| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
9. ваасиж̇адасуд̇д̇аван̣н̣анаа
9. Vāsijaṭasuttavaṇṇanā
101. ад̇т̇ассаад̇и хид̇асса. асаад̇хигаа ‘‘бхааванаануяог̇ам̣ анануяуд̇д̇ассаа’’д̇и анануяуд̇д̇асса вуд̇д̇ад̇д̇аа. ид̇араад̇и суггабагкаубамаа. саад̇хигаа бхааванааяог̇асса ануяуд̇д̇ад̇д̇аа. д̇ан̃хи д̇асса саад̇хигаа взд̣̇ид̇аб̣б̣аа. самбхааванад̇т̇зд̇и барамад̇т̇асамбхааванз. зван̃хи ган̣хабагкзби абисад̣̇д̣̇аг̇г̇ахан̣ам̣ самад̇т̇ид̇ам̣ ход̇и. самбхааванад̇т̇зд̇и ваа баригаббанад̇т̇зд̇и ад̇т̇о. сан̇каад̇аб̣б̣з ад̇т̇з анияамад̇о вужжамаанз сан̇каад̇о анияамад̇т̇о ваасад̣̇д̣̇о вад̇д̇аб̣б̣од̇и ‘‘адта ваа’’д̇иаад̣̇и вуд̇д̇ам̣. уунаад̇хигаанийд̇и уунааниби ад̇хигааниби гин̃жааби хонд̇и, згам̣со бана г̇ахзд̇аб̣б̣од̇и ‘‘адта ваа д̣̇аса ваа д̣̇ваад̣̇аса ваа’’д̇и вуд̇д̇ам̣. звам̣ важанам̣ санд̇хааяа ‘‘важанасилидтад̇ааяаа’’д̇иаад̣̇и вуд̇д̇ам̣. баад̣̇анакасикаахи агобанавасзна саммаа ад̇хисаяид̇аани. уд̇унд̇и ун̣хауд̇ум̣ гааяусмаавасзна. д̇знааха ‘‘усмийгад̇ааний’’д̇и. бхаавид̇аанийд̇и гуггудаваасанааяа ваасид̇аани. саммааад̇хисаяанаад̣̇ид̇ивид̇хагирияаагаран̣зна имам̣ аббамаад̣̇ам̣ гад̇ваа. сод̇т̇инаа абхиниб̣бхиж̇ж̇ид̇унд̇и ананд̇арааязна д̇ад̇о нигкамид̇ум̣. ид̣̇аани д̇амад̇т̇ам̣ виваранд̇о ‘‘д̇з хий’’д̇иаад̣̇имааха. саяамбийд̇и ан̣д̣аани. барин̣ааманд̇и барибаггам̣ б̣ахинигкаманаяог̇г̇ад̇ам̣.
101.Atthassāti hitassa. Asādhikā ‘‘bhāvanānuyogaṃ ananuyuttassā’’ti ananuyuttassa vuttattā. Itarāti sukkapakkhaupamā. Sādhikā bhāvanāyogassa anuyuttattā. Tañhi tassa sādhikā veditabbā. Sambhāvanattheti paramatthasambhāvane. Evañhi kaṇhapakkhepi apisaddaggahaṇaṃ samatthitaṃ hoti. Sambhāvanattheti vā parikappanattheti attho. Saṅkhātabbe atthe aniyamato vuccamāne saṅkhāto aniyamattho vāsaddo vattabboti ‘‘aṭṭha vā’’tiādi vuttaṃ. Ūnādhikānīti ūnānipi adhikānipi kiñcāpi honti, ekaṃso pana gahetabboti ‘‘aṭṭha vā dasa vā dvādasa vā’’ti vuttaṃ. Evaṃ vacanaṃ sandhāya ‘‘vacanasiliṭṭhatāyā’’tiādi vuttaṃ. Pādanakhasikhāhi akopanavasena sammā adhisayitāni. Utunti uṇhautuṃ kāyusmāvasena. Tenāha ‘‘usmīkatānī’’ti. Bhāvitānīti kukkuṭavāsanāya vāsitāni. Sammāadhisayanāditividhakiriyākaraṇena imaṃ appamādaṃ katvā. Sotthinā abhinibbhijjitunti anantarāyena tato nikkhamituṃ. Idāni tamatthaṃ vivaranto ‘‘te hī’’tiādimāha. Sayampīti aṇḍāni. Pariṇāmanti paripakkaṃ bahinikkhamanayoggataṃ.
д̇анд̇и обаммасамбадибаад̣̇анам̣. званд̇и ид̣̇аани вужжамаанаагаарзна. ад̇т̇знаад̇и убамзяяад̇т̇зна. сам̣санд̣̇ид̇ваа саммаа яож̇зд̇ваа. самбаяуд̇д̇ад̇хаммавасзна н̃аан̣асса д̇игкаад̣̇ибхааво взд̣̇ид̇аб̣б̣о. н̃аан̣асса хи сабхаавад̇о сад̇инзбаггад̇о жа д̇игкабхааво, самаад̇хивасзна суурабхааво, сад̣̇д̇хаавасзна виббасаннабхааво , вийрияавасзна барин̣аамабхааво. барин̣аамагаалод̇и б̣алававибассанаагаало. вад̣дхид̇агаалод̇и вудтаанаг̇ааминивибассанаагаало. ануломадтаанасса хи вибассанаа г̇ахид̇аг̇аб̣бхаа наама д̇ад̣̇аа маг̇г̇аг̇аб̣бхасса г̇ахид̇ад̇д̇аа. д̇аж̇ж̇аад̇иганд̇и д̇асса вибассанаануяог̇асса ануруубам̣. сад̇т̇ааби г̇аат̇ааяа авиж̇ж̇ан̣д̣агосам̣ бахарад̇и бхинд̣̇аабзд̇и.
Tanti opammasampaṭipādanaṃ. Evanti idāni vuccamānākārena. Atthenāti upameyyatthena. Saṃsanditvā sammā yojetvā. Sampayuttadhammavasena ñāṇassa tikkhādibhāvo veditabbo. Ñāṇassa hi sabhāvato satinepakkato ca tikkhabhāvo, samādhivasena sūrabhāvo, saddhāvasena vippasannabhāvo , vīriyavasena pariṇāmabhāvo. Pariṇāmakāloti balavavipassanākālo. Vaḍḍhitakāloti vuṭṭhānagāminivipassanākālo. Anulomaṭṭhānassa hi vipassanā gahitagabbhā nāma tadā maggagabbhassa gahitattā. Tajjātikanti tassa vipassanānuyogassa anurūpaṃ. Satthāpi gāthāya avijjaṇḍakosaṃ paharati bhindāpeti.
оламб̣агасан̇каад̇анд̇и оламб̣агасуд̇д̇асан̇каад̇ам̣. баланд̇и д̇асса суд̇д̇асса наамам̣. д̇хаарзд̇ваад̇и д̣̇ааруунам̣ хзяяаад̣̇иж̇аананад̇т̇ам̣ убанзд̇ваа. д̣̇ааруунам̣ г̇ан̣д̣ам̣ харад̇ийд̇и балаг̇ан̣д̣од̇и зд̇зна балзна г̇ан̣д̣ахааро ‘‘балаг̇ан̣д̣о’’д̇и бажчимабад̣̇з уд̇д̇арабад̣̇алобзна нид̣̇д̣̇зсод̇и д̣̇ассзд̇и. г̇ахан̣адтаанзд̇и хад̇т̇зна г̇ахзд̇аб̣б̣адтаанз. саммад̣̇зва кзбийяанд̇и зд̇зна гааяад̣̇ужжарид̇аад̣̇ийнийд̇и сан̇кзбо, д̇зна. вибассанам̣ ануяун̃ж̇анд̇асса буг̇г̇алассзва д̣̇ивасз д̣̇ивасз аасаваанам̣ баригкаяо ид̇ха ‘‘вибассанааяаанисам̣со’’д̇и ад̇хиббзд̇о. хзманд̇игзна гаран̣абхууд̇зна. бхуммад̇т̇з ваа зд̇ам̣ гаран̣аважанам̣, хзманд̇игзд̇и ад̇т̇о. бадиббассамбханд̇ийд̇и бадиббассад̣̇д̇хапалаани хонд̇и. д̇знааха ‘‘бууд̇игаани бхаванд̇ий’’д̇и.
Olambakasaṅkhātanti olambakasuttasaṅkhātaṃ. Palanti tassa suttassa nāmaṃ. Dhāretvāti dārūnaṃ heyyādijānanatthaṃ upanetvā. Dārūnaṃ gaṇḍaṃ haratīti palagaṇḍoti etena palena gaṇḍahāro ‘‘palagaṇḍo’’ti pacchimapade uttarapadalopena niddesoti dasseti. Gahaṇaṭṭhāneti hatthena gahetabbaṭṭhāne. Sammadeva khepīyanti etena kāyaduccaritādīnīti saṅkhepo, tena. Vipassanaṃ anuyuñjantassa puggalasseva divase divase āsavānaṃ parikkhayo idha ‘‘vipassanāyānisaṃso’’ti adhippeto. Hemantikena karaṇabhūtena. Bhummatthe vā etaṃ karaṇavacanaṃ, hemantiketi attho. Paṭippassambhantīti paṭippassaddhaphalāni honti. Tenāha ‘‘pūtikāni bhavantī’’ti.
махаасамуд̣̇д̣̇о вияа саасанам̣ сабхааваг̇амбхийрабхаавад̇о. нааваа вияа яог̇ааважаро махогхуд̇д̇аран̣ад̇о. барияаад̣̇аанам̣ вияаад̇и барид̇о абарибууран̣ам̣ вияа. каж̇ж̇амаанаананд̇и сан̇каад̣̇анд̇зна вияа уд̣̇агзна кзбияамаанаанам̣ б̣анд̇ханаанам̣. д̇анубхаавод̇и барияудтаануббад̇д̇ияаа асамад̇т̇ад̇ааяа д̣̇уб̣б̣алабхааво. вибассанаан̃аан̣абийд̇ибаамож̇ж̇зхийд̇и вибассанаан̃аан̣асамудтид̇зхи бийд̇ибаамож̇ж̇зхи. огкааяамаанз багкааяамаанзд̇и вивид̇хабадибад̇д̇ияаа угкааяамаанз бадисан̇каанубассанааяа багкааяамаанз. д̣̇уб̣б̣алад̇аа д̣̇ийбид̇аа ‘‘аббагасирзнзва сам̣яож̇анаани бадиббассамбханд̇и, бууд̇игаани бхаванд̇ий’’д̇и вуд̇д̇ад̇д̇аа.
Mahāsamuddo viya sāsanaṃ sabhāvagambhīrabhāvato. Nāvā viya yogāvacaro mahoghuttaraṇato. Pariyādānaṃ viyāti parito aparipūraṇaṃ viya. Khajjamānānanti saṅkhādantena viya udakena khepiyamānānaṃ bandhanānaṃ. Tanubhāvoti pariyuṭṭhānuppattiyā asamatthatāya dubbalabhāvo. Vipassanāñāṇapītipāmojjehīti vipassanāñāṇasamuṭṭhitehi pītipāmojjehi. Okkhāyamāne pakkhāyamāneti vividhapaṭipattiyā ukkhāyamāne paṭisaṅkhānupassanāya pakkhāyamāne. Dubbalatā dīpitā ‘‘appakasireneva saṃyojanāni paṭippassambhanti, pūtikāni bhavantī’’ti vuttattā.
ваасиж̇адасуд̇д̇аван̣н̣анаа нидтид̇аа.
Vāsijaṭasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. ваасиж̇адасуд̇д̇ам̣ • 9. Vāsijaṭasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. ваасиж̇адасуд̇д̇аван̣н̣анаа • 9. Vāsijaṭasuttavaṇṇanā
