| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
10. васабхад̇т̇зраг̇аат̇ааван̣н̣анаа
10. Vasabhattheragāthāvaṇṇanā
буб̣б̣з ханад̇и ад̇д̇аананд̇и ааяасмад̇о васабхад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о б̣уд̣̇д̇хасун̃н̃з логз б̣раахман̣агулз ниб̣б̣ад̇д̇ид̇ваа ваяаббад̇д̇о б̣раахман̣аанам̣ виж̇ж̇аасиббзсу нибпад̇д̇им̣ г̇анд̇ваа нзгкаммаж̇жхаасаяад̇ааяа гхарааваасам̣ бахааяа д̇аабасабаб̣б̣аж̇ж̇ам̣ баб̣б̣аж̇ид̇ваа жуд̣̇д̣̇асасахассад̇аабасабаривааро химаванд̇асса авид̣̇уурз самаг̇г̇з наама баб̣б̣ад̇з ассамам̣ гаарзд̇ваа васанд̇о жхаанаабхин̃н̃ааяо ниб̣б̣ад̇д̇зд̇ваа д̇аабасаанам̣ оваад̣̇аанусаасанияо д̣̇знд̇о згад̣̇ивасам̣ звам̣ жинд̇зси – ‘‘ахам̣ ко д̣̇аани имзхи д̇аабасзхи саггад̇о г̇аругад̇о бууж̇ид̇о вихараами, маяаа бана бууж̇зд̇аб̣б̣о на убалаб̣бхад̇и, д̣̇угко ко банааяам̣ логз яад̣̇ид̣̇ам̣ аг̇аруваасо’’д̇и. звам̣ бана жинд̇зд̇ваа буримаб̣уд̣̇д̇хзсу гад̇аад̇хигаарад̇ааяа буримаб̣уд̣̇д̇хаанам̣ жзд̇ияз ад̇д̇анаа гад̇ам̣ бууж̇аасаггаарам̣ ануссарид̇ваа ‘‘яам̣нуунаахам̣ буримаб̣уд̣̇д̇хз уд̣̇д̣̇исса булинажзд̇ияам̣ гад̇ваа бууж̇ам̣ гарзяяа’’нд̇и хадтад̇удто ид̣̇д̇хияаа булинат̇уубам̣ суван̣н̣амаяам̣ маабзд̇ваа суван̣н̣амаяаад̣̇ийхи д̇исахассамад̇д̇зхи бубпзхи д̣̇звасигам̣ бууж̇ам̣ гаронд̇о яаавад̇ааяугам̣ бун̃н̃аани гад̇ваа абарихийнаж̇жхаано гаалам̣ гад̇ваа б̣рахмалогз ниб̣б̣ад̇д̇о. д̇ад̇т̇аби яаавад̇ааяугам̣ тад̇ваа д̇ад̇о жуд̇о д̇аавад̇им̣сз ниб̣б̣ад̇д̇ид̇ваа абараабарам̣ д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з взсаалияам̣ лижчавирааж̇агулз ниб̣б̣ад̇д̇ид̇ваа васабход̇и лад̣̇д̇ханаамо ваяаббад̇д̇о бхаг̇авад̇о взсаалиг̇аманз б̣уд̣̇д̇хаанубхаавам̣ д̣̇исваа бадилад̣̇д̇хасад̣̇д̇хо баб̣б̣аж̇ид̇ваа вибассанам̣ бадтабзд̇ваа нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.50.57-92) –
Pubbe hanati attānanti āyasmato vasabhattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto buddhasuññe loke brāhmaṇakule nibbattitvā vayappatto brāhmaṇānaṃ vijjāsippesu nipphattiṃ gantvā nekkhammajjhāsayatāya gharāvāsaṃ pahāya tāpasapabbajjaṃ pabbajitvā cuddasasahassatāpasaparivāro himavantassa avidūre samagge nāma pabbate assamaṃ kāretvā vasanto jhānābhiññāyo nibbattetvā tāpasānaṃ ovādānusāsaniyo dento ekadivasaṃ evaṃ cintesi – ‘‘ahaṃ kho dāni imehi tāpasehi sakkato garukato pūjito viharāmi, mayā pana pūjetabbo na upalabbhati, dukkho kho panāyaṃ loke yadidaṃ agaruvāso’’ti. Evaṃ pana cintetvā purimabuddhesu katādhikāratāya purimabuddhānaṃ cetiye attanā kataṃ pūjāsakkāraṃ anussaritvā ‘‘yaṃnūnāhaṃ purimabuddhe uddissa pulinacetiyaṃ katvā pūjaṃ kareyya’’nti haṭṭhatuṭṭho iddhiyā pulinathūpaṃ suvaṇṇamayaṃ māpetvā suvaṇṇamayādīhi tisahassamattehi pupphehi devasikaṃ pūjaṃ karonto yāvatāyukaṃ puññāni katvā aparihīnajjhāno kālaṃ katvā brahmaloke nibbatto. Tatthapi yāvatāyukaṃ ṭhatvā tato cuto tāvatiṃse nibbattitvā aparāparaṃ devamanussesu saṃsaranto imasmiṃ buddhuppāde vesāliyaṃ licchavirājakule nibbattitvā vasabhoti laddhanāmo vayappatto bhagavato vesāligamane buddhānubhāvaṃ disvā paṭiladdhasaddho pabbajitvā vipassanaṃ paṭṭhapetvā nacirasseva arahattaṃ pāpuṇi. Tena vuttaṃ apadāne (apa. thera 2.50.57-92) –
‘‘химаванд̇ассаавид̣̇уурз, самаг̇г̇о наама баб̣б̣ад̇о;
‘‘Himavantassāvidūre, samaggo nāma pabbato;
ассамо сугад̇о маяхам̣, бан̣н̣асаалаа сумаабид̇аа.
Assamo sukato mayhaṃ, paṇṇasālā sumāpitā.
‘‘наарад̣̇о наама наамзна, ж̇адило уг̇г̇ад̇аабано;
‘‘Nārado nāma nāmena, jaṭilo uggatāpano;
жад̇уд̣̇д̣̇асасахассаани, сиссаа барижаранд̇и мам̣.
Catuddasasahassāni, sissā paricaranti maṃ.
‘‘бадисаллийнаго санд̇о, звам̣ жинд̇зсахам̣ д̇ад̣̇аа;
‘‘Paṭisallīnako santo, evaṃ cintesahaṃ tadā;
саб̣б̣о ж̇ано мам̣ бууж̇зд̇и, наахам̣ бууж̇зми гин̃жанам̣.
Sabbo jano maṃ pūjeti, nāhaṃ pūjemi kiñcanaṃ.
‘‘на мз оваад̣̇аго ад̇т̇и, вад̇д̇аа гожи на виж̇ж̇ад̇и;
‘‘Na me ovādako atthi, vattā koci na vijjati;
анаажарияубаж̇жхааяо, ванз ваасам̣ убзмахам̣.
Anācariyupajjhāyo, vane vāsaṃ upemahaṃ.
‘‘убаасамаано яамахам̣, г̇аружид̇д̇ам̣ убадтахз;
‘‘Upāsamāno yamahaṃ, garucittaṃ upaṭṭhahe;
со мз аажарияо над̇т̇и, ванаваасо нирад̇т̇аго.
So me ācariyo natthi, vanavāso niratthako.
‘‘ааяааг̇ам̣ мз г̇авзсиссам̣, г̇арум̣ бхааванияам̣ д̇ат̇аа;
‘‘Āyāgaṃ me gavesissaṃ, garuṃ bhāvaniyaṃ tathā;
саавассаяо васиссаами, на гожи г̇арахиссад̇и.
Sāvassayo vasissāmi, na koci garahissati.
‘‘уд̇д̇аанагуулаа над̣̇игаа, субад̇ид̇т̇аа манорамаа;
‘‘Uttānakūlā nadikā, supatitthā manoramā;
сам̣суд̣̇д̇хабулинаагин̣н̣аа, авид̣̇уурз мамассамам̣.
Saṃsuddhapulinākiṇṇā, avidūre mamassamaṃ.
‘‘над̣̇им̣ амаригам̣ наама, убаг̇анд̇ваанахам̣ д̇ад̣̇аа;
‘‘Nadiṃ amarikaṃ nāma, upagantvānahaṃ tadā;
сам̣вад̣дхаяид̇ваа булинам̣, агам̣ булинажзд̇ияам̣.
Saṃvaḍḍhayitvā pulinaṃ, akaṃ pulinacetiyaṃ.
‘‘яз д̇з ахзсум̣ самб̣уд̣̇д̇хаа, бхаванд̇агаран̣аа муний;
‘‘Ye te ahesuṃ sambuddhā, bhavantakaraṇā munī;
д̇зсам̣ зд̇аад̣̇исо т̇уубо, д̇ам̣ нимид̇д̇ам̣ гаромахам̣.
Tesaṃ etādiso thūpo, taṃ nimittaṃ karomahaṃ.
‘‘гарид̇ваа булинам̣ т̇уубам̣, сован̣н̣ам̣ маабаяим̣ ахам̣;
‘‘Karitvā pulinaṃ thūpaṃ, sovaṇṇaṃ māpayiṃ ahaṃ;
сон̣н̣агин̇ган̣ибубпаани, сахассз д̇ийн̣и бууж̇аяим̣.
Soṇṇakiṅkaṇipupphāni, sahasse tīṇi pūjayiṃ.
‘‘сааяабаад̇ам̣ намассаами, взд̣̇аж̇аад̇о гад̇ан̃ж̇алий;
‘‘Sāyapātaṃ namassāmi, vedajāto katañjalī;
саммукаа вияа самб̣уд̣̇д̇хам̣, ванд̣̇им̣ булинажзд̇ияам̣.
Sammukhā viya sambuddhaṃ, vandiṃ pulinacetiyaṃ.
‘‘яад̣̇аа гилзсаа ж̇ааяанд̇и, вид̇аггаа г̇зханиссид̇аа;
‘‘Yadā kilesā jāyanti, vitakkā gehanissitā;
сараами сугад̇ам̣ т̇уубам̣, бажжавзгкаами д̇аавад̣̇з.
Sarāmi sukataṃ thūpaṃ, paccavekkhāmi tāvade.
‘‘убаниссааяа вихарам̣, сад̇т̇аваахам̣ винааяагам̣;
‘‘Upanissāya viharaṃ, satthavāhaṃ vināyakaṃ;
гилзсз сам̣васзяяааси, на яуд̇д̇ам̣ д̇ава маариса.
Kilese saṃvaseyyāsi, na yuttaṃ tava mārisa.
‘‘саха ааваж̇ж̇ид̇з т̇уубз, г̇ааравам̣ ход̇и мз д̇ад̣̇аа;
‘‘Saha āvajjite thūpe, gāravaṃ hoti me tadā;
гувид̇аггз винод̣̇зсим̣, нааг̇о д̇уд̇д̇аддид̇о яат̇аа.
Kuvitakke vinodesiṃ, nāgo tuttaṭṭito yathā.
‘‘звам̣ вихарамаанам̣ мам̣, мажжурааж̇аабхимад̣̇д̣̇ат̇а;
‘‘Evaṃ viharamānaṃ maṃ, maccurājābhimaddatha;
д̇ад̇т̇а гаалан̇гад̇о санд̇о, б̣рахмалогамаг̇ажчахам̣.
Tattha kālaṅkato santo, brahmalokamagacchahaṃ.
‘‘яаавад̇ааяум̣ васид̇ваана, д̇ид̣̇ивз убабаж̇ж̇ахам̣;
‘‘Yāvatāyuṃ vasitvāna, tidive upapajjahaṃ;
асийд̇игкад̇д̇ум̣ д̣̇звинд̣̇о, д̣̇звараж̇ж̇амагаараяим̣.
Asītikkhattuṃ devindo, devarajjamakārayiṃ.
‘‘сад̇аанам̣ д̇ийн̣игкад̇д̇ун̃жа, жаггавад̇д̇ий ахосахам̣;
‘‘Satānaṃ tīṇikkhattuñca, cakkavattī ahosahaṃ;
бад̣̇зсараж̇ж̇ам̣ вибулам̣, г̇ан̣анаад̇о асан̇кияам̣.
Padesarajjaṃ vipulaṃ, gaṇanāto asaṅkhiyaṃ.
‘‘сон̣н̣агин̇ган̣ибубпаанам̣, вибаагам̣ анубхомахам̣;
‘‘Soṇṇakiṅkaṇipupphānaṃ, vipākaṃ anubhomahaṃ;
д̇хаад̇ийсад̇асахассаани, бариваарзнд̇и мам̣ бхавз.
Dhātīsatasahassāni, parivārenti maṃ bhave.
‘‘т̇уубасса барижин̣н̣ад̇д̇аа, раж̇ож̇аллам̣ на лимбад̇и;
‘‘Thūpassa pariciṇṇattā, rajojallaṃ na limpati;
г̇ад̇д̇з сзд̣̇аа на мужжанд̇и, суббабхаасо бхаваамахам̣.
Gatte sedā na muccanti, suppabhāso bhavāmahaṃ.
‘‘ахо мз сугад̇о т̇уубо, суд̣̇идтаамаригаа над̣̇ий;
‘‘Aho me sukato thūpo, sudiṭṭhāmarikā nadī;
т̇уубам̣ гад̇ваана булинам̣, бад̇д̇омхи ажалам̣ бад̣̇ам̣.
Thūpaṃ katvāna pulinaṃ, pattomhi acalaṃ padaṃ.
‘‘гусалам̣ гад̇д̇угаамзна, ж̇анд̇унаа саараг̇аахинаа;
‘‘Kusalaṃ kattukāmena, jantunā sāragāhinā;
над̇т̇и кзд̇д̇ам̣ акзд̇д̇ам̣ ваа, бадибад̇д̇ийва саад̇хагаа.
Natthi khettaṃ akhettaṃ vā, paṭipattīva sādhakā.
‘‘яат̇ааби б̣алаваа босо, ан̣н̣авам̣д̇арид̇уссахз;
‘‘Yathāpi balavā poso, aṇṇavaṃtaritussahe;
барид̇д̇ам̣ гадтамаад̣̇ааяа, багканд̣̇зяяа махаасарам̣.
Parittaṃ kaṭṭhamādāya, pakkhandeyya mahāsaraṃ.
‘‘имаахам̣ гадтам̣ ниссааяа, д̇ариссаами маход̣̇ад̇хим̣;
‘‘Imāhaṃ kaṭṭhaṃ nissāya, tarissāmi mahodadhiṃ;
уссаахзна вийриязна, д̇арзяяа уд̣̇ад̇хим̣ наро.
Ussāhena vīriyena, tareyya udadhiṃ naro.
‘‘д̇ат̇зва мз гад̇ам̣ гаммам̣, барид̇д̇ам̣ т̇огаган̃жа яам̣;
‘‘Tatheva me kataṃ kammaṃ, parittaṃ thokakañca yaṃ;
д̇ам̣ гаммам̣ убаниссааяа, сам̣саарам̣ самад̇иггамим̣.
Taṃ kammaṃ upanissāya, saṃsāraṃ samatikkamiṃ.
‘‘бажчимз бхавз самбад̇д̇з, суггамуулзна жод̣̇ид̇о;
‘‘Pacchime bhave sampatte, sukkamūlena codito;
саавад̇т̇ияам̣ бурз ж̇аад̇о, махаасаалз суад̣дхагз.
Sāvatthiyaṃ pure jāto, mahāsāle suaḍḍhake.
‘‘сад̣̇д̇хаа маад̇аа бид̇аа маяхам̣, б̣уд̣̇д̇хасса саран̣ам̣ г̇ад̇аа;
‘‘Saddhā mātā pitā mayhaṃ, buddhassa saraṇaṃ gatā;
убхо д̣̇идтабад̣̇аа зд̇з, анувад̇д̇анд̇и саасанам̣.
Ubho diṭṭhapadā ete, anuvattanti sāsanaṃ.
‘‘б̣од̇хибабадигам̣ г̇аяха, сон̣н̣ат̇уубамагаараяум̣;
‘‘Bodhipapaṭikaṃ gayha, soṇṇathūpamakārayuṃ;
сааяабаад̇ам̣ намассанд̇и, сагяабуд̇д̇асса саммукаа.
Sāyapātaṃ namassanti, sakyaputtassa sammukhā.
‘‘убосат̇амхи д̣̇ивасз, сон̣н̣ат̇уубам̣ винийхарум̣;
‘‘Uposathamhi divase, soṇṇathūpaṃ vinīharuṃ;
б̣уд̣̇д̇хасса ван̣н̣ам̣ гид̇д̇знд̇аа, д̇ияаамам̣ вийд̇инаамаяум̣.
Buddhassa vaṇṇaṃ kittentā, tiyāmaṃ vītināmayuṃ.
‘‘саха д̣̇исваанахам̣ т̇уубам̣, сарим̣ булинажзд̇ияам̣;
‘‘Saha disvānahaṃ thūpaṃ, sariṃ pulinacetiyaṃ;
згаасанз нисийд̣̇ид̇ваа, арахад̇д̇амабаабун̣им̣.
Ekāsane nisīditvā, arahattamapāpuṇiṃ.
‘‘г̇авзсамаано д̇ам̣ вийрам̣, д̇хаммасзнаабад̇ид̣̇д̣̇асам̣;
‘‘Gavesamāno taṃ vīraṃ, dhammasenāpatiddasaṃ;
аг̇аараа нигкамид̇ваана, баб̣б̣аж̇им̣ д̇асса санд̇игз.
Agārā nikkhamitvāna, pabbajiṃ tassa santike.
‘‘ж̇аад̇ияаа сад̇д̇авассзна, арахад̇д̇амабаабун̣им̣;
‘‘Jātiyā sattavassena, arahattamapāpuṇiṃ;
убасамбаад̣̇аяий б̣уд̣̇д̇хо, г̇ун̣аман̃н̃ааяа жагкумаа.
Upasampādayī buddho, guṇamaññāya cakkhumā.
‘‘д̣̇аарагзнзва санд̇зна, гирияам̣ нидтид̇ам̣ маяаа;
‘‘Dārakeneva santena, kiriyaṃ niṭṭhitaṃ mayā;
гад̇ам̣ мз гаран̣ийяаж̇ж̇а, сагяабуд̇д̇асса саасанз.
Kataṃ me karaṇīyajja, sakyaputtassa sāsane.
‘‘саб̣б̣авзрабхаяаад̇ийд̇о, саб̣б̣асан̇г̇аад̇иг̇о иси;
‘‘Sabbaverabhayātīto, sabbasaṅgātigo isi;
сааваго д̇з махаавийра, сон̣н̣ат̇уубассид̣̇ам̣ палам̣.
Sāvako te mahāvīra, soṇṇathūpassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа д̣̇ааяагаануг̇г̇ахам̣ гаронд̇о д̇зхи убанийд̇з бажжаяз на бадигкибад̇и, яат̇аалад̣̇д̇хзязва барибхун̃ж̇ад̇и. д̇ам̣ бут̇уж̇ж̇анаа ‘‘аяам̣ гааяад̣̇ал̣хиб̣ахуло арагкид̇ажид̇д̇о’’д̇и ман̃н̃амаанаа аваман̃н̃анд̇и. т̇зро д̇ам̣ аг̇ан̣знд̇ова вихарад̇и. д̇асса бана авид̣̇уурз ан̃н̃ад̇аро гухагабхигку баабижчо самаано аббижчо вияа санд̇удто вияа ад̇д̇аанам̣ д̣̇ассзнд̇о логам̣ ван̃жзнд̇о вихарад̇и. махааж̇ано д̇ам̣ араханд̇ам̣ вияа самбхаавзд̇и. ат̇асса сагго д̣̇зваанаминд̣̇о д̇ам̣ бавад̇д̇им̣ н̃ад̇ваа т̇зрам̣ убасан̇гамид̇ваа, ‘‘бханд̇з, гим̣ наама гухаго гарод̇ий’’д̇и бужчи. т̇зро баабижчам̣ г̇араханд̇о –
Arahattaṃ pana patvā dāyakānuggahaṃ karonto tehi upanīte paccaye na paṭikkhipati, yathāladdheyeva paribhuñjati. Taṃ puthujjanā ‘‘ayaṃ kāyadaḷhibahulo arakkhitacitto’’ti maññamānā avamaññanti. Thero taṃ agaṇentova viharati. Tassa pana avidūre aññataro kuhakabhikkhu pāpiccho samāno appiccho viya santuṭṭho viya attānaṃ dassento lokaṃ vañcento viharati. Mahājano taṃ arahantaṃ viya sambhāveti. Athassa sakko devānamindo taṃ pavattiṃ ñatvā theraṃ upasaṅkamitvā, ‘‘bhante, kiṃ nāma kuhako karotī’’ti pucchi. Thero pāpicchaṃ garahanto –
139.
139.
‘‘буб̣б̣з ханад̇и ад̇д̇аанам̣, бажчаа ханад̇и со барз;
‘‘Pubbe hanati attānaṃ, pacchā hanati so pare;
сухад̇ам̣ ханд̇и ад̇д̇аанам̣, вийд̇ам̣сзнзва багкимаа.
Suhataṃ hanti attānaṃ, vītaṃseneva pakkhimā.
140.
140.
‘‘на б̣раахман̣о б̣ахиван̣н̣о, анд̇ован̣н̣о хи б̣раахман̣о;
‘‘Na brāhmaṇo bahivaṇṇo, antovaṇṇo hi brāhmaṇo;
яасмим̣ баабаани гаммаани, са вз ган̣хо суж̇амбад̇ий’’д̇и. – г̇аат̇аад̣̇ваяамааха;
Yasmiṃ pāpāni kammāni, sa ve kaṇho sujampatī’’ti. – gāthādvayamāha;
д̇ад̇т̇а буб̣б̣з ханад̇и ад̇д̇аананд̇и гухагабуг̇г̇ало ад̇д̇ано гухагавуд̇д̇ияаа логам̣ ван̃жзнд̇о баабижчад̇аад̣̇ийхи баабад̇хаммзхи батамамзва ад̇д̇аанам̣ ханад̇и, ад̇д̇ано гусалагодтаасам̣ винаасзд̇и. бажчаа ханад̇и со барзд̇и со гухаго батамам̣ д̇аава вуд̇д̇анаязна ад̇д̇аанам̣ ханд̇ваа бажчаа барз язхи ‘‘аяам̣ бхигку бзсало арияо’’д̇и ваа самбхаавзнд̇зхи гаараа гад̇аа, д̇з ханад̇и д̇зсам̣ гаараани ад̇д̇ани гад̇аани амахабпалаани гад̇ваа бажжаяавинаасанзна винаасзд̇и. сад̇иби гухагасса убхаяахананз ад̇д̇ахананз бана аяам̣ висзсод̇и д̣̇ассзнд̇о ааха сухад̇ам̣ ханд̇и ад̇д̇аананд̇и. со гухаго ад̇д̇аанам̣ хананд̇о сухад̇ам̣ гад̇ваа ханд̇и винаасзд̇и, яат̇аа гим̣? вийд̇ам̣сзнзва багкимаад̇и, вийд̇ам̣сод̇и д̣̇ийбагасагун̣о, д̇зна. багкимаад̇и саагун̣иго. яат̇аа д̇зна вийд̇ам̣сасагун̣зна ан̃н̃з сагун̣з ван̃жзд̇ваа хананд̇о ад̇д̇аанам̣ ид̇ха логзби ханад̇и вин̃н̃уг̇арахасааваж̇ж̇асабхааваад̣̇инаа, самбарааяам̣ бана д̣̇уг̇г̇ад̇ибариггилзсзна ханад̇иязва, на бана д̇з сагун̣з бажчаа ханд̇ум̣ саггод̇и, звам̣ гухагоби гохан̃н̃зна логам̣ ван̃жзд̇ваа ид̇ха логзби ад̇д̇аанам̣ ханад̇и виббадисааравин̃н̃уг̇арахаад̣̇ийхи, баралогзби д̣̇уг̇г̇ад̇ибариггилзсзхи, на бана д̇з бажжаяад̣̇ааяагз абааяад̣̇угкам̣ баабзд̇и. абижа гухаго д̣̇агкин̣ааяа амахабпалабхаавагаран̣знзва д̣̇ааяагам̣ ханад̇ийд̇и вуд̇д̇о, на нибпалабхаавагаран̣зна. вуд̇д̇ан̃хзд̇ам̣ бхаг̇авад̇аа – ‘‘д̣̇уссийласса мануссабхууд̇асса д̣̇аанам̣ д̣̇ад̇ваа сахассаг̇ун̣аа д̣̇агкин̣аа баадиган̇кид̇аб̣б̣аа’’д̇и (ма. ни. 3.379). д̇знааха ‘‘сухад̇ам̣ ханд̇и ад̇д̇аана’’нд̇и.
Tattha pubbe hanati attānanti kuhakapuggalo attano kuhakavuttiyā lokaṃ vañcento pāpicchatādīhi pāpadhammehi paṭhamameva attānaṃ hanati, attano kusalakoṭṭhāsaṃ vināseti. Pacchā hanati so pareti so kuhako paṭhamaṃ tāva vuttanayena attānaṃ hantvā pacchā pare yehi ‘‘ayaṃ bhikkhu pesalo ariyo’’ti vā sambhāventehi kārā katā, te hanati tesaṃ kārāni attani katāni amahapphalāni katvā paccayavināsanena vināseti. Satipi kuhakassa ubhayahanane attahanane pana ayaṃ visesoti dassento āha suhataṃ hanti attānanti. So kuhako attānaṃ hananto suhataṃ katvā hanti vināseti, yathā kiṃ? Vītaṃseneva pakkhimāti, vītaṃsoti dīpakasakuṇo, tena. Pakkhimāti sākuṇiko. Yathā tena vītaṃsasakuṇena aññe sakuṇe vañcetvā hananto attānaṃ idha lokepi hanati viññugarahasāvajjasabhāvādinā, samparāyaṃ pana duggatiparikkilesena hanatiyeva, na pana te sakuṇe pacchā hantuṃ sakkoti, evaṃ kuhakopi kohaññena lokaṃ vañcetvā idha lokepi attānaṃ hanati vippaṭisāraviññugarahādīhi, paralokepi duggatiparikkilesehi, na pana te paccayadāyake apāyadukkhaṃ pāpeti. Apica kuhako dakkhiṇāya amahapphalabhāvakaraṇeneva dāyakaṃ hanatīti vutto, na nipphalabhāvakaraṇena. Vuttañhetaṃ bhagavatā – ‘‘dussīlassa manussabhūtassa dānaṃ datvā sahassaguṇā dakkhiṇā pāṭikaṅkhitabbā’’ti (ma. ni. 3.379). Tenāha ‘‘suhataṃ hanti attāna’’nti.
звам̣ б̣аахирабаримаж̇ж̇анамад̇д̇з тид̇аа буг̇г̇алаа суд̣̇д̇хаа наама на хонд̇и, аб̣бханд̇арасуд̣̇д̇хияаа зва бана суд̣̇д̇хаа хонд̇ийд̇и д̣̇ассзнд̇о ‘‘на б̣раахман̣о’’д̇и д̣̇уд̇ияам̣ г̇аат̇амааха. д̇ассад̇т̇о – ирияаабат̇асан̣табанаад̣̇иб̣ахисамбад̇д̇имад̇д̇зна б̣раахман̣о на ход̇и. самбад̇д̇иад̇т̇о хи ид̇ха ван̣н̣а-сад̣̇д̣̇о. аб̣бханд̇арз бана сийлаад̣̇исамбад̇д̇ияаа б̣раахман̣о ход̇и, ‘‘б̣аахид̇абаабо б̣раахман̣о’’д̇и гад̇ваа. д̇асмаа ‘‘яасмим̣ баабаани лаамагаани гаммаани сам̣виж̇ж̇анд̇и, згам̣сзна со ган̣хо нихийнабуг̇г̇ало’’д̇и суж̇амбад̇и, д̣̇зваанаминд̣̇а, ж̇аанаахи. д̇ам̣ суд̇ваа сагго гухагабхигкум̣ д̇аж̇ж̇зд̇ваа ‘‘д̇хаммз вад̇д̇аахий’’д̇и овад̣̇ид̇ваа сагадтаанамзва г̇ад̇о.
Evaṃ bāhiraparimajjanamatte ṭhitā puggalā suddhā nāma na honti, abbhantarasuddhiyā eva pana suddhā hontīti dassento ‘‘na brāhmaṇo’’ti dutiyaṃ gāthamāha. Tassattho – iriyāpathasaṇṭhapanādibahisampattimattena brāhmaṇo na hoti. Sampattiattho hi idha vaṇṇa-saddo. Abbhantare pana sīlādisampattiyā brāhmaṇo hoti, ‘‘bāhitapāpo brāhmaṇo’’ti katvā. Tasmā ‘‘yasmiṃ pāpāni lāmakāni kammāni saṃvijjanti, ekaṃsena so kaṇho nihīnapuggalo’’ti sujampati, devānaminda, jānāhi. Taṃ sutvā sakko kuhakabhikkhuṃ tajjetvā ‘‘dhamme vattāhī’’ti ovaditvā sakaṭṭhānameva gato.
васабхад̇т̇зраг̇аат̇ааван̣н̣анаа нидтид̇аа.
Vasabhattheragāthāvaṇṇanā niṭṭhitā.
д̣̇уганибаад̇з батамаваг̇г̇аван̣н̣анаа нидтид̇аа.
Dukanipāte paṭhamavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 10. васабхад̇т̇зраг̇аат̇аа • 10. Vasabhattheragāthā
