| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
210. вараяаажанаагат̇аа
210. Varayācanākathā
337. ат̇а ко бхаг̇авад̇о гааяо нажирассзва багад̇ад̇д̇о ахоси. ат̇а ко ж̇ийваго гомаарабхажжо д̇ам̣ сивзяяагам̣ д̣̇уссаяуг̇ам̣ аад̣̇ааяа язна бхаг̇аваа д̇знубасан̇гами , убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ж̇ийваго гомаарабхажжо бхаг̇аванд̇ам̣ зд̇ад̣̇авожа – ‘‘згаахам̣, бханд̇з, бхаг̇аванд̇ам̣ варам̣ яаажаамий’’д̇и. ‘‘ад̇игганд̇авараа ко, ж̇ийвага, д̇ат̇ааг̇ад̇аа’’д̇и. ‘‘яан̃жа, бханд̇з, габбад̇и яан̃жа анаваж̇ж̇а’’нд̇и. ‘‘вад̣̇зхи, ж̇ийвагаа’’д̇и. ‘‘бхаг̇аваа, бханд̇з, бам̣сугуулиго, бхигкусан̇гхо жа. ид̣̇ам̣ мз, бханд̇з, сивзяяагам̣ д̣̇уссаяуг̇ам̣ ран̃н̃аа баж̇ж̇од̇зна бахид̇ам̣ – б̣ахуунам̣ д̣̇уссаанам̣ б̣ахуунам̣ д̣̇уссаяуг̇аанам̣ б̣ахуунам̣ д̣̇уссаяуг̇асад̇аанам̣ б̣ахуунам̣ д̣̇уссаяуг̇асахассаанам̣ б̣ахуунам̣ д̣̇уссаяуг̇асад̇асахассаанам̣ аг̇г̇ан̃жа сздтан̃жа могкан̃жа уд̇д̇аман̃жа баваран̃жа. бадиг̇г̇ан̣хаад̇у мз, бханд̇з, бхаг̇аваа сивзяяагам̣ д̣̇уссаяуг̇ам̣; бхигкусан̇гхасса жа г̇ахабад̇ижийварам̣ ануж̇аанаад̇уу’’д̇и. бадиг̇г̇ахзси бхаг̇аваа сивзяяагам̣ д̣̇уссаяуг̇ам̣. ат̇а ко бхаг̇аваа ж̇ийвагам̣ гомаарабхажжам̣ д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. ат̇а ко ж̇ийваго гомаарабхажжо бхаг̇авад̇аа д̇хаммияаа гат̇ааяа санд̣̇ассид̇о самаад̣̇абид̇о самуд̇д̇зж̇ид̇о самбахам̣сид̇о удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, г̇ахабад̇ижийварам̣. яо ижчад̇и, бам̣сугуулиго ход̇у. яо ижчад̇и, г̇ахабад̇ижийварам̣ саад̣̇ияад̇у. ид̇арийд̇арзнабаахам̣ 1, бхигкавз, санд̇удтим̣ ван̣н̣змий’’д̇и.
337. Atha kho bhagavato kāyo nacirasseva pakatatto ahosi. Atha kho jīvako komārabhacco taṃ siveyyakaṃ dussayugaṃ ādāya yena bhagavā tenupasaṅkami , upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho jīvako komārabhacco bhagavantaṃ etadavoca – ‘‘ekāhaṃ, bhante, bhagavantaṃ varaṃ yācāmī’’ti. ‘‘Atikkantavarā kho, jīvaka, tathāgatā’’ti. ‘‘Yañca, bhante, kappati yañca anavajja’’nti. ‘‘Vadehi, jīvakā’’ti. ‘‘Bhagavā, bhante, paṃsukūliko, bhikkhusaṅgho ca. Idaṃ me, bhante, siveyyakaṃ dussayugaṃ raññā pajjotena pahitaṃ – bahūnaṃ dussānaṃ bahūnaṃ dussayugānaṃ bahūnaṃ dussayugasatānaṃ bahūnaṃ dussayugasahassānaṃ bahūnaṃ dussayugasatasahassānaṃ aggañca seṭṭhañca mokkhañca uttamañca pavarañca. Paṭiggaṇhātu me, bhante, bhagavā siveyyakaṃ dussayugaṃ; bhikkhusaṅghassa ca gahapaticīvaraṃ anujānātū’’ti. Paṭiggahesi bhagavā siveyyakaṃ dussayugaṃ. Atha kho bhagavā jīvakaṃ komārabhaccaṃ dhammiyā kathāya sandassesi samādapesi samuttejesi sampahaṃsesi. Atha kho jīvako komārabhacco bhagavatā dhammiyā kathāya sandassito samādapito samuttejito sampahaṃsito uṭṭhāyāsanā bhagavantaṃ abhivādetvā padakkhiṇaṃ katvā pakkāmi. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, gahapaticīvaraṃ. Yo icchati, paṃsukūliko hotu. Yo icchati, gahapaticīvaraṃ sādiyatu. Itarītarenapāhaṃ 2, bhikkhave, santuṭṭhiṃ vaṇṇemī’’ti.
ассосум̣ ко рааж̇аг̇ахз мануссаа – ‘‘бхаг̇авад̇аа гира бхигкуунам̣ г̇ахабад̇ижийварам̣ анун̃н̃аад̇а’’нд̇и. д̇з жа мануссаа хадтаа ахзсум̣ уд̣̇аг̇г̇аа ‘‘ид̣̇аани ко маяам̣ д̣̇аанаани д̣̇ассаама бун̃н̃аани гариссаама, яад̇о бхаг̇авад̇аа бхигкуунам̣ г̇ахабад̇ижийварам̣ анун̃н̃аад̇а’’нд̇и. згаахзнзва рааж̇аг̇ахз б̣ахууни жийварасахассаани уббаж̇ж̇им̣су.
Assosuṃ kho rājagahe manussā – ‘‘bhagavatā kira bhikkhūnaṃ gahapaticīvaraṃ anuññāta’’nti. Te ca manussā haṭṭhā ahesuṃ udaggā ‘‘idāni kho mayaṃ dānāni dassāma puññāni karissāma, yato bhagavatā bhikkhūnaṃ gahapaticīvaraṃ anuññāta’’nti. Ekāheneva rājagahe bahūni cīvarasahassāni uppajjiṃsu.
ассосум̣ ко ж̇аанабад̣̇аа мануссаа – ‘‘бхаг̇авад̇аа гира бхигкуунам̣ г̇ахабад̇ижийварам̣ анун̃н̃аад̇а’’нд̇и. д̇з жа мануссаа хадтаа ахзсум̣ уд̣̇аг̇г̇аа – ‘‘ид̣̇аани ко маяам̣ д̣̇аанаани д̣̇ассаама бун̃н̃аани гариссаама, яад̇о бхаг̇авад̇аа бхигкуунам̣ г̇ахабад̇ижийварам̣ анун̃н̃аад̇а’’нд̇и. ж̇анабад̣̇зби згаахзнзва б̣ахууни жийварасахассаани уббаж̇ж̇им̣су.
Assosuṃ kho jānapadā manussā – ‘‘bhagavatā kira bhikkhūnaṃ gahapaticīvaraṃ anuññāta’’nti. Te ca manussā haṭṭhā ahesuṃ udaggā – ‘‘idāni kho mayaṃ dānāni dassāma puññāni karissāma, yato bhagavatā bhikkhūnaṃ gahapaticīvaraṃ anuññāta’’nti. Janapadepi ekāheneva bahūni cīvarasahassāni uppajjiṃsu.
д̇зна ко бана самаязна сан̇гхасса баавааро уббанно ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, баавааранд̇и.
Tena kho pana samayena saṅghassa pāvāro uppanno hoti. Bhagavato etamatthaṃ ārocesuṃ. Anujānāmi, bhikkhave, pāvāranti.
госзяяабаавааро уббанно ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, госзяяабаавааранд̇и.
Koseyyapāvāro uppanno hoti. Bhagavato etamatthaṃ ārocesuṃ. Anujānāmi, bhikkhave, koseyyapāvāranti.
гож̇авам̣ уббаннам̣ ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, гож̇аванд̇и.
Kojavaṃ uppannaṃ hoti. Bhagavato etamatthaṃ ārocesuṃ. Anujānāmi, bhikkhave, kojavanti.
вараяаажанаагат̇аа нидтид̇аа.
Varayācanākathā niṭṭhitā.
батамабхаан̣авааро нидтид̇о.
Paṭhamabhāṇavāro niṭṭhito.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / вараяаажанагат̇аа • Varayācanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / вараяаажанагат̇ааван̣н̣анаа • Varayācanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / вараяаажанагат̇ааван̣н̣анаа • Varayācanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ж̇ийвагавад̇т̇угат̇аад̣̇иван̣н̣анаа • Jīvakavatthukathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 210. вараяаажанагат̇аа • 210. Varayācanakathā
