| Library / Tipiṭaka / திபிடக • Tipiṭaka / மஹாவக்³க³-அட்ட²கதா² • Mahāvagga-aṭṭhakathā |
வரயாசனகதா²
Varayācanakathā
337. ஏவங் கதப⁴த்தகிச்சே ப⁴க³வதி அத² கோ² ஜீவகோ கோமாரப⁴ச்சோ தங் ஸிவெய்யகங் து³ஸ்ஸயுக³ங் ஆதா³ய…பே॰… ஏதத³வோச. அதிக்கந்தவராதி எத்த² வினிச்ச²யோ மஹாக²ந்த⁴கே வுத்தனயேனேவ வேதி³தப்³போ³. ப⁴க³வா ப⁴ந்தே பங்ஸுகூலிகோ பி⁴க்கு²ஸங்கோ⁴ சாதி ப⁴க³வதோ ஹி பு³த்³த⁴த்தங் பத்ததோ பட்டா²ய யாவ இத³ங் வத்த²ங், எத்த²ந்தரே வீஸதி வஸ்ஸானி ந கோசி க³ஹபதிசீவரங் ஸாதி³யி, ஸப்³பே³ பங்ஸுகூலிகாவ அஹேஸுங். தேனாயங் ஏவமாஹ. க³ஹபதிசீவரந்தி க³ஹபதீஹி தி³ன்னசீவரங். த⁴ம்மியா கதா²யாதி வத்த²தா³னானிஸங்ஸபடிஸங்யுத்தாய கதா²ய. இதரீதரேனாபீதி அப்பக்³கே⁴னபி மஹக்³கே⁴னபி; யேன கேனசீதி அத்தோ². பாவாரோதி ஸலோமகோ கப்பாஸாதி³பே⁴தோ³. அனுஜானாமி பி⁴க்க²வே கோஜவந்தி எத்த² பகதிகோஜவமேவ வட்டதி, மஹாபிட்டி²யகோஜவங் ந வட்டதி. மஹாபிட்டி²யகோஜவந்தி உண்ணாமயோ பாவாரஸதி³ஸோ கோஜவோ.
337. Evaṃ katabhattakicce bhagavati atha kho jīvako komārabhacco taṃ siveyyakaṃ dussayugaṃ ādāya…pe… etadavoca. Atikkantavarāti ettha vinicchayo mahākhandhake vuttanayeneva veditabbo. Bhagavā bhante paṃsukūliko bhikkhusaṅgho cāti bhagavato hi buddhattaṃ pattato paṭṭhāya yāva idaṃ vatthaṃ, etthantare vīsati vassāni na koci gahapaticīvaraṃ sādiyi, sabbe paṃsukūlikāva ahesuṃ. Tenāyaṃ evamāha. Gahapaticīvaranti gahapatīhi dinnacīvaraṃ. Dhammiyā kathāyāti vatthadānānisaṃsapaṭisaṃyuttāya kathāya. Itarītarenāpīti appagghenapi mahagghenapi; yena kenacīti attho. Pāvāroti salomako kappāsādibhedo. Anujānāmi bhikkhave kojavanti ettha pakatikojavameva vaṭṭati, mahāpiṭṭhiyakojavaṃ na vaṭṭati. Mahāpiṭṭhiyakojavanti uṇṇāmayo pāvārasadiso kojavo.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 210. வரயாசனாகதா² • 210. Varayācanākathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / வரயாசனகதா²வண்ணனா • Varayācanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / வரயாசனகதா²வண்ணனா • Varayācanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ஜீவகவத்து²கதா²தி³வண்ணனா • Jīvakavatthukathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 210. வரயாசனகதா² • 210. Varayācanakathā
