| Library / Tipiṭaka / ติปิฎก • Tipiṭaka / มหาวคฺคปาฬิ • Mahāvaggapāḷi |
๒๒๙. วสฺสํวุฎฺฐานํ อนุปฺปนฺนจีวรกถา
229. Vassaṃvuṭṭhānaṃ anuppannacīvarakathā
๓๗๓. เตน โข ปน สมเยน วสฺสํวุฎฺฐา ภิกฺขู อนุปฺปเนฺน จีวเร ปกฺกมนฺติปิ, วิพฺภมนฺติปิ, กาลมฺปิ กโรนฺติ, สามเณราปิ ปฎิชานนฺติ, สิกฺขํ ปจฺจกฺขาตกาปิ ปฎิชานนฺติ, อนฺติมวตฺถุํ อชฺฌาปนฺนกาปิ ปฎิชานนฺติ, อุมฺมตฺตกาปิ ปฎิชานนฺติ, ขิตฺตจิตฺตาปิ ปฎิชานนฺติ, เวทนาฎฺฎาปิ ปฎิชานนฺติ, อาปตฺติยา อทสฺสเน อุกฺขิตฺตกาปิ ปฎิชานนฺติ, อาปตฺติยา อปฺปฎิกเมฺม อุกฺขิตฺตกาปิ ปฎิชานนฺติ, ปาปิกาย ทิฎฺฐิยา อปฺปฎินิสฺสเคฺค อุกฺขิตฺตกาปิ ปฎิชานนฺติ, ปณฺฑกาปิ ปฎิชานนฺติ, เถยฺยสํวาสกาปิ ปฎิชานนฺติ, ติตฺถิยปกฺกนฺตกาปิ ปฎิชานนฺติ, ติรจฺฉานคตาปิ ปฎิชานนฺติ, มาตุฆาตกาปิ ปฎิชานนฺติ, ปิตุฆาตกาปิ ปฎิชานนฺติ, อรหนฺตฆาตกาปิ ปฎิชานนฺติ, ภิกฺขุนิทูสกาปิ ปฎิชานนฺติ, สงฺฆเภทกาปิ ปฎิชานนฺติ, โลหิตุปฺปาทกาปิ ปฎิชานนฺติ, อุภโตพฺยญฺชนกาปิ ปฎิชานนฺติฯ ภควโต เอตมตฺถํ อาโรเจสุํฯ
373. Tena kho pana samayena vassaṃvuṭṭhā bhikkhū anuppanne cīvare pakkamantipi, vibbhamantipi, kālampi karonti, sāmaṇerāpi paṭijānanti, sikkhaṃ paccakkhātakāpi paṭijānanti, antimavatthuṃ ajjhāpannakāpi paṭijānanti, ummattakāpi paṭijānanti, khittacittāpi paṭijānanti, vedanāṭṭāpi paṭijānanti, āpattiyā adassane ukkhittakāpi paṭijānanti, āpattiyā appaṭikamme ukkhittakāpi paṭijānanti, pāpikāya diṭṭhiyā appaṭinissagge ukkhittakāpi paṭijānanti, paṇḍakāpi paṭijānanti, theyyasaṃvāsakāpi paṭijānanti, titthiyapakkantakāpi paṭijānanti, tiracchānagatāpi paṭijānanti, mātughātakāpi paṭijānanti, pitughātakāpi paṭijānanti, arahantaghātakāpi paṭijānanti, bhikkhunidūsakāpi paṭijānanti, saṅghabhedakāpi paṭijānanti, lohituppādakāpi paṭijānanti, ubhatobyañjanakāpi paṭijānanti. Bhagavato etamatthaṃ ārocesuṃ.
๓๗๔. อิธ ปน, ภิกฺขเว, วสฺสํวุโฎฺฐ ภิกฺขุ อนุปฺปเนฺน จีวเร ปกฺกมติ, สเนฺต ปติรูเป คาหเก ทาตพฺพํฯ
374. Idha pana, bhikkhave, vassaṃvuṭṭho bhikkhu anuppanne cīvare pakkamati, sante patirūpe gāhake dātabbaṃ.
อิธ ปน, ภิกฺขเว, วสฺสํวุโฎฺฐ ภิกฺขุ อนุปฺปเนฺน จีวเร วิพฺภมติ, กาลํ กโรติ, สามเณโร ปฎิชานาติ, สิกฺขํ ปจฺจกฺขาตโก ปฎิชานาติ , อนฺติมวตฺถุํ อชฺฌาปนฺนโก ปฎิชานาติ, สโงฺฆ สามีฯ
Idha pana, bhikkhave, vassaṃvuṭṭho bhikkhu anuppanne cīvare vibbhamati, kālaṃ karoti, sāmaṇero paṭijānāti, sikkhaṃ paccakkhātako paṭijānāti , antimavatthuṃ ajjhāpannako paṭijānāti, saṅgho sāmī.
อิธ ปน, ภิกฺขเว, วสฺสํวุโฎฺฐ ภิกฺขุ อนุปฺปเนฺน จีวเร อุมฺมตฺตโก ปฎิชานาติ, ขิตฺตจิโตฺต ปฎิชานาติ, เวทนาโฎฺฎ ปฎิชานาติ, อาปตฺติยา อทสฺสเน อุกฺขิตฺตโก ปฎิชานาติ, อาปตฺติยา อปฺปฎิกเมฺม อุกฺขิตฺตโก ปฎิชานาติ, ปาปิกาย ทิฎฺฐิยา อปฺปฎินิสฺสเคฺค อุกฺขิตฺตโก ปฎิชานาติ, สเนฺต ปติรูเป คาหเก ทาตพฺพํฯ
Idha pana, bhikkhave, vassaṃvuṭṭho bhikkhu anuppanne cīvare ummattako paṭijānāti, khittacitto paṭijānāti, vedanāṭṭo paṭijānāti, āpattiyā adassane ukkhittako paṭijānāti, āpattiyā appaṭikamme ukkhittako paṭijānāti, pāpikāya diṭṭhiyā appaṭinissagge ukkhittako paṭijānāti, sante patirūpe gāhake dātabbaṃ.
อิธ ปน, ภิกฺขเว, วสฺสํวุโฎฺฐ ภิกฺขุ อนุปฺปเนฺน จีวเร ปณฺฑโก ปฎิชานาติ, เถยฺยสํวาสโก ปฎิชานาติ, ติตฺถิยปกฺกนฺตโก ปฎิชานาติ, ติรจฺฉานคโต ปฎิชานาติ, มาตุฆาตโก ปฎิชานาติ, ปิตุฆาตโก ปฎิชานาติ, อรหนฺตฆาตโก ปฎิชานาติ, ภิกฺขุนิทูสโก ปฎิชานาติ, สงฺฆเภทโก ปฎิชานาติ, โลหิตุปฺปาทโก ปฎิชานาติ, อุภโตพฺยญฺชนโก ปฎิชานาติ, สโงฺฆ สามีฯ
Idha pana, bhikkhave, vassaṃvuṭṭho bhikkhu anuppanne cīvare paṇḍako paṭijānāti, theyyasaṃvāsako paṭijānāti, titthiyapakkantako paṭijānāti, tiracchānagato paṭijānāti, mātughātako paṭijānāti, pitughātako paṭijānāti, arahantaghātako paṭijānāti, bhikkhunidūsako paṭijānāti, saṅghabhedako paṭijānāti, lohituppādako paṭijānāti, ubhatobyañjanako paṭijānāti, saṅgho sāmī.
๓๗๕. อิธ ปน, ภิกฺขเว, วสฺสํวุโฎฺฐ ภิกฺขุ อุปฺปเนฺน จีวเร อภาชิเต ปกฺกมติ, สเนฺต ปติรูเป คาหเก ทาตพฺพํฯ
375. Idha pana, bhikkhave, vassaṃvuṭṭho bhikkhu uppanne cīvare abhājite pakkamati, sante patirūpe gāhake dātabbaṃ.
อิธ ปน, ภิกฺขเว, วสฺสํวุโฎฺฐ ภิกฺขุ อุปฺปเนฺน จีวเร อภาชิเต วิพฺภมติ, กาลํ กโรติ, สามเณโร ปฎิชานาติ, สิกฺขํ ปจฺจกฺขาตโก ปฎิชานาติ, อนฺติมวตฺถุํ อชฺฌาปนฺนโก ปฎิชานาติ, สโงฺฆ สามีฯ
Idha pana, bhikkhave, vassaṃvuṭṭho bhikkhu uppanne cīvare abhājite vibbhamati, kālaṃ karoti, sāmaṇero paṭijānāti, sikkhaṃ paccakkhātako paṭijānāti, antimavatthuṃ ajjhāpannako paṭijānāti, saṅgho sāmī.
อิธ ปน, ภิกฺขเว, วสฺสํวุโฎฺฐ ภิกฺขุ อุปฺปเนฺน จีวเร อภาชิเต อุมฺมตฺตโก ปฎิชานาติฯ ขิตฺตจิโตฺต ปฎิชานาติ, เวทนาโฎฺฎ ปฎิชานาติ, อาปตฺติยา อทสฺสเน อุกฺขิตฺตโก ปฎิชานาติ, อาปตฺติยา อปฺปฎิกเมฺม อุกฺขิตฺตโก ปฎิชานาติ, ปาปิกาย ทิฎฺฐิยา อปฺปฎินิสฺสเคฺค อุกฺขิตฺตโก ปฎิชานาติ, สเนฺต ปติรูเป คาหเก ทาตพฺพํฯ
Idha pana, bhikkhave, vassaṃvuṭṭho bhikkhu uppanne cīvare abhājite ummattako paṭijānāti. Khittacitto paṭijānāti, vedanāṭṭo paṭijānāti, āpattiyā adassane ukkhittako paṭijānāti, āpattiyā appaṭikamme ukkhittako paṭijānāti, pāpikāya diṭṭhiyā appaṭinissagge ukkhittako paṭijānāti, sante patirūpe gāhake dātabbaṃ.
อิธ ปน, ภิกฺขเว, วสฺสํวุโฎฺฐ ภิกฺขุ อุปฺปเนฺน จีวเร อภาชิเต ปณฺฑโก ปฎิชานาติ, เถยฺยสํวาสโก ปฎิชานาติ, ติตฺถิยปกฺกนฺตโก ปฎิชานาติ, ติรจฺฉานคโต ปฎิชานาติ, มาตุฆาตโก ปฎิชานาติ, ปิตุฆาตโก ปฎิชานาติ, อรหนฺตฆาตโก ปฎิชานาติ, ภิกฺขุนิทูสโก ปฎิชานาติ, สงฺฆเภทโก ปฎิชานาติ, โลหิตุปฺปาทโก ปฎิชานาติ, อุภโตพฺยญฺชนโก ปฎิชานาติ, สโงฺฆ สามีฯ
Idha pana, bhikkhave, vassaṃvuṭṭho bhikkhu uppanne cīvare abhājite paṇḍako paṭijānāti, theyyasaṃvāsako paṭijānāti, titthiyapakkantako paṭijānāti, tiracchānagato paṭijānāti, mātughātako paṭijānāti, pitughātako paṭijānāti, arahantaghātako paṭijānāti, bhikkhunidūsako paṭijānāti, saṅghabhedako paṭijānāti, lohituppādako paṭijānāti, ubhatobyañjanako paṭijānāti, saṅgho sāmī.
วสฺสํ วุฎฺฐานํ อนุปฺปนฺนจีวรกถา นิฎฺฐิตาฯ
Vassaṃ vuṭṭhānaṃ anuppannacīvarakathā niṭṭhitā.
Related texts:
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / กุสจีราทิปฎิเกฺขปกถา • Kusacīrādipaṭikkhepakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / วสฺสํวุตฺถานํอนุปฺปนฺนจีวรกถาวณฺณนา • Vassaṃvutthānaṃanuppannacīvarakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / มตสนฺตกกถาทิวณฺณนา • Matasantakakathādivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๒๒๗. กุสจีราทิปฎิเกฺขปกถา • 227. Kusacīrādipaṭikkhepakathā
