| Library / Tipiṭaka / තිපිටක • Tipiṭaka / මිලින්‌දපඤ්‌හපාළි • Milindapañhapāḷi |
9. වරාහඞ්‌ගපඤ්‌හො
9. Varāhaṅgapañho
9. ‘‘භන්‌තෙ නාගසෙන, ‘වරාහස්‌ස ද්‌වෙ අඞ්‌ගානි ගහෙතබ්‌බානී’ති යං වදෙසි, කතමානි තානි ද්‌වෙ අඞ්‌ගානි ගහෙතබ්‌බානී’’ති? ‘‘යථා, මහාරාජ, වරාහො සන්‌තත්‌තකඨිතෙ 1 ගිම්‌හසමයෙ සම්‌පත්‌තෙ උදකං උපගච්‌ඡති, එවමෙව ඛො, මහාරාජ, යොගිනා යොගාවචරෙන දොසෙන චිත්‌තෙ ආලුළිතඛලිතවිබ්‌භන්‌තසන්‌තත්‌තෙ සීතලාමතපණීතමෙත්‌තාභාවනං උපගන්‌තබ්‌බං. ඉදං, මහාරාජ, වරාහස්‌ස පඨමං අඞ්‌ගං ගහෙතබ්‌බං.
9. ‘‘Bhante nāgasena, ‘varāhassa dve aṅgāni gahetabbānī’ti yaṃ vadesi, katamāni tāni dve aṅgāni gahetabbānī’’ti? ‘‘Yathā, mahārāja, varāho santattakaṭhite 2 gimhasamaye sampatte udakaṃ upagacchati, evameva kho, mahārāja, yoginā yogāvacarena dosena citte āluḷitakhalitavibbhantasantatte sītalāmatapaṇītamettābhāvanaṃ upagantabbaṃ. Idaṃ, mahārāja, varāhassa paṭhamaṃ aṅgaṃ gahetabbaṃ.
‘‘පුන චපරං, මහාරාජ, වරාහො චික්‌ඛල්‌ලමුදකමුපගන්‌ත්‌වා නාසිකාය පථවිං ඛණිත්‌වා දොණිං කත්‌වා දොණිකාය සයති, එවමෙව ඛො, මහාරාජ, යොගිනා යොගාවචරෙන මානසෙ කායං නික්‌ඛිපිත්‌වා ආරම්‌මණන්‌තරගතෙන සයිතබ්‌බං. ඉදං, මහාරාජ, වරාහස්‌ස දුතියං අඞ්‌ගං ගහෙතබ්‌බං. භාසිතම්‌පෙතං, මහාරාජ, ථෙරෙන පිණ්‌ඩොලභාරද්‌වාජෙන –
‘‘Puna caparaṃ, mahārāja, varāho cikkhallamudakamupagantvā nāsikāya pathaviṃ khaṇitvā doṇiṃ katvā doṇikāya sayati, evameva kho, mahārāja, yoginā yogāvacarena mānase kāyaṃ nikkhipitvā ārammaṇantaragatena sayitabbaṃ. Idaṃ, mahārāja, varāhassa dutiyaṃ aṅgaṃ gahetabbaṃ. Bhāsitampetaṃ, mahārāja, therena piṇḍolabhāradvājena –
එකාකියො අදුතියො, සෙති ආරම්‌මණන්‌තරෙ’’’ති.
Ekākiyo adutiyo, seti ārammaṇantare’’’ti.
වරාහඞ්‌ගපඤ්‌හො නවමො.
Varāhaṅgapañho navamo.
Footnotes:
