| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
9. ваасздтасуд̇д̇аван̣н̣анаа
9. Vāseṭṭhasuttavaṇṇanā
звам̣ мз суд̇анд̇и ваасздтасуд̇д̇ам̣. гаа уббад̇д̇и? аяамзва яаасса нид̣̇аанз вуд̇д̇аа ад̇т̇аван̣н̣анам̣ банасса вуд̇д̇анаяаани уд̇д̇аанад̇т̇аани жа бад̣̇аани барихаранд̇аа гариссаама. ижчаанан̇г̇алод̇и г̇аамасса наамам̣. б̣раахман̣амахаасаалаанам̣ жан̇гий д̇ааругко д̇од̣̇зяяод̇и вохааранаамамзд̇ам̣. богкарасаад̇и ж̇аан̣уссон̣ийд̇и нзмид̇д̇игам̣. д̇зсу гира зго химаванд̇абассз богкаран̣ияаа бад̣̇умз ниб̣б̣ад̇д̇о, ан̃н̃ад̇аро д̇аабасо д̇ам̣ бад̣̇умам̣ г̇ахзд̇ваа д̇ад̇т̇а саяид̇ам̣ д̣̇аарагам̣ д̣̇исваа сам̣вад̣дхзд̇ваа ран̃н̃о д̣̇ассзси. богкарз саяид̇ад̇д̇аа ‘‘богкарасаад̇ий’’д̇и жасса наамамагааси. згасса таананд̇арз нзмид̇д̇игам̣. д̇зна гира ж̇аан̣уссон̣инаамагам̣ бурохид̇адтаанам̣ лад̣̇д̇хам̣, со д̇знзва бан̃н̃ааяи.
Evaṃme sutanti vāseṭṭhasuttaṃ. Kā uppatti? Ayameva yāssa nidāne vuttā atthavaṇṇanaṃ panassa vuttanayāni uttānatthāni ca padāni pariharantā karissāma. Icchānaṅgaloti gāmassa nāmaṃ. Brāhmaṇamahāsālānaṃ caṅkī tārukkho todeyyoti vohāranāmametaṃ. Pokkharasāti jāṇussoṇīti nemittikaṃ. Tesu kira eko himavantapasse pokkharaṇiyā padume nibbatto, aññataro tāpaso taṃ padumaṃ gahetvā tattha sayitaṃ dārakaṃ disvā saṃvaḍḍhetvā rañño dassesi. Pokkhare sayitattā ‘‘pokkharasātī’’ti cassa nāmamakāsi. Ekassa ṭhānantare nemittikaṃ. Tena kira jāṇussoṇināmakaṃ purohitaṭṭhānaṃ laddhaṃ, so teneva paññāyi.
д̇з саб̣б̣зби ан̃н̃з жа абхин̃н̃аад̇аа абхин̃н̃аад̇аа б̣раахман̣амахаасаалаа гасмаа ижчаанан̇г̇алз бадивасанд̇ийд̇и? взд̣̇асаж̇жхааяанабаривиймам̣санад̇т̇ам̣. д̇зна гира самаязна госалаж̇анабад̣̇з взд̣̇агаа б̣раахман̣аа взд̣̇аанам̣ саж̇жхааяагаран̣ад̇т̇ан̃жа ад̇т̇уубабаригкан̣ад̇т̇ан̃жа д̇асмим̣язва г̇аамз саннибад̇анд̇и. д̇зна д̇зби анд̇аранд̇араа ад̇д̇ано бхог̇аг̇аамад̇о ааг̇амма д̇ад̇т̇а бадивасанд̇и.
Te sabbepi aññe ca abhiññātā abhiññātā brāhmaṇamahāsālā kasmā icchānaṅgale paṭivasantīti? Vedasajjhāyanaparivīmaṃsanatthaṃ. Tena kira samayena kosalajanapade vedakā brāhmaṇā vedānaṃ sajjhāyakaraṇatthañca atthūpaparikkhaṇatthañca tasmiṃyeva gāme sannipatanti. Tena tepi antarantarā attano bhogagāmato āgamma tattha paṭivasanti.
ваасздтабхаарад̣̇вааж̇аананд̇и ваасздтасса жа бхаарад̣̇вааж̇асса жа. аяаманд̇араагат̇аад̇и яам̣ ад̇д̇ано сахааяагабхааваануруубам̣ гат̇ам̣ гат̇знд̇аа анувижарим̣су, д̇ассаа гат̇ааяа анд̇араа взмаж̇жхзязва аяам̣ ан̃н̃аа гат̇аа уд̣̇абаад̣̇ийд̇и вуд̇д̇ам̣ ход̇и. сам̣суд̣̇д̇хаг̇ахан̣игод̇и сам̣суд̣̇д̇хагужчиго, сам̣суд̣̇д̇хааяа б̣раахман̣ияаа зва гужчисмим̣ ниб̣б̣ад̇д̇од̇и ад̇хиббааяо. ‘‘самавзбаагинияаа г̇ахан̣ияаа’’д̇иаад̣̇ийсу хи уд̣̇араг̇г̇и ‘‘г̇ахан̣ий’’д̇и вужжад̇и. ид̇ха бана маад̇угужчи. яаава сад̇д̇амаад̇и маад̇у маад̇аа, бид̇у бид̇аад̇и звам̣ бадиломзна яаава сад̇д̇а ж̇аад̇ияо. зд̇т̇а жа бид̇аамахо жа бид̇аамахий жа бид̇аамахаа, д̇ат̇аа маад̇аамахо жа маад̇аамахий жа маад̇аамахаа, бид̇аамахаа жа маад̇аамахаа жа бид̇аамахааязва. бид̇аамахаанам̣ яуг̇ам̣ бид̇аамахаяуг̇ам̣. яуг̇анд̇и ааяуббамаан̣ам̣. абхилаабамад̇д̇амзва жзд̇ам̣, ад̇т̇ад̇о бана бид̇аамахааязва бид̇аамахаяуг̇ам̣. агкид̇д̇од̇и ж̇аад̇им̣ аараб̣бха ‘‘гим̣ со’’д̇и гзнажи анаван̃н̃аад̇о . анубаггудтод̇и ж̇аад̇исанд̣̇осаваад̣̇зна анубаггудтабуб̣б̣о. вад̇асамбаннод̇и аажаарасамбанно. сан̃н̃аабзд̇унд̇и н̃аабзд̇ум̣ б̣од̇хзд̇ум̣, ниранд̇арам̣ гаад̇унд̇и вуд̇д̇ам̣ ход̇и. ааяаамаад̇и г̇ажчаама.
Vāseṭṭhabhāradvājānanti vāseṭṭhassa ca bhāradvājassa ca. Ayamantarākathāti yaṃ attano sahāyakabhāvānurūpaṃ kathaṃ kathentā anuvicariṃsu, tassā kathāya antarā vemajjheyeva ayaṃ aññā kathā udapādīti vuttaṃ hoti. Saṃsuddhagahaṇikoti saṃsuddhakucchiko, saṃsuddhāya brāhmaṇiyā eva kucchismiṃ nibbattoti adhippāyo. ‘‘Samavepākiniyā gahaṇiyā’’tiādīsu hi udaraggi ‘‘gahaṇī’’ti vuccati. Idha pana mātukucchi. Yāva sattamāti mātu mātā, pitu pitāti evaṃ paṭilomena yāva satta jātiyo. Ettha ca pitāmaho ca pitāmahī ca pitāmahā, tathā mātāmaho ca mātāmahī ca mātāmahā, pitāmahā ca mātāmahā ca pitāmahāyeva. Pitāmahānaṃ yugaṃ pitāmahayugaṃ. Yuganti āyuppamāṇaṃ. Abhilāpamattameva cetaṃ, atthato pana pitāmahāyeva pitāmahayugaṃ. Akkhittoti jātiṃ ārabbha ‘‘kiṃ so’’ti kenaci anavaññāto . Anupakkuṭṭhoti jātisandosavādena anupakkuṭṭhapubbo. Vatasampannoti ācārasampanno. Saññāpetunti ñāpetuṃ bodhetuṃ, nirantaraṃ kātunti vuttaṃ hoti. Āyāmāti gacchāma.
600. анун̃н̃аад̇абадин̃н̃аад̇аад̇и ‘‘д̇звиж̇ж̇аа д̇умхз’’д̇и звам̣ маяам̣ аажариязхи жа анун̃н̃аад̇аа ад̇д̇анаа жа бадиж̇аанимхаад̇и ад̇т̇о. асмаад̇и бхаваама. убход̇и д̣̇взби ж̇анаа. ахам̣ богкарасаад̇исса, д̇ааругкассааяам̣ маан̣авод̇и ахам̣ богкарасаад̇исса ж̇здтанд̇зваасий аг̇г̇асиссо, аяам̣ д̇ааругкассаад̇и ад̇хиббааязна бхан̣ад̇и аажарияасамбад̇д̇им̣ ад̇д̇ано самбад̇д̇ин̃жа д̣̇ийбзнд̇о.
600.Anuññātapaṭiññātāti ‘‘tevijjā tumhe’’ti evaṃ mayaṃ ācariyehi ca anuññātā attanā ca paṭijānimhāti attho. Asmāti bhavāma. Ubhoti dvepi janā. Ahaṃ pokkharasātissa, tārukkhassāyaṃ māṇavoti ahaṃ pokkharasātissa jeṭṭhantevāsī aggasisso, ayaṃ tārukkhassāti adhippāyena bhaṇati ācariyasampattiṃ attano sampattiñca dīpento.
601. д̇звиж̇ж̇аананд̇и д̇ивзд̣̇аанам̣. гзвалинод̇и нидтан̇г̇ад̇аа. асмасзд̇и амха бхаваама. ид̣̇аани д̇ам̣ гзвалибхаавам̣ вид̇т̇аарзнд̇о ааха – ‘‘бад̣̇агасмаа…бз… саад̣̇исаа’’д̇и. д̇ад̇т̇а ж̇аббзд̇и взд̣̇з. гаммунаад̇и д̣̇асавид̇хзна гусалагаммабат̇агаммунаа. аяан̃хи буб̣б̣з сад̇д̇авид̇хам̣ гааяаважийгаммам̣ санд̇хааяа ‘‘яад̇о ко бхо сийлаваа ход̇ий’’д̇и ааха. д̇ивид̇хам̣ маногаммам̣ санд̇хааяа ‘‘вад̇асамбанно’’д̇и ааха. д̇зна саманнааг̇ад̇о хи аажаарасамбанно ход̇и.
601.Tevijjānanti tivedānaṃ. Kevalinoti niṭṭhaṅgatā. Asmaseti amha bhavāma. Idāni taṃ kevalibhāvaṃ vitthārento āha – ‘‘padakasmā…pe… sādisā’’ti. Tattha jappeti vede. Kammunāti dasavidhena kusalakammapathakammunā. Ayañhi pubbe sattavidhaṃ kāyavacīkammaṃ sandhāya ‘‘yato kho bho sīlavā hotī’’ti āha. Tividhaṃ manokammaṃ sandhāya ‘‘vatasampanno’’ti āha. Tena samannāgato hi ācārasampanno hoti.
602-5. ид̣̇аани д̇ам̣ важананд̇арзна д̣̇ассзнд̇о ааха – ‘‘ахан̃жа гаммунаа б̣руумий’’д̇и. каяаад̇ийд̇анд̇и уунабхаавам̣ ад̇ийд̇ам̣, барибун̣н̣анд̇и ад̇т̇о. бзжжаад̇и убаг̇анд̇ваа. намассанд̇ийд̇и намо гаронд̇и. жагкум̣ логз самуббаннанд̇и авиж̇ж̇анд̇хагаарз логз, д̇ам̣ анд̇хагаарам̣ вид̇хамид̇ваа логасса д̣̇идтад̇хаммигаад̣̇иад̇т̇асанд̣̇ассанзна жагку худ̇ваа самуббаннам̣.
602-5. Idāni taṃ vacanantarena dassento āha – ‘‘ahañca kammunā brūmī’’ti. Khayātītanti ūnabhāvaṃ atītaṃ, paripuṇṇanti attho. Peccāti upagantvā. Namassantīti namo karonti. Cakkhuṃ loke samuppannanti avijjandhakāre loke, taṃ andhakāraṃ vidhamitvā lokassa diṭṭhadhammikādiatthasandassanena cakkhu hutvā samuppannaṃ.
606. звам̣ абхид̇т̇авид̇ваа ваасздтзна яаажид̇о бхаг̇аваа д̣̇взби ж̇анз сан̇г̇ан̣ханд̇о ааха – ‘‘д̇зсам̣ во ахам̣ б̣яагкисса’’нд̇иаад̣̇и. д̇ад̇т̇а б̣яагкиссанд̇и б̣яаагариссаами. анубуб̣б̣анд̇и д̇идтад̇у д̇аава б̣раахман̣ажинд̇аа, гийдабадан̇г̇ад̇ин̣аругкад̇о бабхуд̇и во анубуб̣б̣ам̣ б̣яагкиссанд̇и звамзд̇т̇а ад̇хиббааяо взд̣̇ид̇аб̣б̣о, звам̣ вид̇т̇аарагат̇ааяа винзд̇аб̣б̣аа хи д̇з маан̣авагаа. ж̇аад̇ивибхан̇г̇анд̇и ж̇аад̇ивид̇т̇аарам̣. ан̃н̃аман̃н̃аа хи ж̇аад̇ияод̇и д̇зсам̣ д̇зсан̃хи баан̣аанам̣ ж̇аад̇ияо ан̃н̃аа ан̃н̃аа наанаббагаараад̇и ад̇т̇о.
606. Evaṃ abhitthavitvā vāseṭṭhena yācito bhagavā dvepi jane saṅgaṇhanto āha – ‘‘tesaṃ vo ahaṃ byakkhissa’’ntiādi. Tattha byakkhissanti byākarissāmi. Anupubbanti tiṭṭhatu tāva brāhmaṇacintā, kīṭapaṭaṅgatiṇarukkhato pabhuti vo anupubbaṃ byakkhissanti evamettha adhippāyo veditabbo, evaṃ vitthārakathāya vinetabbā hi te māṇavakā. Jātivibhaṅganti jātivitthāraṃ. Aññamaññā hi jātiyoti tesaṃ tesañhi pāṇānaṃ jātiyo aññā aññā nānappakārāti attho.
607. д̇ад̇о баан̣аанам̣ ж̇аад̇ивибхан̇г̇з гат̇зд̇аб̣б̣з ‘‘д̇ин̣аругкзби ж̇аанаат̇аа’’д̇и анубаад̣̇иннагаанам̣ д̇аава гат̇зд̇ум̣ аарад̣̇д̇хо. д̇ам̣ гимад̇т̇амид̇и жз? убаад̣̇иннзсу сукан̃аабанад̇т̇ам̣. анубаад̣̇иннзсу хи ж̇аад̇ибхзд̣̇з г̇ахид̇з убаад̣̇иннзсу со баагадад̇аро ход̇и. д̇ад̇т̇а д̇ин̣аани наама анд̇опзг̇г̇ууни б̣ахисаараани. д̇асмаа д̇ааланаал̣игзраад̣̇аяоби д̇ин̣асан̇г̇ахам̣ г̇ажчанд̇и. ругкаа наама б̣ахипзг̇г̇уу анд̇осаараа. д̇ин̣аани жа ругкаа жа д̇ин̣аругкаа. д̇з убаяог̇аб̣ахуважанзна д̣̇ассзнд̇о ааха – ‘‘д̇ин̣аругкзби ж̇аанаат̇аа’’д̇и. на жааби бадиж̇аанарзд̇и ‘‘маяам̣ д̇ин̣аа, маяам̣ ругкаа’’д̇и звамби на бадиж̇аананд̇и. лин̇г̇ам̣ ж̇аад̇имаяанд̇и абадиж̇аананд̇аанамби жа д̇зсам̣ ж̇аад̇имаяамзва сан̣таанам̣ ад̇д̇ано муулабхууд̇ад̇ин̣аад̣̇исад̣̇исамзва ход̇и. гим̣ гааран̣ам̣? ан̃н̃аман̃н̃аа хи ж̇аад̇ияо, яасмаа ан̃н̃аа д̇ин̣аж̇аад̇и, ан̃н̃аа ругкаж̇аад̇и; д̇ин̣зсуби ан̃н̃аа д̇аалаж̇аад̇и, ан̃н̃аа наал̣игзраж̇аад̇ийд̇и звам̣ вид̇т̇аарзд̇аб̣б̣ам̣.
607. Tato pāṇānaṃ jātivibhaṅge kathetabbe ‘‘tiṇarukkhepi jānāthā’’ti anupādinnakānaṃ tāva kathetuṃ āraddho. Taṃ kimatthamiti ce? Upādinnesu sukhañāpanatthaṃ. Anupādinnesu hi jātibhede gahite upādinnesu so pākaṭataro hoti. Tattha tiṇāni nāma antopheggūni bahisārāni. Tasmā tālanāḷikerādayopi tiṇasaṅgahaṃ gacchanti. Rukkhā nāma bahipheggū antosārā. Tiṇāni ca rukkhā ca tiṇarukkhā. Te upayogabahuvacanena dassento āha – ‘‘tiṇarukkhepi jānāthā’’ti. Na cāpi paṭijānareti ‘‘mayaṃ tiṇā, mayaṃ rukkhā’’ti evampi na paṭijānanti. Liṅgaṃ jātimayanti apaṭijānantānampi ca tesaṃ jātimayameva saṇṭhānaṃ attano mūlabhūtatiṇādisadisameva hoti. Kiṃ kāraṇaṃ? Aññamaññā hi jātiyo, yasmā aññā tiṇajāti, aññā rukkhajāti; tiṇesupi aññā tālajāti, aññā nāḷikerajātīti evaṃ vitthāretabbaṃ.
д̇зна гим̣ д̣̇ийбзд̇и? яам̣ ж̇аад̇ивасзна наанаа ход̇и, д̇ам̣ ад̇д̇ано бадин̃н̃ам̣ барзсам̣ ваа убад̣̇зсам̣ винааби ан̃н̃аж̇аад̇ид̇о висзсзна г̇аяхад̇и. яад̣̇и жа ж̇аад̇ияаа б̣раахман̣о бхавзяяа, соби ад̇д̇ано бадин̃н̃ам̣ барзсам̣ ваа убад̣̇зсам̣ винаа кад̇д̇ияад̇о взссасуд̣̇д̣̇ад̇о ваа висзсзна г̇аяхзяяа, на жа г̇аяхад̇и, д̇асмаа на ж̇аад̇ияаа б̣раахман̣од̇и. барад̇о бана ‘‘яат̇аа зд̇аасу ж̇аад̇ийсуу’’д̇и имааяа г̇аат̇ааяа зд̇амад̇т̇ам̣ важийбхзд̣̇знзва аавигариссад̇и.
Tena kiṃ dīpeti? Yaṃ jātivasena nānā hoti, taṃ attano paṭiññaṃ paresaṃ vā upadesaṃ vināpi aññajātito visesena gayhati. Yadi ca jātiyā brāhmaṇo bhaveyya, sopi attano paṭiññaṃ paresaṃ vā upadesaṃ vinā khattiyato vessasuddato vā visesena gayheyya, na ca gayhati, tasmā na jātiyā brāhmaṇoti. Parato pana ‘‘yathā etāsu jātīsū’’ti imāya gāthāya etamatthaṃ vacībhedeneva āvikarissati.
608. звам̣ анубаад̣̇иннзсу ж̇аад̇ибхзд̣̇ам̣ д̣̇ассзд̇ваа убаад̣̇иннзсу д̇ам̣ д̣̇ассзнд̇о ‘‘д̇ад̇о гийдз’’д̇и звамаад̣̇имааха. д̇ад̇т̇а гийдаад̇и гимаяо. бадан̇г̇аад̇и бадан̇г̇ааязва. яаава гунт̇агибиллигзд̇и гунт̇агибиллигам̣ барияанд̇ам̣ гад̇ваад̇и ад̇т̇о.
608. Evaṃ anupādinnesu jātibhedaṃ dassetvā upādinnesu taṃ dassento ‘‘tato kīṭe’’ti evamādimāha. Tattha kīṭāti kimayo. Paṭaṅgāti paṭaṅgāyeva. Yāva kunthakipilliketi kunthakipillikaṃ pariyantaṃ katvāti attho.
609. куд̣̇д̣̇агзд̇и гаал̣агаган̣д̣агаад̣̇аяо. махаллагзд̇и сасаб̣ил̣аараад̣̇аяо. саб̣б̣з хи д̇з анзгаван̣н̣аа.
609.Khuddaketi kāḷakakaṇḍakādayo. Mahallaketi sasabiḷārādayo. Sabbe hi te anekavaṇṇā.
610. баад̣̇ууд̣̇арзд̇и уд̣̇арабаад̣̇з, уд̣̇арам̣язва язсам̣ баад̣̇аад̇и вуд̇д̇ам̣ ход̇и. д̣̇ийгхабидтигзд̇и саббаанан̃хи сийсад̇о яаава нан̇г̇удтаа бидти зва ход̇и, д̇зна д̇з ‘‘д̣̇ийгхабидтигаа’’д̇и вужжанд̇и. д̇зби анзгаббагаараа аасийвисаад̣̇ибхзд̣̇зна.
610.Pādūdareti udarapāde, udaraṃyeva yesaṃ pādāti vuttaṃ hoti. Dīghapiṭṭhiketi sappānañhi sīsato yāva naṅguṭṭhā piṭṭhi eva hoti, tena te ‘‘dīghapiṭṭhikā’’ti vuccanti. Tepi anekappakārā āsīvisādibhedena.
611. од̣̇агзд̇и уд̣̇агамхи ж̇аад̇з. мажчааби анзгаббагаараа рохид̇амажчаад̣̇ибхзд̣̇зна.
611.Odaketi udakamhi jāte. Macchāpi anekappakārā rohitamacchādibhedena.
612. багкийд̇и сагун̣з. д̇з хи багкаанам̣ ад̇т̇ид̇ааяа ‘‘багкий’’д̇и вужжанд̇и. бад̇д̇зхи яанд̇ийд̇и бад̇д̇аяаанаа. взхаасз г̇ажчанд̇ийд̇и вихан̇г̇амаа. д̇зби анзгаббагаараа гаагаад̣̇ибхзд̣̇зна.
612.Pakkhīti sakuṇe. Te hi pakkhānaṃ atthitāya ‘‘pakkhī’’ti vuccanti. Pattehi yantīti pattayānā. Vehāse gacchantīti vihaṅgamā. Tepi anekappakārā kākādibhedena.
613. звам̣ т̇алаж̇алаагаасаг̇ожараанам̣ баан̣аанам̣ ж̇аад̇ибхзд̣̇ам̣ д̣̇ассзд̇ваа ид̣̇аани язнаад̇хиббааязна д̇ам̣ д̣̇ассзси, д̇ам̣ аавигаронд̇о ‘‘яат̇аа зд̇аасуу’’д̇и г̇аат̇амааха. д̇ассад̇т̇о сан̇кзбад̇о буб̣б̣з вуд̇д̇аад̇хиббааяаван̣н̣анаавасзнзва взд̣̇ид̇аб̣б̣о.
613. Evaṃ thalajalākāsagocarānaṃ pāṇānaṃ jātibhedaṃ dassetvā idāni yenādhippāyena taṃ dassesi, taṃ āvikaronto ‘‘yathā etāsū’’ti gāthamāha. Tassattho saṅkhepato pubbe vuttādhippāyavaṇṇanāvaseneva veditabbo.
614-6. вид̇т̇аарад̇о банзд̇т̇а яам̣ вад̇д̇аб̣б̣ам̣, д̇ам̣ саяамзва д̣̇ассзнд̇о ‘‘на гзсзхий’’д̇иаад̣̇имааха. д̇ад̇рааяам̣ яож̇анаа – яам̣ вуд̇д̇ам̣ ‘‘над̇т̇и мануссзсу лин̇г̇ам̣ ж̇аад̇имаяам̣ бут̇уу’’д̇и, д̇ам̣ звам̣ над̇т̇ийд̇и взд̣̇ид̇аб̣б̣ам̣. сзяяат̇ид̣̇ам̣, на гзсзхийд̇и. на хи ‘‘б̣раахман̣аанам̣ ийд̣̇исаа гзсаа хонд̇и, кад̇д̇ияаанам̣ ийд̣̇исаа’’д̇и нияамо ад̇т̇и яат̇аа хад̇т̇иассамиг̇аад̣̇ийнанд̇и иминаа наязна саб̣б̣ам̣ яож̇зд̇аб̣б̣ам̣. лин̇г̇ам̣ ж̇аад̇имаяам̣ нзва, яат̇аа ан̃н̃аасу ж̇аад̇исууд̇и ид̣̇ам̣ бана вуд̇д̇ассзвад̇т̇асса ниг̇амананд̇и взд̣̇ид̇аб̣б̣ам̣. д̇асса яож̇анаа – д̇ад̣̇зва яасмаа имзхи гзсаад̣̇ийхи над̇т̇и мануссзсу лин̇г̇ам̣ ж̇аад̇имаяам̣ бут̇у, д̇асмаа взд̣̇ид̇аб̣б̣амзд̇ам̣ ‘‘б̣раахман̣аад̣̇ибхзд̣̇зсу мануссзсу лин̇г̇ам̣ ж̇аад̇имаяам̣ нзва яат̇аа ан̃н̃аасу ж̇аад̇ийсуу’’д̇и.
614-6. Vitthārato panettha yaṃ vattabbaṃ, taṃ sayameva dassento ‘‘na kesehī’’tiādimāha. Tatrāyaṃ yojanā – yaṃ vuttaṃ ‘‘natthi manussesu liṅgaṃ jātimayaṃ puthū’’ti, taṃ evaṃ natthīti veditabbaṃ. Seyyathidaṃ, na kesehīti. Na hi ‘‘brāhmaṇānaṃ īdisā kesā honti, khattiyānaṃ īdisā’’ti niyamo atthi yathā hatthiassamigādīnanti iminā nayena sabbaṃ yojetabbaṃ. Liṅgaṃ jātimayaṃ neva, yathā aññāsu jātisūti idaṃ pana vuttassevatthassa nigamananti veditabbaṃ. Tassa yojanā – tadeva yasmā imehi kesādīhi natthi manussesu liṅgaṃ jātimayaṃ puthu, tasmā veditabbametaṃ ‘‘brāhmaṇādibhedesu manussesu liṅgaṃ jātimayaṃ neva yathā aññāsu jātīsū’’ti.
617. ид̣̇аани звам̣ ж̇аад̇ибхзд̣̇з асанд̇зби б̣раахман̣о кад̇д̇ияод̇и ид̣̇ам̣ наанад̇д̇ам̣ яат̇аа ж̇аад̇ам̣, д̇ам̣ д̣̇ассзд̇ум̣ ‘‘бажжад̇д̇а’’нд̇и г̇аат̇амааха. д̇ассад̇т̇о – зд̇ам̣ д̇иражчаанаанам̣ вияа яонисид̣̇д̇хамзва гзсаад̣̇исан̣таанаанад̇д̇ам̣ мануссзсу б̣раахман̣аад̣̇ийнам̣ ад̇д̇ано ад̇д̇ано сарийрзсу на виж̇ж̇ад̇и. авиж̇ж̇амаанзби бана зд̇асмим̣ яад̣̇зд̇ам̣ б̣раахман̣о кад̇д̇ияод̇и наанад̇д̇авид̇хаанабарияааяам̣ вогаарам̣, д̇ам̣ вогааран̃жа мануссзсу саман̃н̃ааяа бавужжад̇и, вохаарамад̇д̇зна вужжад̇ийд̇и.
617. Idāni evaṃ jātibhede asantepi brāhmaṇo khattiyoti idaṃ nānattaṃ yathā jātaṃ, taṃ dassetuṃ ‘‘paccatta’’nti gāthamāha. Tassattho – etaṃ tiracchānānaṃ viya yonisiddhameva kesādisaṇṭhānānattaṃ manussesu brāhmaṇādīnaṃ attano attano sarīresu na vijjati. Avijjamānepi pana etasmiṃ yadetaṃ brāhmaṇo khattiyoti nānattavidhānapariyāyaṃ vokāraṃ, taṃ vokārañca manussesu samaññāya pavuccati, vohāramattena vuccatīti.
619-625. зд̇д̇аавад̇аа бхаг̇аваа бхаарад̣̇вааж̇асса ваад̣̇ам̣ ниг̇г̇ахзд̇ваа ид̣̇аани яад̣̇и ж̇аад̇ияаа б̣раахман̣о бхавзяяа, ааж̇ийвасийлаажааравибанноби б̣раахман̣о бхавзяяа. яасмаа бана бораан̣аа б̣раахман̣аа д̇асса б̣раахман̣абхаавам̣ на ижчанд̇и логз жа ан̃н̃зби бан̣д̣ид̇амануссаа, д̇асмаа ваасздтасса ваад̣̇абаг̇г̇ахан̣ад̇т̇ам̣ д̇ам̣ д̣̇ассзнд̇о ‘‘яо хи гожи мануссзсуу’’д̇иаад̣̇игаа адта г̇аат̇ааяо ааха. д̇ад̇т̇а г̇орагканд̇и кзд̇д̇арагкам̣, гасигамманд̇и вуд̇д̇ам̣ ход̇и. бат̇авий хи ‘‘г̇о’’д̇и вужжад̇и, д̇аббабхзд̣̇о жа кзд̇д̇ам̣. бут̇усиббзнаад̇и д̇анд̇авааяагаммаад̣̇инаанаасиббзна. вохааранд̇и ван̣иж̇ж̇ам̣. барабзссзнаад̇и барзсам̣ взяяааважжзна. иссад̇т̇анд̇и аавуд̇хаж̇ийвигам̣, усун̃жа сад̇д̇ин̃жаад̇и вуд̇д̇ам̣ ход̇и. борохижжзнаад̇и бурохид̇агаммзна.
619-625. Ettāvatā bhagavā bhāradvājassa vādaṃ niggahetvā idāni yadi jātiyā brāhmaṇo bhaveyya, ājīvasīlācāravipannopi brāhmaṇo bhaveyya. Yasmā pana porāṇā brāhmaṇā tassa brāhmaṇabhāvaṃ na icchanti loke ca aññepi paṇḍitamanussā, tasmā vāseṭṭhassa vādapaggahaṇatthaṃ taṃ dassento ‘‘yo hi koci manussesū’’tiādikā aṭṭha gāthāyo āha. Tattha gorakkhanti khettarakkhaṃ, kasikammanti vuttaṃ hoti. Pathavī hi ‘‘go’’ti vuccati, tappabhedo ca khettaṃ. Puthusippenāti tantavāyakammādinānāsippena. Vohāranti vaṇijjaṃ. Parapessenāti paresaṃ veyyāvaccena. Issatthanti āvudhajīvikaṃ, usuñca sattiñcāti vuttaṃ hoti. Porohiccenāti purohitakammena.
626. звам̣ б̣раахман̣асамаязна жа логавохаарзна жа ааж̇ийвасийлаажааравибаннасса аб̣раахман̣абхаавам̣ саад̇хзд̇ваа звам̣ санд̇з на ж̇аад̇ияаа б̣раахман̣о, г̇ун̣зхи бана б̣раахман̣о ход̇и. д̇асмаа яад̇т̇а яад̇т̇а гулз ж̇аад̇о яо г̇ун̣аваа, со б̣раахман̣о, аяамзд̇т̇а н̃ааяод̇и звамзд̇ам̣ н̃ааяам̣ ад̇т̇ад̇о аабаад̣̇зд̇ваа буна д̇ад̣̇зва н̃ааяам̣ важийбхзд̣̇зна багаасзнд̇о ааха ‘‘на жаахам̣ б̣раахман̣ам̣ б̣руумий’’д̇и.
626. Evaṃ brāhmaṇasamayena ca lokavohārena ca ājīvasīlācāravipannassa abrāhmaṇabhāvaṃ sādhetvā evaṃ sante na jātiyā brāhmaṇo, guṇehi pana brāhmaṇo hoti. Tasmā yattha yattha kule jāto yo guṇavā, so brāhmaṇo, ayamettha ñāyoti evametaṃ ñāyaṃ atthato āpādetvā puna tadeva ñāyaṃ vacībhedena pakāsento āha ‘‘na cāhaṃ brāhmaṇaṃ brūmī’’ti.
д̇ассад̇т̇о – ахам̣ бана явааяам̣ жад̇уусу яонийсу яад̇т̇а гад̇т̇ажи ж̇аад̇о, д̇ад̇рааби ваа висзсзна яо б̣раахман̣асаман̃н̃ид̇ааяа маад̇ари самбхууд̇о, д̇ам̣ яониж̇ам̣ мад̇д̇исамбхавам̣ яаа жааяам̣ ‘‘убхад̇о суж̇аад̇о’’д̇иаад̣̇инаа (д̣̇ий. ни. 1.303; ма. ни. 2.424) наязна б̣раахман̣зхи б̣раахман̣асса барисуд̣̇д̇хауббад̇д̇имаг̇г̇асан̇каад̇аа яони гат̇ийяад̇и, ‘‘сам̣суд̣̇д̇хаг̇ахан̣иго’’д̇и иминаа жа маад̇усамбад̇д̇и, д̇ад̇оби ж̇аад̇асамбхууд̇ад̇д̇аа ‘‘яониж̇о мад̇д̇исамбхаво’’д̇и жа вужжад̇и, д̇амби яониж̇ам̣ мад̇д̇исамбхавам̣ иминаа жа яониж̇амад̇д̇исамбхавамад̇д̇зна б̣раахман̣ам̣ на б̣рууми . гасмаа? яасмаа ‘‘бхо бхо’’д̇и важанамад̇д̇зна ан̃н̃зхи сагин̃жанзхи висидтад̇д̇аа бховаад̣̇ий наама со ход̇и, сажз ход̇и сагин̃жано. яо банааяам̣ яад̇т̇а гад̇т̇ажи гулз ж̇аад̇оби рааг̇аад̣̇игин̃жанаабхаавзна агин̃жано, саб̣б̣аг̇ахан̣абадиниссаг̇г̇зна жа анаад̣̇аано, агин̃жанам̣ анаад̣̇аанам̣ д̇амахам̣ б̣рууми б̣раахман̣ам̣. гасмаа? яасмаа б̣аахид̇абаабод̇и.
Tassattho – ahaṃ pana yvāyaṃ catūsu yonīsu yattha katthaci jāto, tatrāpi vā visesena yo brāhmaṇasamaññitāya mātari sambhūto, taṃ yonijaṃ mattisambhavaṃ yā cāyaṃ ‘‘ubhato sujāto’’tiādinā (dī. ni. 1.303; ma. ni. 2.424) nayena brāhmaṇehi brāhmaṇassa parisuddhauppattimaggasaṅkhātā yoni kathīyati, ‘‘saṃsuddhagahaṇiko’’ti iminā ca mātusampatti, tatopi jātasambhūtattā ‘‘yonijo mattisambhavo’’ti ca vuccati, tampi yonijaṃ mattisambhavaṃ iminā ca yonijamattisambhavamattena brāhmaṇaṃ na brūmi. Kasmā? Yasmā ‘‘bho bho’’ti vacanamattena aññehi sakiñcanehi visiṭṭhattā bhovādī nāma so hoti, sace hoti sakiñcano. Yo panāyaṃ yattha katthaci kule jātopi rāgādikiñcanābhāvena akiñcano, sabbagahaṇapaṭinissaggena ca anādāno, akiñcanaṃ anādānaṃ tamahaṃ brūmi brāhmaṇaṃ. Kasmā? Yasmā bāhitapāpoti.
627. гин̃жа бхияяо – ‘‘саб̣б̣асам̣яож̇анам̣ чзд̇ваа’’д̇иаад̣̇игаа сад̇д̇авийсад̇и г̇аат̇аа. д̇ад̇т̇а саб̣б̣асам̣яож̇ананд̇и д̣̇асавид̇хам̣ сам̣яож̇анам̣. на барид̇ассад̇ийд̇и д̇ан̣хааяа на д̇ассад̇и. д̇амаханд̇и д̇ам̣ ахам̣ рааг̇аад̣̇ийнам̣ сан̇г̇аанам̣ ад̇игганд̇ад̇д̇аа сан̇г̇аад̇иг̇ам̣, жад̇уннамби яог̇аанам̣ абхаавзна висам̣яуд̇д̇ам̣ б̣раахман̣ам̣ вад̣̇аамийд̇и ад̇т̇о.
627. Kiñca bhiyyo – ‘‘sabbasaṃyojanaṃ chetvā’’tiādikā sattavīsati gāthā. Tattha sabbasaṃyojananti dasavidhaṃ saṃyojanaṃ. Na paritassatīti taṇhāya na tassati. Tamahanti taṃ ahaṃ rāgādīnaṃ saṅgānaṃ atikkantattā saṅgātigaṃ, catunnampi yogānaṃ abhāvena visaṃyuttaṃ brāhmaṇaṃ vadāmīti attho.
628. над̣̇д̇хинд̇и наяханабхаавзна бавад̇д̇ам̣ год̇хам̣. варад̇д̇анд̇и б̣анд̇ханабхаавзна бавад̇д̇ам̣ д̇ан̣хам̣. санд̣̇аанам̣ сахануггаманд̇и анусаяаануггамасахид̇ам̣ д̣̇ваасадтид̣̇идтисанд̣̇аанам̣, ид̣̇ам̣ саб̣б̣амби чинд̣̇ид̇ваа тид̇ам̣ авиж̇ж̇аабалигхасса угкид̇д̇ад̇д̇аа угкид̇д̇абалигхам̣ жад̇уннам̣ сажжааннам̣ б̣уд̣̇д̇хад̇д̇аа б̣уд̣̇д̇хам̣ ахам̣ б̣раахман̣ам̣ вад̣̇аамийд̇и ад̇т̇о.
628.Naddhinti nayhanabhāvena pavattaṃ kodhaṃ. Varattanti bandhanabhāvena pavattaṃ taṇhaṃ. Sandānaṃ sahanukkamanti anusayānukkamasahitaṃ dvāsaṭṭhidiṭṭhisandānaṃ, idaṃ sabbampi chinditvā ṭhitaṃ avijjāpalighassa ukkhittattā ukkhittapalighaṃ catunnaṃ saccānnaṃ buddhattā buddhaṃ ahaṃ brāhmaṇaṃ vadāmīti attho.
629. ад̣̇удтод̇и звам̣ д̣̇асахи аггосавад̇т̇уухи аггосан̃жа баан̣иаад̣̇ийхи бот̇анан̃жа анд̣̇уб̣анд̇ханаад̣̇ийхи б̣анд̇ханан̃жа яо агуд̣̇д̇хамаанасо худ̇ваа ад̇хиваасзси, канд̇иб̣алзна саманнааг̇ад̇ад̇д̇аа канд̇ийб̣алам̣, бунаббунам̣ уббад̇д̇ияаа анийгабхууд̇зна д̇знзва канд̇ийб̣алаанийгзна саманнааг̇ад̇ад̇д̇аа б̣алаанийгам̣ д̇ам̣ зваруубам̣ ахам̣ б̣раахман̣ам̣ вад̣̇аамийд̇и ад̇т̇о.
629.Aduṭṭhoti evaṃ dasahi akkosavatthūhi akkosañca pāṇiādīhi pothanañca andubandhanādīhi bandhanañca yo akuddhamānaso hutvā adhivāsesi, khantibalena samannāgatattā khantībalaṃ, punappunaṃ uppattiyā anīkabhūtena teneva khantībalānīkena samannāgatattā balānīkaṃ taṃ evarūpaṃ ahaṃ brāhmaṇaṃ vadāmīti attho.
630. вад̇анд̇анд̇и д̇худ̇авад̇зна саманнааг̇ад̇ам̣, жад̇убаарисуд̣̇д̇хисийлзна сийлаванд̇ам̣, д̇ан̣хаауссад̣̇аабхаавзна ануссад̣̇ам̣, чал̣инд̣̇рияад̣̇аманзна д̣̇анд̇ам̣, годияам̣ тид̇зна ад̇д̇абхаавзна анд̇имасаарийрам̣ д̇амахам̣ б̣раахман̣ам̣ вад̣̇аамийд̇и ад̇т̇о.
630.Vatantanti dhutavatena samannāgataṃ, catupārisuddhisīlena sīlavantaṃ, taṇhāussadābhāvena anussadaṃ, chaḷindriyadamanena dantaṃ, koṭiyaṃ ṭhitena attabhāvena antimasārīraṃ tamahaṃ brāhmaṇaṃ vadāmīti attho.
631. яо на лимбад̇ийд̇и звамзва яо аб̣бханд̇арз д̣̇увид̇хзби гаамз на лимбад̇и, д̇асмим̣ гаамз на сан̣таад̇и, д̇амахам̣ б̣раахман̣ам̣ вад̣̇аамийд̇и ад̇т̇о.
631.Yona limpatīti evameva yo abbhantare duvidhepi kāme na limpati, tasmiṃ kāme na saṇṭhāti, tamahaṃ brāhmaṇaṃ vadāmīti attho.
632. д̣̇угкассаад̇и канд̇хад̣̇угкасса. баннабхааранд̇и охид̇агканд̇хабхаарам̣ жад̇уухи яог̇зхи саб̣б̣агилзсзхи ваа висам̣яуд̇д̇ам̣ д̇амахам̣ б̣раахман̣ам̣ вад̣̇аамийд̇и ад̇т̇о.
632.Dukkhassāti khandhadukkhassa. Pannabhāranti ohitakkhandhabhāraṃ catūhi yogehi sabbakilesehi vā visaṃyuttaṃ tamahaṃ brāhmaṇaṃ vadāmīti attho.
633. г̇амбхийрабан̃н̃анд̇и г̇амбхийрзсу канд̇хаад̣̇ийсу бавад̇д̇ааяа бан̃н̃ааяа саманнааг̇ад̇ам̣, д̇хаммож̇абан̃н̃ааяа мзд̇хаавим̣, ‘‘аяам̣ д̣̇уг̇г̇ад̇ияаа, аяам̣ суг̇ад̇ияаа, аяам̣ ниб̣б̣аанасса маг̇г̇о, аяам̣ амаг̇г̇о’’д̇и звам̣ маг̇г̇з амаг̇г̇з жа чзгад̇ааяа маг̇г̇аамаг̇г̇асса говид̣̇ам̣, арахад̇д̇асан̇каад̇ам̣ уд̇д̇амад̇т̇амануббад̇д̇ам̣ д̇амахам̣ б̣раахман̣ам̣ вад̣̇аамийд̇и ад̇т̇о.
633.Gambhīrapaññanti gambhīresu khandhādīsu pavattāya paññāya samannāgataṃ, dhammojapaññāya medhāviṃ, ‘‘ayaṃ duggatiyā, ayaṃ sugatiyā, ayaṃ nibbānassa maggo, ayaṃ amaggo’’ti evaṃ magge amagge ca chekatāya maggāmaggassakovidaṃ, arahattasaṅkhātaṃ uttamatthamanuppattaṃ tamahaṃ brāhmaṇaṃ vadāmīti attho.
634. асам̣садтанд̇и д̣̇ассанасаванасамуллаабабарибхог̇агааяасам̣саг̇г̇аанам̣ абхаавзна асам̣садтам̣. убхаяанд̇и г̇ихийхи жа анаг̇аарзхи жаад̇и убхаязхиби асам̣садтам̣. аногасааринд̇и анаалаяажаарим̣, д̇ам̣ зваруубам̣ ахам̣ б̣раахман̣ам̣ вад̣̇аамийд̇и ад̇т̇о.
634.Asaṃsaṭṭhanti dassanasavanasamullāpaparibhogakāyasaṃsaggānaṃ abhāvena asaṃsaṭṭhaṃ. Ubhayanti gihīhi ca anagārehi cāti ubhayehipi asaṃsaṭṭhaṃ. Anokasārinti anālayacāriṃ, taṃ evarūpaṃ ahaṃ brāhmaṇaṃ vadāmīti attho.
635. нид̇хааяаад̇и нигкибид̇ваа оробзд̇ваа. д̇асзсу т̇ааварзсу жаад̇и д̇ан̣хаад̇аасзна д̇асзсу д̇ан̣хаабхаавзна т̇ирад̇ааяа т̇ааварзсу. яо на ханд̇ийд̇и яо звам̣ саб̣б̣асад̇д̇зсу виг̇ад̇абадигхад̇ааяа нигкид̇д̇ад̣̇ан̣д̣о нзва ган̃жи саяам̣ ханад̇и, на ан̃н̃зна гхаад̇зд̇и, д̇амахам̣ б̣раахман̣ам̣ вад̣̇аамийд̇и ад̇т̇о.
635.Nidhāyāti nikkhipitvā oropetvā. Tasesu thāvaresu cāti taṇhātāsena tasesu taṇhābhāvena thiratāya thāvaresu. Yo na hantīti yo evaṃ sabbasattesu vigatapaṭighatāya nikkhittadaṇḍo neva kañci sayaṃ hanati, na aññena ghāteti, tamahaṃ brāhmaṇaṃ vadāmīti attho.
636. авируд̣̇д̇ханд̇и аагхаад̇авасзна вируд̣̇д̇хзсуби логияамахааж̇анзсу аагхаад̇аабхаавзна авируд̣̇д̇хам̣, хад̇т̇аг̇ад̇з д̣̇ан̣д̣з ваа сад̇т̇з ваа авиж̇ж̇амаанзби барзсам̣ бахаарад̣̇аанад̇о авирад̇ад̇д̇аа ад̇д̇ад̣̇ан̣д̣зсу ж̇анзсу ниб̣б̣уд̇ам̣ нигкид̇д̇ад̣̇ан̣д̣ам̣, бан̃жаннам̣ канд̇хаанам̣ ‘‘ахам̣ мама’’нд̇и г̇ахид̇ад̇д̇аа саад̣̇аанзсу, д̇асса г̇ахан̣асса абхаавзна анаад̣̇аанам̣ д̇ам̣ зваруубам̣ ахам̣ б̣раахман̣ам̣ вад̣̇аамийд̇и ад̇т̇о.
636.Aviruddhanti āghātavasena viruddhesupi lokiyamahājanesu āghātābhāvena aviruddhaṃ, hatthagate daṇḍe vā satthe vā avijjamānepi paresaṃ pahāradānato aviratattā attadaṇḍesu janesu nibbutaṃ nikkhittadaṇḍaṃ, pañcannaṃ khandhānaṃ ‘‘ahaṃ mama’’nti gahitattā sādānesu, tassa gahaṇassa abhāvena anādānaṃ taṃ evarūpaṃ ahaṃ brāhmaṇaṃ vadāmīti attho.
637. аараг̇г̇аад̇и яассзд̇з рааг̇аад̣̇аяо аяан̃жа бараг̇ун̣амагкан̣алагкан̣о магко аараг̇г̇аа саасабо вияа бабад̇ид̇о, яат̇аа саасабо аараг̇г̇з на санд̇идтад̇и, звам̣ жид̇д̇з на д̇идтад̇и, д̇амахам̣ б̣раахман̣ам̣ вад̣̇аамийд̇и ад̇т̇о.
637.Āraggāti yassete rāgādayo ayañca paraguṇamakkhaṇalakkhaṇo makkho āraggā sāsapo viya papatito, yathā sāsapo āragge na santiṭṭhati, evaṃ citte na tiṭṭhati, tamahaṃ brāhmaṇaṃ vadāmīti attho.
638. агаггасанд̇и апарусам̣. вин̃н̃аабанинд̇и ад̇т̇авин̃н̃аабаним̣. сажжанд̇и бхууд̇ам̣. наабхисаж̇зд̇и яааяа г̇ирааяа ан̃н̃ам̣ гуж̇жхаабанавасзна на лаг̇г̇аабзяяа. кийн̣аасаво наама зваруубамзва г̇ирам̣ бхаасзяяа. д̇асмаа д̇амахам̣ б̣раахман̣ам̣ вад̣̇аамийд̇и ад̇т̇о.
638.Akakkasanti apharusaṃ. Viññāpaninti atthaviññāpaniṃ. Saccanti bhūtaṃ. Nābhisajeti yāya girāya aññaṃ kujjhāpanavasena na laggāpeyya. Khīṇāsavo nāma evarūpameva giraṃ bhāseyya. Tasmā tamahaṃ brāhmaṇaṃ vadāmīti attho.
639. саадагаабхаран̣аад̣̇ийсу д̣̇ийгхам̣ ваа рассам̣ ваа, ман̣имуд̇д̇аад̣̇ийсу ан̣ум̣ ваа т̇уулам̣ ваа махаг̇гхааббаг̇гхавасзна субхам̣ ваа асубхам̣ ваа яо буг̇г̇ало имасмим̣ логз барабариг̇г̇ахид̇ам̣ наад̣̇ияад̇и, д̇амахам̣ б̣раахман̣ам̣ вад̣̇аамийд̇и ад̇т̇о.
639. Sāṭakābharaṇādīsu dīghaṃ vā rassaṃ vā, maṇimuttādīsu aṇuṃ vā thūlaṃ vā mahagghaappagghavasena subhaṃ vā asubhaṃ vā yo puggalo imasmiṃ loke parapariggahitaṃ nādiyati, tamahaṃ brāhmaṇaṃ vadāmīti attho.
640. нираасаасанд̇и нид̇д̇ан̣хам̣. висам̣яуд̇д̇анд̇и саб̣б̣агилзсзхи вияуд̇д̇ам̣ д̇амахам̣ б̣раахман̣ам̣ вад̣̇аамийд̇и ад̇т̇о.
640.Nirāsāsanti nittaṇhaṃ. Visaṃyuttanti sabbakilesehi viyuttaṃ tamahaṃ brāhmaṇaṃ vadāmīti attho.
641. аалаяаад̇и д̇ан̣хаа. ан̃н̃ааяа агат̇ам̣гат̇ийд̇и адта вад̇т̇ууни яат̇аабхууд̇ам̣ ж̇аанид̇ваа адтавад̇т̇угааяа вижигижчааяа ниб̣б̣ижигижчо. амад̇ог̇ад̇хамануббад̇д̇анд̇и амад̇ам̣ ниб̣б̣аанам̣ ог̇ахзд̇ваа ануббад̇д̇ам̣ д̇амахам̣ б̣раахман̣ам̣ вад̣̇аамийд̇и ад̇т̇о.
641.Ālayāti taṇhā. Aññāya akathaṃkathīti aṭṭha vatthūni yathābhūtaṃ jānitvā aṭṭhavatthukāya vicikicchāya nibbicikiccho. Amatogadhamanuppattanti amataṃ nibbānaṃ ogahetvā anuppattaṃ tamahaṃ brāhmaṇaṃ vadāmīti attho.
642. убход̇и д̣̇взби бун̃н̃аани баабаани жа чад̣д̣зд̇ваад̇и ад̇т̇о. сан̇г̇анд̇и рааг̇аад̣̇ибхзд̣̇ам̣ сан̇г̇ам̣. убажжаг̇аад̇и ад̇игганд̇о. д̇амахам̣ ваддамууласогзна асогам̣, аб̣бханд̇арз рааг̇араж̇аад̣̇ийнам̣ абхаавзна вираж̇ам̣, нирубаггилзсад̇ааяа суд̣̇д̇хам̣ б̣раахман̣ам̣ вад̣̇аамийд̇и ад̇т̇о.
642.Ubhoti dvepi puññāni pāpāni ca chaḍḍetvāti attho. Saṅganti rāgādibhedaṃ saṅgaṃ. Upaccagāti atikkanto. Tamahaṃ vaṭṭamūlasokena asokaṃ, abbhantare rāgarajādīnaṃ abhāvena virajaṃ, nirupakkilesatāya suddhaṃ brāhmaṇaṃ vadāmīti attho.
643. вималанд̇и аб̣бхаад̣̇ималавирахид̇ам̣. суд̣̇д̇ханд̇и нирубаггилзсам̣. виббасаннанд̇и басаннажид̇д̇ам̣. анаавиланд̇и гилзсаавилад̇д̇авирахид̇ам̣. нанд̣̇ийбхавабаригкийн̣анд̇и д̇ийсу бхавзсу баригкийн̣ад̇ан̣хам̣ д̇амахам̣ б̣раахман̣ам̣ вад̣̇аамийд̇и ад̇т̇о.
643.Vimalanti abbhādimalavirahitaṃ. Suddhanti nirupakkilesaṃ. Vippasannanti pasannacittaṃ. Anāvilanti kilesāvilattavirahitaṃ. Nandībhavaparikkhīṇanti tīsu bhavesu parikkhīṇataṇhaṃ tamahaṃ brāhmaṇaṃ vadāmīti attho.
644. яо бхигку имам̣ рааг̇абалибат̇ан̃жзва гилзсад̣̇уг̇г̇ан̃жа сам̣саараваддан̃жа жад̇уннам̣ сажжаанам̣ аббадивиж̇жханагамохан̃жа ад̇ийд̇о, жад̇д̇ааро огхз д̇ин̣н̣о худ̇ваа баарам̣ ануббад̇д̇о, д̣̇увид̇хзна жхаанзна жхааяий, д̇ан̣хааяа абхаавзна анзж̇о, гат̇ам̣гат̇ааяа абхаавзна агат̇ам̣гат̇ий, убаад̣̇аанаанам̣ абхаавзна анубаад̣̇ияид̇ваа гилзсаниб̣б̣аанзна ниб̣б̣уд̇о, д̇амахам̣ б̣раахман̣ам̣ вад̣̇аамийд̇и ад̇т̇о.
644.Yo bhikkhu imaṃrāgapalipathañceva kilesaduggañca saṃsāravaṭṭañca catunnaṃ saccānaṃ appaṭivijjhanakamohañca atīto, cattāro oghe tiṇṇo hutvā pāraṃ anuppatto, duvidhena jhānena jhāyī, taṇhāya abhāvena anejo, kathaṃkathāya abhāvena akathaṃkathī, upādānānaṃ abhāvena anupādiyitvā kilesanibbānena nibbuto, tamahaṃ brāhmaṇaṃ vadāmīti attho.
645. яо буг̇г̇ало, ид̇ха логз, убхоби гаамз хид̇ваа анааг̇ааро худ̇ваа бариб̣б̣аж̇ад̇и, д̇ам̣ баригкийн̣агааман̃жзва баригкийн̣абхаван̃жа ахам̣ б̣раахман̣ам̣ вад̣̇аамийд̇и ад̇т̇о.
645.Yo puggalo, idha loke, ubhopi kāme hitvā anāgāro hutvā paribbajati, taṃ parikkhīṇakāmañceva parikkhīṇabhavañca ahaṃ brāhmaṇaṃ vadāmīti attho.
646. яо ид̇ха логз чад̣̇вааригам̣ д̇ан̣хам̣ ж̇ахид̇ваа гхарааваасзна анад̇т̇иго анааг̇ааро худ̇ваа бариб̣б̣аж̇ад̇и, д̇ан̣хааяа жзва бхавасса жа баригкийн̣ад̇д̇аа д̇ан̣хаабхавабаригкийн̣ам̣ д̇амахам̣ б̣раахман̣ам̣ вад̣̇аамийд̇и ад̇т̇о.
646.Yoidha loke chadvārikaṃ taṇhaṃ jahitvā gharāvāsena anatthiko anāgāro hutvā paribbajati, taṇhāya ceva bhavassa ca parikkhīṇattā taṇhābhavaparikkhīṇaṃ tamahaṃ brāhmaṇaṃ vadāmīti attho.
647. маанусагам̣ яог̇анд̇и маанусагам̣ ааяун̃жзва бан̃жавид̇хагаамаг̇ун̣з жа. д̣̇иб̣б̣аяог̇зби зсзва наяо. убажжаг̇аад̇и яо маанусагам̣ яог̇ам̣ хид̇ваа д̣̇иб̣б̣ам̣ ад̇игганд̇о, д̇ам̣ саб̣б̣зхи жад̇уухи яог̇зхи висам̣яуд̇д̇ам̣ ахам̣ б̣раахман̣ам̣ вад̣̇аамийд̇и ад̇т̇о.
647.Mānusakaṃ yoganti mānusakaṃ āyuñceva pañcavidhakāmaguṇe ca. Dibbayogepi eseva nayo. Upaccagāti yo mānusakaṃ yogaṃ hitvā dibbaṃ atikkanto, taṃ sabbehi catūhi yogehi visaṃyuttaṃ ahaṃ brāhmaṇaṃ vadāmīti attho.
648. рад̇инд̇и бан̃жагаамаг̇ун̣арад̇им̣. арад̇инд̇и аран̃н̃аваасз угган̣тид̇ад̇д̇ам̣. сийд̇ибхууд̇анд̇и ниб̣б̣уд̇ам̣, нирубад̇хинд̇и нирубаггилзсам̣, вийранд̇и д̇ам̣ зваруубам̣ саб̣б̣ам̣ канд̇халогам̣ абхибхавид̇ваа тид̇ам̣ вийрияаванд̇ам̣ ахам̣ б̣раахман̣ам̣ вад̣̇аамийд̇и ад̇т̇о.
648.Ratinti pañcakāmaguṇaratiṃ. Aratinti araññavāse ukkaṇṭhitattaṃ. Sītibhūtanti nibbutaṃ, nirupadhinti nirupakkilesaṃ, vīranti taṃ evarūpaṃ sabbaṃ khandhalokaṃ abhibhavitvā ṭhitaṃ vīriyavantaṃ ahaṃ brāhmaṇaṃ vadāmīti attho.
649. яо взд̣̇ийд̇и яо сад̇д̇аанам̣ саб̣б̣аагаарзна жуд̇ин̃жа бадисанд̇хин̃жа баагадам̣ гад̇ваа ж̇аанаад̇и, д̇амахам̣ алаг̇г̇ад̇ааяа асад̇д̇ам̣, бадибад̇д̇ияаа судту г̇ад̇ад̇д̇аа суг̇ад̇ам̣, жад̇уннам̣ сажжаанам̣ б̣уд̣̇д̇хад̇ааяа б̣уд̣̇д̇хам̣ б̣раахман̣ам̣ вад̣̇аамийд̇и ад̇т̇о.
649.Yo vedīti yo sattānaṃ sabbākārena cutiñca paṭisandhiñca pākaṭaṃ katvā jānāti, tamahaṃ alaggatāya asattaṃ, paṭipattiyā suṭṭhu gatattā sugataṃ, catunnaṃ saccānaṃ buddhatāya buddhaṃ brāhmaṇaṃ vadāmīti attho.
650. яассаад̇и яассзд̇з д̣̇зваад̣̇аяо г̇ад̇им̣ на ж̇аананд̇и, д̇амахам̣ аасаваанам̣ кийн̣ад̇ааяа кийн̣аасавам̣, гилзсзхи аарагад̇д̇аа араханд̇ам̣ б̣раахман̣ам̣ вад̣̇аамийд̇и ад̇т̇о.
650.Yassāti yassete devādayo gatiṃ na jānanti, tamahaṃ āsavānaṃ khīṇatāya khīṇāsavaṃ, kilesehi ārakattā arahantaṃ brāhmaṇaṃ vadāmīti attho.
651. бурзд̇и ад̇ийд̇агканд̇хзсу. бажчаад̇и анааг̇ад̇зсу. маж̇жхзд̇и бажжуббаннзсу. гин̃жананд̇и яассзд̇зсу таанзсу д̇ан̣хааг̇аахасан̇каад̇ам̣ гин̃жанам̣ над̇т̇и. д̇амахам̣ рааг̇агин̃жанаад̣̇ийхи агин̃жанам̣. гассажи г̇ахан̣асса абхаавзна анаад̣̇аанам̣ б̣раахман̣ам̣ вад̣̇аамийд̇и ад̇т̇о.
651.Pureti atītakkhandhesu. Pacchāti anāgatesu. Majjheti paccuppannesu. Kiñcananti yassetesu ṭhānesu taṇhāgāhasaṅkhātaṃ kiñcanaṃ natthi. Tamahaṃ rāgakiñcanādīhi akiñcanaṃ. Kassaci gahaṇassa abhāvena anādānaṃ brāhmaṇaṃ vadāmīti attho.
652. ажчамбхид̇ад̇д̇зна усабхасад̣̇исад̇ааяа усабхам̣, уд̇д̇амадтзна баварам̣, вийрияасамбад̇д̇ияаа вийрам̣, маханд̇аанам̣ сийлагканд̇хаад̣̇ийнам̣ зсид̇ад̇д̇аа махзсим̣, д̇ин̣н̣ам̣ маараанам̣ виж̇ид̇ад̇д̇аа виж̇ид̇аавинам̣, нинхаад̇агилзсад̇ааяа нхаад̇агам̣, жад̇усажжаб̣уд̣̇д̇хад̇ааяа б̣уд̣̇д̇хам̣ д̇ам̣ зваруубам̣ б̣раахман̣ам̣ вад̣̇аамийд̇и ад̇т̇о.
652. Acchambhitattena usabhasadisatāya usabhaṃ, uttamaṭṭhena pavaraṃ, vīriyasampattiyā vīraṃ, mahantānaṃ sīlakkhandhādīnaṃ esitattā mahesiṃ, tiṇṇaṃ mārānaṃ vijitattā vijitāvinaṃ, ninhātakilesatāya nhātakaṃ, catusaccabuddhatāya buddhaṃ taṃ evarūpaṃ brāhmaṇaṃ vadāmīti attho.
653. яо буб̣б̣зниваасам̣ баагадам̣ гад̇ваа ж̇аанаад̇и, чаб̣б̣ийсад̇ид̣̇звалогабхзд̣̇ам̣ саг̇г̇ам̣, жад̇уб̣б̣ид̇хам̣ абааяан̃жа д̣̇иб̣б̣ажагкунаа бассад̇и, ат̇о ж̇аад̇игкаяасан̇каад̇ам̣ арахад̇д̇ам̣ бад̇д̇о, д̇амахам̣ б̣раахман̣ам̣ вад̣̇аамийд̇и ад̇т̇о.
653.Yo pubbenivāsaṃ pākaṭaṃ katvā jānāti, chabbīsatidevalokabhedaṃ saggaṃ, catubbidhaṃ apāyañca dibbacakkhunā passati, atho jātikkhayasaṅkhātaṃ arahattaṃ patto, tamahaṃ brāhmaṇaṃ vadāmīti attho.
654. звам̣ бхаг̇аваа г̇ун̣ад̇о б̣раахман̣ам̣ вад̇ваа ‘‘яз ‘ж̇аад̇ид̇о б̣раахман̣о’д̇и абхинивзсам̣ гаронд̇и, д̇з ид̣̇ам̣ вохаарамад̇д̇ам̣ аж̇аананд̇аа, саа жа нзсам̣ д̣̇идти д̣̇уд̣̇д̣̇идтий’’д̇и д̣̇ассзнд̇о ‘‘саман̃н̃аа хзсаа’’д̇и г̇аат̇аад̣̇ваяамааха. д̇ассад̇т̇о – ‘‘яад̣̇ид̣̇ам̣ б̣раахман̣о кад̇д̇ияо бхаарад̣̇вааж̇о ваасздто’’д̇и наамаг̇од̇д̇ам̣ багаббид̇ам̣, саман̃н̃аа хзсаа логасмим̣, бан̃н̃ад̇д̇ивохаарамад̇д̇анд̇и взд̣̇ид̇аб̣б̣ам̣. гасмаа? яасмаа саммужжаа самуд̣̇ааг̇ад̇ам̣ саманун̃н̃ааяа ааг̇ад̇ам̣. д̇ан̃хи д̇ад̇т̇а д̇ад̇т̇а ж̇аад̇агаалзязвасса н̃аад̇исаалохид̇зхи багаббид̇ам̣ гад̇ам̣. но жзд̇ам̣ звам̣ багаббзяяум̣, на гожи ган̃жи д̣̇исваа ‘‘аяам̣ б̣раахман̣о’’д̇и ваа ‘‘бхаарад̣̇вааж̇о’’д̇и ваа ж̇аанзяяа.
654. Evaṃ bhagavā guṇato brāhmaṇaṃ vatvā ‘‘ye ‘jātito brāhmaṇo’ti abhinivesaṃ karonti, te idaṃ vohāramattaṃ ajānantā, sā ca nesaṃ diṭṭhi duddiṭṭhī’’ti dassento ‘‘samaññā hesā’’ti gāthādvayamāha. Tassattho – ‘‘yadidaṃ brāhmaṇo khattiyo bhāradvājo vāseṭṭho’’ti nāmagottaṃ pakappitaṃ, samaññā hesā lokasmiṃ, paññattivohāramattanti veditabbaṃ. Kasmā? Yasmā sammuccā samudāgataṃ samanuññāya āgataṃ. Tañhi tattha tattha jātakāleyevassa ñātisālohitehi pakappitaṃ kataṃ. No cetaṃ evaṃ pakappeyyuṃ, na koci kañci disvā ‘‘ayaṃ brāhmaṇo’’ti vā ‘‘bhāradvājo’’ti vā jāneyya.
655. звам̣ багаббид̇ан̃жзд̇ам̣ д̣̇ийгхарад̇д̇аманусаяид̇ам̣ д̣̇идтиг̇ад̇амаж̇аанад̇ам̣, ‘‘багаббид̇ам̣ наамаг̇од̇д̇ам̣, наамаг̇од̇д̇амад̇д̇амзд̇ам̣ сам̣вохаарад̇т̇ам̣ багаббид̇а’’нд̇и аж̇аананд̇аанам̣ сад̇д̇аанам̣ хад̣̇аяз д̣̇ийгхарад̇д̇ам̣ д̣̇идтиг̇ад̇аманусаяид̇ам̣, д̇асса анусаяид̇ад̇д̇аа д̇ам̣ наамаг̇од̇д̇ам̣ аж̇аананд̇аа д̇з баб̣руванд̇и ‘‘ж̇аад̇ияаа ход̇и б̣раахман̣о’’д̇и, аж̇аананд̇ааязва звам̣ вад̣̇анд̇ийд̇и вуд̇д̇ам̣ ход̇и.
655. Evaṃ pakappitañcetaṃ dīgharattamanusayitaṃ diṭṭhigatamajānataṃ, ‘‘pakappitaṃ nāmagottaṃ, nāmagottamattametaṃ saṃvohāratthaṃ pakappita’’nti ajānantānaṃ sattānaṃ hadaye dīgharattaṃ diṭṭhigatamanusayitaṃ, tassa anusayitattā taṃ nāmagottaṃ ajānantā te pabruvanti ‘‘jātiyā hoti brāhmaṇo’’ti, ajānantāyeva evaṃ vadantīti vuttaṃ hoti.
656-7. звам̣ ‘‘яз ‘ж̇аад̇ид̇о б̣раахман̣о’д̇и абхинивзсам̣ гаронд̇и, д̇з ид̣̇ам̣ вохаарамад̇д̇амаж̇аананд̇аа, саа жа нзсам̣ д̣̇идти д̣̇уд̣̇д̣̇идтий’’д̇и д̣̇ассзд̇ваа ид̣̇аани ниббарияааяамзва ж̇аад̇иваад̣̇ам̣ бадигкибанд̇о гаммаваад̣̇ан̃жа ниробзнд̇о ‘‘на ж̇ажжаа’’д̇иаад̣̇имааха. д̇ад̇т̇а ‘‘гаммунаа б̣раахман̣о ход̇и, гаммунаа ход̇и аб̣раахман̣о’’д̇и имиссаа убад̣дхаг̇аат̇ааяа ад̇т̇авид̇т̇ааран̣ад̇т̇ам̣ ‘‘гассаго гаммунаа’’д̇иаад̣̇и вуд̇д̇ам̣. д̇ад̇т̇а гаммунаад̇и бажжуббаннзна гасигаммаад̣̇иниб̣б̣ад̇д̇агажзд̇анаагаммунаа.
656-7. Evaṃ ‘‘ye ‘jātito brāhmaṇo’ti abhinivesaṃ karonti, te idaṃ vohāramattamajānantā, sā ca nesaṃ diṭṭhi duddiṭṭhī’’ti dassetvā idāni nippariyāyameva jātivādaṃ paṭikkhipanto kammavādañca niropento ‘‘na jaccā’’tiādimāha. Tattha ‘‘kammunā brāhmaṇo hoti, kammunā hoti abrāhmaṇo’’ti imissā upaḍḍhagāthāya atthavitthāraṇatthaṃ ‘‘kassako kammunā’’tiādi vuttaṃ. Tattha kammunāti paccuppannena kasikammādinibbattakacetanākammunā.
659. бадижжасамуббаад̣̇ад̣̇ассаад̇и ‘‘иминаа бажжаязна звам̣ ход̇ий’’д̇и звам̣ бадижжасамуббаад̣̇ад̣̇ассаавино. гаммавибаагаговид̣̇аад̇и саммаанаавамаанаарахз гулз гаммавасзна уббад̇д̇и ход̇и, ан̃н̃ааби хийнабан̣ийд̇ад̇аа хийнабан̣ийд̇з гаммз вибажжамаанз ход̇ийд̇и звам̣ гаммавибаагагусалаа.
659.Paṭiccasamuppādadassāti ‘‘iminā paccayena evaṃ hotī’’ti evaṃ paṭiccasamuppādadassāvino. Kammavipākakovidāti sammānāvamānārahe kule kammavasena uppatti hoti, aññāpi hīnapaṇītatā hīnapaṇīte kamme vipaccamāne hotīti evaṃ kammavipākakusalā.
660. ‘‘гаммунаавад̇д̇ад̇ий’’д̇и г̇аат̇ааяа бана ‘‘лого’’д̇и ваа ‘‘баж̇аа’’д̇и ваа ‘‘сад̇д̇аа’’д̇и ваа згоязва ад̇т̇о, важанамад̇д̇амзва наанам̣. буримабад̣̇зна жзд̇т̇а ‘‘ад̇т̇и б̣рахмаа махааб̣рахмаа…бз… сздто саж̇ид̇аа васий бид̇аа бхууд̇абхаб̣яаана’’нд̇и (д̣̇ий. ни. 1.42) имиссаа д̣̇идтияаа нисзд̇хо взд̣̇ид̇аб̣б̣о. гаммунаа хи вад̇д̇ад̇и д̇аасу д̇аасу г̇ад̇ийсу уббаж̇ж̇ад̇и лого, д̇асса го саж̇ид̇аад̇и? д̣̇уд̇иязна ‘‘звам̣ гаммунаа уббанноби жа бавад̇д̇ияамби ад̇ийд̇абажжуббаннабхзд̣̇зна гаммунаа зва бавад̇д̇ад̇и, сукад̣̇угкаани бажжанубхонд̇о хийнабан̣ийд̇аад̣̇ибхаавам̣ аабаж̇ж̇анд̇о бавад̇д̇ад̇ий’’д̇и д̣̇ассзд̇и. д̇ад̇иязна д̇амзвад̇т̇ам̣ ниг̇амзд̇и ‘‘звам̣ саб̣б̣ат̇ааби гамманиб̣анд̇ханаа сад̇д̇аа гаммзнзва б̣ад̣̇д̇хаа худ̇ваа бавад̇д̇анд̇и, на ан̃н̃ат̇аа’’д̇и. жад̇уд̇т̇зна д̇амад̇т̇ам̣ убамааяа вибхаавзд̇и рат̇ассаан̣ийва яааяад̇од̇и. яат̇аа рат̇асса яааяад̇о аан̣и ниб̣анд̇ханам̣ ход̇и, на д̇ааяа аниб̣ад̣̇д̇хо яаад̇и, звам̣ логасса уббаж̇ж̇ад̇о жа бавад̇д̇ад̇о жа гаммам̣ ниб̣анд̇ханам̣, на д̇зна аниб̣ад̣̇д̇хо уббаж̇ж̇ад̇и наббавад̇д̇ад̇и.
660.‘‘Kammunāvattatī’’ti gāthāya pana ‘‘loko’’ti vā ‘‘pajā’’ti vā ‘‘sattā’’ti vā ekoyeva attho, vacanamattameva nānaṃ. Purimapadena cettha ‘‘atthi brahmā mahābrahmā…pe… seṭṭho sajitā vasī pitā bhūtabhabyāna’’nti (dī. ni. 1.42) imissā diṭṭhiyā nisedho veditabbo. Kammunā hi vattati tāsu tāsu gatīsu uppajjati loko, tassa ko sajitāti? Dutiyena ‘‘evaṃ kammunā uppannopi ca pavattiyampi atītapaccuppannabhedena kammunā eva pavattati, sukhadukkhāni paccanubhonto hīnapaṇītādibhāvaṃ āpajjanto pavattatī’’ti dasseti. Tatiyena tamevatthaṃ nigameti ‘‘evaṃ sabbathāpi kammanibandhanā sattā kammeneva baddhā hutvā pavattanti, na aññathā’’ti. Catutthena tamatthaṃ upamāya vibhāveti rathassāṇīva yāyatoti. Yathā rathassa yāyato āṇi nibandhanaṃ hoti, na tāya anibaddho yāti, evaṃ lokassa uppajjato ca pavattato ca kammaṃ nibandhanaṃ, na tena anibaddho uppajjati nappavattati.
661. ид̣̇аани яасмаа звам̣ гамманиб̣анд̇хано лого, д̇асмаа сздтзна гаммунаа сздтабхаавам̣ д̣̇ассзнд̇о ‘‘д̇абзнаа’’д̇и г̇аат̇аад̣̇ваяамааха. д̇ад̇т̇а д̇абзнаад̇и инд̣̇рияасам̣варзна. б̣рахмажариязнаад̇и сигкааниссид̇зна вуд̇д̇аавасзсасздтажариязна. сам̣яамзнаад̇и сийлзна. д̣̇амзнаад̇и бан̃н̃ааяа. зд̇зна сздтадтзна б̣рахмабхууд̇зна гаммунаа б̣раахман̣о ход̇и. гасмаа? яасмаа зд̇ам̣ б̣раахман̣амуд̇д̇амам̣, яасмаа зд̇ам̣ гаммам̣ уд̇д̇амо б̣раахман̣абхаавод̇и вуд̇д̇ам̣ ход̇и. ‘‘б̣рахмаана’’нд̇иби баато, д̇ассад̇т̇о – б̣рахмам̣ аанзд̇ийд̇и б̣рахмаанам̣, б̣рахмабхаавам̣ аанзд̇и аавахад̇и д̣̇зд̇ийд̇и вуд̇д̇ам̣ ход̇и.
661. Idāni yasmā evaṃ kammanibandhano loko, tasmā seṭṭhena kammunā seṭṭhabhāvaṃ dassento ‘‘tapenā’’ti gāthādvayamāha. Tattha tapenāti indriyasaṃvarena. Brahmacariyenāti sikkhānissitena vuttāvasesaseṭṭhacariyena. Saṃyamenāti sīlena. Damenāti paññāya. Etena seṭṭhaṭṭhena brahmabhūtena kammunā brāhmaṇo hoti. Kasmā? Yasmā etaṃ brāhmaṇamuttamaṃ, yasmā etaṃ kammaṃ uttamo brāhmaṇabhāvoti vuttaṃ hoti. ‘‘Brahmāna’’ntipi pāṭho, tassattho – brahmaṃ ānetīti brahmānaṃ, brahmabhāvaṃ āneti āvahati detīti vuttaṃ hoti.
662. д̣̇уд̇ияаг̇аат̇ааяа санд̇од̇и санд̇агилзсо. б̣рахмаа саггод̇и б̣рахмаа жа сагго жа. яо зваруубо, со на гзвалам̣ б̣раахман̣о, абижа ко б̣рахмаа жа сагго жа со виж̇аанад̇ам̣ бан̣д̣ид̇аанам̣, звам̣ ваасздта ж̇аанаахийд̇и вуд̇д̇ам̣ ход̇и. сзсам̣ вуд̇д̇анаяамзваад̇и.
662. Dutiyagāthāya santoti santakileso. Brahmā sakkoti brahmā ca sakko ca. Yo evarūpo, so na kevalaṃ brāhmaṇo, apica kho brahmā ca sakko ca so vijānataṃ paṇḍitānaṃ, evaṃ vāseṭṭha jānāhīti vuttaṃ hoti. Sesaṃ vuttanayamevāti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа ваасздтасуд̇д̇аван̣н̣анаа нидтид̇аа.
Suttanipāta-aṭṭhakathāya vāseṭṭhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 9. ваасздтасуд̇д̇ам̣ • 9. Vāseṭṭhasuttaṃ
