| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
7. вассагаарасуд̇д̇аван̣н̣анаа
7. Vassakārasuttavaṇṇanā
187. сад̇д̇амз вассагааро б̣раахман̣о маг̇ад̇хамахаамад̇д̇од̇и зд̇т̇а вассагаарод̇и д̇асса б̣раахман̣асса наамам̣. махад̇ияаа иссарияамад̇д̇ааяа саманнааг̇ад̇о махаамад̇д̇о. иссарияамад̇д̇ааяаад̇и жа иссарияаббамаан̣знаад̇и ад̇т̇о, иссариязна жзва вид̇д̇уубагаран̣зна жаад̇и звам̣ ваа зд̇т̇а ад̇т̇о д̣̇адтаб̣б̣о, убабхог̇уубагаран̣ааниби хи логз ‘‘мад̇д̇аа’’д̇и вужжанд̇и. маг̇ад̇харан̃н̃о, маг̇ад̇харадтз ваа махаамад̇д̇од̇и маг̇ад̇хамахаамад̇д̇о. д̇уд̣̇исан̃н̃ид̇о г̇аамо ниваасо зд̇ассаад̇и д̇од̣̇зяяо. д̇знзвааха ‘‘д̇уд̣̇иг̇аамаваасигассаа’’д̇и. д̇уд̣̇иг̇аамаваасид̇аа жасса д̇ад̇т̇а ад̇хибад̇ибхаавзнаад̇и д̣̇адтаб̣б̣аа. со хи д̇ам̣ г̇аамам̣ сон̣ад̣̇ан̣д̣о вияа, жамбам̣ гуудад̣̇анд̇о вияа, каан̣умад̇ам̣ ад̇хибад̇ибхаавзна аж̇жхаавасад̇и. махад̣̇д̇хано ход̇и бан̃жажад̇д̇аалийсагодивибхаво. барисад̇ийд̇и барисааяам̣, ж̇анасамуухзд̇и ад̇т̇о. д̇знааха ‘‘саннибад̇ид̇ааяа барисааяаа’’д̇и. абхиббасаннод̇и зд̇т̇а абхиггаманад̇т̇о абхи-сад̣̇д̣̇од̇и ааха ‘‘ад̇иггамма басанно’’д̇и, басаад̣̇анийяам̣ таанам̣ ад̇иггамид̇ваа аббасаад̣̇анийяадтаанз басаннод̇и ад̇хиббааяо. д̇ам̣ д̇ам̣ гижжам̣ ад̇т̇ам̣ бассад̇ийд̇и ад̇т̇ад̣̇асаа, алам̣ самад̇т̇аа бадиб̣алаа ад̇т̇ад̣̇асаа аламад̇т̇ад̣̇асаа, аламад̇т̇ад̣̇асз ад̇исаяанд̇ийд̇и аламад̇т̇ад̣̇асад̇араа. д̇знааха ‘‘ад̇т̇з бассид̇ум̣ самад̇т̇аа’’д̇иаад̣̇и. нзва саббурисам̣ на асаббурисам̣ ж̇аанаад̇и саббурисад̇хаммаанам̣ асаббурисад̇хаммаанан̃жа яаат̇аавад̇о аж̇аананад̇о. сзсамзд̇т̇а уд̇д̇аанамзва.
187. Sattame vassakāro brāhmaṇo magadhamahāmattoti ettha vassakāroti tassa brāhmaṇassa nāmaṃ. Mahatiyā issariyamattāya samannāgato mahāmatto. Issariyamattāyāti ca issariyappamāṇenāti attho, issariyena ceva vittūpakaraṇena cāti evaṃ vā ettha attho daṭṭhabbo, upabhogūpakaraṇānipi hi loke ‘‘mattā’’ti vuccanti. Magadharañño, magadharaṭṭhe vā mahāmattoti magadhamahāmatto. Tudisaññito gāmo nivāso etassāti todeyyo. Tenevāha ‘‘tudigāmavāsikassā’’ti. Tudigāmavāsitā cassa tattha adhipatibhāvenāti daṭṭhabbā. So hi taṃ gāmaṃ soṇadaṇḍo viya, campaṃ kūṭadanto viya, khāṇumataṃ adhipatibhāvena ajjhāvasati. Mahaddhano hoti pañcacattālīsakoṭivibhavo. Parisatīti parisāyaṃ, janasamūheti attho. Tenāha ‘‘sannipatitāya parisāyā’’ti. Abhippasannoti ettha abhikkamanattho abhi-saddoti āha ‘‘atikkamma pasanno’’ti, pasādanīyaṃ ṭhānaṃ atikkamitvā appasādanīyaṭṭhāne pasannoti adhippāyo. Taṃ taṃ kiccaṃ atthaṃ passatīti atthadasā, alaṃ samatthā paṭibalā atthadasā alamatthadasā, alamatthadase atisayantīti alamatthadasatarā. Tenāha ‘‘atthe passituṃ samatthā’’tiādi. Neva sappurisaṃ na asappurisaṃ jānāti sappurisadhammānaṃ asappurisadhammānañca yāthāvato ajānanato. Sesamettha uttānameva.
вассагаарасуд̇д̇аван̣н̣анаа нидтид̇аа.
Vassakārasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. вассагаарасуд̇д̇ам̣ • 7. Vassakārasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. вассагаарасуд̇д̇аван̣н̣анаа • 7. Vassakārasuttavaṇṇanā
