| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੫. વਸ੍ਸਕਾਰਸੁਤ੍ਤવਣ੍ਣਨਾ
5. Vassakārasuttavaṇṇanā
੩੫. ਪਞ੍ਚਮੇ ਅਨੁਸ੍ਸਰਿਤਾਤਿ ਅਨੁਗਨ੍ਤ੍વਾ ਸਰਿਤਾ, ਅਪਰਾਪਰਂ ਸਰਿਤੁਂ ਸਮਤ੍ਥੋਤਿ ਅਤ੍ਥੋ। ਦਕ੍ਖੋਤਿ ਛੇਕੋ। ਤਤ੍ਰੁਪਾਯਾਯਾਤਿ ‘‘ਇਮਸ੍ਮਿਂ ਕਾਲੇ ਇਮਂ ਨਾਮ ਕਤ੍ਤਬ੍ਬ’’ਨ੍ਤਿ ਏવਂ ਤਤ੍ਥ ਤਤ੍ਥ ਉਪਾਯਭੂਤਾਯ ਪਞ੍ਞਾਯ ਸਮਨ੍ਨਾਗਤੋ। ਅਨੁਮੋਦਿਤਬ੍ਬਨ੍ਤਿ ਅਭਿਨਨ੍ਦਿਤਬ੍ਬਂ। ਪਟਿਕ੍ਕੋਸਿਤਬ੍ਬਨ੍ਤਿ ਪਟਿਕ੍ਖਿਪਿਤਬ੍ਬਂ। ਨੇવ ਖੋ ਤ੍ਯਾਹਨ੍ਤਿ ਨੇવ ਖੋ ਤੇ ਅਹਂ। ਕਸ੍ਮਾ ਪਨੇਤਂ ਭਗવਾ ਨਾਭਿਨਨ੍ਦਤਿ, ਨਪ੍ਪਟਿਕ੍ਖਿਪਤੀਤਿ? ਲੋਕਿਯਤ੍ਤਾ ਨਾਭਿਨਨ੍ਦਤਿ , ਲੋਕਿਯਂ ਅਤ੍ਥਂ ਗਹੇਤ੍વਾ ਠਿਤਤ੍ਤਾ ਨਪ੍ਪਟਿਕ੍ਕੋਸਤਿ। ਬਹੁਸ੍ਸ ਜਨਤਾਤਿ ਬਹੁ ਅਸ੍ਸ ਜਨਤਾ। ਇਦਞ੍ਚ ਕਰਣਤ੍ਥੇ ਸਾਮਿવਚਨਂ વੇਦਿਤਬ੍ਬਂ। ਅਰਿਯੇ ਞਾਯੇਤਿ ਸਹવਿਪਸ੍ਸਨਕੇ ਮਗ੍ਗੇ। ਕਲ੍ਯਾਣਧਮ੍ਮਤਾ ਕੁਸਲਧਮ੍ਮਤਾਤਿਪਿ ਤਸ੍ਸੇવ ਨਾਮਾਨਿ। ਯਂ વਿਤਕ੍ਕਨ੍ਤਿ ਨੇਕ੍ਖਮ੍ਮવਿਤਕ੍ਕਾਦੀਸੁ ਅਞ੍ਞਤਰਂ। ਨ ਤਂ વਿਤਕ੍ਕਂ વਿਤਕ੍ਕੇਤੀਤਿ ਕਾਮવਿਤਕ੍ਕਾਦੀਸੁ ਏਕਮ੍ਪਿ ਨ વਿਤਕ੍ਕੇਤਿ। ਇਤਰਂ ਤਸ੍ਸੇવ વੇવਚਨਂ। વਿਤਕ੍ਕਪਥੇਤਿ ਏਤ੍ਥ વਿਤਕ੍ਕੋਯੇવ વਿਤਕ੍ਕਪਥੋ। ਅਹਞ੍ਹਿ ਬ੍ਰਾਹ੍ਮਣਾਤਿਆਦੀਸੁ ਪਠਮਨਯੇਨ ਖੀਣਾਸવਸ੍ਸ ਸੀਲਞ੍ਚੇવ ਬਾਹੁਸਚ੍ਚਞ੍ਚ ਕਥਿਤਂ, ਦੁਤਿਯਤਤਿਯੇਹਿ ਖੀਣਾਸવਸ੍ਸ ਕਿਰਿਯવਿਤਕ੍ਕਾਨਿ ਚੇવ ਕਿਰਿਯਜ੍ਝਾਨਾਨਿ ਚ, ਚਤੁਤ੍ਥੇਨ ਖੀਣਾਸવਭਾવੋ ਕਥਿਤੋਤਿ વੇਦਿਤਬ੍ਬੋ।
35. Pañcame anussaritāti anugantvā saritā, aparāparaṃ sarituṃ samatthoti attho. Dakkhoti cheko. Tatrupāyāyāti ‘‘imasmiṃ kāle imaṃ nāma kattabba’’nti evaṃ tattha tattha upāyabhūtāya paññāya samannāgato. Anumoditabbanti abhinanditabbaṃ. Paṭikkositabbanti paṭikkhipitabbaṃ. Neva kho tyāhanti neva kho te ahaṃ. Kasmā panetaṃ bhagavā nābhinandati, nappaṭikkhipatīti? Lokiyattā nābhinandati , lokiyaṃ atthaṃ gahetvā ṭhitattā nappaṭikkosati. Bahussa janatāti bahu assa janatā. Idañca karaṇatthe sāmivacanaṃ veditabbaṃ. Ariye ñāyeti sahavipassanake magge. Kalyāṇadhammatā kusaladhammatātipi tasseva nāmāni. Yaṃ vitakkanti nekkhammavitakkādīsu aññataraṃ. Na taṃ vitakkaṃ vitakketīti kāmavitakkādīsu ekampi na vitakketi. Itaraṃ tasseva vevacanaṃ. Vitakkapatheti ettha vitakkoyeva vitakkapatho. Ahañhi brāhmaṇātiādīsu paṭhamanayena khīṇāsavassa sīlañceva bāhusaccañca kathitaṃ, dutiyatatiyehi khīṇāsavassa kiriyavitakkāni ceva kiriyajjhānāni ca, catutthena khīṇāsavabhāvo kathitoti veditabbo.
ਮਚ੍ਚੁਪਾਸਪ੍ਪਮੋਚਨਨ੍ਤਿ ਮਚ੍ਚੁਪਾਸਾ ਪਮੋਚਨਕਂ ਮਗ੍ਗਂ। ਞਾਯਂ ਧਮ੍ਮਨ੍ਤਿ ਸਹવਿਪਸ੍ਸਨਕਂ ਮਗ੍ਗਂ। ਦਿਸ੍વਾ ਚ ਸੁਤ੍વਾ ਚਾਤਿ ਞਾਣੇਨੇવ ਪਸ੍ਸਿਤ੍વਾ ਚ ਸੁਣਿਤ੍વਾ ਚ। ਸੇਸਮੇਤ੍ਥ ਉਤ੍ਤਾਨਮੇવ।
Maccupāsappamocananti maccupāsā pamocanakaṃ maggaṃ. Ñāyaṃ dhammanti sahavipassanakaṃ maggaṃ. Disvā ca sutvā cāti ñāṇeneva passitvā ca suṇitvā ca. Sesamettha uttānameva.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੫. વਸ੍ਸਕਾਰਸੁਤ੍ਤਂ • 5. Vassakārasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫. વਸ੍ਸਕਾਰਸੁਤ੍ਤવਣ੍ਣਨਾ • 5. Vassakārasuttavaṇṇanā
