| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
7. вааран̣ад̇т̇зраг̇аат̇ааван̣н̣анаа
7. Vāraṇattheragāthāvaṇṇanā
яод̇ха гожи мануссзсууд̇и ааяасмад̇о вааран̣ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани гаронд̇о ид̇о д̣̇ваанавуд̇з габбз д̇иссасса бхаг̇авад̇о уббад̇д̇ид̇о бурзд̇арамзва б̣раахман̣агулз ниб̣б̣ад̇д̇ид̇ваа б̣раахман̣аанам̣ виж̇ж̇аасиббзсу баараг̇уу худ̇ваа исибаб̣б̣аж̇ж̇ам̣ баб̣б̣аж̇ид̇ваа жад̇убан̣н̣аасасахассаанам̣ анд̇зваасигаанам̣ манд̇з ваажзнд̇о васад̇и. д̇зна жа самаязна д̇иссасса бхаг̇авад̇о б̣од̇хисад̇д̇абхууд̇асса д̇усид̇аа гааяаа жавид̇ваа жаримабхавз маад̇угужчим̣ оггаманзна махаабат̇авигамбо ахоси. д̇ам̣ д̣̇исваа махааж̇ано бхийд̇о сам̣виг̇г̇о нам̣ исим̣ убасан̇гамид̇ваа бат̇авигамбанагааран̣ам̣ бужчи. со ‘‘махааб̣од̇хисад̇д̇о маад̇угужчим̣ оггами, д̇знааяам̣ бат̇авигамбо, д̇асмаа маа бхааяат̇аа’’д̇и б̣уд̣̇д̇хуббаад̣̇асса буб̣б̣анимид̇д̇абхаавам̣ гат̇зд̇ваа самассаасзси, б̣уд̣̇д̇хаарамман̣ан̃жа бийд̇им̣ бадивзд̣̇зси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з госаларадтз б̣раахман̣агулз ниб̣б̣ад̇д̇ид̇ваа вааран̣од̇и лад̣̇д̇ханаамо ваяаббад̇д̇о ан̃н̃ад̇арасса ааран̃н̃агасса т̇зрасса санд̇игз д̇хаммам̣ суд̇ваа лад̣̇д̇хаббасаад̣̇о баб̣б̣аж̇ид̇ваа саман̣ад̇хаммам̣ гарод̇и. со згад̣̇ивасам̣ б̣уд̣̇д̇хубадтаанам̣ г̇ажчанд̇о анд̇араамаг̇г̇з ахинагулз ан̃н̃аман̃н̃ам̣ галахам̣ гад̇ваа гаалан̇гад̇з д̣̇исваа ‘‘имз сад̇д̇аа ан̃н̃аман̃н̃авирод̇хзна ж̇ийвид̇агкаяам̣ бад̇д̇аа’’д̇и сам̣виг̇г̇амаанасо худ̇ваа бхаг̇авад̇о санд̇игам̣ г̇ад̇о, д̇асса бхаг̇аваа жид̇д̇аажаарам̣ н̃ад̇ваа д̇ад̣̇ануруубамзва оваад̣̇ам̣ д̣̇знд̇о –
Yodha koci manussesūti āyasmato vāraṇattherassa gāthā. Kā uppatti? Ayampi purimabuddhesu katādhikāro tattha tattha bhave puññāni karonto ito dvānavute kappe tissassa bhagavato uppattito puretarameva brāhmaṇakule nibbattitvā brāhmaṇānaṃ vijjāsippesu pāragū hutvā isipabbajjaṃ pabbajitvā catupaṇṇāsasahassānaṃ antevāsikānaṃ mante vācento vasati. Tena ca samayena tissassa bhagavato bodhisattabhūtassa tusitā kāyā cavitvā carimabhave mātukucchiṃ okkamanena mahāpathavikampo ahosi. Taṃ disvā mahājano bhīto saṃviggo naṃ isiṃ upasaṅkamitvā pathavikampanakāraṇaṃ pucchi. So ‘‘mahābodhisatto mātukucchiṃ okkami, tenāyaṃ pathavikampo, tasmā mā bhāyathā’’ti buddhuppādassa pubbanimittabhāvaṃ kathetvā samassāsesi, buddhārammaṇañca pītiṃ paṭivedesi. So tena puññakammena devamanussesu saṃsaranto imasmiṃ buddhuppāde kosalaraṭṭhe brāhmaṇakule nibbattitvā vāraṇoti laddhanāmo vayappatto aññatarassa āraññakassa therassa santike dhammaṃ sutvā laddhappasādo pabbajitvā samaṇadhammaṃ karoti. So ekadivasaṃ buddhupaṭṭhānaṃ gacchanto antarāmagge ahinakule aññamaññaṃ kalahaṃ katvā kālaṅkate disvā ‘‘ime sattā aññamaññavirodhena jīvitakkhayaṃ pattā’’ti saṃviggamānaso hutvā bhagavato santikaṃ gato, tassa bhagavā cittācāraṃ ñatvā tadanurūpameva ovādaṃ dento –
237.
237.
‘‘яод̇ха гожи мануссзсу, барабаан̣аани хим̣сад̇и;
‘‘Yodha koci manussesu, parapāṇāni hiṃsati;
асмаа логаа барамхаа жа, убхаяаа д̇хам̣сад̇з наро.
Asmā lokā paramhā ca, ubhayā dhaṃsate naro.
238.
238.
‘‘яо жа мзд̇д̇зна жид̇д̇зна, саб̣б̣абаан̣аанугамбад̇и;
‘‘Yo ca mettena cittena, sabbapāṇānukampati;
б̣ахун̃хи со басавад̇и, бун̃н̃ам̣ д̇аад̣̇исаго наро.
Bahuñhi so pasavati, puññaṃ tādisako naro.
239.
239.
‘‘субхаасид̇асса сигкзт̇а, саман̣уубаасанасса жа;
‘‘Subhāsitassa sikkhetha, samaṇūpāsanassa ca;
згаасанасса жа рахо, жид̇д̇авуубасамассаа жаа’’д̇и. – д̇иссо г̇аат̇аа абхааси;
Ekāsanassa ca raho, cittavūpasamassā cā’’ti. – tisso gāthā abhāsi;
д̇ад̇т̇а яод̇ха гожи мануссзсууд̇и ид̇ха мануссзсу яо гожи кад̇д̇ияо ваа б̣раахман̣о ваа взссо ваа суд̣̇д̣̇о ваа г̇ахадто ваа баб̣б̣аж̇ид̇о ваа. мануссаг̇г̇ахан̣ан̃жзд̇т̇а уггадтасад̇д̇анид̣̇ассананд̇и д̣̇адтаб̣б̣ам̣. барабаан̣аани хим̣сад̇ийд̇и барасад̇д̇з маарзд̇и виб̣аад̇хад̇и жа. асмаа логаад̇и ид̇ха логад̇о. барамхаад̇и баралогад̇о. убхаяаа д̇хам̣сад̇зд̇и убхаяад̇о д̇хам̣сад̇и, убхаяалогабарияаабаннахид̇асукад̇о барихааяад̇ийд̇и ад̇т̇о. народ̇и сад̇д̇о.
Tattha yodha koci manussesūti idha manussesu yo koci khattiyo vā brāhmaṇo vā vesso vā suddo vā gahaṭṭho vā pabbajito vā. Manussaggahaṇañcettha ukkaṭṭhasattanidassananti daṭṭhabbaṃ. Parapāṇāni hiṃsatīti parasatte māreti vibādhati ca. Asmā lokāti idha lokato. Paramhāti paralokato. Ubhayā dhaṃsateti ubhayato dhaṃsati, ubhayalokapariyāpannahitasukhato parihāyatīti attho. Naroti satto.
звам̣ барабийл̣аалагкан̣ам̣ баабад̇хаммам̣ д̣̇ассзд̇ваа ид̣̇аани барабийл̣аанивад̇д̇илагкан̣ам̣ гусалам̣ д̇хаммам̣ д̣̇ассзнд̇о ‘‘яо жа мзд̇д̇знаа’’д̇иаад̣̇инаа д̣̇уд̇ияам̣ г̇аат̇амааха. д̇ад̇т̇а мзд̇д̇зна жид̇д̇знаад̇и мзд̇д̇аасамбаяуд̇д̇зна жид̇д̇зна аббанаабад̇д̇зна ид̇арийд̇арзна ваа. саб̣б̣абаан̣аанугамбад̇ийд̇и саб̣б̣з баан̣з ад̇д̇ано орасабуд̇д̇з вияа мзд̇д̇ааяад̇и. б̣ахун̃хи со басавад̇и, бун̃н̃ам̣ д̇аад̣̇исаго народ̇и со д̇ат̇ааруубо мзд̇д̇аавихаарий буг̇г̇ало б̣ахум̣ маханд̇ам̣ анаббагам̣ гусалам̣ басавад̇и бадилабхад̇и ад̇хиг̇ажчад̇и.
Evaṃ parapīḷālakkhaṇaṃ pāpadhammaṃ dassetvā idāni parapīḷānivattilakkhaṇaṃ kusalaṃ dhammaṃ dassento ‘‘yo ca mettenā’’tiādinā dutiyaṃ gāthamāha. Tattha mettena cittenāti mettāsampayuttena cittena appanāpattena itarītarena vā. Sabbapāṇānukampatīti sabbe pāṇe attano orasaputte viya mettāyati. Bahuñhi so pasavati, puññaṃ tādisako naroti so tathārūpo mettāvihārī puggalo bahuṃ mahantaṃ anappakaṃ kusalaṃ pasavati paṭilabhati adhigacchati.
ид̣̇аани д̇ам̣ сасамбхаарз самат̇авибассанаад̇хаммз нияож̇знд̇о ‘‘субхаасид̇ассаа’’д̇иаад̣̇инаа д̇ад̇ияам̣ г̇аат̇амааха. д̇ад̇т̇а субхаасид̇асса сигкзт̇аад̇и аббижчагат̇аад̣̇ибхзд̣̇ам̣ субхаасид̇ам̣ барияад̇д̇ид̇хаммам̣ саванад̇хааран̣абарибужчаад̣̇ивасзна сигкзяяа. саман̣уубаасанасса жаад̇и самид̇абаабаанам̣ саман̣аанам̣ галяаан̣амид̇д̇аанам̣ убаасагаанам̣ гаалзна гаалам̣ убасан̇гамид̇ваа баяирубаасанан̃жзва бадибад̇д̇ияаа д̇зсам̣ самийбажарияан̃жа сигкзяяа. згаасанасса жа рахо жид̇д̇авуубасамасса жаад̇и згасса асахааяасса гааяавивзгам̣ ануб̣рууханд̇асса рахо гаммадтаанаануяог̇авасзна аасанам̣ нисаж̇ж̇ам̣ сигкзяяа. звам̣ гаммадтаанам̣ ануяун̃ж̇анд̇о бхааванан̃жа мад̇т̇агам̣ баабзнд̇о самужчзд̣̇авасзна гилзсаанам̣ жид̇д̇асса вуубасаман̃жа сигкзяяа. яаахи ад̇хисийласигкаад̣̇ийхи гилзсаа ажжанд̇амзва вуубасанд̇аа бахийнаа хонд̇и, д̇аа маг̇г̇апаласигкаа сигканд̇асса ажжанд̇амзва жид̇д̇ам̣ вуубасанд̇ам̣ наама ход̇ийд̇и. г̇аат̇аабарияосаанз вибассанам̣ вад̣дхзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.47.59-72) –
Idāni taṃ sasambhāre samathavipassanādhamme niyojento ‘‘subhāsitassā’’tiādinā tatiyaṃ gāthamāha. Tattha subhāsitassa sikkhethāti appicchakathādibhedaṃ subhāsitaṃ pariyattidhammaṃ savanadhāraṇaparipucchādivasena sikkheyya. Samaṇūpāsanassa cāti samitapāpānaṃ samaṇānaṃ kalyāṇamittānaṃ upāsakānaṃ kālena kālaṃ upasaṅkamitvā payirupāsanañceva paṭipattiyā tesaṃ samīpacariyañca sikkheyya. Ekāsanassa ca raho cittavūpasamassa cāti ekassa asahāyassa kāyavivekaṃ anubrūhantassa raho kammaṭṭhānānuyogavasena āsanaṃ nisajjaṃ sikkheyya. Evaṃ kammaṭṭhānaṃ anuyuñjanto bhāvanañca matthakaṃ pāpento samucchedavasena kilesānaṃ cittassa vūpasamañca sikkheyya. Yāhi adhisīlasikkhādīhi kilesā accantameva vūpasantā pahīnā honti, tā maggaphalasikkhā sikkhantassa accantameva cittaṃ vūpasantaṃ nāma hotīti. Gāthāpariyosāne vipassanaṃ vaḍḍhetvā arahattaṃ pāpuṇi. Tena vuttaṃ apadāne (apa. thera 2.47.59-72) –
‘‘аж̇жхог̇аахзд̇ваа химавам̣, манд̇з ваажзмахам̣ д̇ад̣̇аа;
‘‘Ajjhogāhetvā himavaṃ, mante vācemahaṃ tadā;
жад̇убан̃н̃аасасахассаани, сиссаа маяхам̣ убадтахум̣.
Catupaññāsasahassāni, sissā mayhaṃ upaṭṭhahuṃ.
‘‘ад̇хид̇аа взд̣̇аг̇уу саб̣б̣з, чал̣ан̇г̇з баарамим̣ г̇ад̇аа;
‘‘Adhitā vedagū sabbe, chaḷaṅge pāramiṃ gatā;
сагавиж̇ж̇аахубад̇т̇ад̣̇д̇хаа, химаванд̇з васанд̇и д̇з.
Sakavijjāhupatthaddhā, himavante vasanti te.
‘‘жавид̇ваа д̇усид̇аа гааяаа, д̣̇звабуд̇д̇о махааяасо;
‘‘Cavitvā tusitā kāyā, devaputto mahāyaso;
уббаж̇ж̇и маад̇угужчисмим̣, самбаж̇аано бад̇иссад̇о.
Uppajji mātukucchismiṃ, sampajāno patissato.
‘‘самб̣уд̣̇д̇хз убабаж̇ж̇анд̇з, д̣̇асасахасси гамбат̇а;
‘‘Sambuddhe upapajjante, dasasahassi kampatha;
анд̇хаа жагкум̣ алабхим̣су, уббаж̇ж̇анд̇амхи нааяагз.
Andhā cakkhuṃ alabhiṃsu, uppajjantamhi nāyake.
‘‘саб̣б̣аагаарам̣ багамбид̇т̇а, гзвалаа васуд̇хаа аяам̣;
‘‘Sabbākāraṃ pakampittha, kevalā vasudhā ayaṃ;
ниг̇гхосасад̣̇д̣̇ам̣ суд̇ваана, уб̣б̣иж̇ж̇им̣су махааж̇анаа.
Nigghosasaddaṃ sutvāna, ubbijjiṃsu mahājanā.
‘‘саб̣б̣з ж̇анаа самааг̇амма, ааг̇ажчум̣ мама санд̇игам̣;
‘‘Sabbe janā samāgamma, āgacchuṃ mama santikaṃ;
васуд̇хааяам̣ багамбид̇т̇а, гим̣ вибааго бхависсад̇и.
Vasudhāyaṃ pakampittha, kiṃ vipāko bhavissati.
‘‘аважаасим̣ д̇ад̣̇аа д̇зсам̣, маа бхзт̇а над̇т̇и во бхаяам̣;
‘‘Avacāsiṃ tadā tesaṃ, mā bhetha natthi vo bhayaṃ;
висадтаа хот̇а саб̣б̣зби, уббаад̣̇ояам̣ сувад̇т̇иго.
Visaṭṭhā hotha sabbepi, uppādoyaṃ suvatthiko.
‘‘адтахзд̇уухи сампусса, васуд̇хааяам̣ багамбад̇и;
‘‘Aṭṭhahetūhi samphussa, vasudhāyaṃ pakampati;
д̇ат̇аа нимид̇д̇аа д̣̇иссанд̇и, обхаасо вибуло махаа.
Tathā nimittā dissanti, obhāso vipulo mahā.
‘‘асам̣саяам̣ б̣уд̣̇д̇хасздто, уббаж̇ж̇иссад̇и жагкумаа;
‘‘Asaṃsayaṃ buddhaseṭṭho, uppajjissati cakkhumā;
сан̃н̃аабзд̇ваана ж̇анад̇ам̣, бан̃жасийлз гат̇зсахам̣.
Saññāpetvāna janataṃ, pañcasīle kathesahaṃ.
‘‘суд̇ваана бан̃жасийлаани, б̣уд̣̇д̇хуббаад̣̇ан̃жа д̣̇уллабхам̣;
‘‘Sutvāna pañcasīlāni, buddhuppādañca dullabhaṃ;
уб̣б̣зг̇аж̇аад̇аа суманаа, д̇удтахадтаа ахам̣су д̇з.
Ubbegajātā sumanā, tuṭṭhahaṭṭhā ahaṃsu te.
‘‘д̣̇взнавуд̇з ид̇о габбз, яам̣ нимид̇д̇ам̣ вияаагарим̣;
‘‘Dvenavute ito kappe, yaṃ nimittaṃ viyākariṃ;
д̣̇уг̇г̇ад̇им̣ наабхиж̇аанаами, б̣яаагаран̣ассид̣̇ам̣ палам̣.
Duggatiṃ nābhijānāmi, byākaraṇassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
вааран̣ад̇т̇зраг̇аат̇ааван̣н̣анаа нидтид̇аа.
Vāraṇattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 7. вааран̣ад̇т̇зраг̇аат̇аа • 7. Vāraṇattheragāthā
