| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
вассам̣ анубаг̇анд̇аб̣б̣адтаанагат̇ааван̣н̣анаа
Vassaṃ anupagantabbaṭṭhānakathāvaṇṇanā
204. сзяяат̇ааби бисаажиллигаад̇и зд̇т̇а бисаажаа зва бисаажиллигаа, бисаажад̣̇аарагаад̇иби вад̣̇анд̇и. бависанад̣̇ваарам̣ яож̇зд̇ваад̇и сагаваадаб̣ад̣̇д̇хамзва яож̇зд̇ваа. бан̃жаннам̣ чад̣̇анаананд̇и д̇ин̣абан̣н̣аидтагасилаасуд̇хаасан̇каад̇аанам̣ бан̃жаннам̣ чад̣̇анаанам̣. ид̣̇ан̃жа язбхуяязна вуд̇д̇анд̇и взд̣̇ид̇аб̣б̣ам̣ ругкаад̣̇ийсу бад̣̇аражчад̣̇анааяаби гудигааяа вассуубаг̇аманасса вуд̇д̇ад̇д̇аа. на, бхигкавз, асзнаасанигзна вассам̣ убаг̇анд̇аб̣б̣анд̇и важийбхзд̣̇ам̣ гад̇ваа вассуубаг̇аманам̣ санд̇хааязва бадигкзбо, на аалаяагаран̣авасзна убаг̇аманам̣ санд̇хааяаад̇и вад̣̇анд̇и. баал̣ияам̣ бана ависзсзна вуд̇д̇ад̇д̇аа адтагат̇ааяан̃жа д̣̇уд̇ияабаарааж̇игасам̣ван̣н̣анааяам̣ (баараа. адта. 1.84) ‘‘вассам̣ убаг̇ажчанд̇зна хи наалагабадибад̣̇ам̣ бадибаннзнаби бан̃жаннам̣ чад̣̇анаанам̣ ан̃н̃ад̇арзна чаннзязва сад̣̇ваараб̣анд̇хз сзнаасанз убаг̇анд̇аб̣б̣ам̣. д̇асмаа вассагаалз сажз сзнаасанам̣ лабхад̇и, ижжзд̇ам̣ гусалам̣. но жз лабхад̇и, хад̇т̇агаммам̣ бариязсид̇вааби гаад̇аб̣б̣ам̣. хад̇т̇агаммам̣ алабханд̇зна саамамби гаад̇аб̣б̣ам̣, на д̇взва асзнаасанигзна вассам̣ убаг̇анд̇аб̣б̣а’’нд̇и д̣̇ал̣хам̣ гад̇ваа вуд̇д̇ад̇д̇аа асзнаасанигасса нааваад̣̇им̣ винаа ан̃н̃ад̇т̇а аалаяо на ваддад̇ийд̇и амхаагам̣ канд̇и. нааваасад̇т̇аваж̇зсуязва хи ‘‘ануж̇аанаами, бхигкавз, наавааяа вассам̣ убаг̇анд̇у’’нд̇иаад̣̇инаа сад̇и асад̇и ваа сзнаасанз вассуубаг̇аманасса висум̣ анун̃н̃аад̇ад̇д̇аа ‘‘на, бхигкавз, асзнаасанигзна вассам̣ убаг̇анд̇аб̣б̣а’’нд̇и аяам̣ бадигкзбо д̇ад̇т̇а на лаб̣бхад̇ийд̇и асад̇и сзнаасанз аалаяавасзнаби нааваад̣̇ийсу убаг̇аманам̣ вуд̇д̇ам̣. дан̇гид̇аман̃жо наама д̣̇ийгхз ман̃жабаад̣̇з маж̇жхз виж̇жхид̇ваа аданияо бавзсзд̇ваа гад̇о ман̃жо. д̇асса ид̣̇ам̣ убари ид̣̇ам̣ хздтаад̇и над̇т̇и, баривад̇д̇зд̇ваа ад̇т̇ад̇оби д̇аад̣̇исова ход̇и, д̇ам̣ сусаанз д̣̇звадтаанз жа табзнд̇и, жад̇уннам̣ баасаан̣аанам̣ убари баасаан̣ам̣ ад̇т̇арид̇ваа гад̇ам̣ г̇зхамби ‘‘дан̇гид̇аман̃жо’’д̇и вужжад̇и.
204.Seyyathāpipisācillikāti ettha pisācā eva pisācillikā, pisācadārakātipi vadanti. Pavisanadvāraṃ yojetvāti sakavāṭabaddhameva yojetvā. Pañcannaṃ chadanānanti tiṇapaṇṇaiṭṭhakasilāsudhāsaṅkhātānaṃ pañcannaṃ chadanānaṃ. Idañca yebhuyyena vuttanti veditabbaṃ rukkhādīsu padaracchadanāyapi kuṭikāya vassūpagamanassa vuttattā. Na, bhikkhave, asenāsanikena vassaṃ upagantabbanti vacībhedaṃ katvā vassūpagamanaṃ sandhāyeva paṭikkhepo, na ālayakaraṇavasena upagamanaṃ sandhāyāti vadanti. Pāḷiyaṃ pana avisesena vuttattā aṭṭhakathāyañca dutiyapārājikasaṃvaṇṇanāyaṃ (pārā. aṭṭha. 1.84) ‘‘vassaṃ upagacchantena hi nālakapaṭipadaṃ paṭipannenapi pañcannaṃ chadanānaṃ aññatarena channeyeva sadvārabandhe senāsane upagantabbaṃ. Tasmā vassakāle sace senāsanaṃ labhati, iccetaṃ kusalaṃ. No ce labhati, hatthakammaṃ pariyesitvāpi kātabbaṃ. Hatthakammaṃ alabhantena sāmampi kātabbaṃ, na tveva asenāsanikena vassaṃ upagantabba’’nti daḷhaṃ katvā vuttattā asenāsanikassa nāvādiṃ vinā aññattha ālayo na vaṭṭatīti amhākaṃ khanti. Nāvāsatthavajesuyeva hi ‘‘anujānāmi, bhikkhave, nāvāya vassaṃ upagantu’’ntiādinā sati asati vā senāsane vassūpagamanassa visuṃ anuññātattā ‘‘na, bhikkhave, asenāsanikena vassaṃ upagantabba’’nti ayaṃ paṭikkhepo tattha na labbhatīti asati senāsane ālayavasenapi nāvādīsu upagamanaṃ vuttaṃ. Ṭaṅkitamañco nāma dīghe mañcapāde majjhe vijjhitvā aṭaniyo pavesetvā kato mañco. Tassa idaṃ upari idaṃ heṭṭhāti natthi, parivattetvā atthatopi tādisova hoti, taṃ susāne devaṭṭhāne ca ṭhapenti, catunnaṃ pāsāṇānaṃ upari pāsāṇaṃ attharitvā kataṃ gehampi ‘‘ṭaṅkitamañco’’ti vuccati.
вассам̣ анубаг̇анд̇аб̣б̣адтаанагат̇ааван̣н̣анаа нидтид̇аа.
Vassaṃ anupagantabbaṭṭhānakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 116. вассам̣ анубаг̇анд̇аб̣б̣адтаанаани • 116. Vassaṃ anupagantabbaṭṭhānāni
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / важ̇аад̣̇ийсувассуубаг̇аманагат̇аа • Vajādīsuvassūpagamanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / важ̇аад̣̇ийсу вассуубаг̇аманагат̇ааван̣н̣анаа • Vajādīsu vassūpagamanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 116. вассам̣ анубаг̇анд̇аб̣б̣адтаанагат̇аа • 116. Vassaṃ anupagantabbaṭṭhānakathā
