| Library / Tipiṭaka / திபிடக • Tipiṭaka / மிலிந்த³பஞ்ஹபாளி • Milindapañhapāḷi |
2. வஸ்ஸக³ணனபஞ்ஹோ
2. Vassagaṇanapañho
2. ‘‘கதிவஸ்ஸோஸி த்வங், ப⁴ந்தே நாக³ஸேனா’’தி? ‘‘ஸத்தவஸ்ஸோஹங், மஹாராஜா’’தி. ‘‘கே தே, ப⁴ந்தே, ஸத்த, த்வங் வா ஸத்த, க³ணனா வா ஸத்தா’’தி?
2. ‘‘Kativassosi tvaṃ, bhante nāgasenā’’ti? ‘‘Sattavassohaṃ, mahārājā’’ti. ‘‘Ke te, bhante, satta, tvaṃ vā satta, gaṇanā vā sattā’’ti?
தேன கோ² பன ஸமயேன மிலிந்த³ஸ்ஸ ரஞ்ஞோ ஸப்³பா³ப⁴ரணபடிமண்டி³தஸ்ஸ அலங்கதபடியத்தஸ்ஸ பத²வியங் சா²யா தி³ஸ்ஸதி, உத³கமணிகே ச சா²யா தி³ஸ்ஸதி. அத² கோ² ஆயஸ்மா நாக³ஸேனோ மிலிந்த³ங் ராஜானங் ஏதத³வோச ‘‘அயங் தே, மஹாராஜ, சா²யா பத²வியங் உத³கமணிகே ச தி³ஸ்ஸதி, கிங் பன, மஹாராஜ, த்வங் வா ராஜா, சா²யா வா ராஜா’’தி? ‘‘அஹங், ப⁴ந்தே நாக³ஸேன, ராஜா, நாயங் சா²யா ராஜா, மங் பன நிஸ்ஸாய சா²யா பவத்ததீ’’தி. ‘‘ஏவமேவ கோ², மஹாராஜ, வஸ்ஸானங் க³ணனா ஸத்த, ந பனாஹங் ஸத்த, மங் பன நிஸ்ஸாய ஸத்த பவத்ததி, சா²யூபமங் மஹாராஜா’’தி. ‘‘அச்ச²ரியங், ப⁴ந்தே நாக³ஸேன, அப்³பு⁴தங், ப⁴ந்தே நாக³ஸேன, அதிசித்ரானி பஞ்ஹபடிபா⁴னானி விஸஜ்ஜிதானீ’’தி.
Tena kho pana samayena milindassa rañño sabbābharaṇapaṭimaṇḍitassa alaṅkatapaṭiyattassa pathaviyaṃ chāyā dissati, udakamaṇike ca chāyā dissati. Atha kho āyasmā nāgaseno milindaṃ rājānaṃ etadavoca ‘‘ayaṃ te, mahārāja, chāyā pathaviyaṃ udakamaṇike ca dissati, kiṃ pana, mahārāja, tvaṃ vā rājā, chāyā vā rājā’’ti? ‘‘Ahaṃ, bhante nāgasena, rājā, nāyaṃ chāyā rājā, maṃ pana nissāya chāyā pavattatī’’ti. ‘‘Evameva kho, mahārāja, vassānaṃ gaṇanā satta, na panāhaṃ satta, maṃ pana nissāya satta pavattati, chāyūpamaṃ mahārājā’’ti. ‘‘Acchariyaṃ, bhante nāgasena, abbhutaṃ, bhante nāgasena, aticitrāni pañhapaṭibhānāni visajjitānī’’ti.
வஸ்ஸக³ணனபஞ்ஹோ து³தியோ.
Vassagaṇanapañho dutiyo.
