| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
229. вассам̣вудтаанам̣ ануббаннажийварагат̇аа
229. Vassaṃvuṭṭhānaṃ anuppannacīvarakathā
373. д̇зна ко бана самаязна вассам̣вудтаа бхигкуу ануббаннз жийварз баггаманд̇иби, виб̣бхаманд̇иби, гааламби гаронд̇и, сааман̣зрааби бадиж̇аананд̇и, сигкам̣ бажжагкаад̇агааби бадиж̇аананд̇и, анд̇имавад̇т̇ум̣ аж̇жхаабаннагааби бадиж̇аананд̇и, уммад̇д̇агааби бадиж̇аананд̇и, кид̇д̇ажид̇д̇ааби бадиж̇аананд̇и, взд̣̇анааддааби бадиж̇аананд̇и, аабад̇д̇ияаа ад̣̇ассанз угкид̇д̇агааби бадиж̇аананд̇и, аабад̇д̇ияаа аббадигаммз угкид̇д̇агааби бадиж̇аананд̇и, баабигааяа д̣̇идтияаа аббадиниссаг̇г̇з угкид̇д̇агааби бадиж̇аананд̇и, бан̣д̣агааби бадиж̇аананд̇и, т̇зяяасам̣ваасагааби бадиж̇аананд̇и, д̇ид̇т̇ияабагганд̇агааби бадиж̇аананд̇и, д̇иражчаанаг̇ад̇ааби бадиж̇аананд̇и, маад̇угхаад̇агааби бадиж̇аананд̇и, бид̇угхаад̇агааби бадиж̇аананд̇и, араханд̇агхаад̇агааби бадиж̇аананд̇и, бхигкунид̣̇уусагааби бадиж̇аананд̇и, сан̇гхабхзд̣̇агааби бадиж̇аананд̇и, лохид̇уббаад̣̇агааби бадиж̇аананд̇и, убхад̇об̣яан̃ж̇анагааби бадиж̇аананд̇и. бхаг̇авад̇о зд̇амад̇т̇ам̣ аарожзсум̣.
373. Tena kho pana samayena vassaṃvuṭṭhā bhikkhū anuppanne cīvare pakkamantipi, vibbhamantipi, kālampi karonti, sāmaṇerāpi paṭijānanti, sikkhaṃ paccakkhātakāpi paṭijānanti, antimavatthuṃ ajjhāpannakāpi paṭijānanti, ummattakāpi paṭijānanti, khittacittāpi paṭijānanti, vedanāṭṭāpi paṭijānanti, āpattiyā adassane ukkhittakāpi paṭijānanti, āpattiyā appaṭikamme ukkhittakāpi paṭijānanti, pāpikāya diṭṭhiyā appaṭinissagge ukkhittakāpi paṭijānanti, paṇḍakāpi paṭijānanti, theyyasaṃvāsakāpi paṭijānanti, titthiyapakkantakāpi paṭijānanti, tiracchānagatāpi paṭijānanti, mātughātakāpi paṭijānanti, pitughātakāpi paṭijānanti, arahantaghātakāpi paṭijānanti, bhikkhunidūsakāpi paṭijānanti, saṅghabhedakāpi paṭijānanti, lohituppādakāpi paṭijānanti, ubhatobyañjanakāpi paṭijānanti. Bhagavato etamatthaṃ ārocesuṃ.
374. ид̇ха бана, бхигкавз, вассам̣вудто бхигку ануббаннз жийварз баггамад̇и, санд̇з бад̇ируубз г̇аахагз д̣̇аад̇аб̣б̣ам̣.
374. Idha pana, bhikkhave, vassaṃvuṭṭho bhikkhu anuppanne cīvare pakkamati, sante patirūpe gāhake dātabbaṃ.
ид̇ха бана, бхигкавз, вассам̣вудто бхигку ануббаннз жийварз виб̣бхамад̇и, гаалам̣ гарод̇и, сааман̣зро бадиж̇аанаад̇и, сигкам̣ бажжагкаад̇аго бадиж̇аанаад̇и , анд̇имавад̇т̇ум̣ аж̇жхаабаннаго бадиж̇аанаад̇и, сан̇гхо саамий.
Idha pana, bhikkhave, vassaṃvuṭṭho bhikkhu anuppanne cīvare vibbhamati, kālaṃ karoti, sāmaṇero paṭijānāti, sikkhaṃ paccakkhātako paṭijānāti , antimavatthuṃ ajjhāpannako paṭijānāti, saṅgho sāmī.
ид̇ха бана, бхигкавз, вассам̣вудто бхигку ануббаннз жийварз уммад̇д̇аго бадиж̇аанаад̇и, кид̇д̇ажид̇д̇о бадиж̇аанаад̇и, взд̣̇анааддо бадиж̇аанаад̇и, аабад̇д̇ияаа ад̣̇ассанз угкид̇д̇аго бадиж̇аанаад̇и, аабад̇д̇ияаа аббадигаммз угкид̇д̇аго бадиж̇аанаад̇и, баабигааяа д̣̇идтияаа аббадиниссаг̇г̇з угкид̇д̇аго бадиж̇аанаад̇и, санд̇з бад̇ируубз г̇аахагз д̣̇аад̇аб̣б̣ам̣.
Idha pana, bhikkhave, vassaṃvuṭṭho bhikkhu anuppanne cīvare ummattako paṭijānāti, khittacitto paṭijānāti, vedanāṭṭo paṭijānāti, āpattiyā adassane ukkhittako paṭijānāti, āpattiyā appaṭikamme ukkhittako paṭijānāti, pāpikāya diṭṭhiyā appaṭinissagge ukkhittako paṭijānāti, sante patirūpe gāhake dātabbaṃ.
ид̇ха бана, бхигкавз, вассам̣вудто бхигку ануббаннз жийварз бан̣д̣аго бадиж̇аанаад̇и, т̇зяяасам̣ваасаго бадиж̇аанаад̇и, д̇ид̇т̇ияабагганд̇аго бадиж̇аанаад̇и, д̇иражчаанаг̇ад̇о бадиж̇аанаад̇и, маад̇угхаад̇аго бадиж̇аанаад̇и, бид̇угхаад̇аго бадиж̇аанаад̇и, араханд̇агхаад̇аго бадиж̇аанаад̇и, бхигкунид̣̇уусаго бадиж̇аанаад̇и, сан̇гхабхзд̣̇аго бадиж̇аанаад̇и, лохид̇уббаад̣̇аго бадиж̇аанаад̇и, убхад̇об̣яан̃ж̇анаго бадиж̇аанаад̇и, сан̇гхо саамий.
Idha pana, bhikkhave, vassaṃvuṭṭho bhikkhu anuppanne cīvare paṇḍako paṭijānāti, theyyasaṃvāsako paṭijānāti, titthiyapakkantako paṭijānāti, tiracchānagato paṭijānāti, mātughātako paṭijānāti, pitughātako paṭijānāti, arahantaghātako paṭijānāti, bhikkhunidūsako paṭijānāti, saṅghabhedako paṭijānāti, lohituppādako paṭijānāti, ubhatobyañjanako paṭijānāti, saṅgho sāmī.
375. ид̇ха бана, бхигкавз, вассам̣вудто бхигку уббаннз жийварз абхааж̇ид̇з баггамад̇и, санд̇з бад̇ируубз г̇аахагз д̣̇аад̇аб̣б̣ам̣.
375. Idha pana, bhikkhave, vassaṃvuṭṭho bhikkhu uppanne cīvare abhājite pakkamati, sante patirūpe gāhake dātabbaṃ.
ид̇ха бана, бхигкавз, вассам̣вудто бхигку уббаннз жийварз абхааж̇ид̇з виб̣бхамад̇и, гаалам̣ гарод̇и, сааман̣зро бадиж̇аанаад̇и, сигкам̣ бажжагкаад̇аго бадиж̇аанаад̇и, анд̇имавад̇т̇ум̣ аж̇жхаабаннаго бадиж̇аанаад̇и, сан̇гхо саамий.
Idha pana, bhikkhave, vassaṃvuṭṭho bhikkhu uppanne cīvare abhājite vibbhamati, kālaṃ karoti, sāmaṇero paṭijānāti, sikkhaṃ paccakkhātako paṭijānāti, antimavatthuṃ ajjhāpannako paṭijānāti, saṅgho sāmī.
ид̇ха бана, бхигкавз, вассам̣вудто бхигку уббаннз жийварз абхааж̇ид̇з уммад̇д̇аго бадиж̇аанаад̇и. кид̇д̇ажид̇д̇о бадиж̇аанаад̇и, взд̣̇анааддо бадиж̇аанаад̇и, аабад̇д̇ияаа ад̣̇ассанз угкид̇д̇аго бадиж̇аанаад̇и, аабад̇д̇ияаа аббадигаммз угкид̇д̇аго бадиж̇аанаад̇и, баабигааяа д̣̇идтияаа аббадиниссаг̇г̇з угкид̇д̇аго бадиж̇аанаад̇и, санд̇з бад̇ируубз г̇аахагз д̣̇аад̇аб̣б̣ам̣.
Idha pana, bhikkhave, vassaṃvuṭṭho bhikkhu uppanne cīvare abhājite ummattako paṭijānāti. Khittacitto paṭijānāti, vedanāṭṭo paṭijānāti, āpattiyā adassane ukkhittako paṭijānāti, āpattiyā appaṭikamme ukkhittako paṭijānāti, pāpikāya diṭṭhiyā appaṭinissagge ukkhittako paṭijānāti, sante patirūpe gāhake dātabbaṃ.
ид̇ха бана, бхигкавз, вассам̣вудто бхигку уббаннз жийварз абхааж̇ид̇з бан̣д̣аго бадиж̇аанаад̇и, т̇зяяасам̣ваасаго бадиж̇аанаад̇и, д̇ид̇т̇ияабагганд̇аго бадиж̇аанаад̇и, д̇иражчаанаг̇ад̇о бадиж̇аанаад̇и, маад̇угхаад̇аго бадиж̇аанаад̇и, бид̇угхаад̇аго бадиж̇аанаад̇и, араханд̇агхаад̇аго бадиж̇аанаад̇и, бхигкунид̣̇уусаго бадиж̇аанаад̇и, сан̇гхабхзд̣̇аго бадиж̇аанаад̇и, лохид̇уббаад̣̇аго бадиж̇аанаад̇и, убхад̇об̣яан̃ж̇анаго бадиж̇аанаад̇и, сан̇гхо саамий.
Idha pana, bhikkhave, vassaṃvuṭṭho bhikkhu uppanne cīvare abhājite paṇḍako paṭijānāti, theyyasaṃvāsako paṭijānāti, titthiyapakkantako paṭijānāti, tiracchānagato paṭijānāti, mātughātako paṭijānāti, pitughātako paṭijānāti, arahantaghātako paṭijānāti, bhikkhunidūsako paṭijānāti, saṅghabhedako paṭijānāti, lohituppādako paṭijānāti, ubhatobyañjanako paṭijānāti, saṅgho sāmī.
вассам̣ вудтаанам̣ ануббаннажийварагат̇аа нидтид̇аа.
Vassaṃ vuṭṭhānaṃ anuppannacīvarakathā niṭṭhitā.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / гусажийраад̣̇ибадигкзбагат̇аа • Kusacīrādipaṭikkhepakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / вассам̣вуд̇т̇аанам̣ануббаннажийварагат̇ааван̣н̣анаа • Vassaṃvutthānaṃanuppannacīvarakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / мад̇асанд̇агагат̇аад̣̇иван̣н̣анаа • Matasantakakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 227. гусажийраад̣̇ибадигкзбагат̇аа • 227. Kusacīrādipaṭikkhepakathā
