| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
вараяаажанагат̇аа
Varayācanakathā
337. звам̣ гад̇абхад̇д̇агижжз бхаг̇авад̇и ат̇а ко ж̇ийваго гомаарабхажжо д̇ам̣ сивзяяагам̣ д̣̇уссаяуг̇ам̣ аад̣̇ааяа…бз… зд̇ад̣̇авожа. ад̇игганд̇авараад̇и зд̇т̇а винижчаяо махааканд̇хагз вуд̇д̇анаязнзва взд̣̇ид̇аб̣б̣о. бхаг̇аваа бханд̇з бам̣сугуулиго бхигкусан̇гхо жаад̇и бхаг̇авад̇о хи б̣уд̣̇д̇хад̇д̇ам̣ бад̇д̇ад̇о бадтааяа яаава ид̣̇ам̣ вад̇т̇ам̣, зд̇т̇анд̇арз вийсад̇и вассаани на гожи г̇ахабад̇ижийварам̣ саад̣̇ияи, саб̣б̣з бам̣сугуулигаава ахзсум̣. д̇знааяам̣ звамааха. г̇ахабад̇ижийваранд̇и г̇ахабад̇ийхи д̣̇иннажийварам̣. д̇хаммияаа гат̇ааяаад̇и вад̇т̇ад̣̇аанаанисам̣сабадисам̣яуд̇д̇ааяа гат̇ааяа. ид̇арийд̇арзнаабийд̇и аббаг̇гхзнаби махаг̇гхзнаби; язна гзнажийд̇и ад̇т̇о. бааваарод̇и саломаго габбаасаад̣̇ибхзд̣̇о. ануж̇аанаами бхигкавз гож̇аванд̇и зд̇т̇а багад̇игож̇авамзва ваддад̇и, махаабидтияагож̇авам̣ на ваддад̇и. махаабидтияагож̇аванд̇и ун̣н̣аамаяо бааваарасад̣̇исо гож̇аво.
337. Evaṃ katabhattakicce bhagavati atha kho jīvako komārabhacco taṃ siveyyakaṃ dussayugaṃ ādāya…pe… etadavoca. Atikkantavarāti ettha vinicchayo mahākhandhake vuttanayeneva veditabbo. Bhagavā bhante paṃsukūliko bhikkhusaṅgho cāti bhagavato hi buddhattaṃ pattato paṭṭhāya yāva idaṃ vatthaṃ, etthantare vīsati vassāni na koci gahapaticīvaraṃ sādiyi, sabbe paṃsukūlikāva ahesuṃ. Tenāyaṃ evamāha. Gahapaticīvaranti gahapatīhi dinnacīvaraṃ. Dhammiyā kathāyāti vatthadānānisaṃsapaṭisaṃyuttāya kathāya. Itarītarenāpīti appagghenapi mahagghenapi; yena kenacīti attho. Pāvāroti salomako kappāsādibhedo. Anujānāmi bhikkhave kojavanti ettha pakatikojavameva vaṭṭati, mahāpiṭṭhiyakojavaṃ na vaṭṭati. Mahāpiṭṭhiyakojavanti uṇṇāmayo pāvārasadiso kojavo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 210. вараяаажанаагат̇аа • 210. Varayācanākathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / вараяаажанагат̇ааван̣н̣анаа • Varayācanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / вараяаажанагат̇ааван̣н̣анаа • Varayācanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ж̇ийвагавад̇т̇угат̇аад̣̇иван̣н̣анаа • Jīvakavatthukathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 210. вараяаажанагат̇аа • 210. Varayācanakathā
