| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. ваасиж̇адасуд̇д̇ам̣
9. Vāsijaṭasuttaṃ
101. саавад̇т̇инид̣̇аанам̣ . ‘‘ж̇аанад̇о ахам̣, бхигкавз, бассад̇о аасаваанам̣ каяам̣ вад̣̇аами, но аж̇аанад̇о но абассад̇о. гин̃жа, бхигкавз, ж̇аанад̇о гим̣ бассад̇о аасаваанам̣ каяо ход̇и? ‘ид̇и руубам̣, ид̇и руубасса самуд̣̇аяо, ид̇и руубасса ад̇т̇ан̇г̇амо; ид̇и взд̣̇анаа… ид̇и сан̃н̃аа… ид̇и сан̇каараа… ид̇и вин̃н̃аан̣ам̣, ид̇и вин̃н̃аан̣асса самуд̣̇аяо, ид̇и вин̃н̃аан̣асса ад̇т̇ан̇г̇амо’д̇и – звам̣ ко, бхигкавз, ж̇аанад̇о звам̣ бассад̇о аасаваанам̣ каяо ход̇и’’.
101. Sāvatthinidānaṃ . ‘‘Jānato ahaṃ, bhikkhave, passato āsavānaṃ khayaṃ vadāmi, no ajānato no apassato. Kiñca, bhikkhave, jānato kiṃ passato āsavānaṃ khayo hoti? ‘Iti rūpaṃ, iti rūpassa samudayo, iti rūpassa atthaṅgamo; iti vedanā… iti saññā… iti saṅkhārā… iti viññāṇaṃ, iti viññāṇassa samudayo, iti viññāṇassa atthaṅgamo’ti – evaṃ kho, bhikkhave, jānato evaṃ passato āsavānaṃ khayo hoti’’.
‘‘бхааванаануяог̇ам̣ анануяуд̇д̇асса, бхигкавз, бхигкуно вихарад̇о гин̃жааби звам̣ ижчаа уббаж̇ж̇зяяа – ‘ахо вад̇а мз анубаад̣̇ааяа аасавзхи жид̇д̇ам̣ вимужжзяяаа’д̇и, ат̇а квасса нзва анубаад̣̇ааяа аасавзхи жид̇д̇ам̣ вимужжад̇и. д̇ам̣ гисса хзд̇у? ‘абхаавид̇ад̇д̇аа’ д̇исса важанийяам̣. гисса абхаавид̇ад̇д̇аа? абхаавид̇ад̇д̇аа жад̇уннам̣ сад̇ибадтаанаанам̣, абхаавид̇ад̇д̇аа жад̇уннам̣ саммаббад̇хаанаанам̣, абхаавид̇ад̇д̇аа жад̇уннам̣ ид̣̇д̇хибаад̣̇аанам̣, абхаавид̇ад̇д̇аа бан̃жаннам̣ инд̣̇рияаанам̣, абхаавид̇ад̇д̇аа бан̃жаннам̣ б̣алаанам̣, абхаавид̇ад̇д̇аа сад̇д̇аннам̣ б̣ож̇жхан̇г̇аанам̣, абхаавид̇ад̇д̇аа арияасса адтан̇г̇игасса маг̇г̇асса.
‘‘Bhāvanānuyogaṃ ananuyuttassa, bhikkhave, bhikkhuno viharato kiñcāpi evaṃ icchā uppajjeyya – ‘aho vata me anupādāya āsavehi cittaṃ vimucceyyā’ti, atha khvassa neva anupādāya āsavehi cittaṃ vimuccati. Taṃ kissa hetu? ‘Abhāvitattā’ tissa vacanīyaṃ. Kissa abhāvitattā? Abhāvitattā catunnaṃ satipaṭṭhānānaṃ, abhāvitattā catunnaṃ sammappadhānānaṃ, abhāvitattā catunnaṃ iddhipādānaṃ, abhāvitattā pañcannaṃ indriyānaṃ, abhāvitattā pañcannaṃ balānaṃ, abhāvitattā sattannaṃ bojjhaṅgānaṃ, abhāvitattā ariyassa aṭṭhaṅgikassa maggassa.
‘‘сзяяат̇ааби, бхигкавз, гуггудияаа ан̣д̣аани адта ваа д̣̇аса ваа д̣̇ваад̣̇аса ваа. д̇аанассу гуггудияаа на саммаа ад̇хисаяид̇аани, на саммаа барисзд̣̇ид̇аани, на саммаа барибхаавид̇аани. гин̃жааби д̇ассаа гуггудияаа звам̣ ижчаа уббаж̇ж̇зяяа – ‘ахо, вад̇а мз гуггудабод̇агаа баад̣̇анакасикааяа ваа мукад̇ун̣д̣агзна ваа ан̣д̣агосам̣ бад̣̇аалзд̇ваа сод̇т̇инаа абхиниб̣бхиж̇ж̇зяяу’нд̇и, ат̇а ко абхаб̣б̣аава д̇з гуггудабод̇агаа баад̣̇анакасикааяа ваа мукад̇ун̣д̣агзна ваа ан̣д̣агосам̣ бад̣̇аалзд̇ваа сод̇т̇инаа абхиниб̣бхиж̇ж̇ид̇ум̣. д̇ам̣ гисса хзд̇у? д̇ат̇аа хи бана, бхигкавз, гуггудияаа ан̣д̣аани адта ваа д̣̇аса ваа д̣̇ваад̣̇аса ваа; д̇аани гуггудияаа на саммаа ад̇хисаяид̇аани, на саммаа барисзд̣̇ид̇аани, на саммаа барибхаавид̇аани. звамзва ко, бхигкавз, бхааванаануяог̇ам̣ анануяуд̇д̇асса бхигкуно вихарад̇о гин̃жааби звам̣ ижчаа уббаж̇ж̇зяяа – ‘ахо, вад̇а мз анубаад̣̇ааяа аасавзхи жид̇д̇ам̣ вимужжзяяаа’д̇и, ат̇а квасса нзва анубаад̣̇ааяа аасавзхи жид̇д̇ам̣ вимужжад̇и. д̇ам̣ гисса хзд̇у? ‘абхаавид̇ад̇д̇аа’д̇исса важанийяам̣. гисса абхаавид̇ад̇д̇аа? абхаавид̇ад̇д̇аа жад̇уннам̣ сад̇ибадтаанаанам̣…бз… адтан̇г̇игасса маг̇г̇асса.
‘‘Seyyathāpi, bhikkhave, kukkuṭiyā aṇḍāni aṭṭha vā dasa vā dvādasa vā. Tānassu kukkuṭiyā na sammā adhisayitāni, na sammā pariseditāni, na sammā paribhāvitāni. Kiñcāpi tassā kukkuṭiyā evaṃ icchā uppajjeyya – ‘aho, vata me kukkuṭapotakā pādanakhasikhāya vā mukhatuṇḍakena vā aṇḍakosaṃ padāletvā sotthinā abhinibbhijjeyyu’nti, atha kho abhabbāva te kukkuṭapotakā pādanakhasikhāya vā mukhatuṇḍakena vā aṇḍakosaṃ padāletvā sotthinā abhinibbhijjituṃ. Taṃ kissa hetu? Tathā hi pana, bhikkhave, kukkuṭiyā aṇḍāni aṭṭha vā dasa vā dvādasa vā; tāni kukkuṭiyā na sammā adhisayitāni, na sammā pariseditāni, na sammā paribhāvitāni. Evameva kho, bhikkhave, bhāvanānuyogaṃ ananuyuttassa bhikkhuno viharato kiñcāpi evaṃ icchā uppajjeyya – ‘aho, vata me anupādāya āsavehi cittaṃ vimucceyyā’ti, atha khvassa neva anupādāya āsavehi cittaṃ vimuccati. Taṃ kissa hetu? ‘Abhāvitattā’tissa vacanīyaṃ. Kissa abhāvitattā? Abhāvitattā catunnaṃ satipaṭṭhānānaṃ…pe… aṭṭhaṅgikassa maggassa.
‘‘бхааванаануяог̇ам̣ ануяуд̇д̇асса, бхигкавз, бхигкуно вихарад̇о гин̃жааби на звам̣ ижчаа уббаж̇ж̇зяяа – ‘ахо вад̇а мз анубаад̣̇ааяа аасавзхи жид̇д̇ам̣ вимужжзяяаа’д̇и, ат̇а квасса анубаад̣̇ааяа аасавзхи жид̇д̇ам̣ вимужжад̇и. д̇ам̣ гисса хзд̇у? ‘бхаавид̇ад̇д̇аа’д̇исса важанийяам̣. гисса бхаавид̇ад̇д̇аа? бхаавид̇ад̇д̇аа жад̇уннам̣ сад̇ибадтаанаанам̣, бхаавид̇ад̇д̇аа жад̇уннам̣ саммаббад̇хаанаанам̣, бхаавид̇ад̇д̇аа жад̇уннам̣ ид̣̇д̇хибаад̣̇аанам̣, бхаавид̇ад̇д̇аа бан̃жаннам̣ инд̣̇рияаанам̣, бхаавид̇ад̇д̇аа бан̃жаннам̣ б̣алаанам̣, бхаавид̇ад̇д̇аа сад̇д̇аннам̣ б̣ож̇жхан̇г̇аанам̣, бхаавид̇ад̇д̇аа арияасса адтан̇г̇игасса маг̇г̇асса.
‘‘Bhāvanānuyogaṃ anuyuttassa, bhikkhave, bhikkhuno viharato kiñcāpi na evaṃ icchā uppajjeyya – ‘aho vata me anupādāya āsavehi cittaṃ vimucceyyā’ti, atha khvassa anupādāya āsavehi cittaṃ vimuccati. Taṃ kissa hetu? ‘Bhāvitattā’tissa vacanīyaṃ. Kissa bhāvitattā? Bhāvitattā catunnaṃ satipaṭṭhānānaṃ, bhāvitattā catunnaṃ sammappadhānānaṃ, bhāvitattā catunnaṃ iddhipādānaṃ, bhāvitattā pañcannaṃ indriyānaṃ, bhāvitattā pañcannaṃ balānaṃ, bhāvitattā sattannaṃ bojjhaṅgānaṃ, bhāvitattā ariyassa aṭṭhaṅgikassa maggassa.
‘‘сзяяат̇ааби, бхигкавз, гуггудияаа ан̣д̣аани адта ваа д̣̇аса ваа д̣̇ваад̣̇аса ваа. д̇аанассу гуггудияаа саммаа ад̇хисаяид̇аани, саммаа барисзд̣̇ид̇аани, саммаа барибхаавид̇аани . гин̃жааби д̇ассаа гуггудияаа на звам̣ ижчаа уббаж̇ж̇зяяа – ‘ахо вад̇а мз гуггудабод̇агаа баад̣̇анакасикааяа ваа мукад̇ун̣д̣агзна ваа ан̣д̣агосам̣ бад̣̇аалзд̇ваа сод̇т̇инаа абхиниб̣бхиж̇ж̇зяяу’нд̇и, ат̇а ко бхаб̣б̣аава д̇з гуггудабод̇агаа баад̣̇анакасикааяа ваа мукад̇ун̣д̣агзна ваа ан̣д̣агосам̣ бад̣̇аалзд̇ваа сод̇т̇инаа абхиниб̣бхиж̇ж̇ид̇ум̣. д̇ам̣ гисса хзд̇у? д̇ат̇аа хи бана, бхигкавз, гуггудияаа ан̣д̣аани адта ваа д̣̇аса ваа д̣̇ваад̣̇аса ваа; д̇аанассу гуггудияаа саммаа ад̇хисаяид̇аани, саммаа барисзд̣̇ид̇аани, саммаа барибхаавид̇аани. звамзва ко, бхигкавз, бхааванаануяог̇ам̣ ануяуд̇д̇асса бхигкуно вихарад̇о гин̃жааби на звам̣ ижчаа уббаж̇ж̇зяяа – ‘ахо вад̇а мз анубаад̣̇ааяа аасавзхи жид̇д̇ам̣ вимужжзяяаа’д̇и, ат̇а квасса анубаад̣̇ааяа аасавзхи жид̇д̇ам̣ вимужжад̇и. д̇ам̣ гисса хзд̇у? ‘бхаавид̇ад̇д̇аа’д̇исса важанийяам̣. гисса бхаавид̇ад̇д̇аа? бхаавид̇ад̇д̇аа жад̇уннам̣ сад̇ибадтаанаанам̣…бз… бхаавид̇ад̇д̇аа арияасса адтан̇г̇игасса маг̇г̇асса.
‘‘Seyyathāpi, bhikkhave, kukkuṭiyā aṇḍāni aṭṭha vā dasa vā dvādasa vā. Tānassu kukkuṭiyā sammā adhisayitāni, sammā pariseditāni, sammā paribhāvitāni . Kiñcāpi tassā kukkuṭiyā na evaṃ icchā uppajjeyya – ‘aho vata me kukkuṭapotakā pādanakhasikhāya vā mukhatuṇḍakena vā aṇḍakosaṃ padāletvā sotthinā abhinibbhijjeyyu’nti, atha kho bhabbāva te kukkuṭapotakā pādanakhasikhāya vā mukhatuṇḍakena vā aṇḍakosaṃ padāletvā sotthinā abhinibbhijjituṃ. Taṃ kissa hetu? Tathā hi pana, bhikkhave, kukkuṭiyā aṇḍāni aṭṭha vā dasa vā dvādasa vā; tānassu kukkuṭiyā sammā adhisayitāni, sammā pariseditāni, sammā paribhāvitāni. Evameva kho, bhikkhave, bhāvanānuyogaṃ anuyuttassa bhikkhuno viharato kiñcāpi na evaṃ icchā uppajjeyya – ‘aho vata me anupādāya āsavehi cittaṃ vimucceyyā’ti, atha khvassa anupādāya āsavehi cittaṃ vimuccati. Taṃ kissa hetu? ‘Bhāvitattā’tissa vacanīyaṃ. Kissa bhāvitattā? Bhāvitattā catunnaṃ satipaṭṭhānānaṃ…pe… bhāvitattā ariyassa aṭṭhaṅgikassa maggassa.
‘‘сзяяат̇ааби, бхигкавз, балаг̇ан̣д̣асса ваа балаг̇ан̣д̣анд̇зваасисса ваа ваасиж̇адз д̣̇иссанд̇зва ан̇г̇улибад̣̇аани д̣̇иссад̇и ан̇г̇удтабад̣̇ам̣. но жа квасса звам̣ н̃аан̣ам̣ ход̇и – ‘зд̇д̇агам̣ вад̇а мз аж̇ж̇а ваасиж̇адасса кийн̣ам̣, зд̇д̇агам̣ хияяо, зд̇д̇агам̣ барз’д̇и. ат̇а квасса кийн̣з кийн̣анд̇взва н̃аан̣ам̣ ход̇и. звамзва ко, бхигкавз, бхааванаануяог̇ам̣ ануяуд̇д̇асса бхигкуно вихарад̇о гин̃жааби на звам̣ н̃аан̣ам̣ ход̇и – ‘зд̇д̇агам̣ вад̇а мз аж̇ж̇а аасаваанам̣ кийн̣ам̣, зд̇д̇агам̣ хияяо, зд̇д̇агам̣ барз’д̇и, ат̇а квасса кийн̣з кийн̣анд̇взва н̃аан̣ам̣ ход̇и. сзяяат̇ааби, бхигкавз, саамуд̣̇д̣̇игааяа наавааяа взд̇д̇аб̣анд̇ханаб̣ад̣̇д̇хааяа вассамаасаани уд̣̇агз барияаад̣̇ааяа хзманд̇игзна т̇алам̣ угкид̇д̇ааяа ваад̇аад̇абабарзд̇аани взд̇д̇аб̣анд̇ханаани. д̇аани баавусагзна мзгхзна абхиббавудтаани аббагасирзнзва бадиббассамбханд̇и бууд̇игаани бхаванд̇и; звамзва ко, бхигкавз, бхааванаануяог̇ам̣ ануяуд̇д̇асса бхигкуно вихарад̇о аббагасирзнзва сам̣яож̇анаани бадиббассамбханд̇и бууд̇игаани бхаванд̇ий’’д̇и. навамам̣.
‘‘Seyyathāpi, bhikkhave, palagaṇḍassa vā palagaṇḍantevāsissa vā vāsijaṭe dissanteva aṅgulipadāni dissati aṅguṭṭhapadaṃ. No ca khvassa evaṃ ñāṇaṃ hoti – ‘ettakaṃ vata me ajja vāsijaṭassa khīṇaṃ, ettakaṃ hiyyo, ettakaṃ pare’ti. Atha khvassa khīṇe khīṇantveva ñāṇaṃ hoti. Evameva kho, bhikkhave, bhāvanānuyogaṃ anuyuttassa bhikkhuno viharato kiñcāpi na evaṃ ñāṇaṃ hoti – ‘ettakaṃ vata me ajja āsavānaṃ khīṇaṃ, ettakaṃ hiyyo, ettakaṃ pare’ti, atha khvassa khīṇe khīṇantveva ñāṇaṃ hoti. Seyyathāpi, bhikkhave, sāmuddikāya nāvāya vettabandhanabaddhāya vassamāsāni udake pariyādāya hemantikena thalaṃ ukkhittāya vātātapaparetāni vettabandhanāni. Tāni pāvusakena meghena abhippavuṭṭhāni appakasireneva paṭippassambhanti pūtikāni bhavanti; evameva kho, bhikkhave, bhāvanānuyogaṃ anuyuttassa bhikkhuno viharato appakasireneva saṃyojanāni paṭippassambhanti pūtikāni bhavantī’’ti. Navamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. ваасиж̇адасуд̇д̇аван̣н̣анаа • 9. Vāsijaṭasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. ваасиж̇адасуд̇д̇аван̣н̣анаа • 9. Vāsijaṭasuttavaṇṇanā
