| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
વਸ੍ਸਂ ਅਨੁਪਗਨ੍ਤਬ੍ਬਟ੍ਠਾਨਕਥਾવਣ੍ਣਨਾ
Vassaṃ anupagantabbaṭṭhānakathāvaṇṇanā
੨੦੪. ਸੇਯ੍ਯਥਾਪਿ ਪਿਸਾਚਿਲ੍ਲਿਕਾਤਿ ਏਤ੍ਥ ਪਿਸਾਚਾ ਏવ ਪਿਸਾਚਿਲ੍ਲਿਕਾ, ਪਿਸਾਚਦਾਰਕਾਤਿਪਿ વਦਨ੍ਤਿ। ਪવਿਸਨਦ੍વਾਰਂ ਯੋਜੇਤ੍વਾਤਿ ਸਕવਾਟਬਦ੍ਧਮੇવ ਯੋਜੇਤ੍વਾ। ਪਞ੍ਚਨ੍ਨਂ ਛਦਨਾਨਨ੍ਤਿ ਤਿਣਪਣ੍ਣਇਟ੍ਠਕਸਿਲਾਸੁਧਾਸਙ੍ਖਾਤਾਨਂ ਪਞ੍ਚਨ੍ਨਂ ਛਦਨਾਨਂ। ਇਦਞ੍ਚ ਯੇਭੁਯ੍ਯੇਨ વੁਤ੍ਤਨ੍ਤਿ વੇਦਿਤਬ੍ਬਂ ਰੁਕ੍ਖਾਦੀਸੁ ਪਦਰਚ੍ਛਦਨਾਯਪਿ ਕੁਟਿਕਾਯ વਸ੍ਸੂਪਗਮਨਸ੍ਸ વੁਤ੍ਤਤ੍ਤਾ। ਨ, ਭਿਕ੍ਖવੇ, ਅਸੇਨਾਸਨਿਕੇਨ વਸ੍ਸਂ ਉਪਗਨ੍ਤਬ੍ਬਨ੍ਤਿ વਚੀਭੇਦਂ ਕਤ੍વਾ વਸ੍ਸੂਪਗਮਨਂ ਸਨ੍ਧਾਯੇવ ਪਟਿਕ੍ਖੇਪੋ, ਨ ਆਲਯਕਰਣવਸੇਨ ਉਪਗਮਨਂ ਸਨ੍ਧਾਯਾਤਿ વਦਨ੍ਤਿ। ਪਾਲ਼ਿਯਂ ਪਨ ਅવਿਸੇਸੇਨ વੁਤ੍ਤਤ੍ਤਾ ਅਟ੍ਠਕਥਾਯਞ੍ਚ ਦੁਤਿਯਪਾਰਾਜਿਕਸਂવਣ੍ਣਨਾਯਂ (ਪਾਰਾ॰ ਅਟ੍ਠ॰ ੧.੮੪) ‘‘વਸ੍ਸਂ ਉਪਗਚ੍ਛਨ੍ਤੇਨ ਹਿ ਨਾਲਕਪਟਿਪਦਂ ਪਟਿਪਨ੍ਨੇਨਪਿ ਪਞ੍ਚਨ੍ਨਂ ਛਦਨਾਨਂ ਅਞ੍ਞਤਰੇਨ ਛਨ੍ਨੇਯੇવ ਸਦ੍વਾਰਬਨ੍ਧੇ ਸੇਨਾਸਨੇ ਉਪਗਨ੍ਤਬ੍ਬਂ। ਤਸ੍ਮਾ વਸ੍ਸਕਾਲੇ ਸਚੇ ਸੇਨਾਸਨਂ ਲਭਤਿ, ਇਚ੍ਚੇਤਂ ਕੁਸਲਂ। ਨੋ ਚੇ ਲਭਤਿ, ਹਤ੍ਥਕਮ੍ਮਂ ਪਰਿਯੇਸਿਤ੍વਾਪਿ ਕਾਤਬ੍ਬਂ। ਹਤ੍ਥਕਮ੍ਮਂ ਅਲਭਨ੍ਤੇਨ ਸਾਮਮ੍ਪਿ ਕਾਤਬ੍ਬਂ, ਨ ਤ੍વੇવ ਅਸੇਨਾਸਨਿਕੇਨ વਸ੍ਸਂ ਉਪਗਨ੍ਤਬ੍ਬ’’ਨ੍ਤਿ ਦਲ਼੍ਹਂ ਕਤ੍વਾ વੁਤ੍ਤਤ੍ਤਾ ਅਸੇਨਾਸਨਿਕਸ੍ਸ ਨਾવਾਦਿਂ વਿਨਾ ਅਞ੍ਞਤ੍ਥ ਆਲਯੋ ਨ વਟ੍ਟਤੀਤਿ ਅਮ੍ਹਾਕਂ ਖਨ੍ਤਿ। ਨਾવਾਸਤ੍ਥવਜੇਸੁਯੇવ ਹਿ ‘‘ਅਨੁਜਾਨਾਮਿ, ਭਿਕ੍ਖવੇ, ਨਾવਾਯ વਸ੍ਸਂ ਉਪਗਨ੍ਤੁ’’ਨ੍ਤਿਆਦਿਨਾ ਸਤਿ ਅਸਤਿ વਾ ਸੇਨਾਸਨੇ વਸ੍ਸੂਪਗਮਨਸ੍ਸ વਿਸੁਂ ਅਨੁਞ੍ਞਾਤਤ੍ਤਾ ‘‘ਨ, ਭਿਕ੍ਖવੇ, ਅਸੇਨਾਸਨਿਕੇਨ વਸ੍ਸਂ ਉਪਗਨ੍ਤਬ੍ਬ’’ਨ੍ਤਿ ਅਯਂ ਪਟਿਕ੍ਖੇਪੋ ਤਤ੍ਥ ਨ ਲਬ੍ਭਤੀਤਿ ਅਸਤਿ ਸੇਨਾਸਨੇ ਆਲਯવਸੇਨਪਿ ਨਾવਾਦੀਸੁ ਉਪਗਮਨਂ વੁਤ੍ਤਂ। ਟਙ੍ਕਿਤਮਞ੍ਚੋ ਨਾਮ ਦੀਘੇ ਮਞ੍ਚਪਾਦੇ ਮਜ੍ਝੇ વਿਜ੍ਝਿਤ੍વਾ ਅਟਨਿਯੋ ਪવੇਸੇਤ੍વਾ ਕਤੋ ਮਞ੍ਚੋ। ਤਸ੍ਸ ਇਦਂ ਉਪਰਿ ਇਦਂ ਹੇਟ੍ਠਾਤਿ ਨਤ੍ਥਿ, ਪਰਿવਤ੍ਤੇਤ੍વਾ ਅਤ੍ਥਤੋਪਿ ਤਾਦਿਸੋવ ਹੋਤਿ, ਤਂ ਸੁਸਾਨੇ ਦੇવਟ੍ਠਾਨੇ ਚ ਠਪੇਨ੍ਤਿ, ਚਤੁਨ੍ਨਂ ਪਾਸਾਣਾਨਂ ਉਪਰਿ ਪਾਸਾਣਂ ਅਤ੍ਥਰਿਤ੍વਾ ਕਤਂ ਗੇਹਮ੍ਪਿ ‘‘ਟਙ੍ਕਿਤਮਞ੍ਚੋ’’ਤਿ વੁਚ੍ਚਤਿ।
204.Seyyathāpipisācillikāti ettha pisācā eva pisācillikā, pisācadārakātipi vadanti. Pavisanadvāraṃ yojetvāti sakavāṭabaddhameva yojetvā. Pañcannaṃ chadanānanti tiṇapaṇṇaiṭṭhakasilāsudhāsaṅkhātānaṃ pañcannaṃ chadanānaṃ. Idañca yebhuyyena vuttanti veditabbaṃ rukkhādīsu padaracchadanāyapi kuṭikāya vassūpagamanassa vuttattā. Na, bhikkhave, asenāsanikena vassaṃ upagantabbanti vacībhedaṃ katvā vassūpagamanaṃ sandhāyeva paṭikkhepo, na ālayakaraṇavasena upagamanaṃ sandhāyāti vadanti. Pāḷiyaṃ pana avisesena vuttattā aṭṭhakathāyañca dutiyapārājikasaṃvaṇṇanāyaṃ (pārā. aṭṭha. 1.84) ‘‘vassaṃ upagacchantena hi nālakapaṭipadaṃ paṭipannenapi pañcannaṃ chadanānaṃ aññatarena channeyeva sadvārabandhe senāsane upagantabbaṃ. Tasmā vassakāle sace senāsanaṃ labhati, iccetaṃ kusalaṃ. No ce labhati, hatthakammaṃ pariyesitvāpi kātabbaṃ. Hatthakammaṃ alabhantena sāmampi kātabbaṃ, na tveva asenāsanikena vassaṃ upagantabba’’nti daḷhaṃ katvā vuttattā asenāsanikassa nāvādiṃ vinā aññattha ālayo na vaṭṭatīti amhākaṃ khanti. Nāvāsatthavajesuyeva hi ‘‘anujānāmi, bhikkhave, nāvāya vassaṃ upagantu’’ntiādinā sati asati vā senāsane vassūpagamanassa visuṃ anuññātattā ‘‘na, bhikkhave, asenāsanikena vassaṃ upagantabba’’nti ayaṃ paṭikkhepo tattha na labbhatīti asati senāsane ālayavasenapi nāvādīsu upagamanaṃ vuttaṃ. Ṭaṅkitamañco nāma dīghe mañcapāde majjhe vijjhitvā aṭaniyo pavesetvā kato mañco. Tassa idaṃ upari idaṃ heṭṭhāti natthi, parivattetvā atthatopi tādisova hoti, taṃ susāne devaṭṭhāne ca ṭhapenti, catunnaṃ pāsāṇānaṃ upari pāsāṇaṃ attharitvā kataṃ gehampi ‘‘ṭaṅkitamañco’’ti vuccati.
વਸ੍ਸਂ ਅਨੁਪਗਨ੍ਤਬ੍ਬਟ੍ਠਾਨਕਥਾવਣ੍ਣਨਾ ਨਿਟ੍ਠਿਤਾ।
Vassaṃ anupagantabbaṭṭhānakathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੧੬. વਸ੍ਸਂ ਅਨੁਪਗਨ੍ਤਬ੍ਬਟ੍ਠਾਨਾਨਿ • 116. Vassaṃ anupagantabbaṭṭhānāni
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / વਜਾਦੀਸੁવਸ੍ਸੂਪਗਮਨਕਥਾ • Vajādīsuvassūpagamanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / વਜਾਦੀਸੁ વਸ੍ਸੂਪਗਮਨਕਥਾવਣ੍ਣਨਾ • Vajādīsu vassūpagamanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੧੬. વਸ੍ਸਂ ਅਨੁਪਗਨ੍ਤਬ੍ਬਟ੍ਠਾਨਕਥਾ • 116. Vassaṃ anupagantabbaṭṭhānakathā
