| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๒๑๐. วรยาจนกถา
210. Varayācanakathā
๓๓๗. กตํ ภตฺตกิจฺจํ เยนาติ กตภตฺตกิโจฺจ, ตสฺมิํ สตีติ สมฺพโนฺธฯ วุตฺตนเยเนวาติ ราหุลวตฺถุมฺหิ (มหาว. อฎฺฐ. ๑๐๕) วุตฺตนเยเนวฯ อิทํ วตฺถนฺติ อิทํ สิเวยฺยกํ วตฺถํ, อุปฺปนฺนนฺติ สมฺพโนฺธฯ ‘‘ตาวา’’ติ อชฺฌาหริตโพฺพฯ เอตฺถนฺตเรติ เอตสฺมิํ วตฺถุปฺปนฺนกาลมเชฺฌฯ โกจิ ภิกฺขูติ สมฺพโนฺธฯ เตนาติ ปํสุกูลิกเหตุนาฯ อยนฺติ ชีวโกฯ คหปติจีวรนฺติ เอตฺถ คหปตีนํ จีวรนฺติ อตฺถํ ปฎิกฺขิปโนฺต อาห ‘‘คหปตีหิ ทินฺนํ จีวร’’นฺติ ฯ วตฺถทานานิสํสปฎิสํยุตฺตายาติ ‘‘วตฺถโท โหติ วณฺณโท’’ติอาทิกาย (สํ. นิ. ๑.๔๒) วตฺถทานสฺส อานิสํเสน ปฎิสํยุตฺตายฯ วิจฺฉาวเสน วุโตฺต ‘‘อิตรีตเรนา’’ติ สพฺพนามสโทฺท อนิยมโตฺถติ อาห ‘‘อปฺปเคฺฆนปิ มหเคฺฆนปิ เยน เกนจี’’ติฯ ปาวาโรติ อุตฺตราสโงฺคฯ โส หิ ปารุปนตฺถาย วริยติ อิจฺฉิยตีติ ปาวาโรติ วุจฺจติฯ ‘‘กปฺปาสาทิเภโท’’ติ อิมินา ตสฺส สรูปํ ทเสฺสติฯ ปกติโกชวเมวาติ ปกติยา ภิกฺขูนํ สารุปฺปํ โกชวเมวฯ โสฬสนาฎกิตฺถีนํ ฐตฺวา นจฺจโยคฺยตฺตา มหตี ปิฎฺฐิ เอตสฺสาติ มหาปิฎฺฐิยํ, ตเมว โกชวํ มหาปิฎฺฐิยโกชวํฯ ตสฺส กิร โลมานิ จตุรงฺคุลาธิกานิ โหนฺติฯ
337. Kataṃ bhattakiccaṃ yenāti katabhattakicco, tasmiṃ satīti sambandho. Vuttanayenevāti rāhulavatthumhi (mahāva. aṭṭha. 105) vuttanayeneva. Idaṃ vatthanti idaṃ siveyyakaṃ vatthaṃ, uppannanti sambandho. ‘‘Tāvā’’ti ajjhāharitabbo. Etthantareti etasmiṃ vatthuppannakālamajjhe. Koci bhikkhūti sambandho. Tenāti paṃsukūlikahetunā. Ayanti jīvako. Gahapaticīvaranti ettha gahapatīnaṃ cīvaranti atthaṃ paṭikkhipanto āha ‘‘gahapatīhi dinnaṃ cīvara’’nti . Vatthadānānisaṃsapaṭisaṃyuttāyāti ‘‘vatthado hoti vaṇṇado’’tiādikāya (saṃ. ni. 1.42) vatthadānassa ānisaṃsena paṭisaṃyuttāya. Vicchāvasena vutto ‘‘itarītarenā’’ti sabbanāmasaddo aniyamatthoti āha ‘‘appagghenapi mahagghenapi yena kenacī’’ti. Pāvāroti uttarāsaṅgo. So hi pārupanatthāya variyati icchiyatīti pāvāroti vuccati. ‘‘Kappāsādibhedo’’ti iminā tassa sarūpaṃ dasseti. Pakatikojavamevāti pakatiyā bhikkhūnaṃ sāruppaṃ kojavameva. Soḷasanāṭakitthīnaṃ ṭhatvā naccayogyattā mahatī piṭṭhi etassāti mahāpiṭṭhiyaṃ, tameva kojavaṃ mahāpiṭṭhiyakojavaṃ. Tassa kira lomāni caturaṅgulādhikāni honti.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi / ๒๑๐. วรยาจนากถา • 210. Varayācanākathā
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / วรยาจนกถา • Varayācanakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / วรยาจนกถาวณฺณนา • Varayācanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / วรยาจนกถาวณฺณนา • Varayācanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ชีวกวตฺถุกถาทิวณฺณนา • Jīvakavatthukathādivaṇṇanā
