| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
2. вассаг̇ан̣анабан̃хо
2. Vassagaṇanapañho
2. ‘‘гад̇ивассоси д̇вам̣, бханд̇з нааг̇асзнаа’’д̇и? ‘‘сад̇д̇авассохам̣, махаарааж̇аа’’д̇и. ‘‘гз д̇з, бханд̇з, сад̇д̇а, д̇вам̣ ваа сад̇д̇а, г̇ан̣анаа ваа сад̇д̇аа’’д̇и?
2. ‘‘Kativassosi tvaṃ, bhante nāgasenā’’ti? ‘‘Sattavassohaṃ, mahārājā’’ti. ‘‘Ke te, bhante, satta, tvaṃ vā satta, gaṇanā vā sattā’’ti?
д̇зна ко бана самаязна милинд̣̇асса ран̃н̃о саб̣б̣аабхаран̣абадиман̣д̣ид̇асса алан̇гад̇абадияад̇д̇асса бат̇авияам̣ чааяаа д̣̇иссад̇и, уд̣̇агаман̣игз жа чааяаа д̣̇иссад̇и. ат̇а ко ааяасмаа нааг̇асзно милинд̣̇ам̣ рааж̇аанам̣ зд̇ад̣̇авожа ‘‘аяам̣ д̇з, махаарааж̇а, чааяаа бат̇авияам̣ уд̣̇агаман̣игз жа д̣̇иссад̇и, гим̣ бана, махаарааж̇а, д̇вам̣ ваа рааж̇аа, чааяаа ваа рааж̇аа’’д̇и? ‘‘ахам̣, бханд̇з нааг̇асзна, рааж̇аа, нааяам̣ чааяаа рааж̇аа, мам̣ бана ниссааяа чааяаа бавад̇д̇ад̇ий’’д̇и. ‘‘звамзва ко, махаарааж̇а, вассаанам̣ г̇ан̣анаа сад̇д̇а, на банаахам̣ сад̇д̇а, мам̣ бана ниссааяа сад̇д̇а бавад̇д̇ад̇и, чааяуубамам̣ махаарааж̇аа’’д̇и. ‘‘ажчарияам̣, бханд̇з нааг̇асзна, аб̣бхуд̇ам̣, бханд̇з нааг̇асзна, ад̇ижид̇раани бан̃хабадибхаанаани висаж̇ж̇ид̇ааний’’д̇и.
Tena kho pana samayena milindassa rañño sabbābharaṇapaṭimaṇḍitassa alaṅkatapaṭiyattassa pathaviyaṃ chāyā dissati, udakamaṇike ca chāyā dissati. Atha kho āyasmā nāgaseno milindaṃ rājānaṃ etadavoca ‘‘ayaṃ te, mahārāja, chāyā pathaviyaṃ udakamaṇike ca dissati, kiṃ pana, mahārāja, tvaṃ vā rājā, chāyā vā rājā’’ti? ‘‘Ahaṃ, bhante nāgasena, rājā, nāyaṃ chāyā rājā, maṃ pana nissāya chāyā pavattatī’’ti. ‘‘Evameva kho, mahārāja, vassānaṃ gaṇanā satta, na panāhaṃ satta, maṃ pana nissāya satta pavattati, chāyūpamaṃ mahārājā’’ti. ‘‘Acchariyaṃ, bhante nāgasena, abbhutaṃ, bhante nāgasena, aticitrāni pañhapaṭibhānāni visajjitānī’’ti.
вассаг̇ан̣анабан̃хо д̣̇уд̇ияо.
Vassagaṇanapañho dutiyo.
