| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੯. વਰਾਹਙ੍ਗਪਞ੍ਹੋ
9. Varāhaṅgapañho
੯. ‘‘ਭਨ੍ਤੇ ਨਾਗਸੇਨ, ‘વਰਾਹਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ? ‘‘ਯਥਾ, ਮਹਾਰਾਜ, વਰਾਹੋ ਸਨ੍ਤਤ੍ਤਕਠਿਤੇ 1 ਗਿਮ੍ਹਸਮਯੇ ਸਮ੍ਪਤ੍ਤੇ ਉਦਕਂ ਉਪਗਚ੍ਛਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਦੋਸੇਨ ਚਿਤ੍ਤੇ ਆਲੁਲ਼ਿਤਖਲਿਤવਿਬ੍ਭਨ੍ਤਸਨ੍ਤਤ੍ਤੇ ਸੀਤਲਾਮਤਪਣੀਤਮੇਤ੍ਤਾਭਾવਨਂ ਉਪਗਨ੍ਤਬ੍ਬਂ। ਇਦਂ, ਮਹਾਰਾਜ, વਰਾਹਸ੍ਸ ਪਠਮਂ ਅਙ੍ਗਂ ਗਹੇਤਬ੍ਬਂ।
9. ‘‘Bhante nāgasena, ‘varāhassa dve aṅgāni gahetabbānī’ti yaṃ vadesi, katamāni tāni dve aṅgāni gahetabbānī’’ti? ‘‘Yathā, mahārāja, varāho santattakaṭhite 2 gimhasamaye sampatte udakaṃ upagacchati, evameva kho, mahārāja, yoginā yogāvacarena dosena citte āluḷitakhalitavibbhantasantatte sītalāmatapaṇītamettābhāvanaṃ upagantabbaṃ. Idaṃ, mahārāja, varāhassa paṭhamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, વਰਾਹੋ ਚਿਕ੍ਖਲ੍ਲਮੁਦਕਮੁਪਗਨ੍ਤ੍વਾ ਨਾਸਿਕਾਯ ਪਥવਿਂ ਖਣਿਤ੍વਾ ਦੋਣਿਂ ਕਤ੍વਾ ਦੋਣਿਕਾਯ ਸਯਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਮਾਨਸੇ ਕਾਯਂ ਨਿਕ੍ਖਿਪਿਤ੍વਾ ਆਰਮ੍ਮਣਨ੍ਤਰਗਤੇਨ ਸਯਿਤਬ੍ਬਂ। ਇਦਂ, ਮਹਾਰਾਜ, વਰਾਹਸ੍ਸ ਦੁਤਿਯਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਥੇਰੇਨ ਪਿਣ੍ਡੋਲਭਾਰਦ੍વਾਜੇਨ –
‘‘Puna caparaṃ, mahārāja, varāho cikkhallamudakamupagantvā nāsikāya pathaviṃ khaṇitvā doṇiṃ katvā doṇikāya sayati, evameva kho, mahārāja, yoginā yogāvacarena mānase kāyaṃ nikkhipitvā ārammaṇantaragatena sayitabbaṃ. Idaṃ, mahārāja, varāhassa dutiyaṃ aṅgaṃ gahetabbaṃ. Bhāsitampetaṃ, mahārāja, therena piṇḍolabhāradvājena –
ਏਕਾਕਿਯੋ ਅਦੁਤਿਯੋ, ਸੇਤਿ ਆਰਮ੍ਮਣਨ੍ਤਰੇ’’’ਤਿ॥
Ekākiyo adutiyo, seti ārammaṇantare’’’ti.
વਰਾਹਙ੍ਗਪਞ੍ਹੋ ਨવਮੋ।
Varāhaṅgapañho navamo.
Footnotes:
