| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. вассагаарасуд̇д̇аван̣н̣анаа
5. Vassakārasuttavaṇṇanā
35. бан̃жамз ануссарид̇аад̇и ануг̇анд̇ваа сарид̇аа, абараабарам̣ сарид̇ум̣ самад̇т̇од̇и ад̇т̇о. д̣̇агкод̇и чзго. д̇ад̇рубааяааяаад̇и ‘‘имасмим̣ гаалз имам̣ наама гад̇д̇аб̣б̣а’’нд̇и звам̣ д̇ад̇т̇а д̇ад̇т̇а убааяабхууд̇ааяа бан̃н̃ааяа саманнааг̇ад̇о. анумод̣̇ид̇аб̣б̣анд̇и абхинанд̣̇ид̇аб̣б̣ам̣. бадиггосид̇аб̣б̣анд̇и бадигкибид̇аб̣б̣ам̣. нзва ко д̇яааханд̇и нзва ко д̇з ахам̣. гасмаа банзд̇ам̣ бхаг̇аваа наабхинанд̣̇ад̇и, наббадигкибад̇ийд̇и? логияад̇д̇аа наабхинанд̣̇ад̇и , логияам̣ ад̇т̇ам̣ г̇ахзд̇ваа тид̇ад̇д̇аа наббадиггосад̇и. б̣ахусса ж̇анад̇аад̇и б̣аху асса ж̇анад̇аа. ид̣̇ан̃жа гаран̣ад̇т̇з саамиважанам̣ взд̣̇ид̇аб̣б̣ам̣. арияз н̃ааязд̇и сахавибассанагз маг̇г̇з. галяаан̣ад̇хаммад̇аа гусалад̇хаммад̇аад̇иби д̇ассзва наамаани. яам̣ вид̇агганд̇и нзгкаммавид̇аггаад̣̇ийсу ан̃н̃ад̇арам̣. на д̇ам̣ вид̇аггам̣ вид̇аггзд̇ийд̇и гаамавид̇аггаад̣̇ийсу згамби на вид̇аггзд̇и. ид̇арам̣ д̇ассзва взважанам̣. вид̇аггабат̇зд̇и зд̇т̇а вид̇аггоязва вид̇аггабат̇о. ахан̃хи б̣раахман̣аад̇иаад̣̇ийсу батаманаязна кийн̣аасавасса сийлан̃жзва б̣аахусажжан̃жа гат̇ид̇ам̣, д̣̇уд̇ияад̇ад̇иязхи кийн̣аасавасса гирияавид̇аггаани жзва гирияаж̇жхаанаани жа, жад̇уд̇т̇зна кийн̣аасавабхааво гат̇ид̇од̇и взд̣̇ид̇аб̣б̣о.
35. Pañcame anussaritāti anugantvā saritā, aparāparaṃ sarituṃ samatthoti attho. Dakkhoti cheko. Tatrupāyāyāti ‘‘imasmiṃ kāle imaṃ nāma kattabba’’nti evaṃ tattha tattha upāyabhūtāya paññāya samannāgato. Anumoditabbanti abhinanditabbaṃ. Paṭikkositabbanti paṭikkhipitabbaṃ. Neva kho tyāhanti neva kho te ahaṃ. Kasmā panetaṃ bhagavā nābhinandati, nappaṭikkhipatīti? Lokiyattā nābhinandati , lokiyaṃ atthaṃ gahetvā ṭhitattā nappaṭikkosati. Bahussa janatāti bahu assa janatā. Idañca karaṇatthe sāmivacanaṃ veditabbaṃ. Ariye ñāyeti sahavipassanake magge. Kalyāṇadhammatā kusaladhammatātipi tasseva nāmāni. Yaṃ vitakkanti nekkhammavitakkādīsu aññataraṃ. Na taṃ vitakkaṃ vitakketīti kāmavitakkādīsu ekampi na vitakketi. Itaraṃ tasseva vevacanaṃ. Vitakkapatheti ettha vitakkoyeva vitakkapatho. Ahañhi brāhmaṇātiādīsu paṭhamanayena khīṇāsavassa sīlañceva bāhusaccañca kathitaṃ, dutiyatatiyehi khīṇāsavassa kiriyavitakkāni ceva kiriyajjhānāni ca, catutthena khīṇāsavabhāvo kathitoti veditabbo.
мажжубаасаббаможананд̇и мажжубаасаа баможанагам̣ маг̇г̇ам̣. н̃ааяам̣ д̇хамманд̇и сахавибассанагам̣ маг̇г̇ам̣. д̣̇исваа жа суд̇ваа жаад̇и н̃аан̣знзва бассид̇ваа жа сун̣ид̇ваа жа. сзсамзд̇т̇а уд̇д̇аанамзва.
Maccupāsappamocananti maccupāsā pamocanakaṃ maggaṃ. Ñāyaṃ dhammanti sahavipassanakaṃ maggaṃ. Disvā ca sutvā cāti ñāṇeneva passitvā ca suṇitvā ca. Sesamettha uttānameva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. вассагаарасуд̇д̇ам̣ • 5. Vassakārasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. вассагаарасуд̇д̇аван̣н̣анаа • 5. Vassakārasuttavaṇṇanā
