| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੨੧੦. વਰਯਾਚਨਾਕਥਾ
210. Varayācanākathā
੩੩੭. ਅਥ ਖੋ ਭਗવਤੋ ਕਾਯੋ ਨਚਿਰਸ੍ਸੇવ ਪਕਤਤ੍ਤੋ ਅਹੋਸਿ। ਅਥ ਖੋ ਜੀવਕੋ ਕੋਮਾਰਭਚ੍ਚੋ ਤਂ ਸਿવੇਯ੍ਯਕਂ ਦੁਸ੍ਸਯੁਗਂ ਆਦਾਯ ਯੇਨ ਭਗવਾ ਤੇਨੁਪਸਙ੍ਕਮਿ , ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ ਜੀવਕੋ ਕੋਮਾਰਭਚ੍ਚੋ ਭਗવਨ੍ਤਂ ਏਤਦવੋਚ – ‘‘ਏਕਾਹਂ, ਭਨ੍ਤੇ, ਭਗવਨ੍ਤਂ વਰਂ ਯਾਚਾਮੀ’’ਤਿ। ‘‘ਅਤਿਕ੍ਕਨ੍ਤવਰਾ ਖੋ, ਜੀવਕ, ਤਥਾਗਤਾ’’ਤਿ। ‘‘ਯਞ੍ਚ, ਭਨ੍ਤੇ, ਕਪ੍ਪਤਿ ਯਞ੍ਚ ਅਨવਜ੍ਜ’’ਨ੍ਤਿ। ‘‘વਦੇਹਿ, ਜੀવਕਾ’’ਤਿ। ‘‘ਭਗવਾ, ਭਨ੍ਤੇ, ਪਂਸੁਕੂਲਿਕੋ, ਭਿਕ੍ਖੁਸਙ੍ਘੋ ਚ। ਇਦਂ ਮੇ, ਭਨ੍ਤੇ, ਸਿવੇਯ੍ਯਕਂ ਦੁਸ੍ਸਯੁਗਂ ਰਞ੍ਞਾ ਪਜ੍ਜੋਤੇਨ ਪਹਿਤਂ – ਬਹੂਨਂ ਦੁਸ੍ਸਾਨਂ ਬਹੂਨਂ ਦੁਸ੍ਸਯੁਗਾਨਂ ਬਹੂਨਂ ਦੁਸ੍ਸਯੁਗਸਤਾਨਂ ਬਹੂਨਂ ਦੁਸ੍ਸਯੁਗਸਹਸ੍ਸਾਨਂ ਬਹੂਨਂ ਦੁਸ੍ਸਯੁਗਸਤਸਹਸ੍ਸਾਨਂ ਅਗ੍ਗਞ੍ਚ ਸੇਟ੍ਠਞ੍ਚ ਮੋਕ੍ਖਞ੍ਚ ਉਤ੍ਤਮਞ੍ਚ ਪવਰਞ੍ਚ। ਪਟਿਗ੍ਗਣ੍ਹਾਤੁ ਮੇ, ਭਨ੍ਤੇ, ਭਗવਾ ਸਿવੇਯ੍ਯਕਂ ਦੁਸ੍ਸਯੁਗਂ; ਭਿਕ੍ਖੁਸਙ੍ਘਸ੍ਸ ਚ ਗਹਪਤਿਚੀવਰਂ ਅਨੁਜਾਨਾਤੂ’’ਤਿ। ਪਟਿਗ੍ਗਹੇਸਿ ਭਗવਾ ਸਿવੇਯ੍ਯਕਂ ਦੁਸ੍ਸਯੁਗਂ। ਅਥ ਖੋ ਭਗવਾ ਜੀવਕਂ ਕੋਮਾਰਭਚ੍ਚਂ ਧਮ੍ਮਿਯਾ ਕਥਾਯ ਸਨ੍ਦਸ੍ਸੇਸਿ ਸਮਾਦਪੇਸਿ ਸਮੁਤ੍ਤੇਜੇਸਿ ਸਮ੍ਪਹਂਸੇਸਿ। ਅਥ ਖੋ ਜੀવਕੋ ਕੋਮਾਰਭਚ੍ਚੋ ਭਗવਤਾ ਧਮ੍ਮਿਯਾ ਕਥਾਯ ਸਨ੍ਦਸ੍ਸਿਤੋ ਸਮਾਦਪਿਤੋ ਸਮੁਤ੍ਤੇਜਿਤੋ ਸਮ੍ਪਹਂਸਿਤੋ ਉਟ੍ਠਾਯਾਸਨਾ ਭਗવਨ੍ਤਂ ਅਭਿવਾਦੇਤ੍વਾ ਪਦਕ੍ਖਿਣਂ ਕਤ੍વਾ ਪਕ੍ਕਾਮਿ। ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖવੇ, ਗਹਪਤਿਚੀવਰਂ। ਯੋ ਇਚ੍ਛਤਿ, ਪਂਸੁਕੂਲਿਕੋ ਹੋਤੁ। ਯੋ ਇਚ੍ਛਤਿ, ਗਹਪਤਿਚੀવਰਂ ਸਾਦਿਯਤੁ। ਇਤਰੀਤਰੇਨਪਾਹਂ 1, ਭਿਕ੍ਖવੇ, ਸਨ੍ਤੁਟ੍ਠਿਂ વਣ੍ਣੇਮੀ’’ਤਿ।
337. Atha kho bhagavato kāyo nacirasseva pakatatto ahosi. Atha kho jīvako komārabhacco taṃ siveyyakaṃ dussayugaṃ ādāya yena bhagavā tenupasaṅkami , upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho jīvako komārabhacco bhagavantaṃ etadavoca – ‘‘ekāhaṃ, bhante, bhagavantaṃ varaṃ yācāmī’’ti. ‘‘Atikkantavarā kho, jīvaka, tathāgatā’’ti. ‘‘Yañca, bhante, kappati yañca anavajja’’nti. ‘‘Vadehi, jīvakā’’ti. ‘‘Bhagavā, bhante, paṃsukūliko, bhikkhusaṅgho ca. Idaṃ me, bhante, siveyyakaṃ dussayugaṃ raññā pajjotena pahitaṃ – bahūnaṃ dussānaṃ bahūnaṃ dussayugānaṃ bahūnaṃ dussayugasatānaṃ bahūnaṃ dussayugasahassānaṃ bahūnaṃ dussayugasatasahassānaṃ aggañca seṭṭhañca mokkhañca uttamañca pavarañca. Paṭiggaṇhātu me, bhante, bhagavā siveyyakaṃ dussayugaṃ; bhikkhusaṅghassa ca gahapaticīvaraṃ anujānātū’’ti. Paṭiggahesi bhagavā siveyyakaṃ dussayugaṃ. Atha kho bhagavā jīvakaṃ komārabhaccaṃ dhammiyā kathāya sandassesi samādapesi samuttejesi sampahaṃsesi. Atha kho jīvako komārabhacco bhagavatā dhammiyā kathāya sandassito samādapito samuttejito sampahaṃsito uṭṭhāyāsanā bhagavantaṃ abhivādetvā padakkhiṇaṃ katvā pakkāmi. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, gahapaticīvaraṃ. Yo icchati, paṃsukūliko hotu. Yo icchati, gahapaticīvaraṃ sādiyatu. Itarītarenapāhaṃ 2, bhikkhave, santuṭṭhiṃ vaṇṇemī’’ti.
ਅਸ੍ਸੋਸੁਂ ਖੋ ਰਾਜਗਹੇ ਮਨੁਸ੍ਸਾ – ‘‘ਭਗવਤਾ ਕਿਰ ਭਿਕ੍ਖੂਨਂ ਗਹਪਤਿਚੀવਰਂ ਅਨੁਞ੍ਞਾਤ’’ਨ੍ਤਿ। ਤੇ ਚ ਮਨੁਸ੍ਸਾ ਹਟ੍ਠਾ ਅਹੇਸੁਂ ਉਦਗ੍ਗਾ ‘‘ਇਦਾਨਿ ਖੋ ਮਯਂ ਦਾਨਾਨਿ ਦਸ੍ਸਾਮ ਪੁਞ੍ਞਾਨਿ ਕਰਿਸ੍ਸਾਮ, ਯਤੋ ਭਗવਤਾ ਭਿਕ੍ਖੂਨਂ ਗਹਪਤਿਚੀવਰਂ ਅਨੁਞ੍ਞਾਤ’’ਨ੍ਤਿ। ਏਕਾਹੇਨੇવ ਰਾਜਗਹੇ ਬਹੂਨਿ ਚੀવਰਸਹਸ੍ਸਾਨਿ ਉਪ੍ਪਜ੍ਜਿਂਸੁ।
Assosuṃ kho rājagahe manussā – ‘‘bhagavatā kira bhikkhūnaṃ gahapaticīvaraṃ anuññāta’’nti. Te ca manussā haṭṭhā ahesuṃ udaggā ‘‘idāni kho mayaṃ dānāni dassāma puññāni karissāma, yato bhagavatā bhikkhūnaṃ gahapaticīvaraṃ anuññāta’’nti. Ekāheneva rājagahe bahūni cīvarasahassāni uppajjiṃsu.
ਅਸ੍ਸੋਸੁਂ ਖੋ ਜਾਨਪਦਾ ਮਨੁਸ੍ਸਾ – ‘‘ਭਗવਤਾ ਕਿਰ ਭਿਕ੍ਖੂਨਂ ਗਹਪਤਿਚੀવਰਂ ਅਨੁਞ੍ਞਾਤ’’ਨ੍ਤਿ। ਤੇ ਚ ਮਨੁਸ੍ਸਾ ਹਟ੍ਠਾ ਅਹੇਸੁਂ ਉਦਗ੍ਗਾ – ‘‘ਇਦਾਨਿ ਖੋ ਮਯਂ ਦਾਨਾਨਿ ਦਸ੍ਸਾਮ ਪੁਞ੍ਞਾਨਿ ਕਰਿਸ੍ਸਾਮ, ਯਤੋ ਭਗવਤਾ ਭਿਕ੍ਖੂਨਂ ਗਹਪਤਿਚੀવਰਂ ਅਨੁਞ੍ਞਾਤ’’ਨ੍ਤਿ। ਜਨਪਦੇਪਿ ਏਕਾਹੇਨੇવ ਬਹੂਨਿ ਚੀવਰਸਹਸ੍ਸਾਨਿ ਉਪ੍ਪਜ੍ਜਿਂਸੁ।
Assosuṃ kho jānapadā manussā – ‘‘bhagavatā kira bhikkhūnaṃ gahapaticīvaraṃ anuññāta’’nti. Te ca manussā haṭṭhā ahesuṃ udaggā – ‘‘idāni kho mayaṃ dānāni dassāma puññāni karissāma, yato bhagavatā bhikkhūnaṃ gahapaticīvaraṃ anuññāta’’nti. Janapadepi ekāheneva bahūni cīvarasahassāni uppajjiṃsu.
ਤੇਨ ਖੋ ਪਨ ਸਮਯੇਨ ਸਙ੍ਘਸ੍ਸ ਪਾવਾਰੋ ਉਪ੍ਪਨ੍ਨੋ ਹੋਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਪਾવਾਰਨ੍ਤਿ।
Tena kho pana samayena saṅghassa pāvāro uppanno hoti. Bhagavato etamatthaṃ ārocesuṃ. Anujānāmi, bhikkhave, pāvāranti.
ਕੋਸੇਯ੍ਯਪਾવਾਰੋ ਉਪ੍ਪਨ੍ਨੋ ਹੋਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਕੋਸੇਯ੍ਯਪਾવਾਰਨ੍ਤਿ।
Koseyyapāvāro uppanno hoti. Bhagavato etamatthaṃ ārocesuṃ. Anujānāmi, bhikkhave, koseyyapāvāranti.
ਕੋਜવਂ ਉਪ੍ਪਨ੍ਨਂ ਹੋਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਕੋਜવਨ੍ਤਿ।
Kojavaṃ uppannaṃ hoti. Bhagavato etamatthaṃ ārocesuṃ. Anujānāmi, bhikkhave, kojavanti.
વਰਯਾਚਨਾਕਥਾ ਨਿਟ੍ਠਿਤਾ।
Varayācanākathā niṭṭhitā.
ਪਠਮਭਾਣવਾਰੋ ਨਿਟ੍ਠਿਤੋ।
Paṭhamabhāṇavāro niṭṭhito.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / વਰਯਾਚਨਕਥਾ • Varayācanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / વਰਯਾਚਨਕਥਾવਣ੍ਣਨਾ • Varayācanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / વਰਯਾਚਨਕਥਾવਣ੍ਣਨਾ • Varayācanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਜੀવਕવਤ੍ਥੁਕਥਾਦਿવਣ੍ਣਨਾ • Jīvakavatthukathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੧੦. વਰਯਾਚਨਕਥਾ • 210. Varayācanakathā
