| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
2. вассагаарасуд̇д̇аван̣н̣анаа
2. Vassakārasuttavaṇṇanā
22. д̣̇уд̇ияз абхияаад̇угаамод̇и абхибхаванад̇т̇ааяа яаад̇угаамо. важ̇ж̇ийд̇и важ̇ж̇ирааж̇аано. звам̣махид̣̇д̇хигзд̇и звам̣ махад̇ияаа рааж̇ид̣̇д̇хияаа саманнааг̇ад̇з. зд̇зна нзсам̣ самаг̇г̇абхаавам̣ гат̇зд̇и. звам̣махаанубхаавзд̇и звам̣ маханд̇зна рааж̇аанубхаавзна саманнааг̇ад̇з . зд̇зна нзсам̣ хад̇т̇исиббаад̣̇ийсу гад̇асигкад̇ам̣ гат̇зд̇и, яам̣ санд̇хааяа вуд̇д̇ам̣ – ‘‘сигкид̇аа вад̇имз лижчавигумаарагаа, сусигкид̇аа вад̇имз лижчавигумаарагаа, яад̇ра хи наама сукумзна д̇аал̣ажчиг̇г̇ал̣зна асанам̣ ад̇ибаад̇аяиссанд̇и бон̇каанубон̇кам̣ авираад̇хид̇а’’нд̇и (сам̣. ни. 5.1115). ужчзжчаамийд̇и ужчинд̣̇иссаами. винаасзссаамийд̇и ад̣̇ассанам̣ наяиссаами. анаяаб̣яасананд̇и авад̣дхин̃жзва, н̃аад̇иб̣яасанан̃жа. аабаад̣̇зссаамийд̇и баабаяиссаами.
22. Dutiye abhiyātukāmoti abhibhavanatthāya yātukāmo. Vajjīti vajjirājāno. Evaṃmahiddhiketi evaṃ mahatiyā rājiddhiyā samannāgate. Etena nesaṃ samaggabhāvaṃ katheti. Evaṃmahānubhāveti evaṃ mahantena rājānubhāvena samannāgate . Etena nesaṃ hatthisippādīsu katasikkhataṃ katheti, yaṃ sandhāya vuttaṃ – ‘‘sikkhitā vatime licchavikumārakā, susikkhitā vatime licchavikumārakā, yatra hi nāma sukhumena tāḷacchiggaḷena asanaṃ atipātayissanti poṅkhānupoṅkhaṃ avirādhita’’nti (saṃ. ni. 5.1115). Ucchecchāmīti ucchindissāmi. Vināsessāmīti adassanaṃ nayissāmi. Anayabyasananti avaḍḍhiñceva, ñātibyasanañca. Āpādessāmīti pāpayissāmi.
ид̇и гира со таананисаж̇ж̇аад̣̇ийсу имам̣ яуд̣̇д̇хагат̇амзва гат̇зд̇и, ‘‘г̇аманасаж̇ж̇аа хот̇аа’’д̇и жа б̣алагааяам̣ аан̣аабзд̇и. гасмаа? г̇ан̇г̇ааяа гира згам̣ бадданаг̇аамам̣ ниссааяа ад̣̇д̇хаяож̇анам̣ аж̇аад̇асад̇д̇уно виж̇ид̇ам̣, ад̣̇д̇хаяож̇анам̣ лижчавийнам̣. д̇ад̇ра баб̣б̣ад̇абаад̣̇ад̇о махаг̇гхабхан̣д̣ам̣ од̇арад̇и. д̇ам̣ суд̇ваа ‘‘аж̇ж̇а яаами, свз яаамий’’д̇и аж̇аад̇асад̇д̇уно сам̣вид̣̇аханд̇ассзва лижчавино самаг̇г̇аа саммод̣̇амаанаа бурзд̇арам̣ ааг̇анд̇ваа саб̣б̣ам̣ г̇ан̣ханд̇и. аж̇аад̇асад̇д̇у бажчаа ааг̇анд̇ваа д̇ам̣ бавад̇д̇им̣ н̃ад̇ваа гуж̇жхид̇ваа г̇ажчад̇и. д̇з бунасам̣важчарзби д̇ат̇зва гаронд̇и. ат̇а со б̣алаваагхаад̇аж̇аад̇о, д̇ад̣̇аа звамагааси.
Iti kira so ṭhānanisajjādīsu imaṃ yuddhakathameva katheti, ‘‘gamanasajjā hothā’’ti ca balakāyaṃ āṇāpeti. Kasmā? Gaṅgāya kira ekaṃ paṭṭanagāmaṃ nissāya addhayojanaṃ ajātasattuno vijitaṃ, addhayojanaṃ licchavīnaṃ. Tatra pabbatapādato mahagghabhaṇḍaṃ otarati. Taṃ sutvā ‘‘ajja yāmi, sve yāmī’’ti ajātasattuno saṃvidahantasseva licchavino samaggā sammodamānā puretaraṃ āgantvā sabbaṃ gaṇhanti. Ajātasattu pacchā āgantvā taṃ pavattiṃ ñatvā kujjhitvā gacchati. Te punasaṃvaccharepi tatheva karonti. Atha so balavāghātajāto, tadā evamakāsi.
д̇ад̇о жинд̇зси – ‘‘г̇ан̣зна сад̣̇д̇хим̣ яуд̣̇д̇хам̣ наама бхаарияам̣, згоби могхаббахааро наама над̇т̇и. згзна ко бана бан̣д̣ид̇зна сад̣̇д̇хим̣ манд̇зд̇ваа гаронд̇о нирабараад̇хо ход̇и, бан̣д̣ид̇о жа сад̇т̇аараа сад̣̇исо над̇т̇и, сад̇т̇аа жа авид̣̇уурз д̇хуравихаарз васад̇и, ханд̣̇аахам̣ бзсзд̇ваа бужчаами. сажз мз г̇ад̇зна гожи ад̇т̇о бхависсад̇и, сад̇т̇аа д̇ун̣хий бхависсад̇и. анад̇т̇з бана сад̇и ‘гим̣ ран̃н̃о д̇ад̇т̇а г̇ад̇знаа’д̇и вагкад̇ий’’д̇и. со вассагаарам̣ б̣раахман̣ам̣ бзсзси. б̣раахман̣о г̇анд̇ваа бхаг̇авад̇о д̇амад̇т̇ам̣ аарожзси. д̇зна вуд̇д̇ам̣ – ат̇а ко рааж̇аа…бз… аабаад̣̇зссаами важ̇ж̇ийд̇и.
Tato cintesi – ‘‘gaṇena saddhiṃ yuddhaṃ nāma bhāriyaṃ, ekopi moghappahāro nāma natthi. Ekena kho pana paṇḍitena saddhiṃ mantetvā karonto niraparādho hoti, paṇḍito ca satthārā sadiso natthi, satthā ca avidūre dhuravihāre vasati, handāhaṃ pesetvā pucchāmi. Sace me gatena koci attho bhavissati, satthā tuṇhī bhavissati. Anatthe pana sati ‘kiṃ rañño tattha gatenā’ti vakkhatī’’ti. So vassakāraṃ brāhmaṇaṃ pesesi. Brāhmaṇo gantvā bhagavato tamatthaṃ ārocesi. Tena vuttaṃ – atha kho rājā…pe… āpādessāmi vajjīti.
бхаг̇аванд̇ам̣ б̣ийж̇аяамаанод̇и т̇зро вад̇д̇асийсз тад̇ваа бхаг̇аванд̇ам̣ б̣ийж̇ад̇и, бхаг̇авад̇о бана сийд̇ам̣ ваа ун̣хам̣ ваа над̇т̇и. бхаг̇аваа б̣раахман̣асса важанам̣ суд̇ваа д̇зна сад̣̇д̇хим̣ аманд̇зд̇ваа т̇зрзна сад̣̇д̇хим̣ манд̇зд̇угаамо гинд̇и д̇з, аананд̣̇а, суд̇анд̇иаад̣̇имааха. д̇ам̣ вуд̇д̇ад̇т̇амзва.
Bhagavantaṃ bījayamānoti thero vattasīse ṭhatvā bhagavantaṃ bījati, bhagavato pana sītaṃ vā uṇhaṃ vā natthi. Bhagavā brāhmaṇassa vacanaṃ sutvā tena saddhiṃ amantetvā therena saddhiṃ mantetukāmo kinti te, ānanda, sutantiādimāha. Taṃ vuttatthameva.
згамид̣̇ааханд̇и ид̣̇ам̣ бхаг̇аваа буб̣б̣з важ̇ж̇ийнам̣ имасса важ̇ж̇исад̇д̇агасса д̣̇зсид̇абхааваббагаасанад̇т̇ам̣ ааха. агаран̣ийяаад̇и агад̇д̇аб̣б̣аа, аг̇г̇ахзд̇аб̣б̣аад̇и ад̇т̇о. яад̣̇ид̣̇анд̇и нибаад̇амад̇д̇ам̣. яуд̣̇д̇хассаад̇и гаран̣ад̇т̇з саамиважанам̣, абхимукам̣ яуд̣̇д̇хзна г̇ахзд̇ум̣ на саггаад̇и ад̇т̇о. ан̃н̃ад̇ра убалаабанааяаад̇и табзд̇ваа убалаабанам̣. убалаабанаа наама ‘‘алам̣ виваад̣̇зна, ид̣̇аани самаг̇г̇аа хомаа’’д̇и хад̇т̇иассарат̇ахиран̃н̃асуван̣н̣аад̣̇ийни бзсзд̇ваа сан̇г̇ахагаран̣ам̣, зван̃хи сан̇г̇ахам̣ гад̇ваа гзвалам̣ виссаасзна саггаа г̇ан̣хид̇унд̇и ад̇т̇о. ан̃н̃ад̇ра мит̇убхзд̣̇аад̇и табзд̇ваа мит̇убхзд̣̇ам̣. иминаа ‘‘ан̃н̃аман̃н̃абхзд̣̇ам̣ гад̇вааби саггаа зд̇з г̇ахзд̇у’’нд̇и д̣̇ассзд̇и. ид̣̇ам̣ б̣раахман̣о бхаг̇авад̇о гат̇ааяа наяам̣ лабхид̇ваа ааха. гим̣ бана бхаг̇аваа б̣раахман̣асса имааяа гат̇ааяа наяалаабхам̣ ж̇аанаад̇ийд̇и? аама ж̇аанаад̇и. ж̇аананд̇о гасмаа гат̇зси? анугамбааяа. звам̣ гирасса ахоси – ‘‘маяаа агат̇ид̇зби гад̇ибаахзна г̇анд̇ваа саб̣б̣з г̇ан̣хиссад̇и, гат̇ид̇з бана самаг̇г̇з бхинд̣̇анд̇о д̇ийхи сам̣важчарзхи г̇ан̣хиссад̇и. зд̇д̇агамби ж̇ийвид̇амзва варам̣. зд̇д̇аган̃хи ж̇ийванд̇аа ад̇д̇ано бад̇идтаабхууд̇ам̣ бун̃н̃ам̣ гариссанд̇ий’’д̇и. абхинанд̣̇ид̇ваад̇и жид̇д̇зна нанд̣̇ид̇ваа. анумод̣̇ид̇ваад̇и ‘‘яаава субхаасид̇амид̣̇ам̣ бход̇аа г̇од̇амзнаа’’д̇и ваажааяа анумод̣̇ид̇ваа. баггаамийд̇и ран̃н̃о санд̇игам̣ г̇ад̇о. рааж̇ааби д̇амзва бзсзд̇ваа саб̣б̣з бхинд̣̇ид̇ваа г̇анд̇ваа анаяаб̣яасанам̣ баабзси.
Ekamidāhanti idaṃ bhagavā pubbe vajjīnaṃ imassa vajjisattakassa desitabhāvappakāsanatthaṃ āha. Akaraṇīyāti akattabbā, aggahetabbāti attho. Yadidanti nipātamattaṃ. Yuddhassāti karaṇatthe sāmivacanaṃ, abhimukhaṃ yuddhena gahetuṃ na sakkāti attho. Aññatra upalāpanāyāti ṭhapetvā upalāpanaṃ. Upalāpanā nāma ‘‘alaṃ vivādena, idāni samaggā homā’’ti hatthiassarathahiraññasuvaṇṇādīni pesetvā saṅgahakaraṇaṃ, evañhi saṅgahaṃ katvā kevalaṃ vissāsena sakkā gaṇhitunti attho. Aññatra mithubhedāti ṭhapetvā mithubhedaṃ. Iminā ‘‘aññamaññabhedaṃ katvāpi sakkā ete gahetu’’nti dasseti. Idaṃ brāhmaṇo bhagavato kathāya nayaṃ labhitvā āha. Kiṃ pana bhagavā brāhmaṇassa imāya kathāya nayalābhaṃ jānātīti? Āma jānāti. Jānanto kasmā kathesi? Anukampāya. Evaṃ kirassa ahosi – ‘‘mayā akathitepi katipāhena gantvā sabbe gaṇhissati, kathite pana samagge bhindanto tīhi saṃvaccharehi gaṇhissati. Ettakampi jīvitameva varaṃ. Ettakañhi jīvantā attano patiṭṭhābhūtaṃ puññaṃ karissantī’’ti. Abhinanditvāti cittena nanditvā. Anumoditvāti ‘‘yāva subhāsitamidaṃ bhotā gotamenā’’ti vācāya anumoditvā. Pakkāmīti rañño santikaṃ gato. Rājāpi tameva pesetvā sabbe bhinditvā gantvā anayabyasanaṃ pāpesi.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. вассагаарасуд̇д̇ам̣ • 2. Vassakārasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2. вассагаарасуд̇д̇аван̣н̣анаа • 2. Vassakārasuttavaṇṇanā
