| Library / Tipiṭaka / ཏིཔིཊཀ • Tipiṭaka / མིལིནྡཔཉྷཔཱལི༹ • Milindapañhapāḷi |
༩. ཝརཱཧངྒཔཉྷོ
9. Varāhaṅgapañho
༩. ‘‘བྷནྟེ ནཱགསེན, ‘ཝརཱཧསྶ དྭེ ཨངྒཱནི གཧེཏབྦཱནཱི’ཏི ཡཾ ཝདེསི, ཀཏམཱནི ཏཱནི དྭེ ཨངྒཱནི གཧེཏབྦཱནཱི’’ཏི? ‘‘ཡཐཱ, མཧཱརཱཛ, ཝརཱཧོ སནྟཏྟཀཋིཏེ 1 གིམྷསམཡེ སམྤཏྟེ ཨུདཀཾ ཨུཔགཙྪཏི, ཨེཝམེཝ ཁོ, མཧཱརཱཛ, ཡོགིནཱ ཡོགཱཝཙརེན དོསེན ཙིཏྟེ ཨཱལུལི༹ཏཁལིཏཝིབྦྷནྟསནྟཏྟེ སཱིཏལཱམཏཔཎཱིཏམེཏྟཱབྷཱཝནཾ ཨུཔགནྟབྦཾ། ཨིདཾ, མཧཱརཱཛ, ཝརཱཧསྶ པཋམཾ ཨངྒཾ གཧེཏབྦཾ།
9. ‘‘Bhante nāgasena, ‘varāhassa dve aṅgāni gahetabbānī’ti yaṃ vadesi, katamāni tāni dve aṅgāni gahetabbānī’’ti? ‘‘Yathā, mahārāja, varāho santattakaṭhite 2 gimhasamaye sampatte udakaṃ upagacchati, evameva kho, mahārāja, yoginā yogāvacarena dosena citte āluḷitakhalitavibbhantasantatte sītalāmatapaṇītamettābhāvanaṃ upagantabbaṃ. Idaṃ, mahārāja, varāhassa paṭhamaṃ aṅgaṃ gahetabbaṃ.
‘‘པུན ཙཔརཾ, མཧཱརཱཛ, ཝརཱཧོ ཙིཀྑལླམུདཀམུཔགནྟྭཱ ནཱསིཀཱཡ པཐཝིཾ ཁཎིཏྭཱ དོཎིཾ ཀཏྭཱ དོཎིཀཱཡ སཡཏི, ཨེཝམེཝ ཁོ, མཧཱརཱཛ, ཡོགིནཱ ཡོགཱཝཙརེན མཱནསེ ཀཱཡཾ ནིཀྑིཔིཏྭཱ ཨཱརམྨཎནྟརགཏེན སཡིཏབྦཾ། ཨིདཾ, མཧཱརཱཛ, ཝརཱཧསྶ དུཏིཡཾ ཨངྒཾ གཧེཏབྦཾ། བྷཱསིཏམྤེཏཾ, མཧཱརཱཛ, ཐེརེན པིཎྜོལབྷཱརདྭཱཛེན –
‘‘Puna caparaṃ, mahārāja, varāho cikkhallamudakamupagantvā nāsikāya pathaviṃ khaṇitvā doṇiṃ katvā doṇikāya sayati, evameva kho, mahārāja, yoginā yogāvacarena mānase kāyaṃ nikkhipitvā ārammaṇantaragatena sayitabbaṃ. Idaṃ, mahārāja, varāhassa dutiyaṃ aṅgaṃ gahetabbaṃ. Bhāsitampetaṃ, mahārāja, therena piṇḍolabhāradvājena –
ཨེཀཱཀིཡོ ཨདུཏིཡོ, སེཏི ཨཱརམྨཎནྟརེ’’’ཏི༎
Ekākiyo adutiyo, seti ārammaṇantare’’’ti.
ཝརཱཧངྒཔཉྷོ ནཝམོ།
Varāhaṅgapañho navamo.
Footnotes:
