| Library / Tipiṭaka / ཏིཔིཊཀ • Tipiṭaka / མིལིནྡཔཉྷཔཱལི༹ • Milindapañhapāḷi |
༢. ཝསྶགཎནཔཉྷོ
2. Vassagaṇanapañho
༢. ‘‘ཀཏིཝསྶོསི ཏྭཾ, བྷནྟེ ནཱགསེནཱ’’ཏི? ‘‘སཏྟཝསྶོཧཾ, མཧཱརཱཛཱ’’ཏི། ‘‘ཀེ ཏེ, བྷནྟེ, སཏྟ, ཏྭཾ ཝཱ སཏྟ, གཎནཱ ཝཱ སཏྟཱ’’ཏི?
2. ‘‘Kativassosi tvaṃ, bhante nāgasenā’’ti? ‘‘Sattavassohaṃ, mahārājā’’ti. ‘‘Ke te, bhante, satta, tvaṃ vā satta, gaṇanā vā sattā’’ti?
ཏེན ཁོ པན སམཡེན མིལིནྡསྶ རཉྙོ སབྦཱབྷརཎཔཊིམཎྜིཏསྶ ཨལངྐཏཔཊིཡཏྟསྶ པཐཝིཡཾ ཚཱཡཱ དིསྶཏི, ཨུདཀམཎིཀེ ཙ ཚཱཡཱ དིསྶཏི། ཨཐ ཁོ ཨཱཡསྨཱ ནཱགསེནོ མིལིནྡཾ རཱཛཱནཾ ཨེཏདཝོཙ ‘‘ཨཡཾ ཏེ, མཧཱརཱཛ, ཚཱཡཱ པཐཝིཡཾ ཨུདཀམཎིཀེ ཙ དིསྶཏི, ཀིཾ པན, མཧཱརཱཛ, ཏྭཾ ཝཱ རཱཛཱ, ཚཱཡཱ ཝཱ རཱཛཱ’’ཏི? ‘‘ཨཧཾ, བྷནྟེ ནཱགསེན, རཱཛཱ, ནཱཡཾ ཚཱཡཱ རཱཛཱ, མཾ པན ནིསྶཱཡ ཚཱཡཱ པཝཏྟཏཱི’’ཏི། ‘‘ཨེཝམེཝ ཁོ, མཧཱརཱཛ, ཝསྶཱནཾ གཎནཱ སཏྟ, ན པནཱཧཾ སཏྟ, མཾ པན ནིསྶཱཡ སཏྟ པཝཏྟཏི, ཚཱཡཱུཔམཾ མཧཱརཱཛཱ’’ཏི། ‘‘ཨཙྪརིཡཾ, བྷནྟེ ནཱགསེན, ཨབྦྷུཏཾ, བྷནྟེ ནཱགསེན, ཨཏིཙིཏྲཱནི པཉྷཔཊིབྷཱནཱནི ཝིསཛྫིཏཱནཱི’’ཏི།
Tena kho pana samayena milindassa rañño sabbābharaṇapaṭimaṇḍitassa alaṅkatapaṭiyattassa pathaviyaṃ chāyā dissati, udakamaṇike ca chāyā dissati. Atha kho āyasmā nāgaseno milindaṃ rājānaṃ etadavoca ‘‘ayaṃ te, mahārāja, chāyā pathaviyaṃ udakamaṇike ca dissati, kiṃ pana, mahārāja, tvaṃ vā rājā, chāyā vā rājā’’ti? ‘‘Ahaṃ, bhante nāgasena, rājā, nāyaṃ chāyā rājā, maṃ pana nissāya chāyā pavattatī’’ti. ‘‘Evameva kho, mahārāja, vassānaṃ gaṇanā satta, na panāhaṃ satta, maṃ pana nissāya satta pavattati, chāyūpamaṃ mahārājā’’ti. ‘‘Acchariyaṃ, bhante nāgasena, abbhutaṃ, bhante nāgasena, aticitrāni pañhapaṭibhānāni visajjitānī’’ti.
ཝསྶགཎནཔཉྷོ དུཏིཡོ།
Vassagaṇanapañho dutiyo.
