| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
210. вараяаажанагат̇аа
210. Varayācanakathā
337. гад̇ам̣ бхад̇д̇агижжам̣ язнаад̇и гад̇абхад̇д̇агижжо, д̇асмим̣ сад̇ийд̇и самб̣анд̇хо. вуд̇д̇анаязнзваад̇и раахулавад̇т̇умхи (махаава. адта. 105) вуд̇д̇анаязнзва. ид̣̇ам̣ вад̇т̇анд̇и ид̣̇ам̣ сивзяяагам̣ вад̇т̇ам̣, уббаннанд̇и самб̣анд̇хо. ‘‘д̇ааваа’’д̇и аж̇жхаахарид̇аб̣б̣о. зд̇т̇анд̇арзд̇и зд̇асмим̣ вад̇т̇уббаннагааламаж̇жхз. гожи бхигкууд̇и самб̣анд̇хо. д̇знаад̇и бам̣сугуулигахзд̇унаа. аяанд̇и ж̇ийваго. г̇ахабад̇ижийваранд̇и зд̇т̇а г̇ахабад̇ийнам̣ жийваранд̇и ад̇т̇ам̣ бадигкибанд̇о ааха ‘‘г̇ахабад̇ийхи д̣̇иннам̣ жийвара’’нд̇и . вад̇т̇ад̣̇аанаанисам̣сабадисам̣яуд̇д̇ааяаад̇и ‘‘вад̇т̇ад̣̇о ход̇и ван̣н̣ад̣̇о’’д̇иаад̣̇игааяа (сам̣. ни. 1.42) вад̇т̇ад̣̇аанасса аанисам̣сзна бадисам̣яуд̇д̇ааяа. вижчаавасзна вуд̇д̇о ‘‘ид̇арийд̇арзнаа’’д̇и саб̣б̣анаамасад̣̇д̣̇о анияамад̇т̇од̇и ааха ‘‘аббаг̇гхзнаби махаг̇гхзнаби язна гзнажий’’д̇и. бааваарод̇и уд̇д̇араасан̇г̇о. со хи баарубанад̇т̇ааяа варияад̇и ижчияад̇ийд̇и бааваарод̇и вужжад̇и. ‘‘габбаасаад̣̇ибхзд̣̇о’’д̇и иминаа д̇асса саруубам̣ д̣̇ассзд̇и. багад̇игож̇авамзваад̇и багад̇ияаа бхигкуунам̣ сааруббам̣ гож̇авамзва. сол̣асанаадагид̇т̇ийнам̣ тад̇ваа нажжаяог̇яад̇д̇аа махад̇ий бидти зд̇ассаад̇и махаабидтияам̣, д̇амзва гож̇авам̣ махаабидтияагож̇авам̣. д̇асса гира ломаани жад̇уран̇г̇улаад̇хигаани хонд̇и.
337. Kataṃ bhattakiccaṃ yenāti katabhattakicco, tasmiṃ satīti sambandho. Vuttanayenevāti rāhulavatthumhi (mahāva. aṭṭha. 105) vuttanayeneva. Idaṃ vatthanti idaṃ siveyyakaṃ vatthaṃ, uppannanti sambandho. ‘‘Tāvā’’ti ajjhāharitabbo. Etthantareti etasmiṃ vatthuppannakālamajjhe. Koci bhikkhūti sambandho. Tenāti paṃsukūlikahetunā. Ayanti jīvako. Gahapaticīvaranti ettha gahapatīnaṃ cīvaranti atthaṃ paṭikkhipanto āha ‘‘gahapatīhi dinnaṃ cīvara’’nti . Vatthadānānisaṃsapaṭisaṃyuttāyāti ‘‘vatthado hoti vaṇṇado’’tiādikāya (saṃ. ni. 1.42) vatthadānassa ānisaṃsena paṭisaṃyuttāya. Vicchāvasena vutto ‘‘itarītarenā’’ti sabbanāmasaddo aniyamatthoti āha ‘‘appagghenapi mahagghenapi yena kenacī’’ti. Pāvāroti uttarāsaṅgo. So hi pārupanatthāya variyati icchiyatīti pāvāroti vuccati. ‘‘Kappāsādibhedo’’ti iminā tassa sarūpaṃ dasseti. Pakatikojavamevāti pakatiyā bhikkhūnaṃ sāruppaṃ kojavameva. Soḷasanāṭakitthīnaṃ ṭhatvā naccayogyattā mahatī piṭṭhi etassāti mahāpiṭṭhiyaṃ, tameva kojavaṃ mahāpiṭṭhiyakojavaṃ. Tassa kira lomāni caturaṅgulādhikāni honti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 210. вараяаажанаагат̇аа • 210. Varayācanākathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / вараяаажанагат̇аа • Varayācanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / вараяаажанагат̇ааван̣н̣анаа • Varayācanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / вараяаажанагат̇ааван̣н̣анаа • Varayācanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ж̇ийвагавад̇т̇угат̇аад̣̇иван̣н̣анаа • Jīvakavatthukathādivaṇṇanā
