passati. Apassanto apassantaṃ, passantañca na passatīti apassanto paññācakkhurahito andhabālo tādisaṃ andhabālaṃ ayaṃ dhammādhammaṃ yathāsabhāvato na passatīti yathā apassantaṃ na passati na jānāti, evaṃ attano paññācakkhunā dhammādhammaṃ yathāsabhāvato passantañca paṇḍitaṃ ‘‘ayaṃ evaṃvidho’’ti na passati na jānāti, tasmā ahampi pubbe dassanarahito sakalaṃ ñeyyaṃ hatthāmalakaṃ viya passantaṃ bhagavantaṃ apassantampi pūraṇādiṃ yathāsabhāvato na passiṃ, idāni pana buddhānubhāvena sampanno ubhayepi yathāsabhāvato passāmīti sevitabbāsevitabbesu attano aviparītapaṭipattiṃ dasseti.

ваббад̇т̇зраг̇аат̇ааван̣н̣анаа нидтид̇аа.

Vappattheragāthāvaṇṇanā niṭṭhitā.

Next: 2. важ̇ж̇ибуд̇д̇ад̇т̇зраг̇аат̇ааван̣н̣анаа • 2. Vajjiputtattheragāthāvaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. ваббад̇т̇зраг̇аат̇аа • 1. Vappattheragāthā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact