| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2. вассагаарасуд̇д̇аван̣н̣анаа
2. Vassakārasuttavaṇṇanā
22. д̣̇уд̇ияз абхияаад̇угаамод̇и зд̇т̇а абхи-сад̣̇д̣̇о абхибхаванад̇т̇о ‘‘анабхивид̣̇ид̇у’’нд̇иаад̣̇ийсу вияаад̇и ааха ‘‘абхибхаванад̇т̇ааяа яаад̇угаамо’’д̇и. важ̇ж̇ирааж̇аанод̇и ‘‘важ̇ж̇зд̇аб̣б̣аа имз’’д̇и аад̣̇ид̇о бавад̇д̇ам̣ важанам̣ убаад̣̇ааяа важ̇ж̇ийд̇и лад̣̇д̇ханаамаа рааж̇аано, важ̇ж̇ирадтасса ваа рааж̇аано важ̇ж̇ирааж̇аано. радтасса бана важ̇ж̇исаман̃н̃аа д̇анниваасирааж̇агумааравасзна взд̣̇ид̇аб̣б̣аа. рааж̇ид̣̇д̇хияаад̇и рааж̇абхааваануг̇ад̇зна бабхаавзна. со бана бабхааво нзсам̣ г̇ан̣арааж̇аанам̣ мит̇о саамаг̇г̇ияаа логз баагадо. жирадтааяий жа ахосийд̇и ‘‘самаг̇г̇абхаавам̣ гат̇зд̇ий’’д̇и вуд̇д̇ам̣. ану ану д̇ам̣саман̇г̇ино бхаавзд̇и вад̣дхзд̇ийд̇и анубхааво, анубхааво зва аанубхааво, бад̇аабо. со бана нзсам̣ бад̇аабо хад̇т̇иассаад̣̇ивааханасамбад̇д̇ияаа д̇ад̇т̇а жа субхигкид̇абхаавзна логз баагадо ж̇аад̇од̇и ‘‘зд̇зна…бз… гат̇зд̇ий’’д̇и вуд̇д̇ам̣. д̇аал̣ажчиг̇г̇ал̣знаад̇и гун̃жигаачид̣̇д̣̇зна. асананд̇и сарам̣. ад̇ибаад̇аяиссанд̇ийд̇и ад̇иггаамзнд̇и. бон̇каанубон̇канд̇и бон̇касса анубон̇кам̣, буримасарасса бон̇кабад̣̇аануг̇ад̇абон̇кам̣ ид̇арам̣ сарам̣ гад̇ваад̇и ад̇т̇о. авираад̇хид̇анд̇и авираж̇жхид̇ам̣. ужчинд̣̇иссаамийд̇и уммууланавасзна гуласанд̇ад̇им̣ чинд̣̇иссаами. аяанам̣ вад̣дханам̣ аяо, д̇аббадибагкзна анаяод̇и ааха ‘‘авад̣дхи’’нд̇и. н̃аад̇ийнам̣ б̣яасанам̣ винаасо н̃аад̇иб̣яасанам̣.
22. Dutiye abhiyātukāmoti ettha abhi-saddo abhibhavanattho ‘‘anabhividitu’’ntiādīsu viyāti āha ‘‘abhibhavanatthāya yātukāmo’’ti. Vajjirājānoti ‘‘vajjetabbā ime’’ti ādito pavattaṃ vacanaṃ upādāya vajjīti laddhanāmā rājāno, vajjiraṭṭhassa vā rājāno vajjirājāno. Raṭṭhassa pana vajjisamaññā tannivāsirājakumāravasena veditabbā. Rājiddhiyāti rājabhāvānugatena pabhāvena. So pana pabhāvo nesaṃ gaṇarājānaṃ mitho sāmaggiyā loke pākaṭo. Ciraṭṭhāyī ca ahosīti ‘‘samaggabhāvaṃ kathetī’’ti vuttaṃ. Anu anu taṃsamaṅgino bhāveti vaḍḍhetīti anubhāvo, anubhāvo eva ānubhāvo, patāpo. So pana nesaṃ patāpo hatthiassādivāhanasampattiyā tattha ca subhikkhitabhāvena loke pākaṭo jātoti ‘‘etena…pe… kathetī’’ti vuttaṃ. Tāḷacchiggaḷenāti kuñcikāchiddena. Asananti saraṃ. Atipātayissantīti atikkāmenti. Poṅkhānupoṅkhanti poṅkhassa anupoṅkhaṃ, purimasarassa poṅkhapadānugatapoṅkhaṃ itaraṃ saraṃ katvāti attho. Avirādhitanti avirajjhitaṃ. Ucchindissāmīti ummūlanavasena kulasantatiṃ chindissāmi. Ayanaṃ vaḍḍhanaṃ ayo, tappaṭipakkhena anayoti āha ‘‘avaḍḍhi’’nti. Ñātīnaṃ byasanaṃ vināso ñātibyasanaṃ.
г̇ан̇г̇ааяаад̇и г̇ан̇г̇аасамийбз. бадданаг̇ааманд̇и сагадабадданаг̇аамам̣. д̇ад̇раад̇и д̇асмим̣ бадданз. б̣алаваагхаад̇аж̇аад̇од̇и уббаннаб̣алавагод̇хо. мзд̇и маяхам̣. г̇ад̇знаад̇и г̇аманзна. сийд̇ам̣ ваа ун̣хам̣ ваа над̇т̇и д̇ааяа взлааяа. абхимукам̣ яуд̣̇д̇хзнаад̇и абхимукам̣ уж̇угамзва сан̇г̇аамагаран̣зна. убалаабанам̣ саамам̣ д̣̇аанан̃жаад̇и д̣̇ассзд̇ум̣ ‘‘ала’’нд̇иаад̣̇и вуд̇д̇ам̣. бхзд̣̇оби ид̇ха убааяо зваад̇и вуд̇д̇ам̣ ‘‘ан̃н̃ад̇ра мит̇убхзд̣̇аа’’д̇и. яуд̣̇д̇хасса бана анубааяад̇аа баг̇зва багаасид̇аа. ид̣̇анд̇и ‘‘ан̃н̃ад̇ра убалаабанааяа ан̃н̃ад̇ра мит̇убхзд̣̇аа’’д̇и ид̣̇ам̣ важанам̣. гат̇ааяа наяам̣ лабхид̇ваад̇и ‘‘яаавагийван̃жа …бз… барихааний’’д̇и имааяа бхаг̇авад̇о гат̇ааяа убааяам̣ лабхид̇ваа. анугамбааяаад̇и важ̇ж̇ирааж̇зсу ануг̇г̇ахзна.
Gaṅgāyāti gaṅgāsamīpe. Paṭṭanagāmanti sakaṭapaṭṭanagāmaṃ. Tatrāti tasmiṃ paṭṭane. Balavāghātajātoti uppannabalavakodho. Meti mayhaṃ. Gatenāti gamanena. Sītaṃ vā uṇhaṃ vā natthi tāya velāya. Abhimukhaṃ yuddhenāti abhimukhaṃ ujukameva saṅgāmakaraṇena. Upalāpanaṃ sāmaṃ dānañcāti dassetuṃ ‘‘ala’’ntiādi vuttaṃ. Bhedopi idha upāyo evāti vuttaṃ ‘‘aññatra mithubhedā’’ti. Yuddhassa pana anupāyatā pageva pakāsitā. Idanti ‘‘aññatra upalāpanāya aññatra mithubhedā’’ti idaṃ vacanaṃ. Kathāya nayaṃ labhitvāti ‘‘yāvakīvañca …pe… parihānī’’ti imāya bhagavato kathāya upāyaṃ labhitvā. Anukampāyāti vajjirājesu anuggahena.
рааж̇ааби д̇амзва бзсзд̇ваа саб̣б̣з…бз… баабзсийд̇и рааж̇аа д̇ам̣ ад̇д̇ано санд̇игам̣ ааг̇ад̇ам̣ ‘‘гим̣, аажарияа, бхаг̇аваа аважаа’’д̇и бужчи. со ‘‘яат̇аа бхо саман̣асса г̇од̇амасса важанам̣ на саггаа важ̇ж̇ий гзнажи г̇ахзд̇ум̣, абижа убалаабанааяа ваа мит̇убхзд̣̇зна ваа саггаа’’д̇и ааха. д̇ад̇о нам̣ рааж̇аа ‘‘убалаабанааяа амхаагам̣ хад̇т̇иассаад̣̇аяо нассиссанд̇и, бхзд̣̇знзва д̇з г̇ахзссаами, гим̣ гаромаа’’д̇и бужчи. д̇зна хи, махаарааж̇а, д̇умхз важ̇ж̇ий аараб̣бха барисад̇и гат̇ам̣ самудтаабзт̇а, д̇ад̇о ахам̣ ‘‘гим̣ д̇з, махаарааж̇а, д̇зхи, ад̇д̇ано санд̇агзна гасиван̣иж̇ж̇аад̣̇ийни гад̇ваа ж̇ийванд̇у зд̇з рааж̇аано’’д̇и вад̇ваа баггамиссаами. д̇ад̇о д̇умхз ‘‘гим̣ ну, бхо, зса б̣раахман̣о важ̇ж̇ий аараб̣бха бавад̇д̇ам̣ гат̇ам̣ бадиб̣аахад̇ий’’д̇и вад̣̇зяяаат̇а. д̣̇ивасабхааг̇з жаахам̣ д̇зсам̣ бан̣н̣аагаарам̣ бзсзссаами, д̇амби г̇аахаабзд̇ваа д̇умхзби мама д̣̇осам̣ ааробзд̇ваа б̣анд̇ханад̇аал̣анаад̣̇ийни агад̇ваава гзвалам̣ курамун̣д̣ам̣ мам̣ гад̇ваа наг̇араа нийхараабзт̇а, ат̇аахам̣ ‘‘маяаа д̇з наг̇арз баагааро барикаа жа гаарид̇аа, ахам̣ т̇ирад̣̇уб̣б̣аладтаанан̃жа уд̇д̇аанаг̇амбхийрадтаанан̃жа ж̇аанаами, на жирассам̣ д̣̇аани д̇ам̣ уж̇ум̣ гариссаамий’’д̇и вагкаами. д̇ам̣ суд̇ваа д̇умхз ‘‘г̇ажчад̇уу’’д̇и вад̣̇зяяаат̇аад̇и. рааж̇аа саб̣б̣ам̣ агааси.
Rājāpi tameva pesetvā sabbe…pe… pāpesīti rājā taṃ attano santikaṃ āgataṃ ‘‘kiṃ, ācariya, bhagavā avacā’’ti pucchi. So ‘‘yathā bho samaṇassa gotamassa vacanaṃ na sakkā vajjī kenaci gahetuṃ, apica upalāpanāya vā mithubhedena vā sakkā’’ti āha. Tato naṃ rājā ‘‘upalāpanāya amhākaṃ hatthiassādayo nassissanti, bhedeneva te gahessāmi, kiṃ karomā’’ti pucchi. Tena hi, mahārāja, tumhe vajjī ārabbha parisati kathaṃ samuṭṭhāpetha, tato ahaṃ ‘‘kiṃ te, mahārāja, tehi, attano santakena kasivaṇijjādīni katvā jīvantu ete rājāno’’ti vatvā pakkamissāmi. Tato tumhe ‘‘kiṃ nu, bho, esa brāhmaṇo vajjī ārabbha pavattaṃ kathaṃ paṭibāhatī’’ti vadeyyātha. Divasabhāge cāhaṃ tesaṃ paṇṇākāraṃ pesessāmi, tampi gāhāpetvā tumhepi mama dosaṃ āropetvā bandhanatāḷanādīni akatvāva kevalaṃ khuramuṇḍaṃ maṃ katvā nagarā nīharāpetha, athāhaṃ ‘‘mayā te nagare pākāro parikhā ca kāritā, ahaṃ thiradubbalaṭṭhānañca uttānagambhīraṭṭhānañca jānāmi, na cirassaṃ dāni taṃ ujuṃ karissāmī’’ti vakkhāmi. Taṃ sutvā tumhe ‘‘gacchatū’’ti vadeyyāthāti. Rājā sabbaṃ akāsi.
лижчавий д̇асса нигкаманам̣ суд̇ваа ‘‘сато б̣раахман̣о, маа д̇асса г̇ан̇г̇ам̣ уд̇д̇аарзд̇ум̣ ад̣̇ад̇т̇аа’’д̇и аахам̣су. д̇ад̇ра згажжзхи ‘‘амхз аараб̣бха гат̇ид̇ад̇д̇аа гира со звам̣ гарод̇ий’’д̇и вуд̇д̇з ‘‘д̇зна хи бхан̣з зд̇уу’’д̇и вад̣̇им̣су. со г̇анд̇ваа лижчавий д̣̇исваа ‘‘гимааг̇ад̇ад̇т̇аа’’д̇и бужчид̇о д̇ам̣ бавад̇д̇им̣ аарожзси. лижчавино ‘‘аббамад̇д̇агзна наама звам̣ г̇арум̣ д̣̇ан̣д̣ам̣ гаад̇ум̣ на яуд̇д̇а’’нд̇и вад̇ваа ‘‘гим̣ д̇з д̇ад̇ра таананд̇ара’’нд̇и бужчим̣су. винижчаяамахаамажжохамасмийд̇и. д̇ад̣̇зва д̇з таананд̇арам̣ ход̇ууд̇и. со судтуд̇арам̣ винижчаяам̣ гарод̇и. рааж̇агумаараа д̇асса санд̇игз сиббам̣ уг̇г̇ан̣ханд̇и. со бад̇идтид̇аг̇ун̣о худ̇ваа згад̣̇ивасам̣ згам̣ лижчавим̣ г̇ахзд̇ваа згаманд̇ам̣ г̇анд̇ваа ‘‘д̣̇аарагаа гасанд̇ий’’д̇и бужчи. аама, гасанд̇и. д̣̇вз г̇он̣з яож̇зд̇ваад̇и. аама, д̣̇вз г̇он̣з яож̇зд̇ваад̇и. зд̇д̇агам̣ вад̇ваа нивад̇д̇о. д̇ад̇о д̇аман̃н̃о ‘‘гим̣ аажарияо аахаа’’д̇и бужчид̇ваа д̇зна вуд̇д̇ам̣ – асад̣̇д̣̇аханд̇о ‘‘на мзсо яат̇аабхууд̇ам̣ гат̇зд̇ий’’д̇и д̇зна сад̣̇д̇хим̣ бхиж̇ж̇и.
Licchavī tassa nikkhamanaṃ sutvā ‘‘saṭho brāhmaṇo, mā tassa gaṅgaṃ uttāretuṃ adatthā’’ti āhaṃsu. Tatra ekaccehi ‘‘amhe ārabbha kathitattā kira so evaṃ karotī’’ti vutte ‘‘tena hi bhaṇe etū’’ti vadiṃsu. So gantvā licchavī disvā ‘‘kimāgatatthā’’ti pucchito taṃ pavattiṃ ārocesi. Licchavino ‘‘appamattakena nāma evaṃ garuṃ daṇḍaṃ kātuṃ na yutta’’nti vatvā ‘‘kiṃ te tatra ṭhānantara’’nti pucchiṃsu. Vinicchayamahāmaccohamasmīti. Tadeva te ṭhānantaraṃ hotūti. So suṭṭhutaraṃ vinicchayaṃ karoti. Rājakumārā tassa santike sippaṃ uggaṇhanti. So patiṭṭhitaguṇo hutvā ekadivasaṃ ekaṃ licchaviṃ gahetvā ekamantaṃ gantvā ‘‘dārakā kasantī’’ti pucchi. Āma, kasanti. Dve goṇe yojetvāti. Āma, dve goṇe yojetvāti. Ettakaṃ vatvā nivatto. Tato tamañño ‘‘kiṃ ācariyo āhā’’ti pucchitvā tena vuttaṃ – asaddahanto ‘‘na meso yathābhūtaṃ kathetī’’ti tena saddhiṃ bhijji.
б̣раахман̣о абарамби згад̣̇ивасам̣ згам̣ лижчавим̣ згаманд̇ам̣ нзд̇ваа ‘‘гзна б̣яан̃ж̇анзна бхуд̇д̇осий’’д̇и бужчид̇ваа нивад̇д̇о. д̇амби ан̃н̃о бужчид̇ваа асад̣̇д̣̇аханд̇о д̇ат̇зва бхиж̇ж̇и. б̣раахман̣о абарамби д̣̇ивасам̣ згам̣ лижчавим̣ згаманд̇ам̣ нзд̇ваа ‘‘ад̇ид̣̇уг̇г̇ад̇оси гираа’’д̇и бужчи. го звамаахаад̇и . асуго наама лижчавийд̇и. абарамби згаманд̇ам̣ нзд̇ваа ‘‘д̇вам̣ гира бхийруж̇аад̇иго’’д̇и бужчи. го звамаахаад̇и? асуго наама лижчавийд̇и. звам̣ ан̃н̃зна агат̇ид̇амзва ан̃н̃асса гат̇знд̇о д̇ийхи сам̣важчарзхи д̇з рааж̇аано ан̃н̃аман̃н̃ам̣ бхинд̣̇ид̇ваа яат̇аа д̣̇вз згамаг̇г̇зна на г̇ажчанд̇и, д̇ат̇аа гад̇ваа саннибаад̇абхзрим̣ жараабзси. лижчавино ‘‘иссараа саннибад̇анд̇у, суураа саннибад̇анд̇уу’’д̇и вад̇ваа на саннибад̇им̣су. б̣раахман̣о ‘‘аяам̣ д̣̇аани гаало, сийгхам̣ ааг̇ажчад̇уу’’д̇и ран̃н̃о саасанам̣ бзсзд̇и. рааж̇аа суд̇ваава б̣алабхзрим̣ жараабзд̇ваа нигками. взсаалигаа суд̇ваа ‘‘ран̃н̃о г̇ан̇г̇ам̣ уд̇д̇арид̇ум̣ на д̣̇ассаамаа’’д̇и бхзрим̣ жараабзсум̣. д̇з суд̇ваа ‘‘г̇ажчанд̇у суурарааж̇аано’’д̇иаад̣̇ийни вад̇ваа на саннибад̇им̣су. ‘‘наг̇араббавзсанам̣ на д̣̇ассаама, д̣̇ваараани бид̣̇ахиссаамаа’’д̇и бхзрим̣ жараабзсум̣. згоби на саннибад̇и. яат̇аавивадзхи д̣̇ваарзхи бависид̇ваа саб̣б̣з анаяаб̣яасанам̣ баабзд̇ваа г̇ад̇о. д̇ам̣ санд̇хааязд̇ам̣ вуд̇д̇ам̣ – ‘‘рааж̇ааби д̇амзва бзсзд̇ваа саб̣б̣зби бхинд̣̇ид̇ваа г̇анд̇ваа анаяаб̣яасанам̣ баабзсий’’д̇и.
Brāhmaṇo aparampi ekadivasaṃ ekaṃ licchaviṃ ekamantaṃ netvā ‘‘kena byañjanena bhuttosī’’ti pucchitvā nivatto. Tampi añño pucchitvā asaddahanto tatheva bhijji. Brāhmaṇo aparampi divasaṃ ekaṃ licchaviṃ ekamantaṃ netvā ‘‘atiduggatosi kirā’’ti pucchi. Ko evamāhāti . Asuko nāma licchavīti. Aparampi ekamantaṃ netvā ‘‘tvaṃ kira bhīrujātiko’’ti pucchi. Ko evamāhāti? Asuko nāma licchavīti. Evaṃ aññena akathitameva aññassa kathento tīhi saṃvaccharehi te rājāno aññamaññaṃ bhinditvā yathā dve ekamaggena na gacchanti, tathā katvā sannipātabheriṃ carāpesi. Licchavino ‘‘issarā sannipatantu, sūrā sannipatantū’’ti vatvā na sannipatiṃsu. Brāhmaṇo ‘‘ayaṃ dāni kālo, sīghaṃ āgacchatū’’ti rañño sāsanaṃ peseti. Rājā sutvāva balabheriṃ carāpetvā nikkhami. Vesālikā sutvā ‘‘rañño gaṅgaṃ uttarituṃ na dassāmā’’ti bheriṃ carāpesuṃ. Te sutvā ‘‘gacchantu sūrarājāno’’tiādīni vatvā na sannipatiṃsu. ‘‘Nagarappavesanaṃ na dassāma, dvārāni pidahissāmā’’ti bheriṃ carāpesuṃ. Ekopi na sannipati. Yathāvivaṭehi dvārehi pavisitvā sabbe anayabyasanaṃ pāpetvā gato. Taṃ sandhāyetaṃ vuttaṃ – ‘‘rājāpi tameva pesetvā sabbepi bhinditvā gantvā anayabyasanaṃ pāpesī’’ti.
вассагаарасуд̇д̇аван̣н̣анаа нидтид̇аа.
Vassakārasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. вассагаарасуд̇д̇ам̣ • 2. Vassakārasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. вассагаарасуд̇д̇аван̣н̣анаа • 2. Vassakārasuttavaṇṇanā
