| Library / Tipiṭaka / ཏིཔིཊཀ • Tipiṭaka / པཱཙིཏྱཱདིཡོཛནཱཔཱལི༹ • Pācityādiyojanāpāḷi |
༡༡༦. ཝསྶཾ ཨནུཔགནྟབྦཊྛཱནཀཐཱ
116. Vassaṃ anupagantabbaṭṭhānakathā
༢༠༤. རུཀྑསུསཱིརེཡེཝཱཏི རུཀྑསྶ ཝིཝརེ ཨེཝ། ཝིཝརཉྷི སུ སཾ ཨིརཏི གཙྪཏཱིཏི སུསཱིརོཏི ཝུཙྩཏི། པདརཙྪདནནྟི ཕལཀེཧི ཚཱདིཏཾ། པཝིསནདྭཱརནྟི པཝིསནནིཀྑམནདྭཱརཾ། པཝིསནཉྩ ནིཀྑམནཉྩ པཝིསནནྟི ཝིརཱུཔེཀསེསེན ཀཱཏབྦཾ། ཁཱཎུམཏྠཀེཏི ཁཱཎུནོ ཨུཔརི། ཝིཊབྷཱིཏི ཝིཊཾ ཨཉྙམཉྙཝེདྷནཾ ཨཔཏི གཙྪཏཱིཏི ཝིཊཔོ, པཀཱརསྶ བྷཀཱརཾ, ཨིཏྠིལིངྒཛོཏཀཨཱིཔཙྩཡཉྩ ཀཏྭཱ ཝིཊབྷཱིཏི ཝུཙྩཏི། ཏཏྠཱཏི ཨཊྚཀེ། ཡསྶཱཏི བྷིཀྑུནོ, ནཏྠཱིཏི སམྦནྡྷོ། པཉྩནྣཾ ཚདནཱནནྟི ཏིཎཔཎྞཨིཊྛཀཱསིལཱསུདྷཱསངྑཱཏཱནཾ (ཙཱུལ༹ཝ॰ ༣༠༣) པཉྩནྣཾ ཚདནཱནཾ། ཨིདཉྩ ཡེབྷུཡྻཝསེན ཝུཏྟཾ པདརཙྪདནཱདཱིནམྤི གཧིཏཏྟཱ། དྭཱརབནྡྷནནྟི དྭཱརེན བནྡྷིཏབྦཾ། ཚཝཀུཊིཀཱཏི ཚཝཱནཾ སཡནཊྛཱནེ སུསཱནེ ཀཏཱ ཀུཊིཀཱ ཚཝཀུཊིཀཱཏི ཝུཙྩཏི། ཊངྐིཏམཉྩཱདཱིཏིཨཱདིསདྡེན ཊངྐིཏཔཱིཋཾ སངྒཎྷཱཏི། ཏཏྠཱཏི ཚཝཀུཊིཡཾ། ཨཉྙཾ ཀུཊིཀནྟི ཚཝཀུཊིཏོ ཨཉྙཾ ཀུཊིཀཾ། ཨཱཝརཎནྟི བྷིཏྟིཾ། དྭཱརནྟི པཝིསནནིཀྑམནདྭཱརཾ། ཚཏྟཀུཊིཀཱ ནཱམེསཱཏི ཨེསཱ ཚཏྟེན ཀཏཱ ཀུཊིཀཱ ནཱམ། མཧནྟེན ཀཔལླེན ཀུཊིཀཾ ཀཏྭཱཏི སམྦནྡྷོ།
204.Rukkhasusīreyevāti rukkhassa vivare eva. Vivarañhi su saṃ irati gacchatīti susīroti vuccati. Padaracchadananti phalakehi chāditaṃ. Pavisanadvāranti pavisananikkhamanadvāraṃ. Pavisanañca nikkhamanañca pavisananti virūpekasesena kātabbaṃ. Khāṇumatthaketi khāṇuno upari. Viṭabhīti viṭaṃ aññamaññavedhanaṃ apati gacchatīti viṭapo, pakārassa bhakāraṃ, itthiliṅgajotakaīpaccayañca katvā viṭabhīti vuccati. Tatthāti aṭṭake. Yassāti bhikkhuno, natthīti sambandho. Pañcannaṃ chadanānanti tiṇapaṇṇaiṭṭhakāsilāsudhāsaṅkhātānaṃ (cūḷava. 303) pañcannaṃ chadanānaṃ. Idañca yebhuyyavasena vuttaṃ padaracchadanādīnampi gahitattā. Dvārabandhananti dvārena bandhitabbaṃ. Chavakuṭikāti chavānaṃ sayanaṭṭhāne susāne katā kuṭikā chavakuṭikāti vuccati. Ṭaṅkitamañcādītiādisaddena ṭaṅkitapīṭhaṃ saṅgaṇhāti. Tatthāti chavakuṭiyaṃ. Aññaṃ kuṭikanti chavakuṭito aññaṃ kuṭikaṃ. Āvaraṇanti bhittiṃ. Dvāranti pavisananikkhamanadvāraṃ. Chattakuṭikā nāmesāti esā chattena katā kuṭikā nāma. Mahantena kapallena kuṭikaṃ katvāti sambandho.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi / ༡༡༦. ཝསྶཾ ཨནུཔགནྟབྦཊྛཱནཱནི • 116. Vassaṃ anupagantabbaṭṭhānāni
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / ཝཛཱདཱིསུཝསྶཱུཔགམནཀཐཱ • Vajādīsuvassūpagamanakathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཝསྶཾ ཨནུཔགནྟབྦཊྛཱནཀཐཱཝཎྞནཱ • Vassaṃ anupagantabbaṭṭhānakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཝཛཱདཱིསུ ཝསྶཱུཔགམནཀཐཱཝཎྞནཱ • Vajādīsu vassūpagamanakathāvaṇṇanā
